البارت مشي مصحح ادا مفهمتوش حاجة قولولي ، متنوسش فوت وكومنت 💋🫶
..................
"اكرم الياس و نذير راهم جايين " نطق عزدين وهو متكسل و مكالي ظهره فلوحة تاع المطرح حاط راسه عند كتاف اكرم اللي كان يخدم فالبيسي تاعه
اكرم شاف الساعة قريب اللليل ديسيدا يكوموندي العشا و يتعشو قاع في رحبا باش عزو ميكرهش راه فايت سيمانة وهو غي مجمع فالمطرح قليل وين يبوجي .
"شاراك باغي تتعشي نكوموندي ولا نطيبلك "
"معليش لايتعشو معانا الياس و نذير راني متوحشهم "
"واه باينة هادي راني عليك نتا شاراك باغي للعشا "
"قولهم يجيبو هوما معاهم مكالاه تغبن روحك "
"نكوموندي انا نورمال "
"راك لاهي كمل خدمتك ، ديجا هوما راهم جايين بالعشا ولا بلا بيه و بزيادة مكانش واحد عنده القو خير من نذير فالماكلة "
'اوكي كيما تبغي "
...............
"هانا جيناااااااا " دخلو الياس ونذير شادين يدين بعض و الياس شاد البورسات في يده الزاوجة
"راكم ناسيين بلي عندكم صاحبكم راه مدقدق متكسل في مطرح "
"غي نون بارح كنا عندك عزدين ، وليت تشكي كي نذير " ضربه نذير بصفعة للظهر و ضار لعزو و حل يديه و قاس روحه عنده يعنق فيه
" اووووه بنتي توحشتني كيتي يااانا ، راك عارف طبايع متزوجين جدد"
ضحك عزدين بالفور على المتزوجين جدد و هو يشوف فالياس يشوف فنذير و يتبسم .
"صحا المتزوجين راني جيعان باغي نتعشى "
"الياس روح عاون اكرم فالكوزينة عندي دوسيات ليق يتناقشو مع عزوزييي " هدر و هو يريش لالياس اللى طلع حاحبه و هو يشوف فيهم من بعد راح للكوزينة عند اكرم .
"اياا كيراكم دايرين ؟ " سقسى نذير عزو وهو يكفل فوق المطرح مزر ما قلع صوالح و قعد غي بقش خفيف .
"حنا اونسيا و ديجا مكانش جديد راه يخاف حتا باش يسلم عليا ، خبرتي عليكم نتوما راه متهلي فيك الياس ، ديجا بلا منسقيي الياس منحيت خلقت لهاد الدنيا وهو طايح غيك منعرت كيفاه مكانش عارف "
"لخطرش صاحبك مغندف ميعرفش "
و كملو قسرو حتى ناض نذير للتوالات ، و عزو قرر يروح بشوية للطوزينة ويتعشي تما معاهم باش ميغبنهمش و يجيبو قاع ماكلة عنده كيما موالفين يديرو .
قعد يتمشى بشوية و هو يشد فالحيط باش ميدوخش حتى قريب يوصل للكوزينة سمع نذير يتوغ و يعيط باسمه ماجا يضور و يقوله بلي راه هنا حتى شاف اكرم جاي يجري عنده و يشده من كتافه لصدره .
أنت تقرأ
Belleza Infinita *جزايرية *
Storie d'amoreرواية قاي يعني الوان ادا نتي متبعيهاش متشقيش روحك تدخلي و تنتاقدي نذير يبغي الياس . و الياس تاني يبغي ندير . بصح الياس يبغي نذير كي خوه . كي غادي يدير نذير باش يقلب داك الحب الاخوي و يخليه يشوف فيه بطرقة وحدخرا . رواية جزائرية مثلية . اعيد و اكر...
