الإذاعة السادسة
في استديوا في الرديوا كان جالس المذيع والاستاذ الدكتور النفسي وخبير الروحاني وخبير علوم الطاقة الدكتور محمود
المذيع :لو مرت بشيء غريب لو مرت بشيء غير منطقي لو شفت حاجه ومش عارفها تفسير لو حاسس ان في حاجه جوه المرايا بتكلمك لو حاسس انك مش لوحدك مع انك لوحدك اتصل بينا ومتردتش واحكي حكايتك واحنا هنعرضها علي الالف المستمعين ال بسمعونا
يرن جرس التليفون
المذيع :الو
صوت راجل :الو ممكن اتكلم مع الدكتور
المذيع :اتفضل الدكتور محمود معاك
محمود :الو مين معايا
مروان :انا مروان ٣٣سنه متجوز وعندي طفلين
محمود :اهلا وسهلا يا استاذ مروان اتفضل
مروان :انا خاين يا دكتور خاين
محمود :مش فاهم وضح كلامك خاين ازاي يعني
مروان :انا بخون مراتي مع بنات وبعمل علاقات مع بنات انا مش قادر ابطل الداء ده من جوايا بس انا بحب مراتي جدا
محمود :ايه التناقض الرهيب ده بتحب مراتك وبتخونها غريب طيب هي عارفه إنك بتخونها
مروان :انا بخونها من اول يوم جواز ليله الدخله كنت بكلم بنت ومظبط معاها معاد علشان اقبلها
محمود :وانت شايف ال بتعمله ده صح
مروان :لاء يا دكتور مش صح بس انا مش عارف ابطل
محمود : ومراتك ايه رد فعلها علي ال بتعمله انت ده
مروان :مراتي طيبة جدا او ممكن تقول هبلة يعني بتزعل شوية ونرجع نتكلم مع بعض بس احنا بقنا زي الاغراب هي عايشه في البيت علشان الولاد متعلقين بيا ومش بيرضوا يبعدوا عني تقدر تقول عايشة معايا علشان خاطر الاولاد مش من جمالي حتي الكلام بنا علي قد السؤال لا اكتر ولا اقل
محمود :يعني انت عارف انك غلط طيب ليه مش بتحاول تكتفي بزوجتك ومش تكلم بنات تانيه
مروان :انا نسوانجي يا دكتور اعمل ايه مش عارف مكلمش بنات
محمود : انت مدمن حاجه
مروان :ايوه مدمن يا دكتور مخدرات بخدها كده مش دايما بس المخدرات اكتر مسكن ليا
محمود :اكيد معاملتك مع مراتك زي الزفت وبتمد ايديك عليها ومشاكل وكده
مروان :ايوه بظبطت كده يا دكتور
محمود :انت لازم تجاهد نفسك وتروح مصحه نفسية تعالج من الادمان ده أما البنات والخيانة التغير لازم يجي منك انت ترضي أن مراتك تخونك
مروان:انا بغير عليها من الهوا الطير تبقي تخوني ده انا كنت قتلتها وسيحت دمها
محمود : بظبطت انت مش ترضي علي مراتك تخونك يبقي ازاي انت بتخونها
مروان :هي متعملش كده إنما أنا اعمل كده عادي
محمود :لاء لازم ترعي مشاعرها حط نفسك مكانها وانت بتخونها هي شفتك وانت بتخونها قبل كده
مروان :ايوه يا دكتور انا كنت جايب بنت الشقة وهي جت وشفتنها في وضع مش تمام
محمود :ورد فعلها كان ايه
مروان :كانت بتعيط وسبت البيت وانا رحت جبتها
محمود :ال انت بتعمله ده غلط ومفيش حاجه اسمها انا نسوانجي وانا اعمل كده عادي انت متجوز لازم تحترم البنت ال انت متجوزها دي يا مروان
مروان :بحاول بحاول بس كل لما بحاول مش بعرف
محمود : جاهد نفسك
مروان :بحاول بس مراتي هبلة اوي ولا بتصد ولا بترد
محمود :يعني علشان هي طيبة يبقي تعمل فيها كده وتخونها وتجي عليها وتجرحها هي علشان طيبة وساكته يبقي دي جزتها
مروان :دكتور انا عارف اني غلطان
محمود :ياريت تبقي عارف
مروان :تعرف مراتي حاولت تنتحر قبل كده خدت اقراص جرعت زيادة علشان تموت وانا لحقتها وخدتها المستشفي
محمود :انت وصلتها كمان أنها تفكر في الإنتحار انت لازم تتغير يا مروان لازم تبطل ال انت بتعمله ده بسرع وقت ممكن
مروان :انا من زمان كده يا دكتور
محمود :قول انا هتغير وخليك مؤمن بأنك هتغير
مروان: حاضر يا دكتور هحاول مع اني عارف أنه هيكون صعب
ينقطع الخط
المذيع :شكرا مستمعينا وخلصت حلقتنا النهاردة انتظرنا بكره في حلقة جديدة
