في استديوا في الرديوا كان جالس المذيع والاستاذ الدكتور النفسي وخبير الروحاني وخبير علوم الطاقة الدكتور محمود
المذيع :لو مرت بشيء غريب لو مرت بشيء غير منطقي لو شفت حاجه ومش عارفها تفسير لو حاسس ان في حاجه جوه المرايا بتكلمك لو حاسس انك مش لوحدك مع انك لوحدك اتصل بينا ومتردتش واحكي حكايتك واحنا هنعرضها علي الالف المستمعين ال بسمعونا
يرن جرس الهاتف
:الو
المذيع: اهلا وسهلا اتفضلي مين معايا
:انا مش هقول اسمي ممكن
المذيع :ممكن جدا
:عايزة اتكلم مع الدكتور محمود
المذيع:الدكتور معاكي
محمود :اتفضلي يا استاذة اهلا وسهلا بيكي
:اهلا وسهلا بيك يا دكتور
محمود :اتفضلي
:دكتور انا متجوزة وعايشة في المقابر انا وجوزي جوزي حارس مقابر عايشين في المقابر نفسها جوه حوش المقابر يعني انا عايشة جوه حوش مقبره فاهم حضرتك
محمود :فاهم كملي
:يا دكتور انا بساعد جوزي في الدفن وكده لما بيجي جثة هندفنها بساعده وبحفر معاه وكده علشان ندفنها
محمود :ايوه الله يقويكي وبعدين كملي
:دكتور بيحصل حاجات غريبة جدا
محمود :حاجات زي ايه
:انا بقي قاعده قدام الباب الاقي واحده لبسه فستان واقفه عند قبر كده مش بتحرك واقفه بظهرها بشوفها بليل وغالبا محدش بيجي يزور بليل المهم كذا مره اشوفها واقفه قدام القبر ده بعد كده قمت قربت منها ولفت وشها ناحيتي ومشيت وسط ممرات المقابر مشيت وراها مش لاقتها اختفت تماما بس انا مشفتهاش خرجت معرفش خرجت منين
محمود :ايوه في حاجه تانيه بتشوفها
:انا بسمع أصوات بتناديلي باسمي وأقوم ادور علي ال بينادلي ده مش بلاقي حد بس سمعه صوته بينادلي يا دكتور واحيانا اسمع صوت صريخ وعيط زي جنازة دخله عليا اقوم اشوف مش بلاقي حاجه ومره كان في جنازة وكنا هندفن ولد الولد ده كان مقتول في خناقة برصاصه في دماغه ساعدت جوزي وكده حصلت حاجه غريبه
محمود :حصل ايه
:واحنا بنزله في القبر لاقت ايده مسكت ايدي وايده كانت متلجة انا عارفه انا حست باايه يا دكتور ايده مسكت ايدي يا دكتور
محمود :وبعدين حصل ايه تاني
:مره تانيه جت جنازة لبنت ٢٢سنه جهزنلها القبر وكل حاجه وساعدت جوزي ودفنها البنت دي انا شفت وشها كنت بشوفها واقفه عند القبر شوفتها مرتين وقلت لجوزي قالي بطلي هبل بقي وحيات امك
محمود :ايوه وبعدين
:جت جنازة لبنت برضوا مقتوله دفنها كل يوم كنت اسمع صوت خبط من جوه قبرها دكتور انا مش بحب أدفن مع جوزي المقتولين دولات بيحصل حاجات غريبة
محمود : ايوه اكيد بتخافي جدا اول لما تعرفي انهم مقتولين طيب دخلتو جوه القبر تشوفوا في ايه
:دخلنا بس مطلعش في حاجه
محمود :طيب كملي
:دكتور جت بنت دفنها بليل وبعد شوية سمعنا صريخ جامد جاي من جوه قبرها جرنا فتحنا القبر لاقنها صاحيه خارجنا قالنا لجوزها إنها حيه مش ميته وخرجنها كان عندها هبوط حاد في الدورة الدموية ودكتور طلع لها تصريح دفن بس صحيت تاني
محمود :طيب كويس انها طلعت صاحيه الحمد لله
:ايوه وجوزي يا دكتور بيبع جثث لناس شفته بليل كان مطلع جثة مديها لحد وخاصة الجثث ال بتبقي جديده
محمود :بيبعهم لدكاتره وتجار الاعضاء دي جريمة دي
:ايوه وانا قلت له ده غلط واني شفته وكده مسكني ضربني وقولي لو نطقت بكلمه هدفنك مكانك فأنا سكت
محمود :ايوه معلش كل حاجه ليها نهاية كملي
:دكتور انا جسمي بكلبش لما بتجي جنازة أو ادخل احفر معاه في القبور وخاصة الجنازة بقي في صريخ مش بتحمل جسمي بيقشعر وفي ناس بيغمي عليها في الأرض ولما بدخل القبر بحس اني مخنوقه وجسمي سخن كده وبحس ان الباب هتقفل عليا جوه ومش هتطلع تاني مع ان جوزي بقي معايا
محمود :احساس طبيعي انتي جوه قبر طبيعي هتحسي بخاف طيب انتي اصلا حارسة مقابر
:لاء انا جوزي ده هو الحارس مقابر هو جهه طلب ايدي وتجوزني
محمود :هو حضرتك متعلمة
:ايوه انا معايا معهد حاسبات
محمود :وتجوزتي الشخص ده كان بنسبلك عادي
:انا كنت خايفة الصراحه ومكنتش حابه وخاصة أنه قالي هنعيش جوه المقابر كان رعب بنسبلي واول يوم في الجواز كنت خايفة جدا
محمود :ايوه طبعا طيب انتي عندك كهرباء ومصارف ومياه وكده في بيتك
:دكتور ايوه في كهرباء ومياه احنا عايشين جو حوش مقبره انا قاعده وسط ميتين يا دكتور ميتين واحنا عايشين معاهم
محمود :ايوه عارف طيب انتي عندك اطفال
:عندي اتنين ولدين
محمود :الله يبارك فيهم
:الله يحفظك ام جوزي عايشة معنا بس ام جوزي مش بتشتكي من حاجه اصلا عادي جدا انا ال بشتكي بس
محمود : ايوه انتي عايشة في مقابر وسط ميتين طبيعي هتكوني خايفة أو قلقانه طول الوقت حتي لو كنتي بتعاملي طبيعي بس هيكون عقل الباطن دافن خوفك ده وقلقاك وهيطلعو عليكي بشكل تاني حتي لو مش حاسة بس هتحسي بشكل تاني انا مش عايزك تدي اهتمام باللي بتشوفه أو تسمعيه
:ايوه انا كنت بحفر في القبر وبساعد جوزي لاقت جوزي بنادي عليا وهو كان واقف بعيد لما جهه قلت له انت نادتلي قالي لاء
محمود :ايوه مش تدي اهتمام بالحاجات دي لو ادتي اهتمام هتعبي اكتر
:ماشي يا دكتور انا اصلا بيحصل بيني وبين جوزي مشاكل كتير بحس في حاجه ماثره علينا ده احيانا بضربني
محمود :لاء بس حاولي تكوني هاديه كده ومتعصبيش كتير
:حاضر يا دكتور شكرا جدا ليك
محمود :العفو تحت امرك
:الله يكرمك
المذيع : وخلصت حلقتنا النهاردة انتظرونا بكره في حلقه جديده
