-الليلة اللي سهرو فيها -.
مور ما خرج عزدين يشوف كي صرالهم و ملقاهمش و عيط لالياس اللى قاله بلي راحو للدار
جا غادي يدو حتى حس بيد تشده من جنابه نخلع و ضار بلخف تا شاف اكرم يشوف فيه
"خلعتني دير حس و لا هدر "
" كنت لاهي فتلفونك "
همهمله عزدين و هو يدور يقابله و يشوف وضعيتهم اللى مريحلهاش ، حس روحه بيزاغ من شاف اكرم شاده هاكا عنده
وخر روحه بشوية و تحمحم
"صحابك راحو ؟"
سقساه و هو يشوف فعينيه ، مركزش عزدين نيشان مع هدرته و قعد يئيفيتي يشوف في وجهه و قاعد يشوف في كلشي .
"مالا نا نروح تاني ، بالاك الياس يسحقني "
"فاش يسحقك "
" نذير بالاك يمرض "
" عزدين نتا خدام ؟"
عقد عزدين حواجبه و شاف فاكرم اللي قلب الهدرة تمتم و واجبه
"واه ! "
" شا تخدم "
"Management de projet "
"مشي فرملي ؟ "
عقد عزدين حواجبه قعد شوية باش ستوعب شاراه يقصد اكرم قعد يضحك حتى عاود طلع راسه و شاف اكرم ساكت يشوف فيه
تحمحم عزدين بخشونية و سقساه "نوصلك فطريقي ؟ "
" ينتا راك معول تواجبني ؟"
عزدين راه مخلوع كيفاش اكرم ينجم ينقز من موضوع لخوه نورمال ، ستيرسا و جا غادي يبدل سوجي
طلع راسه لاكرم اللي كان مكالمي و يشوف فيه
قعد يخمم مع روحه و شاف بلي ينجم يعطي فرصة لاكرم بحكم يعرفه من دا شحال مشي صاحبه جديد كيما خبر الياس
شوالا مراهيش باغية تدخل فراسه كيفاش واحد كيما اكرم يبغيه
المشكل مراهش في انه يستنقص في روحه ولا يشوف روحه ميستاهلش
المشكل راه فانو هو دايمن كان الفوق التوب و اللى كان معاهم قاع يا يكونو عاديين يا يكونو توينك و كيوت
تسما من يوشف الطول و العقلية تاع اكرم اللي عكس عقليته يتقلق شوية
هو عاجبه و عارف بلي اكرم يبغيه مشي غي عاجبه
تفكر النهار اللى عيطله اكرم فليل و قاله بلي يبغيه و راه باغي يكون معاه و. كان غي من يومين اللي تعارفو على بعضياتهم
أنت تقرأ
Belleza Infinita *جزايرية *
Romanceرواية قاي يعني الوان ادا نتي متبعيهاش متشقيش روحك تدخلي و تنتاقدي نذير يبغي الياس . و الياس تاني يبغي ندير . بصح الياس يبغي نذير كي خوه . كي غادي يدير نذير باش يقلب داك الحب الاخوي و يخليه يشوف فيه بطرقة وحدخرا . رواية جزائرية مثلية . اعيد و اكر...
