مثايل العرب

18

كان عبدالله موقف سيارته ع البحر و كان فيها هو و امون ووياهم دله كرك خذوها من الكفتيريا و كيس متروس براتا و جبن قلاص و خاشوقه للجبن ( ملعقه ) دليل على انهم يبون يطولون بالمكان ها
قال عبدالله بصوت كله حزن و قهر و غصه : قلبي تعبان اموون قلبي تعبان
امنه: ليش تعبان عبود ليش
نطق بصوت فيه بحه دليل على انه حابس دموعه و كاتم كلامه : شعور صعب اني لازم ابين اني فرحان عشان اهلي فرحانين وماقدر ابين لهم شي يخرب فرحتهم وانا فداخلي مشاعر حزن مب عارف كيف اخليها تروح احس بس اني ابا اتحلطم لييين يفضى كل الي فقلبي ( سكتت شوي ورد راسه ع الكرسي وخذ نفس طويل و قال ) ولو تدري مثايل عن الي فيني ماكانت بتسوي الي تسويه كانت بتترياني مثل ماترييتها كل السنين .. تدرين امون
امنه : ها عبود كمل
عبدالله : أنا عمري مافضلت حد عليها حتى وانا بعيد عنها ..
امنه : بيي يوم ودها فيك
قاطعها عبدالله و قال بأبتسامه تعبر عن مشاعره الحزينه : بتتزوج
امنه : ..
عبدالله : امون أنا خاااطري زعلااان أنا شوفتها بس تعور قلبي
كان عبدالله بيكمل بس قاطعه صوت امنه الي انصب على ايدها الكرك الي كانت تشربه وهي تسمع له : اححح اح حاارر عبوووود
عبدالله : بسم الله عل...
سرعان مايغير كلامه ومد أنا الكلينكس وقال : امسحي بها
امنه : واايد حار
عبدالله : تبين تردين البيت
امنه وهي ضاغطه على ايدها بأيدها : لا لا عادي كمل
ضحك عبدالله و قال : اعتقد عندي كريم او شي فالدرج صبري بدور ، هيه هاذوه حصلته
مسك كلينكس و حط الكريم فوقه وعن طريق الكلينكس حط الكريم على ايد امنه عشان مايمسكها وقعد يفرك فيه
ابتسمت آمنه و نطقت : ليش مصعب الموضوع حطه ع ايدي و أنا بفركه
سكتها عبدالله وكمل يدهن الكريم بالكلينكس
امنه : ترا جي مايتوزع عدل
عبدالله : سكتي ياخي لا تحركين ايدج
امنه : لاننن حار مب مني
عبدالله : يلا زين فركي بروحج بسوق
امنه : بنرد ؟
عبدالله هز راسه بمعنى هيه

