مثايل العرب

6

مجرد ماركبت مثايل السياره بدت تصييح .... صيااح مب طبييعي .. نقدر نقول انهارت .. وراشد الصغير مسكين يطالعها وهو مصدووم منو هاي وليش تصييح وليش شلووني من اهلي

محد تكلم .. كانت مثايل تصيح وهم هاديين وساكتين .. كأنهم كانو متوقعين ها الشي ..

مثايل : قلبي يعورني امايه .. كنت اتمنى ها الشي من زمان بس ماقدر .. ماقدر اطلع من بيتنا و اهد ابوي .. حتى عقب الي سواه .. قلبي يعوورننييي ..
وتشهق
10m
نوره : شو كان وضعج مع ابوج ..
مثايل : تعرفين كل شي امايه
نوره : هيه صح .. مثايل بطلب منج شي
مثايل : شو هو ؟
نوره : لا تهتمين حق الي فالبيت .. لو شو ما قالولج تمي ساكته
مثايل : ليش ؟!
نوره : موضوع جديم ، بس تحملي
عبدالله : تبون اوقف مكان تاكلون شي ؟ اكيد يواعه
مثايل : راشد يوعان ؟
راشد : هيه .. ابا ماما
مثايل : شو رايك ماك ولا كنتاكي ؟
راشد : ماما
مثايل : عيل اكيد تبا تسير الدكان !!
راشد : لا ماما
مثايل : امم راشد علي؟! على اسسمك وحلوو نفسك
نوره : خلاص مثايل خليه ..
مثايل بدموع : راشد حبيبي انا اختك لاتخاف ..
راشد : بس ماما وين
مثايل : ردووه عند امه تعبت
نوره ضحكت : مثايل شوي شوي ع الولد
مثايل : راشد حبيبي شو تبا تاكل ؟ اليوم بترقد عن اختك و باجر رد عند امك
راشد : ليش شليتوني من ماما و بابا أنا احبهم
مثايل : رشود حبيبي وماتحب اختك ؟
راشد : بس انا ماعندي اخت
مثايل سكتت ولا قدرت ترد ، وشوي شوي قدرت دموعها تغلبها
راشد : زعلانه
مثايل غطت ويها وهي تصيح: مااقدر اماه حرموني منج و من اخوي
نوره : حبيبتي الحين نحن وياج صدقيني محد بيقدر يحرمج منا
مثايل : و اخوي ؟ الي مايعرفني ولا اعرفه
عبدالله وهو يطالع المرايه : راشد
راشد : هلا
عبدالله : منو اختك
وكان عبدالله من المرايه يغششه بدون صوت  ، بس عشان تسكت وترتاح
راشد : مثايل
عبدالله ابتسم : تحبها ؟
راشد : هي
مثايل شلت ايدها من ويها وابتسمت وقام راشد مسك خدها و مسح دموعها بأصابعه الصغييره

‏Safiya , Mohamed
محمد بصراخ : زين جي يا صفيه زيين جي سارت البنت عني !!
صفيه : لا تصاارخ ترا ولدي بعد سار عني !!
محمد : ومنووو ولدج !! مثايل أنا الي ربيتها
صفيه : منو ولدي .. تستهبل محمد .. الحين منو ولدي أنا .. أنا ولدي راشد .. راشد محمد
محمد : صفيه سامحيني
صفيه : ترا حتى محمد ولدك ( دموعها تنزل ) أنا ماخترت ها الشيي!!وانا ماكنت راضيه علييك!! استوووعب محمد استوعب
محمد : صفيه خلاص ..
صفيه : أنا ابووي جبرني و جبرك .. أنا ماخترت ها الشي .. راشد ولدي وولدك .. مب على اساس تقبلتني وتقبلتك ؟!
محمد : صفيه صدقيني أنا متقبلنج وانتي حرمتي و احبج و نحن قلنا مابنفج موضوع ابوج مره ثانيه
صفيه : أنت قاعد تحسسني انك مب متقبلني لا أنا ولا ولدي ..
محمد : أنا احبج انتي وولدج
صفيه : ولدج ؟
محمد : ولدي وولدج ، أنا متضايق لان مثايل سارت ..
صفيه : أنا بعد متضايقه .. كنت ابا نكون مثل الخوات .. ماعرف كيف فكرت فشي مثل جي
محمد : تبين جوله فالبيت ؟
صفيه ابتسمت وهزت راسها بمعنى هيه