عزدين (أزو): مالها العزبة مشنفة ليوم
نذير : روح قود عليا صباح ربي بركانا من تعقان تاعك
عزدين : وقيلا جاتك راك مدبرس قاع هاك ديجا ني مهود للشط تجي تبدل شوي
نذير : جات لختك و لا منجيش راني خارج
ناص نذير وهو يرفد فمفاتيح تاع لوطو تاعه باش يخرج دار البوني فراسه و كاشني وخرج وهو ينقرش
"ناس تقعد تدفى فدار و هو يدل هايم فبحور كاش نهار يلقوك جامد في كاش قنت نتا "
قالها وهو يخزر فصاحبه عزدين اللي يلغوله ازو بحكم انهم فبلاد اجنبية و اسمه طويل و صعيب لصحابهم اللي ميعرفوش العربية
نذير :" ني رايح للبور نجيب السي خونا بارح نص الليل تفكر بلي عنده حياة و صحاب ولافامي هنا تاني "
ازو :" ياااك الياس راه جاي مقاليش الكلب "
نذير :" من تولي كي الناس ترفد تلفونك و تشعله تما هدر و ريكلامي على عمرك "
قالها وهو يخرج و يدخل يديه فجيب البومباز اللي كان لابسها
وصل للبور و قعد واقف برا عند الباب يقارع فيه يبانله وهو يشوف فغاشي مدابزيين مع ديوانة و الزقا و التطياح داير حالا
لي يشوفه بيناتهم مينجمش يعرف بلي هادا جزايري لا من لبسته ولا من وجهه ولاطاي تاعه
نذير يعطيك فايب تاع واحد لاتيني بحكم هو زاد و كبر فسبانيا جاي داير كيفهم غي منعرت كيفاه قاعد يهدر جزايرية
والديه لزوج جزايريين عاشو وكبرو و متزوجين فسبانيا بصح قاعديين يهدرو مع ولادهم بالجزايرية ومعلمينهم يهدروها و ميهدروش بسبانيولية من يكونو معاهم ولا مع واحد جزايري
عيط نذير لاالياس من دخله ميساج بلي نيميرو تاعه راه محلول
جاته لافوا مبحوحة و تقيلة :"واه نذير "
:" عاام ونا نقارع فعزرينك باش تطلع البرد خف روحك "
كوبا عليه الياس بلا ميقول والو زاد شعل نار فنذير اللي بدا يغلي وحده و يطيح باسبنيولية مخلطة بجزايرية مخلي لي يفوت عليه يخزر فيه ماعرفينه لا منا ولا من بلاد
الياس :" ساعف روحك خيرما يطرطقلك عرق فراسك "
نذير نخلع قفز من حس لي جاه قريب لوذنه و هوا الحامي اللي ساط فيها
دار و هو يخزر فيه ضربه لكتفه " tu madre " *مك *
الياس حمر فيه وفاته :" خلي ما راقد فقبرها طرونكيل "
عض نذير شواربه وراح يجري موراه بحكم انو الياس طويل و خطوته فيها زوج و نذير مهوش طويل تالتم باش يلحقه فمشية
نذير :" قوليي حمبوك من راك جاي ببابور علاه مشقيني تا لهنا مجبتش لوطوتك !؟ "
الياس :" جيت بلاموطو و باقاجي راني جايبه مع واحد صاحبي باش ترفدهلي سيد خدام مينجمش يوصلهلي لدار " قدم مذير حداه وهو يشوف قيه يجبذ البيي تاع الاورو و مده لراجل .
دخل راسه بيناتهم كي القط مبعد طلعه لاياس و قاله و هو يتبسمله
:" ونا وين راهم دراهمي تعرفني منبغيش نخرج فبرد و جيت علا خاطرك "
أنت تقرأ
Belleza Infinita *جزايرية *
Romanceرواية قاي يعني الوان ادا نتي متبعيهاش متشقيش روحك تدخلي و تنتاقدي نذير يبغي الياس . و الياس تاني يبغي ندير . بصح الياس يبغي نذير كي خوه . كي غادي يدير نذير باش يقلب داك الحب الاخوي و يخليه يشوف فيه بطرقة وحدخرا . رواية جزائرية مثلية . اعيد و اكر...
