نهار الحفلة كان نذير يلبس فالكوستيم تاعه و هو يشوف في روحه فالمراية عاجب عمره مع انو قليل وين يلبس الكلاسيك و ميبغيش بصح دايمن يخير لبسته تكون فيها لمسة من الموضة سقم روحه و راح عند الياس اللي كان يوجد في روحه فشومبرته باش يقضهم الوقت ، دخل و شافه يمشط في شعره
"تااارا شوفني كي راني شباب " هدر نذير و هو يقرب عند الياس و يميل في روحه باش يبانو الجوانب اللي كانو عريانين .
ضارله الياس و تبسمله و هو يقربه عنده حط يديه على خصره و سلم عليه و همسله في وذنه
"نتا عريان و تدي العقل و النفس ماتحال لابس هاك " حط نذير راسه فكتف الياس خازنه تما من الحشمة و رفد روحه على صباعه و عنق الياس بيد وحده و زاوجة مزالت مور ضهره و سلمله على رقبته و من بعد على خدوده من طلع راسه
"هاك هادا كادو تاعك " بعد عليه شوية و مدله قابسة داها الياس وتبسمله و سلمله على راسه
" راك عارف بلي من تضحكلي و تكوني مهني و فرحان معايا هداك كادو تاعي "
"واه عبالي عمري بصح بغيت نديرلك هاد كادو و تاني باش يقعدلك و كل ما تشوفه تتفكرني "
هدر نذير وهو يشوف في اليلس يحل فالقابسة و شاف بورتموني (leather wallet )من عند توم فورد و مطبوع على جيهة الحروف الوالة من اسمواتهم
ضار الياس للطابلته و رفد تاعه و جبد لي كارت تاوعه و حطهم فالجديدة و دسها فجيب تاع كوستيم لي كان لابس الدخلاني
رفد يديه نذير وسلمله عليهم لزوج و مدله قرافاتة باش يديرهاله
"صحيت عمري "
"بصحتك بيبي " واجبه نذير و خون بوسه خفيفة من شوارب الياس قبل مايلبسه القرافاتة تاعه
....................
فالحفلة كانو كامل متلايمين و ساهرين فالقاعة الحفلات اللي كاينة فالشركة مور ما لقى الياس و بوه خطابه و ترسم فالمنصب تاعه .
كان الياس واقف يهدر مع رجال وحدخرين و نذير مجمع مع عزو و ناثان و ياكل فالقاطو و يتبسم و يشوف فالاياس
"علامة خطرات منامنش بلي راني بصح معاه و نرقد و نوض مقابله "
"واك درت العجب باش ديته كيفاه متامنش " نطق عزدين وهو يرفد فالجوي من اللرض و يمده لناثان اللي عاود قاسه و ضحك باغي يلعب مع عزدين .
حمر نذير في عزدين بنص عين و ضار كمل يحلم فالياس و يشوف فيه مشي حاط البال لاكرم اللي جا و رفد هاد خطرة هوا جوي من اللرض و مده لناثان و لعب معاه شوية و جمع حدا عزدين و شدله يده و بداو يهدرو .
نذير شاف من جا شير عند الياس و هدر معاه فودنه و كيفاش الياس عقد حواجبه وتنارفا و خرج يتمشي مور الشير ، مفهمش نذير شاصرا و جا غادي يلحق الياس حتى شاف راجل خالته جاي من جيهته
حبس وهدر معاه شوية حتى ليكيداه و راح من الطريق اللي راح فيها الياس من وصل للخرجة شاف الياس شاد يد ماري و مقربها عنده و يهدر معاها وهي تهز في يدها منه بالسيف باش يطلقها
بغى يقرب و يسمع شاراهم يهدرو حتى سمع ماماه تلغاله هي و مرا كانو داخلين و شافته نقرش تحت نيفه و شاف فالياس و ماري اللي كان ضاير يتمشي و مخليها تخزر فيه من موراه و راح هو عند ماماه .
كملت السهرة و نذير غي ضور في راسه علاه ماري اللي مكانتش باينة و حسها منسمعش ضربة وحدة عاودت ولت ، كان غايس حتى حس بيد الياس فوق كتفه من جمع و جره حداه
"مالك عمري ، عييت ؟" سقساه الياس و هو يهود فراسه يشوف فوجه نذير اللي تبسمله نص تبسيمة وهزله راسه بوالو .
" دوك شوية ونروحو لدار صبر عليا صحا " هدر الياس وهو يمسح على ظهر نذير و يشرب من كاس الما لي كان قدامه
مبغاش يخليه وحده من كان عزدين راح ديجا هو و اكرم على جال ولدهم ، قعدو مجمعين شوية و كل واحد راسه يخمم في حاجة .
.................
ماري كانت واقفة برا تكمي فالدخان و منارفيا باينة على وجهها مقلقة تعيط و تعاود لصحبتها باش تجي تديها و طولت عليها ، حتى جاها راجل من موراها وهدر معاها
"ليكيداك صاحبك ؟"
حمرت فيه ماري و ولت تكمي فالدخان مشي تقيم فيه
" شاتقولي عليها نتعارفو "
"روح منيش لاهيتلك "
" لوكان نقلك شكون انا بالاك تلهيللي "
" امم و كيظرت عرفت بلي غادي نلهالك ؟"
"بالاك لاعرفتي بلي خصني واحد يعاوني باش نبعد الياس على لي يسموه خويا صغير "
"مكان مادخلني بيناتكم نتا و داك المخنث لي راه معاه "
"سيي دخلك على حساب مانعرف صاحبك سمح فيك على جال شير ، و نا خصني نتي تعاونيني باش نتي يوليلك راجلك و نا نتفاهم مع خويا الصغير على طبايعه الخاسرين "
ضارت ماري و شافت فيه كان يبان بلي كروشار و غي تاع دبزة ، قعدت تخمم فهدرته و شافت بلي مافيها والو ادا سييت .
"وانا وين تعرفني"
"راني دا شحال نعس فيكم بالواحد من نهار لوليت هنا ، اونفا لقيت الفرصة باش نهدر معاك "
"كيش نعاونك ؟"
"ني باغيك تبعدي الياس من داره على الاقل يومين "
قعدت ساكتة تخمم حتى جاتها فكرة في راسها تبسمت و قربت عنده عطاته نيميرو تاعها
"هادي ليقلها تجميعة و نتفاهمو مشي هاك و الياس خليه عليا نعرف كي نبعده على نذير "
هدرت و شافت صحبتها جاية وخرت عليه و ريشتله بايباي و راحت .
قعد ناصر واقف بعيد شوية مقابل شركة كان معول يدخل و يشوف الحالة كي دايرة بصح من تلاقى مع ماري و عرف بلي صايي راه ضامنها تعارنه تبسم و قرر ميدخلش باش ميحيبش الشك لروحه .
بعد كل شي والظيه متبريين منه و مشي سامعين بيه .
.............................
هاد الدلع و القلاش سموكم نتوما تاني تقلشوني اوكييي ؟؟ 🤭
توقعاتكم شيرات حلبوني بشوية افكار .
أنت تقرأ
Belleza Infinita *جزايرية *
Romanceرواية قاي يعني الوان ادا نتي متبعيهاش متشقيش روحك تدخلي و تنتاقدي نذير يبغي الياس . و الياس تاني يبغي ندير . بصح الياس يبغي نذير كي خوه . كي غادي يدير نذير باش يقلب داك الحب الاخوي و يخليه يشوف فيه بطرقة وحدخرا . رواية جزائرية مثلية . اعيد و اكر...
