كان مجمع نذير فالمطرح مكفل مقابل ظهر اكرم اللي من حيت جا وهو مجمع فالكرسي مقابل عزدين و شادله يده ، اللي كانت الحمى طالعتله و كان خطرة على خطرة يمسحله بالما بارد مور ما جابوله طبيب يزيدله الدوا .
الياس كان برا يكمي دخان مغموم من صاحبه اللي كان يشوف حالته و زاد غمه نذير كثر من مراهش مقيمه .
"ا ا-انا ني خارج نشوف الياس " هدر نذير و هو ينزل من المطرح باغي يهرب من الشومبرة مالغري لسانه طويل و خطرات يقباح بصح يخاف من اكرم ميبغيش مامبا يوقف حداه ، من فطن و شافه واقف حداه قريب يطيح من المطرح من خلعة حتى شده الياس من تم و هو مجمع من موراه و ساكت يلايم فالكوراج باش يهرب من شومبرا .
"الو واه وين راك ؟" عيط نذير لالياس باش يروح عنده ميبغيش السبيطارات و يكره يقعد فيهم
"عزدين ناض ، راح مليح راني جاي راني جااي " هدر الياس بالخف و ما جا غادي يكوبي حتا فهمه نذير بلي باغي يخرج منا هدا مكان
"قارع ني جاي نديك "
قعد يقارع شوية وهو واقف برا عند الباب من دار الياس و جا جاي عنده شافه كي كان داير
مع لول كان شاد فتشناف تاعه و مشي باغي يهدر معاه بصح غدي يعدره هاد اليامات مابيلاما يولي عزو مليح و يعاود يزير روحه معاه
قعد يشوف فيه لابس جوكينق قري و فيستا بومبوز و شعره كان طايح على وجهه و ووجه طافي مالغري الياس مشي من ناس اللي يتمشي و يضحك بصح يقعد باين بلي راه مهموم. غاضه نذير الحال على الياس و قرب عنده كتر و شده من دراعه .
"متخممش دوك يفطن نشاءالله و يريح "
"انشاءالله "
"ندخلو عند اكرم نقله بلي غادي نخرجو لاكاش حاجة يعيطلنا "
"لا دخل وحدك عنده راني نقارع فيك هنا "
همهمله الياس براسه و دخل تفاهم مع اكرم و خرج دا نذير و خرجو لكتفيتيريا لحدا سبيطار قعدو مجمعين تما .
...........
فات النهار و عزدين غي راقد من تقلقو عليه و راحو سقسو الطبيب قالهم بلي عادي و دوك شوية و يفطن .
كانو مجمعين كيما صباح كل واحد لاهي فحاجة اكرم و الياس يهدرو و نذير متكسل يشوف فسما يقاوم فالنعاس مشي باغي يرقد و ميفطنش بعزو من يفطن .
قعدو هاكا حتى سمع نذير حركة خفيفة حداه ضار براسه و شاف عزدين يبوجي فيديه شوية يتلمس حداه .
نقز من مطرح و راح يجري عنده حتى شافوه اكرم و الياس و راحو يجرو تاني عنده
"عزدين عمري راك مليح راك مضرور نقولا لاياس يعيطلك لطبيب ؟ "
نطق نذير و هو يشدله فيده و يشوف فعزدين يعقد فحواجبه و يهزله فراسه
قعد شحال و هو يتحمحم باش نجم يهدر من قرزيه كان ناشف و مشي منجم يخرج الكلمات ، حتى شاف يد تمدله فالكاس لفمه ، كان عاد دايخ و مشي عابي شاصاري حداه كان يشوف فنذير و الياس مقابلينه مالا شكون لي راه يمدله فكاس الما .
أنت تقرأ
Belleza Infinita *جزايرية *
Romanceرواية قاي يعني الوان ادا نتي متبعيهاش متشقيش روحك تدخلي و تنتاقدي نذير يبغي الياس . و الياس تاني يبغي ندير . بصح الياس يبغي نذير كي خوه . كي غادي يدير نذير باش يقلب داك الحب الاخوي و يخليه يشوف فيه بطرقة وحدخرا . رواية جزائرية مثلية . اعيد و اكر...
