في استديوا في الرديوا كان جالس المذيع والاستاذ الدكتور النفسي وخبير الروحاني وخبير علوم الطاقة الدكتور محمود
المذيع :لو مرت بشيء غريب لو مرت بشيء غير منطقي لو شفت حاجه ومش عارفها تفسير لو حاسس ان في حاجه جوه المرايا بتكلمك لو حاسس انك مش لوحدك مع انك لوحدك اتصل بينا ومتردتش واحكي حكايتك واحنا هنعرضها علي الالف المستمعين ال بسمعونا
يرن جرس الهاتف
الو
المذيع :الو اتفضل مين معانا
زين :انا زين
المذيع :اهلا وسهلا يا زين اتفضل
زين : عايز اكلم الدكتور محمود
المذيع :الدكتور معاك
محمود :اهلا وسهلا بيك منورنا اتفضل يا زين
زين :انا حصلي موقف غريب جدا يا دكتور
محمود :موقف ايه ده
زين :انا شغال في مطعم شغال توصيل بوصل الطلبات للمنازل جالنا طلب توصيل لبيت كده كان طالب وجبه المهم روحت علشان أوصله البيت في منطقة قديمة كده مش هقدر اذكر اسم المنطقة البيت قديم جدا جدا وكله شقوق كده اول لما وقفت قدامه حست اني جسمي قشعر كده حست اني مش مرتاح طلعت يا دكتور وانا طالع حست بحرارة شديده في المكان لدرجة اني عرقت مع ان الجو بره معتدل مش حر كده وانا طالع حست وسمعت حد بيطلع ورايا بصت ورايا ملقتش حد اطلع سلمه تانيه احس حد بيطلع ورايا ابص ملقيش حد فضلت كده لحد لما وصلت لباب الشقة وانا طالع يا دكتور طلعت كتير اوي حست اني طالع خمسين دور مش الدور التلات هما كانوا في التلات وقفت قدام الباب رنت الجرس
محمود :ايوه وبعدين
زين :اولا حاجه الطلب كان باسم واحد اسمه علاء
زين :فتحتلي بنت البنت دي غريبه اوي يا دكتور
محمود :غريبه من ناحية ايه
زين :شعرها طويل جدا جدا جدا لدرجة أنه بيسحب في الأرض بيجرجر في الأرض هي كانت واقفه وشعرها وصل لنصف الصالة وشوية عارف فيلم الكرتون روبزول هو ده ال شفته اقسم بالله شعرها مش طبيعي ابدا ولبسه فستان كده قلت الطلب بصتلي وابتسمت وسكت معرفش ده كان ايه وشفت بنتين قاعدين علي الكنبة شعرهم بنفس طول شعرها برضوا وجت طفله منهم وقفت قدامي وفضلت تبصلي وساكته وتبرقلي مش فاهم هي كانت عايزة ايه
وشفت ست كبيره قاعده جوه في الاوضة كان في اوضه قدام الباب كانت لبسه اسود عباية سودة وحجاب اسود وشال اسود وكانت عجوزة اوي وقاعده تبرقلي هي كمان بعد كده لاقت قطة سودة جاية من الشقة عندهم
وعينها حستها فيها حاجه غريبه بتسحبني لجوه عينها مش عارف بقي وقفت القطة تبصلي وعينه مركزة معايا فتره المهم بعد كده جهه رجل كده وقف برقلي برضوا بعينه وخد مني الطلب والغريب بقي أنه علي صوته علي البنت وقالها انتي ليه فتحتي الباب قلت لكي متفتحش الباب انتي مجنونه بتفتحيه ليه هو في ايه وضربها بالكف علي وشها قدامي البنت رحت دخله جوه ومشفتهاش بعد كده حسبته كان الحساب ١٠٠جنية هو ادني ال ١٠٠ انا شفتها ٢٠٠ مش عارف تهيأت ولا ايه بعد كده نزلت وهو قفل الباب وانا نزلت وانا نزل حست بنزل خمسين دور برضوا مش تلات ادور وحست وسمعت نفس الصوت ال سمعته وانا نزل ان في حد بنزل ورايا بس الغريب أن البنت و الطفلتين والرجل هو تقريبا ده جوزها ودولات عيالهم وست دي قربتهم أو ام الرجل كلهم شكلهم غريب وعينهم بتلمع وبتربقلي
نزلت اخيرا من البيت
الصراحه كان عندي فضول اعرف ايه ال حصلي وانا طالع ده قلت اتصل بيهم واسالهم اتصلت بيهم بالرقم ال اتصلوا بنا بيه لاقت الرقم مغلق أو غير متاح مفيش رد الفضول قتلني روحت تاني يوم لشارع لاقت واحد هناك قاعد في الشارع
فسالته كان قاعد قدام باب البيت ال قدامهم
وحكت له ال حصل في البيت
قالي يابني البيت ده بنسمع عنه حاجات غريبه كده بيقولوا إن اي حد بيجي جديد لبيت ده عمار البيت بيرحبوا بي كل واحد وطريقته وانت عارف عمار البيت بقي الجن ال ساكن في البيت ماهو كل بيت بقي ساكن في جن ولا ايه
انا اترعب من كلامه وقعدت افكر طيب الست والرجل علاء ده ال شفتهم دولات ايه جن لاء الرجل ده مجنون بقي اكيد لاء طبعا دولات اتصلوا بينا وطلبوا الطلب وحسبوني دفعولنا فلوس ازاي جن هما ممكن يكونوا ناس غريبه في تصرفاتهم شوية بس اكيد مش عفاريت لاء
وقالي اتكل علي الله يابني شوف حالك
محمود :طيب عندي سؤال الرجل ال هو جوز البنت دي ال ضربها وحسبك ده الرجل ده شكله غريب او فيه حاجه غريبه مثلا زي البنت والطفلتين
زين :لاء هو الرجل شكله عادي جسمه ملين كده ومربي لحيته شوية بس شكله مفيهوش حاجه غريبه ولبسه عادي بس بيرقلي تبريقه مخيفه جدا هو كان بيبرقلي والبنت والطفلتين والست العجوزة انا مش فاهم كانوا بيبرقولي كده ليه
محمود :طيب فكرة إنهم جن انا معتقدتش انهم جن ده اعتقادي الشخصي لكن تصرفاتهم غريبه بس ممكن انت علشان خايف ترجمت تصرفاتهم الممكن تكون طبيعية انها غريبه ومرعبه طيب بنسبه لشعر البنت و الطفلتين ده عادي في بنات شعرهم طويل جدا جدا والله أعلي و اعلم هما مين بظبطت أو ليه تصرفوا كده معاك والحاجات ال حست بيها وانت طالع هي غريبه بس يمكن علشان انت من جواك كنت خايفة اصلا من البيت ومن انك تطلع فحست كده عموما التزم بالصلاة وقراءة القرآن
زين :حاضر يا دكتور وممكن يكون البيت مسكون جن زي ما رجل قال يا دكتور
محمود :ممكن الله اعلم يا زين خلاص لو انت خايف لو جيلك توصيل لبيت ده تاني ولناس دي متروحش اصلا اعتذر وخلي حد من اصحابك يروح بدلك وخلاص علشان متعبيش اكتر
زين :حاضر صح كده
محمود: نورتني يا زين
زين :بنورك يا دكتور تسلم لي
محمود :الله يحفظك يارب
المذيع :خلصت حلقتنا النهاردة انتظرونا بكره في حلقه جديده
