"حبس ني باغي نهدر معاك نذير وين راك باغي تروح "
هدر الياس وهو يتمشي مور نذير اللي كان ناض و معول يعاود يلم قشه اللي كان الياس ديجا عاود دخله فالماريو و ستفه .
" وخر عليا صايي منجمتش مابغيت تفهم روحك ما بغيت تفهمني انا "
" صحا حبس وين راك باغي تروح نصاص ليالي "
" نتلع لكاش قنت مودر مهم منقعدتش هنا ، صااي الياس بزاف عليا و عليك "
حكمه الياس و دوره مقابله و شاده من يديه بدا نذير يبكي و يهز براسه
" لوينتا و نا نقعد هاكا نشوف فيك و نبغيك من بعيد معييت نمعنيلك ماعييت نشرلك والوو مبغيتش تشوف فيا والو "
" و تزيد بزيادة طمعني و تحسسني بلي تبغيني . صحا عرفنا بلي تبغيني كي خوك بصح انا منبغيكش كي خويا و جامي شفتك هاك علاه مراكش باغي تفهمني "
زقا نذير و زاد بكاه حتى عنقه الياس و قعد يسلمله على شعره و يواسي فيه بالهدرة .
"انا حمار منفهمش و مغندف معرفتش بلي نبغيك حتى قريب هبلتك "
من سمع نذير هدرة تاع الياس هداك نين زاد يبكي كثر ، حتى قعد الياس يضحك عليه
"هبلتني و بزيادة كتر ، واه نتا حمار متعرفش و رديتني تا انا منعرفش "
هدر نذير بتواغ و و خر عليه و بدا يضرب فيه للصدر و كتف بيديه للزوج
قعد الياس بضحك و شده من يديه لزوج و قربهم لوجهه و قعد يسلم عليهم و يهدر بين كل كلمة يقولها يسلم على يد
"صحا هاني عرفت روحي و راني نقولك فيها انا نبغيك "
"ااااااااااعععع متقولهاش هاك " كمل يبكي و يتخبط بين يديه كي البز
"علاه ياك قلتلي بلي تبغيني مراكش باغي من راني نقولك بلي نبغيك انا تاني "
قربه الياس عنده و همسله في ودنه بشوية وهو يمسحله على ظهره ، هزله نذير براسه بمعني لا
"قلبي ميستحملش هاد الكلمة منك ، كنت موجد روحي لبزاف احتمالات بصح باش تقولي نبغيك هاكا لا منجمش "
دخل نذير راسه في صدر الياس كتر وعنقه مزير عليه .
ضحك الياس وعنقه هو تاني مزير عليه ، قعدو شوية هاك حتى نطق الياس
"صحا طلع وجهك راني باغي ندير حاجة راهي في قلبي دا شحال "
عقد نذير و طلع راسه باغي يهرف على واش راه يهدر الياس ، حتى حس بشوارب الياس فوق شواربه رمش بعينيه مخلوع مكانش يقارع فهاد الخطوة
حكم الياس نذير من رقبته و هود شوية عنده و عمق البوسة كتر و هو غي يسلم و يمص فشوارب نذير قعد يسلم عليه و يشبع فيه حتى حس بنذير يخبط في كتافه
بعد عليه و من بعد شواربه دارو حس من كترة المص ، قعد يشوف فنذير اللي كان وجهه حمرة و دايخ عينيه محلولين غي شوية و راكز عليه مشي منجم حتى يوقف نيشان بطوله
عاود تمتم سلم على شواربه بوسة سطحية شوالا فيها شوية حس و تنهد عند وجهه
"منعرفش كيفاش كنت مفرط فيك هاك "
نطق الياس وهو يسلم على قاع وجهه نذير مشي مستحمل وجهه و كمية اثارة اللى كانت فنذير بغى نذير يواجبه و لا يضربه بصح منجمش و شهق مخلوع من حس بنذير هود بشواربه لرقبته
سيا يبعده شوية بصح الياس مبعدش و قعد يسلم و يمص في رقبته حتى وخر وحده و حط جبهته على جبهة نذير
"سمحتلي ؟"
"انا مبغيتش نسامحك لخطرش عييتني بصح قلبي ميستحملش بعادك عليا "
"كون منهار لول جيت وقلتلي بلي تبغيني كون مصراش قاع هاد شي "
كمل الياس هدرت و ضحك من ضربه نذير للكتف و كمل تعناقهم و راحو لشومبرة تاع الياس و تكسلو تما متعانقين .
.........................
بارت قصيرة سامحوووني 🥹
أنت تقرأ
Belleza Infinita *جزايرية *
Romansaرواية قاي يعني الوان ادا نتي متبعيهاش متشقيش روحك تدخلي و تنتاقدي نذير يبغي الياس . و الياس تاني يبغي ندير . بصح الياس يبغي نذير كي خوه . كي غادي يدير نذير باش يقلب داك الحب الاخوي و يخليه يشوف فيه بطرقة وحدخرا . رواية جزائرية مثلية . اعيد و اكر...