مثايل : اليوم القبول بيطلع
عيسى : حلففي !
مثايل : ولله
سلامه ابتسمت : اووه ها السنه كم حفله عندنا ؟ أنا مثايل امون عيسى
خلفان : حفله وحده حقكم كلكم ليش الخساير
غايه : بعد صح حفله وحده حقكم كلكم ( ابتسمت وقالت ) عقبال يمعه بأعلى نسبه
يمعه : اميييننن وانا بكون حفله بروووحي
عيسى : لا لا لا شو حفله وحده ابا احس عمري مميز أنا عيسى حبايبي
مثايل بضحك : ومنوووو عيسى
عيسى : اوكيه اوكيه ماعليه ممثايل بي اليوم الي بتيني فيه مستر عيسى مستر عيسى ممك...
قاطع كلامه دخول منيره ام سلامه و غايه و يمعه ووراها بنت غريبه
سلامه : اامي ؟!
منيره : السلام عليكم
من صدمتهم محد رد ولاحد تقدم يحضنها او يستقبلها كان ويها متروس جروح وضعفانه وايد عن آخر مره شافوها فيها
لفت منيره ع البنت الي وراها و قالت : sit ، يمعه سلامه غايه
تقدمت سلامه بهدوء وحضنت امها وبادلتها امها الحضن علطول ونطقت سلامه : شو صار
خازت امها عنها و قالت : بخبركم عقب ووجهت انظارها ليمعه وغايه الي يطالعونها بصدمه وبعدين باقي الموجودين فالصاله
غايه : ليش ييتي ..
منيره : وليش مايي
غايه : ابوي وين ؟
منيره : ..
غايه : شو صار ؟! شو فيه ابوي تكلمي !!
منيره : مافيه إلا العافيه .. تطلقت .. ( طالعت البنت الي وياها ) وهاي بنته
يمعه : دقيقه دقيقه شو ؟! بنته
منيره هزت راسها : اختكم و مابحرمكم منها
غايه : ومنو قاالج نحن نبا اختنا !!
منيره : منو يباها عيل ! ابوها فارنها ع امها و امها فارتنها فالشارع !!
غايه ابتسمت : اها يعني تحسين
سلامه : غايوه خلاص ..
علي دش : عمو منوور !! هلا هلا علووومج
منيره ابتسمت : انت الوحيد الي استقبلتني نفس الناس
علي حبها على راسها : وليش ما استقبلج
منيره : انتي مثايل ؟
مثايل هزت راسها بمعنى هيه ووقفت : شحالج خالو
منيره : الحمدالله .. وديني عند امي و خواتي
مثايل : حياج
طلعو مثايل و منيره
عيسى : احين هاي اي لغه ترطن
خلفان : شكله انقليزي
عيسى : هوريو وتز يور نيم
آيلا : آيلا
عيسى يضحك : اقوولكم والله فهمت علي
علي : البووووس عيسى كفك عملني انجليزيي
عيسى : اصبر اصبر اسمع هاي وتز يور اولد
أيلا : 20
علي : عيسى كم قالت
عيسى : عشرين
علي : قولها سيم سيم علي
عيسى : انتي سيم سيم هذا نفرات
علي : خربتها ياخي كنت ماشي صح
عيسى : وانت ايه اونك تقص علي ادريبك بلبل انقليزي
علي وهو يضحك : انت بعد بلبل عن المصخره و ارمس عدل
عيسى : خلني اسوي جو هني كئيبين
غايه : صبروووا أنا ليشش ما استانست ان امي يت !!
يمعه : جفتي كيف مستويه ؟
غايه : يارببيي بصيح شو هالحاله الي أنا فيها
علي : وليش ماتستانسين تراها امج انتي ماتعرفين هي فشو مرت هناك عشان تستوي جي و غيرج يتمنى يشوف امه وانتي جي
غايه : ..
علي : أنا الحين بطلب منكم طلب و الباقي عليكم
الكل : شو ؟
علي : عيسى انت مايخصك كمل سوالف ويا اليديده .. سيرو حضنو امكم حبو راسها حسسوها انها امكم شوي
عيسى : ماعلينا منهم بيا شو سالفه ابوج
آيلا : ..
غايه تضحك : ابا اصيح بس عيسو يضحكني
سلامه : انااا بعد
عيسى : لا تسولفون لا تسولفون
أيلا : what are you talking about guys
( عن شو يالسين ترمسون )
عيسى : اباوت امون دو يو نو امون ؟
آيلا : no ، so you are my sister
( لا ، عيل انتي اختي )
غايه : In your dreams
( فأحلامج )
سلامه ابتسمت : I am
( أنا أختج )
آيلا: May I have a hug
( ممكن احضنج )
سلامه : ofc
( اكيد )
غايه : يع سلامه يع ( طلعت )
عيسى : بلاها هاي
سلامه : مادري
خلفان : اصبرو عليها توها
يمعه : اقولك عيسى قولها أنا اخوها بعد
عيسى : ذس يور برذر فرند
آيلا مدت ايدها حق يمعه : Nice to meet you bro
( تشرفت فيك اخوي )
يمعه : عيسى قولها دخيلك مابا امسك ايدها
عيسى : صديق هرام يمسك ايد هوا
علي وهو يضحك : ياخي عيسى كم نسبتك ذكرني
عيسى : 91
يمعه : بالغش
عيسى : استر علينا ياريال

