كان عزدين مجمع فالوسط و ساكت ملايم يديه خايف ينطق كاش كلمة يباصي معاهم ، من جيهته اليمني مجمع نذير و هو يغلي وحده و تحس بلي اي حاجة ديرها قاظر يطير عليك و من جيهة عزدين اليسرى مجمع الياس قايس روحه و لاعي فتلفونه مشي مقيمهم لزوج .
تنهد عزدين للمرة العاشرة في الدقيقة وحدة ندم على ساعة لي ديسيظا فيها يجي يرقب عليهم زعما بغى يلعبها الصديق المراعي
" صحا على الاقل نجم نعرف علاه راكم مشنفين على بعضياتكم "
نطق عزدين وهو يضور براسهم للجيهتين
"هوا بداها "
قعدو لزوج ساكتين حتى نطق نذير وهو يوري لهزدين بصباعه الياس لي قعد ساكت و مواجبهش
"هاااا شفته تحسب ني نهدر مع حيط "
"الياس مالك مكش تهدر "
ضور راسه الياس يشوف فعزدين وهزله كتافه
"هو قالي متهظرش معايا يفهم روحه "
نذير حس بلي غادي يطرطق بليناغ رفد مخدة و قاسها على وجهه الياس رفدها الياس من وجهه و هو يخزر في نذير بمنارفيا
"مالك تحمر فيا هاك !"
"صايي نعلو شيطان جماعة مكمش بزوز "
نطق عزدين وهو يسيي يكالمي بيناتهم و فعلا فوتت نص نهاره فالظار يحاول بيناتهم حتى تصالحو و لاو يتهادرو نورمال
هي فصح عزدين كان غي معاونة باش ولاو يهدرو لخطرش هوما فالاصل مينجموش ميهدروش مع بعضياتهم لبريود طويلة
مع الفطور قررو يعرضو عزدين للفطور معاهم مدامه هو لي صالحهم كيما قال نذير و بروماله باش يخلي الياس يديرله ماكلة لي يبغيها
"هاد القلاش قااع منيش مامن روحي "
"يقلك البنت من تولي كنة تعزاز "
واجب نذير عزدين اللي رفد قابسة تاع بلاستيك كانت حداه وكلمهاله في وجهه
"حماتر باغي تعميني !!" طار فيه نذير و عاود رفد القابسة و قايسه بيها وخر عزيدن و خلاها طيح من موراه و تبسم يرقص بحواحبه باش يغصه
قلب نذير عينيه و دار لالياس يهدر معاه مشي مقيم عزدين اللي ضحك و رفد تلفونه يعيط لاكرم يعرض فيه للفطور
"واه اكرم وين راك ؟"
"مزال ما تروح "
"صحا قبل ماتروح رواح تفطر ني عارضك الياس غادي يطيبلي فطور و منها جيبلي ناثان و قول للانوريس تروح لدارها "
كمل الهدرة و دار شاف نذير يحمر فيه طلعله حواجبه تاع مالك تشوف فيا
" حالين ريسطورو باسمك واقيلا "
"صاحبي عرضني للفطور و نا منجمش نفطر بلا اكرم "
"صحاااا اللي كان يبلع اللي قدامه وحده ولت متفوتلهش اللقمة بلا راجله "
أنت تقرأ
Belleza Infinita *جزايرية *
Romanceرواية قاي يعني الوان ادا نتي متبعيهاش متشقيش روحك تدخلي و تنتاقدي نذير يبغي الياس . و الياس تاني يبغي ندير . بصح الياس يبغي نذير كي خوه . كي غادي يدير نذير باش يقلب داك الحب الاخوي و يخليه يشوف فيه بطرقة وحدخرا . رواية جزائرية مثلية . اعيد و اكر...
