مثايل العرب

7

In Abu Dhabi, specifically noura house
نوره : اتريووني هني ، بدش و بتصل عشان تدشون ..
مثايل : لييششش بنسوييلهم سبرايز
نوره : مثايل صبري ..

نوره : السلام عليكم
أمنه يتها ترككض وحضنتها وهي ميته صيااح
نوره : شوووفيج امون حبيبتي ( زخت ويها بيدها ) ليشش خشمج ينزف !! اموون
امنه : ااممي
نوره : فيها شيي ؟! ياها شيي ؟!
امنه : صفعتتنيي ، امي صفعتني
نوره شهقت : ليشش شو صار
امنه : تععببتتت خاللووو تعبت ابا اطلع من ها البيت مااقدر اتحمل خالوو
نوره : قلبي شوفيج كلميني ردي علي قوليلي
امنه وهي تصييح بكل قوه ومغطيه على ويها : الريال شرد و اللوم كله علي .. أنا ماعرف اللبس أنا شكلي يخوف أنا ماعندي أسلوب أنا ماعرف اسولف خشمي عود شفايفي صغغيره ودبه وفوق ها ماعندي شخصيه و مبهدله و رخ*صه ابوي مىّحرش فييني وامي تكرهنييي عمري 19 و فوني ينسحب كل اسبوع ويتفتش
نوره حضنت امنه بققوووه وقالت : ياأمييييي ياحبييبتيييي انتو يالسه تقوولين
امنه بطلت عينها وشهقت
نوره : شو ؟!
امنه : ممثايل
نوره : لفت ، ليش تدشيين!!!مب وقتججج
مثايل : صدق ها الكلام امنه ؟! ابوج مىّحرش فيج وامج تكرهج وعن اي ريال تتكلمين وليش تقولين ها الكلام عن عمرج
حضنتها مثايل ..
انا موجوده .. تقدرين ترمسيني اي وقت .. اقدر اساعدج اقدر ادافع عنج اقدر اوقف فويه امج مثل ماوقفت فويه ابووي وييت عندكم .. ماتوقعت بدش على ها الشي بس أنا وياج صدقيني ..
دزتها امنه : شوتسوين انتي ! ليش ييتي
مثايل : امنه شوفيج !!
امنه بصراخ : قوولييي ماسمعتتتيييي شي الله يخليج قووليييي
مثايل : سمعت ..
امنه : لا لا لا لا ماسمعتي ماسمعتيييي دخيلج قولي انج ماسمعتيي
عوشه : شوو ها الصراخ انتي ( شهقت ) مثاايل !! شوتسوين هني وليش ييتي !!
مثايل طالعت امها وهي مستغربه وتقول فخاطرها .. ليش ما استانسو علي .. آخر مره شفتهم قبل تسع سنين ..
عوشه : اطلعووو كلكمم
امنه : منو كلكم يدووه !!
عوشه وهي تأشر عليهم هم الثلاث : انتي و انتي و انتي .. ماعندي مكان حقكم اطلعو بسرعه

🫧

نوره : مثايل .. مثايل .. يالله قومي وصلنا
مثايل بصووت خفييف بحكم انها كانت راقده
: نعم .. ها امايه
نوره ابتسمت : مثايل وصلنا .. راشد و عبدالله دشو يلا تعالي
مثايل وهي تتذكر الحلم : لا لا .. مابا ادش ..
نوره : ليش متوتره مثايل تعالي يلا
مثايل : امايه .. يمكن مايبوني ..
نوره : عن الاستهبال هم استقبلو اخوج بحب كيف مايبونج انتي
مثايل : متاكده ؟؟

