البارت غير مصحح لامفهمت ش حاجة قولولي
بزيادة نقطة مهمة نهدرو عليها انا منيش من نوع لي نكتب هدوك صوالح مالقري نقراهم نورمال بصح جاتني بيزاع انا نكتبهم تسما مطلعةش سطح امالكم 🙂
و تاتي صراحة زعفت فاخر بارتين بسك مكمش تتفاعلو كيما كنت *عدا حبات القلال لي راهم عارفين رواحهم 🥹
..............
"راك غي مكملتش قرايتك ؟"
" لا راني مطول اليوم تاني غي روح رقد متقارعليش "
"لا ليوم متفوتهاليش راني صابر لك منهار لي رانا مع بعض و زيد مشي نتا لي مزالف تحشم مالك ؟"
نطق الياس وهو ينوض من فوتاي رايح للكانابي ردخ بيسي حدا نذير ورفده قاسه لظهره و جا طالع بيه للشومبرة
قعد نذير يتوغ و يخبط بكرعيه باش ينزله الياس حتى حس بصفعة لمصاصيطه سكت شوية عض شواربه من بعد ضرب الياس للكرش ببونية و شاف الياس يضحك و هو يحل فالباب تاع شومبرة
توتر نذير وهو يشوف في روحه يطير من فوق ظهر الياس للمطرح لي ولا تاعهم ضروك ، تمتم لحقهم الياس و حط روحه فوقه بلش ميهربلهش و هو راسه و بدا يسلم عليه و يمصله في رقبته
تنهد نذير بتقل وهو يشد راس الياس و يتمتم باسمه غي بشوية من احساس الشباب اللي كان عايشه
"اليوم مكانش الهربة " هدر الياس وهو يقلع فتريكوهو يتبسم لنذير اللى عض شواربه و حشم من شاف الياس كيما هاك
قاع اللي كان يتخيل و يحلم بالياس من جا فالصح حشم و منجم ينطق والو .
"عمري راه حشمان ويااا" نطق الياس و عض نذير من رقبته و كمل يعض فيه و يسلم عليه و نذير غير يتلوى تحته .
كملو سهرتهم و شد اليلس نذير لصدره و غطاه مليح و رقدو مع بعض .
..............فاتو يامات و كانت علاقة تاع نذير و الياس سمنة على عسل ، اما عند اكرم و عزدين فياماتهم كانت صعيبة شوية من كانو ٠ابو البيبي عندهم و ماماه كانت فالمرحلة الاخيرة فالسبيطار مكانش لي يشدهلها المرض قواا عليها بزاف .
اكرم ماراه متقبل البيبي و البيبي مايتقبل اكرم و عزدين قاعد في وسطهم .
كتشف عزدين جانب جديد من اكرم اللي هو الحانب الطفولي و الغيور وصلت باكرم يغير من ولده على عزدين كيما راه صاري ضروك فوق الكابلة تاع الماكلة .
"شاتقول عليها ديره في حجرك و توكله ؟" سقسى اكرم وهو يخزر فعزدين اللي كان مادله ضهره ويوكل فالبيبي اللي كان يلعب معاه و ياكل .
"لا مليقش يوالف كيما هاك " واجبه عزدين و هو يكمل يضحك مع البيبي .
قعد اكرم ساكت يخزر فيهم و من بعد رفد روحه و خرج جمع فالجنان البراني ، كان الحال شباب الثلج كان داب و الشمس كانت دافية .
أنت تقرأ
Belleza Infinita *جزايرية *
Lãng mạnرواية قاي يعني الوان ادا نتي متبعيهاش متشقيش روحك تدخلي و تنتاقدي نذير يبغي الياس . و الياس تاني يبغي ندير . بصح الياس يبغي نذير كي خوه . كي غادي يدير نذير باش يقلب داك الحب الاخوي و يخليه يشوف فيه بطرقة وحدخرا . رواية جزائرية مثلية . اعيد و اكر...
