فسياره ميثه بعد الامتحان
مثايل : الحمدالله كان وايدد سهل وماحسيت بصعوبته اول مامسكت القلم
بدييت اكتب صدق صدق وايد مستانسه
ميثه : الحمدالله ، شو تبين تسمعين ؟!
مثايل : ياما حاولت
ميثه : جوي ، خبريني عن اهل امج اكثر ..
مثايل : وايد طيبين ووايد استانست معاهم صدق .. الحمدالله مابقى شي و ارد عندهم
ميثه : ومرت ابوج
مثايل : ماحسها مرت ابو .. وايد وايد طيبه وزينه معاي ..
ميثه : الحمدالله ، مثايل تبين تحسين عمرج وايد مستانسه
مثايل : مشتاقه حق هالشعور
ميثه : افا عليج وانا بنت عمجج
ميثه فرت عليها شنطه الميكب
مثايل : شو اسوي فيها ..
ميثه : صوري وياه ، يعني مثايل شنطه فيها ميكب شو بتسوييين و بطلي الدرج الي جدامج وطلعي نظارتين
مثايل : طلعت
ميثه : شلي وحده و لبسيني الثانيه ( سحبت شيله مثايل ) وها الشيله علقيها ع الكرسي
مثايل : ميثه!!
ميثه : سمعيني انتي !! بطلي الستاير ( طولت ع الصوت ) عراقي ولا اجنبي ؟!
مثايل : شو جوج انتي !!
ميثه : عراقي ولا اجنبي اقوولج !!
مثايل : عراقي
ميثه : بلى بلى ؟!
مثايل : اوووف هييه
شغلتها وطولت ع الصوت اخررر شي
نوره : عبوود ادخل ؟!
عبدالله : لا ..
نوره : بدخل ..
تقدمت عنده و حضنته وشدت عليه الحضن ..
نوره : أنا اعرف انك الريال المناسب حق بنتي ( خازت عنه ومطت خدوده ) وين بتحصل احسن عنك خبرني ؟!
عبدالله : ..
نوره : هو صح مثايل تشوفك اخوها بس يمكن مع الوقت يتغير ها الشي .. وانا ماكنت اتمنى انها تاخذ من الاهل بس عقب ماعرفت ها الشي تغير رايي
عبدالله : صدق ؟ ماعصبتي
نوره : ليش بعصب أنا ماقدر أتحكم بمشاعرك
عبدالله ابتسم : الحمدالله
نوره : بس تبا الصدق لو اقدر اغير ها الشي بغيره ومابخليك تحبها
عبدالله : فات الاوان ..
نوره : للحين احس انها مجرد افكار لانك حنيت حق ايام قبل .. بس الله كريم
عبدالله : نطلع ؟!
نوره : تعبانه اطلع ويا امون
عبدالله : اعرفها مابتيي
نوره : جب ولا كلمه ازقرها
عبدالله : انتي ازقريها
نوره : تتحراني مانتبهت حق معاملتك حقها ها اليومين ؟! بسرعه ازقرها
عبدالله : اووكييه
عبدالله : امون .. بطلع بتيين
امنه : لا ..
عبدالله : يلا عاد تعالي غيري جو
امنه : عبود مابا
عبدالله : يلا زين أنا اباج تين والله بنستانس خلي عنج ها كله !!
امنه : منو غاصبنك تزقرني .. الكل يعرف ان نحن مانداني بعض
عبدالله : منو الكل ؟! والله عيل اني احبج و اشوفج اختي و لو مب معزتج عندي ماغصصت عليج ها الكثر بس إذا انتي ماتدانيني ها شي ثاني
أمنه ابتسمت : صدق
عبدالله : هيه ويلا نشي لبسي عباتج
امنه : اصبر بتمكيج
عبدالله : عاد إلا المكياج لا تحطينه ويهج جي زين
امنه : شو لازم احط
عبدالله : مب متفيج اتضارب ويا حد
امنه : وليش تتضارب
عبدالله : اتضارب ويا الي يطالعونج
امنه : يلااا زين بتجهز اطلع
عبدالله : لا تطولين بتخلصين دقيلي
امنه : تمام
YOU ARE READING
مثايل العرب
Randomروايه اماراتيه تتكلم عن مثايل وحيده امها وابوها الي عانت من الم الانفصال الام : نوره الاب : محمد تاريخ الكتابه : 19/3/2023 تاريخ التنزيل : ..