عوشه : يالله
منيره منهاره صياح : تععبت امايه تعبت هالريال ذبحني اقوم و ارقد ع طراق أنا جسمي ماقمت احس فيه من كثر مايمد ايده وهو ىىىكران ولااا بعد يدخل ربعه و حبيباته علي ماقدرت اتحمل
نوره وهي تربت على جتفها : حبيبتي منور ...
منيره : الحين بنتي مب متقبلتني تتحراني فارتنها وانااا والله مب بأييدي
عوشه : أنا برمسها
منيره : أنا توقعت استقبال ثاني من عياالي والله انهم كسروني فوق مااني مكسوره
نوره بطلت لها غرشه الماي و عطتها شربت منيره وقالت : كنت اشتغل ليل و نهار اتحمل اهانات عشان عيالي ماياكلون من بيزات الحرام
عوشه : ولا بياكلون عيالج عندي ودوم اطرشلهم الاكل
منيره تنهدت : يزاكم الله خير ، أنا برتاح شوي ..
عوشه طلعت مفتاح غرفتها من جيبها : دشي حجرتي أمايه تسبحي ارتاحي سوي الي تبين
منيره : مشكوره .. دخيلكم لا تحسسون آيلا بالغرب حرام هاي اخت العيال
نوره : ان شاء الله
منيره : اسمحولي ماخذت شوركم بس والله ماهانت علي تكون فالشارع
عوشه : بالعكس سويتي الصح امايه روحي ارتاحي
قالت ان شاء الله منيره وسارت تريح شوي نوره : يالله كيف ماكنا نعرف ها كله
عوشه تمسح دموعها : قلبي تقطع عليها
نوره : أنا بسير بعطي البنيه آيلا شي تاكله
عوشه : زين تسوين

عبدالله : منو هاي ؟
سلامه : اختي
امنه : ها ؟ اخت منو مافهمت
عيسى : سكتو أنا بفهمها عموه منيره يت و هاي بنت سهيل اخت سلامه و غايه و يموع وعمرها 20 سنه و على حسب الي فهمته منها امها
حلوه
عبدالله : امها شو ؟
عيسى : حلوه
امنه : كيف يعني
عيسى : والله ماعرف سألتها مذر بيوتفل قالت لي يس لان اعرف هالجمال كله مايطلع من سهيل
سلامه : استح ع ويهك شوي عياله عدالك
عيسى : يالله عياله اسمحولي
خلفان : خليت فيها إسمحولي الله يهداك
عيسى : اقولج آيلا ذس امون ( اشر على امنه )
آيلا : welcome Amna so you are my cosine
( ولكم آمنه عيل انتي كزنتي )
امنه : no no خسي
( لا لا خسي )
آيلا : oh ok
( اوه اوكي )
مثايل درعمت عليهم : اقوولكم هاي وين بترقد
علي : ردي عند ابوج خ تاخذ حجرتج
مثايل : جب جب أنا هالبيت مابطلع منه
عبدالله : بتطلعين
مثايل : متى بطلع
عبدالله رفع جتفه بمعنى ماعرف : يوم بي عرسج
مثايل : ترا باقي وايد مستعيلين انتو
عبدالله : محد مستعيل غيرج انتي وهو
مثايل : دقيقه شو تألف أنت
عبدالله : يلا شباب برقد ( طلع )
علي : أنا كنت استهبل ها شوفيه
امنه : شو تبون به خلاص مايخصكم
مثايل : مافهمت يعني ليش يرمسني جي
سلامه : ماعليج منه
علي : مثايل البيت بيتج وحتى لو عرستي مكانج محفووظ لا تحاتين
ابتسمت مثايل : ريحتني الله يريحك
علي : لعبتي
مثايل : بس صدق وين بترقد
يمعه : غرفه خواتها
سلامه : عادي عندي بس غايه مابترضى
امنه : شو فيها غايه بعد
سلامه : مب متقبلتنها لاهي ولا امي
امنه : الله يعين
آيلا : timme to partyyyyyyyyyyy
( وقت الاحتفال )
عيسى : هييييه والله كفج
مثايل : بأدب عيسوه كيف يعني كفج
عيسى : نسيت بنت محمدوه المطوع هني
مثايل بضحك : تراني فلاويه ها لايغرك التزامي شوي
عيسى : أنا شفت كل شي فيج إلا صفه الفله
سلامه : لا لا صدقني وايد فلاويه
مثايل : شفت شفت سلامه شاهده
عيسى : ما اصدق غير امون مثايل فلاويه
امنه : خوز عني ( طلعت )
عيسى : هه ماعليكم منها شي كهربا فالبيت