مين ناض الياس شاف ساعة تاع تلفونه لقاها سبعة ونص تاع ليل عقد حواحبه شاف بلي رقد بزاف قعد يشوف فشومبرته فراشه اللي كان مخبل شوية و دوا اللي نصه فطابلة ونص فاللرض ، تفكر بلي نذير كان حداه
حس روحه كان خير من صباح ناض و دوش بما بارد و بدل قشه و هود للكوزينة يشوف نذير شاراه يدير
شافه داير لكام و يهدر مع ماماه و لابس طابلية و ملايم شعره على جبهته و يقطع فباطاطا ، دخل عنده و ضور تلفون لعنده و باش يهدر مع خالته سلم عليها و هدر شوية معاها
شاف فنذير اللي كان واقف على كرع واحد و مخصر يديه يقارع فيه يشوف فيه ، تبسم الياس على نذير كي كان داير و حكم وجهه و ضوره على جيهة و سلم على خده مخليه مطرطق عينيه يشوف فيه و يشوف فتلفونه
فك تلفونه من عند الياس و قريب دخله في وجهه
" ماما الياس سلم على خدي "
عاود شاف فيه و هو رافد صبعه لخده هزله الياس كتافه زعما نورمال
" قبيلات سلمت عليا و بانتلي نخلفهالك ضروك "
"اواااه ماما ولد ختك راه عنده قلب و يحس كيفنا ماشي جابية فوق اللرض "
قعدت ماماه تضحك عليهم مشي عارفة علاه ولدها تحمس قاع هاك من سلم عليه ولد خالته ، ليكيدتهم و وصت الياس يكمل عليها روسات تاع سوب خيرما يحرق نذير الكوزينة و كوبت .
"شكون قالك بلي منحسش و معنديش قلب "
ضار نذير حمر فيه من فوق لتحت و عاود ولا يقطع الباطاطا ، ضحك الياس غي بشوية و قرب عنده من رول و شم رقبته نقز نذير في بلاصته مخلوع من طبايع الياس الجدد
رقد و ناض معول عليه " الياس نجم نعرف شاراك دير ؟" ردخ الخدمي فطابلة و ضارله يسقسي فيه
عاود الياس هز كتفه و هو يضور فكوزينة "بغيت نغرف ادا راني نشم مليح ولا لا " واجبه عادي و هو رايح يجيب ليزيبيس من القجر و يحطهم قدام نذير اللي كان واقف يتبع فيه و هو منارفي منه
مالغري يبغيه بصح ميبغيش واحد يتلاعب بيه هكا و هو عارف بلي الياس يشوفه كي خوه صغير لا اكثر و لا اقل .
"رايح تجيب ليزيبيس و تشم فيا انا باش تكونفيرمي ، ديجا علاه راك تتاكد ؟"
"صباح ما كنت لاندوق لا نشم " عاود هدر الياس و هو يوقف حدا نذير و يكمل عليه التقطاع تاع الباطاطا
" هاك قطع الشونبينيو نتا " مدله الشونبينيو و هو يتبسم لنذير ، قرب منه نذير حاط يده فوق جبهته
"حمى خلخلاتك واقيلا ؟ مال جدك يوم ؟" سقساه و هو ينخض فيه يدي و يجيب في يديه لخطرش منجمش يهز قاع كور تاعه
ضحك الياس و هزله راسه بلا " علاه نتا دير هكا و من انا راني ندير كيفك بانتلك بيزار "
" لخطرش انا انا ونتا نتا مشي كيف كيف "
أنت تقرأ
Belleza Infinita *جزايرية *
Storie d'amoreرواية قاي يعني الوان ادا نتي متبعيهاش متشقيش روحك تدخلي و تنتاقدي نذير يبغي الياس . و الياس تاني يبغي ندير . بصح الياس يبغي نذير كي خوه . كي غادي يدير نذير باش يقلب داك الحب الاخوي و يخليه يشوف فيه بطرقة وحدخرا . رواية جزائرية مثلية . اعيد و اكر...
