كانو خارجين من الدار ورايحين للسونتر كوميرسيال اللي يبغيه نذير
"عيطت لعزدين و غادي نتلاقوهم تما هوما تاني باغيين يشرو شوية صوالح "
"يا عمري غادي نتلاقو بنونو البيبي ،يا توحشته "
"راك عاد مشفتهش و صايي رحت فيها " نطق الياس وهو يوجد في روحه نفسيا لهبال نذير و عزو من يتلاقو و زادو كملوها ببيبي اللي راه عندهم ضروك
خزر فيه نذير بنص عين و من بعد هزله كتفه تاع هدر ولا قعد انا رايي دايره و راح سابقه للوطو .
"ليوم يعلقك اكرم نتا و ولده "
"عندي الياسي فكتافي "
"يعلقه معاك الياسك " نطق الياس مخلي نذير يطرطق بالضحك ، حتى و هو عارف بلي راه غي يزعق و كيما اكرم طويل و مفورمي تاني الياس ميستهانش بكور تاعه ، بصح غي من تخيل لقطة تاع هوما لتلاتة معلقين جابتله الضحك
بغي يتخيل عزدين معلق معاهم بصح جا في راسه تصويرة تاع اكرم يخزر فيه بنص عين تاع علاه راك تتخيل في راجلي هز راسه باش يبعد الافكار وهو يفكر في روحه باش يخون ناثان و عزو و يخلي اكرم لالياس .
وصلو و كانو يتمشو داخل حتى شافوهم مجمعين فكافيتيريا اكرم يكونيكتي و عزدين يشرب فقهوة و ناثان فالبوسات يلعب بيديه .
المنظر تقول هدوك متزوجين و البيبي ولدهم من كثرت اللي كانو يبانو منساجمين و بيرفكت مع بعض مخليين اللي يفوت يشوف فيهم .
كانو لاهيين فصوالحهم حتى شافو حاجة نقزت على بوسات و توغت خلعتهم و خلعت ناثان تاني . من شاف عزدين بلي هداك لي نذير زفته للظهر و هو يشوف في ناثان يقبع من نخلع .
قبع معاه نذير و هو يسكت فيه و حله و رفده و جمع حداهم من بدا يضحك ناثان و يلاعي فيه عاد طلع راسه و شاف الياس مجمع يشوف فيه تبسم و عنق ناثان عنده و سلم على اللي كانو مجمعين و هدر معاهم شوية
"شاكم باغيين تشرو نتوما ؟" سقسي نذير وهو ياكل من قاطو تاع عزدين اللي ضربه لليد خطرة لولة و من بعد عطاه و قاطو وحداخر باش يدوقه و يقله لا شباب ولا لا
"هاك حل فمك "
"ياا هادا بنين موالف ناكل عنده بصح جامي ديت هاد القاطو ، تا نولي ندي منه فكرني الياس "
"نجيبلك تاكل ضروك ؟" سقساه الياس وهو يمدله فبابي باش يمسح يديه اللي توسخو بلاكريم
"لا عمري صحيت شبعت من قهوة لي شربناها فلوطو "
"حنا باغيين شوية قش لنتثان و شوية صوالح للدار "
واجب عزدين على سؤال تاع نذير قبيلات و ناضو قاع مور ما راح اكرم خلص و جا و بداو يتمشو و يدخلو للحوانيت .
مور قريب ساعتين تاع مشي وتجرجير من طرف نذير صايي حسو بدوخة و منجموش يكملو كتر
"وااي راه باغيي يقطعلنا كرعينا ولا كيفاه من حيت جينا رانا غي نضورو عييت "
أنت تقرأ
Belleza Infinita *جزايرية *
Romanceرواية قاي يعني الوان ادا نتي متبعيهاش متشقيش روحك تدخلي و تنتاقدي نذير يبغي الياس . و الياس تاني يبغي ندير . بصح الياس يبغي نذير كي خوه . كي غادي يدير نذير باش يقلب داك الحب الاخوي و يخليه يشوف فيه بطرقة وحدخرا . رواية جزائرية مثلية . اعيد و اكر...
