"لاكايان اخطاء املائية يا صحوهالي يا فوتوها لخطرش كتبت و معاودتش صححت 🫠
.........
حل نذير عينيه فوسط ظلمة سمع حس تاع شير يبكي و يتوغ قعد يدور فبلاصته و يحوس على هاذا الحس وهو مقلق عارف هاد البكية تاعمن
قعد يجري كي المهبول يحوس على الشير اللي بكاه راه غير يزيد و يسمع في لافوا تاع وحداخر يسكت فيه و يزقي عليه .
" علاه راك تبكي مدرتلك والو " هدر الراجل بلافوا كالم و هو يضحك و حسه بدا يوصل لنذير كثر .
حس نذير بهوا بارد عند راسه
"نذير متوحشتنيش ؟" عاود داك الراجل هدر و كمل يضحك ضحكة مشي نورمال
ضار نذير بلخف لداك البنادم و منجمش يشوف وجهه من الظلمة قعد يولي اللور و داك بنادم غير ما يزيد يقدم عنده
"قتلك و نعاودلك خانز كيفك مليقش يقعد حي و يعيش معانا " هدر داك الراجل وهو يبعد بخطوات مخلي نذير يتنهد بشوية راحة باغي يهرب منه
حتى شافه جاي يجري حده عنده و دمره من كتافه بيديه
فديك الدقيقة توغ نذير جهده و هو يشوف روحه يطيح من بلاصة بعيدة بزاف
حل عينيه وهو ينهج بالخوف حس بروحه يعرق و ريقه ناشف شاف من جوايهه الظلمة غي ضو تاع فييوز اللي شاعل
حط يده عند طابل لي حداه و رفد تلفونه يشوف شحال راهي ساعة شافها راكي 3 تاع صباح .
قعد يمسح فالغرق و يسي يتفكر شاصراله حس بكرعيه تقال عليه و يده مزالها ترجف شوية
عاود دار للطابلة شاف كاس تاع لما رفده شربه كان باغي ينوض للتوالات بصح منجمش يرفد كرعيه عرف بلي راهم مشربينه دواه .
شعل تلفونه و شاف ميساج تاع الياس
:"راني تحت من تنوض عيطللي "
عيطله و قعد يقارع الياس يرفد عليه ، راهم موالفين هاك من يمرض و يفطن من بعظ يلقى ميساج تاع الياس
كوبا عليه الياس و قعد شوية و نحل الباب بشوية و شاف الياس اللى كان لابس شورت وحده باين بلي طان راقد شعره مخبل و عينيه نص طافيين هدر معاه بلافوا خشينة بحة و هو يقرب يجمع حداه
"فطنت ، كيراك حاس روحك ؟ "
هز راسه نذير بشوية "حمدلله "
" حكمتني لاكريز " سقسا اول سؤال يسقسيه اي بنادم عنده قلق و اضطرابات .
همهمله الياس وهو يشوف في عينين نذير اللي كانو منتفخين و حمرين و وجهه تاتي منتفخ من الرقاد .
"هدرت مع طبيبتك و قاتلي نعطيك لارقاكتيل "
"علاه موالف غي lysanxia !" سقسا نذير و هو عاقد حواجبه
أنت تقرأ
Belleza Infinita *جزايرية *
Romanceرواية قاي يعني الوان ادا نتي متبعيهاش متشقيش روحك تدخلي و تنتاقدي نذير يبغي الياس . و الياس تاني يبغي ندير . بصح الياس يبغي نذير كي خوه . كي غادي يدير نذير باش يقلب داك الحب الاخوي و يخليه يشوف فيه بطرقة وحدخرا . رواية جزائرية مثلية . اعيد و اكر...
