في استديوا في الرديوا كان جالس المذيع والاستاذ الدكتور النفسي وخبير الروحاني وخبير علوم الطاقة الدكتور محمود
المذيع :لو مرت بشيء غريب لو مرت بشيء غير منطقي لو شفت حاجه ومش عارفها تفسير لو حاسس ان في حاجه جوه المرايا بتكلمك لو حاسس انك مش لوحدك مع انك لوحدك اتصل بينا ومتردتش واحكي حكايتك واحنا هنعرضها علي الالف المستمعين ال بسمعونا
يرن جرس الهاتف
:الو
المذيع: اهلا وسهلا اتفضلي
صوت بنت
الو انا ندى
المذيع:اهلا وسهلا يا استاذة ندى اتفضلي
ندى :ممكن اتكلم مع الدكتور محمود
المذيع:طبعا الدكتور معاكي
محمود :اهلا بيكي اتفضلي يا استاذة ندى
ندى :دكتور انا عايزة اتكلم معاك
محمود : اتكلمي علي راحتك انتي كام سنه
ندى :١٨
محمود :العمر كله اتكلمي قولي كل ال عندك
ندى :دكتور انا ساكنه في بيت جارنا ال قدامنا رجل غريب جدا هو ومراته
محمود:غريب من ناحية ايه
ندى :بص هو رجل طول بعرض كده وتحس انه بتخانق مع نفسه وبيت عائلة يعني في الرجل ده واخواته وزوجاتهم وامه فاهم انت
محمود :ايوه فاهم طيب كملي
ندى :حصلت مشكلة وعاركة بين الرجل ده وواحد في الشارع نزلوا ضرب نار في بعض وابن جارنا ملوش دعوه بحاجه تصاب برصاص في كتفه وتنقل علي المستشفي والبوليس جهه ولمهم وطلعوا معرفش ازاي بس طلعوا من السجن المهم هما كل شوية عملين عركة في المنطقة ويضربوا نار ويضربوا بالنار في الشارع وحاجه في منتهي الزفت يعني
محمود :طيب ابعدي عنهم متختلطيش بيهم لأنهم ناس مش كويسين
ندى :دكتور دولات كانوا هموتنا كانوا عملين عركة مع واحد ساكن معنا في البيت في دور الخامس جم واقفوا تحت يقولوله انزل انزل مش راضي ينزل راح صاحب البيت نزل قفل باب البيت بالمفتاح راحوا هما رمين بنزيم مولعين في البيت من تحت طبعا البيت كله صرخ ولاقنه أصحاب الرجل ده ال في خامس ضربوا نار عليهم وهما ضربوا نار عليهم هما كمان وضرب النار بقي يدخل عندنا من الشباك في الاوضة جريت انا وماما من الاوضة وقفلنا الباب الرصاص معلم في الحيطه دولات عصابات في الشارع عندنا يا دكتور دولات الصباح كده تلاقيهم ضربوا نار في الهوا كده الا هو بيرهب الناس فاهم انت وكل شوية يعملوا عركة في المنطقة ويضربوا نار وضرب النار يشتغل وكسرو محل واحد في الشارع ال ورا معرفش ليه
محمود : ايوه ابعدي عنهم ومش تكلمي معاهم
ندى :دكتور ده مره تانيه ضربوا بعض مش عارفه بحاجات مولعه كده طارت جت في الستارة عندنا الستارة ولعت وبعدها نزلوا ضرب نار في بعض برضوا وانا كنت في الجامعة ماما اتصلت بيا وقالتلي مجاش انا قعدت في الشارع يجي ساعتين لحد لما خلصوا العركة
محمود :خلي بالك من نفسك وابعدي عنهم وحاولي متوقفش من البلوكنة أو الشباك تفرجي عليهم وقت العركة علشان ممكن تلاقي رصاصه أو حاجه صابتك
ندى :حاضر دكتور بس في حاجه اخويا بحب اخت الرجل ال قدامنا ده وعايز يخطبها وكلم اخوها اخويا ده مجنون وغبي عايز ينساب العصابة دي دكتور دولات مسيطرين علي منطقة دكتور ده في بيت جنبهم البيت ده قريبهم فاهم يعني عصابة كامله في الشارع ومسيطرين علي المنطقة كلها في بقي منطقة جبنا فيها عصابة برضوا مسيطره عليها دولات بضربوا في دولات وطبعا بقي ضرب نار
محمود : تكلموا معاه
ندى : اتكلمنا مفيش فايده
محمود :هو هختار ال قلبه عايزو مهما اتقال له الحب هيجبره علي كده
