في استديوا في الرديوا كان جالس المذيع والاستاذ الدكتور النفسي وخبير الروحاني وخبير علوم الطاقة الدكتور محمود
المذيع :لو مرت بشيء غريب لو مرت بشيء غير منطقي لو شفت حاجه ومش عارفها تفسير لو حاسس ان في حاجه جوه المرايا بتكلمك لو حاسس انك مش لوحدك مع انك لوحدك اتصل بينا ومتردتش واحكي حكايتك واحنا هنعرضها علي الالف المستمعين ال بسمعونا
يرن جرس الهاتف
الو
انا حنين
المذيع:اهلا وسهلا استاذة حنين اتفضلي
حنين :اهلا وسهلا انا عايزة اكلم مع الدكتور لو سمحت
المذيع :الدكتور معاكي
محمود :ازيك اهلا وسهلا
حنين :اهلا بيك يا دكتور
محمود :وبيكي اتفضلي
حنين :دكتور انا موت فعلا موت انا شفت الموت بعيني
محمود :ازاي يا استاذة حنين
حنين :انا عملت حادثة فظيعة انا عندي عربية كنت ركبها انا وبنتي بنتي عندها ٧سنين وكنا ريحين مشوار ال حصل يا دكتور انا كنت سايقه العربية عادي علي الكوبري جت عربية خبطت في عربيتي بقوة وانا خبطت فيها ال حصل عربيتي طارت من علي الارض وتقلبت علي ظهرها وتشقلبت علي الأرض وفضلت تشقلب علي الطريق شوية وانا وبنتي جواها والناس عملها تصرخ بره والعربية عماله تشقلب وفي الاخر خبطت في شجرة ورحت العربية مقلوبه علي ظهرها انا مش فاكره حاجه خالص من ال حصل ده غير كل ال حسته صوت صدمة العربية في عربيتي بس بعد كده انا فقدت الوعي محستش بعدها وقفت بقي الناس اتصلت بالاسعاف وجم خدونا انا دخلت في غيبوبة اسبوع وقلبي وقف واشتغل تاني و صحيت من الغيبوبة الدكتور قالي انتي ربنا احيكي تاني وجيلي فقدان ذاكرة نسيت كل حاجه ونسيت جوزي وبناتي وكل حاجه قعدت كده فتره وبعد كده الذاكرة رجعت تاني بتدريج بس لسه لحد دلوقتي ساعات بنسي حاجات بس مش زي الاول طبعا وجسمي كله اتكسر جبسته ودخلت كذا عملية وبعدها بقت امشي بعكياز رجلي فيها مشكلة مطرح الحادثة ملهاش علاج وللأسف بس الحمد لله اني بمشي عليها حتي لو بعكياز
بنتي بقي مدخلتش غيبوبة بنتي دماغها اتفتحت وجيلها اصابه في عينها عينها اليمين راحت الحمد الله ظهرها اتكسر كله وعملت عملية فيه بس وبقت كويسة
طبعا جوزي جيلنا المستشفي كان منهار انا عندي بنت تانية دي كانت الحمد لله مكنتش معنا كانت مع جوزى جوزي قالي انا كنت فقدت الامل انكي تفوقي والدكتور طلع قالنا هنطلع لها تصريح دفن وانا روحت جهزت المقابر قالي انا كنت معتبرك ميته وكنت بعيط انا مش مصدق انكي فوقتي
محمود :لا اله الا الله معلش الف سلامه عليكي الحمد لله انها جت علي قد كده ربنا كتبلكم عمر جديد الحمد لله الله يعافيكم يارب
طبعا العربية ادمرت
حنين: ايوه طبعا انا جوزي شغال في شركة وهو مقتدر ماديا وكان اشترلي العربية ال راحت دي فهو عنده عربيته انا خسرت عربيتي هو الحمد لله عنده
محمود :الحمد لله طيب والعربية ال قدمك ال خبطتك حصل فيها ايه
