في استديوا في الرديوا كان جالس المذيع والاستاذ الدكتور النفسي وخبير الروحاني وخبير علوم الطاقة الدكتور محمود
المذيع :لو مرت بشيء غريب لو مرت بشيء غير منطقي لو شفت حاجه ومش عارفها تفسير لو حاسس ان في حاجه جوه المرايا بتكلمك لو حاسس انك مش لوحدك مع انك لوحدك اتصل بينا ومتردتش واحكي حكايتك واحنا هنعرضها علي الالف المستمعين ال بسمعونا
يرن جرس الهاتف
الو مش هقول اسمي
المذيع :تمام اهلا وسهلا بيكي اتفضلي الدكتور معاكي
:اهلا وسهلا بيك
محمود :اهلا وسهلا بيكي يا استاذة اتفضلي انا معاكي
:دكتور انا انتحرت فعلا بس مش موت انا تشوهت
محمود :ازاي يعني وضحي
:دكتور محمود انا متجوزة وعندي تلات ولاد ولدين وبنت بس في مشاكل كتير بيني وبين جوزي وهو بعصبني وانا زهقت منه وبيضربني وانا جبت اخري وحياتي كلها زفت كمان مشاكل مع اهلي انا قرارت انتحر جبت جاز ورمته علي نفسي ولعت في نفسي ونار مسكت فيا في الاوضة وابني الصغير كان نايم علي السرير وصدره اتاثر من الدخان الطالع وتخنق
محمود :ايه ده برافو عليكي ايه الشطرة دي يا جدعان انتي هبلة يابنتي انتي مجنونه ايه ال انتي عمليته ده
:كنت زهقانه من حياتي
محمود : شوفتي ربنا مش بتعاند اديكي عشتي ومشوهه مين نقذك
:جوزي كان نايم في الاوضة التانيه وانا دخلت الاوضة ولعت في نفسي هو شم ريحه حريق وصريخي سمعه طلع يجري دخل الاوضة ورمه بطانية عليا وخدني علي المستشفي اتحجزت هناك جسمي اتشوهه وكتبولي مراهم وكريمات بحطها وابني دخل العناية بسب ان صدره كتم هو لسه مولود
محمود :ايه الجمال ده انتي بجد انسانه مستهره تعملي كده ليه اصلا مهما الابواب اتقفلت في وشك هيجي يوم وتفتح لكل حاجه نهاية مفيش حاجه بتفضل علي حالها كل حاجه ليها نهاية مشاكلك وحزنك ده له نهاية حتي لو طولت النهاية بس في نهاية في الاخر وفي نور هيجي يضيء حياتك غير انكي كل لما تصبري علي مشاكلك وحزنك هتاخدي حسنات ان الله مع الصابرين اصبري صبرك ده جزاه عند الله كبير جدا لكن ال عمليته ده انتي بتهربي من الامتحان ال ربنا حطك فيه وتقلبي المركبة علي ال فيها وهتسقطي فيه اديكي عشتي عشتي مشوهه مع انكي كنتي حلوه قبل كده ليه تضيغي دنيتك واخرتك اتعبي شوية في الدنيا بس التعب مش هدوم دوام الحال من المحال
:كلامك صح بس أنا اصلا عندي مرض نفسي واكتئاب واحيانا بسمع اصوات بتكلمني وأصوات في دماغي بتامرني اعمل حاجات وهي ال أمرتني اني انتحر وبشوف ناس ريحه جاية في البيت وفي الشارع وفي كل حته وبختفوا يا دكتور وانا علي طول تعبانه في جسمي اخرج من حاجه ادخل في حاجه
محمود :روحي لدكتور نفسي يعلجك مش عيب ولا حرام ملكش دعوة بالمجتمع وال بقوله يقولوا عليكي مجنونه ياستي المجانين في نعيم يلا
:طيب يا دكتور محمود بس انا حاسه اني معمولي عمل مسحورة
محمود :روحي لراقي كويس ورحي لدكتور نفسي برضوا امشي في الطريقين مش طريق واحد لأن اعراض الأمراض النفسية بتشبه مع اعراض الروحانية
:حاضر يا دكتور
محمود :وقت لما انتحرتي عقلك كان فين مشاعرك كانت فين
:فقدت السيطرة علي عقلي ومشاعري اصلا مكنتش شايفة قدامي ولا عارفه انا بعمل ايه انا حست زي في حاجه مسيطرة عليا مش انا وكنت سمعه صوت واحد في عقلي بقولي انتحري يلا وانا نفذت
محمود :كنتي تقدري تسيطري بس انتي استسلمتي لنفسك ودي كانت النهاية
:ايوه للأسف طيب وجوزي اعمل ايه فيه
محمود :تجنبيه وحولي مترديش عليه
:هو بتلككلي علشان يعمل مشاكل معايا
محمود :خليكي باردة لما يقعد يعمل مشاكل معاكي اشغلي وقت باي حاجه تانيه في البيت أو مع ولادك كده يعني متركزش معاه وموضوع الانتحار مش يكرر تاني علشان نفسك مش علي علشان حد
:حاضر يا دكتور
محمود :هو جوزك شغال ايه
:دكتور
محمود :دكتور يعني اكيد بيبقي مشغول في العيادة او المستشفي صح الوقت ال بقعد فيه في البيت خليكي متجنبة وخلاص هو تتحسن في معاملته معاكي بعد موضوع الانتحار ده
:لاء زي الزفت
محمود :خلاص تجنبية وردي علي قد السؤال وخلاص
:حاضر يا دكتور شكرا ليك جدا
محمود :تحت امرك يا استاذة
المذيع:خلصت حلقتنا النهارده انتظرونا بكره في حلقه جديدة