ندى :ايوه
محمود : شكل المنطقة ال انتوا فيها دي مش كويسه طيب عزلوا منها احسن
ندى :مش هنقدر نمشي من هنا لان الإيجار هنا رخيص جدا جدا جدا يعني احنا معناش ندفع ايجار بره
محمود :ايوه فاهم طيب خلوا بالكم من نفسك
ندى :طيب ال حصل بقي يا دكتور اني مرات الرجل ده بنت كده حلوه هي شوية كده مدية علي ريفيه المهم جت تكلمني وياحبيبتي وعايزه اتعرف عليكي وكده المهم اتعرفت عليا وبدانا نتكلم عادي وبدأت تحكلي عن جوزها ده انه غصبها علي الجواز وهي اصلا مكنتش عايزة تجوزه وانه بضربها علي طول وبقت اقف معاها شوية هي عندها طفلين المهم كنت عندي صداع هي قالتلي خدي الحبوب دي هتريحك من الصداع خالص قلت لها ماشي هي بتاعه ايه قالتلي بتعالج الصداع ومسكن قلت لها ماشي خدت منها الحبوب وخدت منهم ال حصل بقي يا دكتور بعدها غريب اوي
محمود:ايه ال حصل بقي
ندى :انا اول لما خدت الحبوب حست جسمي تخدر وكل الألم راحت بعد كده بدأت اشوف الحاجه اتنين وبعد كده حست بسخونه في راسي بعدها حست اني سعيدة جدا وقعدت اضحك اضحك وجسمي حسته خفيف وحست اني بطير من مكاني وبدأت اشوف ناس دخله عليا وناس قاعده معايا في الاوضة الناس دي كانت بتكلمني وبعد كده لاقت فيل داخل عليا وانا ركبت فوقه ومشينا في الغابة ولاقتني بعدها اني لبسه فستان ابيض وبجري واسط الغابات بعدها غابات بيضاء مثلجه وشجر ابيض حاجه غريبه بعد كده لاقت اني في حفلة واقفه اغني وفي جماهير بعد كده لاقت كائنات غريبه جدا شبه الفضائين دخلوا عليا وخدوني معاهم وركبت سفينه الفضاء وطرنا وقعدت ونمت زي القتيله جهه تاني يوم قمت حست اني عايزة اخد الحبوب دي تاني حست اني جسمي مش مظبط وبدأت احس بتعب في جسمي روحت سالت في الصيدلية علي الحبوب دي قالولي أنها مش موجوده عندهم واستغربوا منها جدا بعد كده روحت لبنت دي ال هي جارتي قلت لها عايزة من الحبوب دي تاني ريحتني قالتلي لو عايزة منهم تدفعلي فلوس الصراحه مكنش معايا المبلغ ال هي عايزاه وانا كنت محتاجه الحبوب دي جدا جسمي كان تعبني فكرت قلت اعمل ايه اعمل ايه فسرقت ماما ورحت لبنت ودتها الفلوس وخدت الحبوب وحصل نفس ال حصل وشفت حاجات تانيه انا مش عارفه ايه الحبوب دي بس هي حلوه جدا
محمود :دولات تجار مخدرات انتي كل ده مش عارفه ايه الحبوب دي دي مخدرات حبوب مخدره وهي ادتهلك علشان تستغلك ماديا وتكوني عبدة عندها ثانيا انتي ازاي تاخدي منها دوا انتي متعرفش هو بتاع ايه هو انتي اي حد يديكي دوا تاخديه كده لازم تقري عنه وتعرفي ايه الدوا ده ويخص ايه انتي غلطتي جدا ازاي تامني لناس زي دي
ندى :انا غلطت فعلا يا دكتور طب اعمل ايه
محمود :انتي لازم تروحي لمستشفي نفسية مصحة وتوريهم الحبوب ال شربتها وهما هيعملوا الإجراءات ال لازمه ولو في دواعي لحجزك في المصحة هتحجزي
ندى : ماشي يا دكتور هروح شكرا جدا ليك
محمود : تحت امرك خلي بالك من نفسك وابعدي عن البنت دي
ندى :حاضر يا دكتور طيب واخويا ال عايز يجوز اخته ده نعمل ايه فيه ده كلم اخوها وهيروح يتقدم لها الاسبوع الجاي
محمود :هو اختار وهو الوحيد ال هتحمل نتيجة اختاره محدش غيره ومهما قالتوله خلاص هو تحت تاثير الحب
ندى :ايوه صح شكرا يا دكتور
محمود : علي ايه تحت امرك
المذيع:خلصت حلقتنا النهاردة انتظرونا بكره في حلقه جديده