الصوب الثاني
امنه : حبيبييي يشبه مثايل وهي صغيره
فاطمه : هييه والله وايد
خلفان : أنا اقوول هاييل ويين .. طلعتو سايرين لمثايل
عبدالله : هيه والله تخيل انت بس
امنه : إلا وينها مثايل ؟
نوره : يت يت
عبدالله : يلا زين استقبلو مثايل راشد بيرتاح صح راشد ؟
راشد : هي بنام
مثايل بصووت خاافت : السلام عليكم
عوشه : وعليييككممم السلااااممممم توا مانور البييت
قاامت تركض العيوز تحضن مثايل
عيسى همس حق امنه : تخيلي هاي تصلي ع كرسي
امنه ضحكت بصوت واطي : اويه عيسى جب
عيسى : ماقلت شي هههههه
عوشه : توا مانور البيت
مثايل : منور بأهله ..
عوشه : جوفي حبيبتي امي ، ها عبدالله ولد خالتج مريم الله يرحمها عرفيته اكيد وها عيسى وها علي عيال خالج سالم وهاي غايه وهاي سلامه وها يمعه عيال خالتج منيره وهاييل امنه وخلفان عيال خالتج فطوم
مثايل ابتسمت : أتذكرهم .. بس ماشاءالله اشكالهم تغيرت
باست راس يدتها وكملت .. علومج يدوه ان شاء الله بخير
عوشه وهي كلها دموع : حبيتي الكعبه ، بخير حبيبتي
مثايل تقدمت شوي : انتي خالو فاطمه صح ..
فاطمه وهي باين عليها انه مب عايبنها وجود مثايل : هيه
مثايل يت بتبوس راسها بس بعدت فاطمه :
لا لا لا لا تبوسين راسي ماحب
مثايل : الي يريحج
وكملت تسلم ع الباقين
عيسى : ماشاءالله عليج متغيره ..
مثايل : حتى انتو تغيرتوا .. ماشاءالله يوم كبرت استويت تشبه خالي
بوعيسى : هيه ماشاءالله عليهم كلهم طلعو يشبهوني
ام عيسى : عاد علي يشبهني
مثايل ابتسمت
غايه : محد توقع انج بتردين عندنا ، صدقيني وايد مشتاقيلج
مثايل : وألله أنا بعد وايد مشتاقه لكم ، بس عادي تذكريني اي وحده سلامه واي وحده غايه ؟
غايه : ههههه أنا غايه
سلامه : وانا سلامه
فاطمه : مب توم عاد عشان تخربطين
مثايل : والله يتشابهون ومن زمان ماشفتهم عشان جي خربطت بينهم
خلفان : علومج مثايل ..
مثايل : والله بخير ، انت خلفان ؟
خلفان : عليج نور
مثايل : ماتغيرت
خلفان : من يومي جميل
مثايل : ههههه ..
يمعه : كلنا هني متيمعين عشانج مثايل ... إلا أمي طبعا
فاطمه : لانها ماتباج
سلامه : الله يهداج خالو منو قال ماتباها
مثايل بأبتسامه مزيفه : عاد اشتقت لها ..
امنه وهي حست الوضع متكهرب : مثايل حبي تعالي جهزي اغراضج و اغراض اخوج حطيهم فغرفتي بترقدون عندي لين يجهزون غرفكم ..
فاطمه : وليش ماترقد عند امها ؟!
بوعيسى : فاطمه .. البنات التقو عقب مده طويله ..
امنه : يلا تعالي ..

Safiya , Mohamed
صفيه : البييت هدوووء .. وماشاءالله الترتيبات فيه وايد حلوه و متناسقه
محمد : هيه .. ماتغير شي فالبيت من 12 سنه
صفيه : ماشاءالله 12 سنه !! جنه يديد الله يبارك
محمد : نوره كانت ذويقه ..
صفيه طالعته بحده و لفت راسها وسكتت ..
محمد : تصدقين حتى ريحه البيت ماتغيرت من يومها .. نفس البخور و نفس العطور نستخدمها حق البيت ..
صفيه : افهم من كلامك انك حنيت
محمد استوعب
: حنيت حق شوه اعوذ بالله
صفيه ماعطته اي اهتمام و بدت تقرا كتابها ..

طرف مثايل ..
اول ماسكرت امنه الباب قامت مثايل حضنتها بقووه ..
آمنه ابتسمت وبادلتها الحضن بنفس القوه
مثايل : اشتقتلج
امنه : حبيبتي أنا أكثر
مثايل غمضت عينها وهي تتذكر الحلم ونطقت
امنه .. فيج شي حد مأذنج .. ابوج وينه .. كيف علاقتج ويا امج .. يدوه عوشه طيبه ؟!
امنه : مثايل حبي انتي الي فيج شي ليش كل ها الاسأله
مثايل قعدت ع السرير
: دخيلج جاوبيني بصدق
امنه تنهدت : الصراحه مثايل .. امي تكرهني .. وابوي يشوفني وحده رخىِصه و بايعه عمرها .. ومأذني وايد .. يدوه عوشه مرات تحبني مره تكرهني ..
مثايل : يعني صدق
امنه : امج قالت لج شي ؟
مثايل : لا ماقالت ، تبين الصدق أمنه أنا اليوم قبل شوي حلمت فيج وكان تقريبا نفس الكلام بس شكلج فالحلم كان غيير
امنه : كيف كان غير
مثايل : نفس الملامح بس كنتي مربربه وشعرة كان كيرلي وهو ستريت .. وبعد كنتي ابيض من جي ..
امنه : سبحان الله ..
مثايل : أنا مصدومه كيف حلمت جي ؟؟
امنه وهي تغير السالفه : إلا وين اخوج راشد ؟ مابيحط اغراضه هني
مثايل : عند عبدالله
امنه : بيرقد عنده اليوم صح
مثايل : والله ماعرف .. تقدرين تسألينه ..
امنه : ان شاء الله بسأله

امنه وهي تدق الباب : عبود فجج!!
عبدالله : اسكتي الولد رقد ها شو تبين
امنه : ليش يبتوها !!
عبدالله : ليش مب مستانسه انتي ؟!
امنه : مستانسه بس ابا اعرف شو السااللفه
عبدالله : ماشي سالفه و البيت ها بيتها حياها بأي وقت
امنه : صح
عبدالله : لا تخلين شي فخاطرها وخلها تكون مرتاحه وقولي لها إذا تبا شي تكلمني عادي
امنه : ان شاء الله
عبدالله : لا تحسسينها انها غريبه بعد ..
امنه : عبدالله .. للحين تحبها ؟
عبدالله : مافهمت عليج
امنه : حب طفولتك .. ماخاز ؟
عبدالله : تصبحين على خير