في استديوا في الرديوا كان جالس المذيع والاستاذ الدكتور النفسي وخبير الروحاني وخبير علوم الطاقة الدكتور محمود
المذيع :لو مرت بشيء غريب لو مرت بشيء غير منطقي لو شفت حاجه ومش عارفها تفسير لو حاسس ان في حاجه جوه المرايا بتكلمك لو حاسس انك مش لوحدك مع انك لوحدك اتصل بينا ومتردتش واحكي حكايتك واحنا هنعرضها علي الالف المستمعين ال بسمعونا
يرن جرس الهاتف
الو
انا نورة
المذيع:ازيك يا نورة
نورة :الحمد لله تمام وانت
المذيع : الحمد لله
نورة :ممكن اتكلم مع الدكتوره محمود
المذيع :ممكن جدا الدكتور معاكي
محمود :اهلا وسهلا يا نورة اتفضلي
نورة :ممكن اتكلم معاك يا دكتور
محمود :اكيد اتفضلي انا معاكي اتكلمي براحتك خالص
نورة :دكتور انا في مشاكل مع جوزي
محمود :مشاكل ايه
نورة :دكتور جوزي مش بقولي بحبك ولا وحشتيني ولا كلام حب ولا حتي كلمة حبيبتي من وقت لما عرفنا بعض وفي الخطوبة والجواز مفيش مره قالي فيها بحبك ولا حتي وحشتيني ولا يا حبيبتي
محمود :في ايه يعني
نورة :ليه مش بقولي بحبك
محمود :مش لازم يقولك بحبك مش لازم يعني مش شرط يقولك بحبك
نورة :ازاي ده غريب جدا مفيش مره قالي فيها بحبك
محمود :طيب هو بغير عليكي
نورة :ايوه جدا هو مش بحب اني اكلم حد وحتي اللبس عايز البس فساتين واسعه والوانها غامقه جدا ومش احط مكياج ولو عملت عكس كده يضربني انا احيانا بقي عايزة البس فاتح او احط مكياج يضربني
محمود :طيب غيرته عليكي دي دليل علي الحب هو بيحبك بس بيحبك حب صامت بيحبك بصمت انتي سر جواه حبك سر جواه كلام الحب بقتل حبه ليكي لكن صمته بيشعل الحب اكتر كلمته في الحب هتقتل حبه
نورة :طيب فهمت
محمود :تمام عندك اطفال
نورة :ولدين
محمود :الله يبارك فيهم
نورة :يارب تسلم لي يا دكتور
محمود :تسلمي
نورة :هو احيانا بيحصل مشاكل واحيانا بضربني يعني لما بتعصب اوي
محمود :حولي تجنبيه علي قد ما تقدري
نورة :هحاول بحاول بس بنتصدم انا وهو مع بعض
محمود :معلش حاولي تكوني هادية انتي
نورة :حاضر يا دكتور هو جوزي بحسه علي طول مكتئب كده وكايب ومفيش كلمه حلوه بقولهلي
محمود :مش لازم يقولك بحبك بحبك هتطلع بتصرفات بالافعال هتشوفيها هو بخاف عليكي طيب وبيلبيلك طلباتك
نورة :ايوه
محمود :طيب عايزة ايه تاني هي الكلمة دي يعني ال هتفرقك معاكي الكلمة ظاهرة من غير ما تقال قدامك
نورة :ايوه يا دكتور صح
محمود: طيب في حاجه تانيه
نورة :انا كنت هموت يا دكتور في تعبان دخل شقتي
محمود :ايه !! تعبان ازاي دخل شقتك
نورة: احنا ساكنين في الدور التلات وجوزي خد الولاد وخرجوا وحماتي كانت نايمة جوه وقفله باب الاوضة عليها وانا كنت لوحدي في الصالة كنت قاعده في الصالة بتفرج علي التلفزيون وفجاه لاقت تعبان الكوبرا صغير متكوم وملفول علي نفسه في نص الصالة انا شفت المنظر نطت من علي الكنبه ال قاعده عليها وفضلت اصرخ وجريت بسرعة علي المطبخ اجيب عصيه المقشه اضربه بيها جريت علي المطبخ وفجاه لاقت حاجه بتلف حولين رجلي من تحت بصت لاقت التعبان لف حولين رجلي وعضني قرصني انا صرخت ودوخت وحست بالألم شديد ووقعت علي الأرض في اللحظة دي لاقت جوزي بفتح باب الشقة وبدخل شفني جري عليه بقولي في ايه قلت له تعبان بص علي رجلي لاقها ازرقت جري بسرعة جاب قمشه وربط رجلي جامد علشان يمنع ان السم يجري في باقي جسمي ومسك العصية وضرب التعبان موته وشلني بسرعة وجري بيا ركبني في العربية وعلي المستشفي هناك علاجني من السم وقعدت في المستشفي يومين وجوزي والولاد كانوا بيبتوا معايا وطلعت بس نفسي اعرف التعبان ده دخل ازاي الشقة
محمود :الحمد لله انها جت علي قد كده الف سلامه عليكي اولا انتي في الدور التلات ازاي تعبان يطلعلك الدور التلات يعني ده ال هو يدخل الشقق ده لو في الدور الأول لكن التلات دي غريبة جدا غالبا هو حد حطهولك من تحت الباب الباب عندك سليم كويس ولا في فتحات
نورة :لاء الباب مرفوع شويه عن العتبه شوية مش كتير يعني مش عارفه ده تعبان ده دخل ازاي
محمود :ممكن حد دخله من العتبه دي جريمة دي في كاميرات عندك علي باب الشقة
نورة :لاء مش عندي كاميرات
محمود :ياخسارة طيب انتي ساكنة في منطقة ريفية أو جنب صحرا في صحرا حوليكي
نورة :لاء لاء
محمود :طيب التعبان ده محطوط مخصوص ليكي طيب انتي في مشاكل مع الجيران أو كده
نورة :في جارة متغيظة مني وبتحقد عليا من غير سبب وبيحصل مشاكل بيني وبينها
محمود :لتكون هي ال حطهولك
نورة :مش عارفه
محمود :خلي بالك من نفسك ورميمي عتبه الباب والباب من تحت رميميهم كويس وركبي كاميرا قدام باب الشقة علشان لو الموضوع اتكرر بشكل نفسه أو بشكل اخر تبقي عارفه مين ال بعمل كده وتبلغي عنه
نورة :حاضر يا دكتور هنعمل كده
محمود :تمام الله يحفظك
نورة :يارب الله يكرمك يارب
محمود :تسلمي ويكرمك
نورة :شكرا ليك يا دكتور
محمود :علي ايه تحت امرك نورتي
نورة :بنورك انت ال منور
محمود :تسلمي من ذوقك
نورة : شكرا
المذيع :خلصت حلقتنا النهاردة انتظرونا بكره في حلقه جديده