حنين : هي عربية أجرة هم كان فيها خمسة الساوق مات والتاني مات ال كان قاعد جنبه والتلات الحمد لله عاش مش مات والرابع عاش
محمود :الله يرحمهم الحمد لله انه في اتنين عايشين والشخص الخامس
حنين :اتنطر من العربية ومات علي الطريق
محمود :الله يرحمهم دي حادثة صعبه
حنين : يارب عارف وقت الحادثة انت مش بتقدر تحكم في العربية انا مبقتش عارفه ايه ال بيحصل انا كنت بحاول افرمل مكنتش العربية بيتفرمل احاول اوقف العربية مش بتقف حاولت الف العربية اتجاه تاني الدركسيون هو كمان مكنش بتحرك معرفش ايه ال حصل لعربية زي ما تكون اتلبست جن وقت الحادثة بتفقد السيطرة علي كل حاجه وهو كان سايق بسرعة عاليه ومشغل مهرجانات وبتاع وراح خبط فيا وانا خبطت فيه عربيتي لفت من الخبطه هو ده ال فاكراه بعد كده اتشقلبت انا معرفش ازاي أو ايه ال حصل بعد كده بس جوزي قالي عربيتك كانت متشقلبه هو الرجل كان سايق بسرعة عاليه جدا وبنتي هي شافت كل الحادثة وكل ال حصل هي كانت فايقة معرفش ازاي بس قالتلي ياماما العربية اتقلبت بينا وفضلت تقلب بينا أنا اليوم ده مكنتش عايزها تجي معايا اصلا وقلت لها خليكي في البيت بس هي قالتلي لاء هيجي معاكي وأصرت وانا مش عارفه كنت مخنوقه اليوم ده وحاسة بزهق وحست اني هيحصل حاجه بس مكنتش عارفه ايه ال حصل وقعدت ازعق لها في العربية كتير كنت متعصبه
محمود:الحمد لله انها جت علي قد كده قدر الله وماشاء فعل ايوه حستي بالحاجة قبل حدوثها
حنين :تقريبا
محمود :ايوه و انتي وقت الغيبوبة كنتي بتحسي بايه أثناء الغيبوبة
حنين :مش فاكره حاجه كل ال فكرهه اني كنت بشوف بناتي قاعدين حواليا وبنضحك و قاعدين في مكان حوله شجر بس هو ده ال كنت بشوفه مش فاكره اي حاجه تانيه
محمود :الحمد لله انكي بخير
حنين :الحمد لله بس يا دكتور حماتي هي عايشة معنا في نفس الشقة بس يعني علاقتنا مش كويسه اوي تقولي انا مش عارفه انتي عشتي ازاي احنا كنا معتبرينك ميته احنا كنا بنحضر قبرك انتي بسبع ارواح
محمود :هههههههه معلش هي ست كبيره خديها علي قد عقلها طيب جوزك علاقتك بيه كويسه
حنين:لاء مش اوي مشاكل برضوا وهو عصبي ويضرب وكده
محمود :ايه سبب المشاكل
حنين :غيرة زيادة هو بغير عليا
محمود :ايوه معلش
حنين :دكتور انا كل يوم احلم برجل ال في العربية ال قدامي بيجلي في الحلم بشوف نفسي واقفه في مكان الحادثة والعربية مقلوبه وهو واقف ويقولي انتي السبب في كل ال حصل وبشوفه واقع في الأرض وهو ميت واشوفه بعد كده يصرخ والحلم ده بتكرر معايا
محمود :ايوه من تأثير الحادثة ويمكن علشان انتي مثلا وقفتي في وشه او كده
حنين :لاء لاء
محمود :طيب خدي مهداء للأعصاب قبل النوم واقري اذكار الصباح والمساء وهتبقي تمام والف سلامه عليكي والله يشفيكي وخلي بالك من الطريق بعد كده
حنين :حاضر شكرا جدا ليك
محمود : الشكر لله
المذيع :خلصت حلقتنا النهارده انتظرونا بكره في حلقه جديدة
