تربية الداخلية ( آلگآتب‏‏هہ/نشـويـﮯ آلسـبآعيـﮯ)

البارت الثامن عشر

. .
. .
صدمت ندي مما قاله صقر وكأن احد سكب عليها دلو من الماء المثلج، ادارت ندي رأسها اتجاهه وراته يبتسم بسخرية وكانه يقول لها اكنتي تظنين اني لن اعلم.

صقر بسخرية: بجد شابوه ليكي حاولتي تمحي اي حاجة وراكي بس علي مين..... بس في حاجة

امسك صقر كف يديها ببطء ثم بدأ يتحسسه برقة مبالغة دبت في قلبها الرعب... ثانية.. ثانيتان حتي كان يضغط عليه بشدة حتي كادت تسمع تكسر عظامها.

ندي بتألم حاولت اخفاءه: صقر.... سيب ايدي.

ضغط عليها اكثر ومن شدة الألم تأؤهت بوجع وكادت تبكي ولكنها تمسك دموعها بشدة.

صقر بغضب وهو يرص علي اسنانه: انا مسكت الايد دي قبل كده ياتري فين.... اقولك انا في واحدة جات وكانت بتلعب معايا عارفة لعبة اي.... عسكر وحرامية.. ومقولكيش انا بحب اللعبة دي قد اي..... ده انا حتي واخد المركز الاول فيها.

ندي بتألم وبجمود: هو ده بس اللي عرفته.... انا ممكن اعرفك اكتر... زي مثلا اني قربت منك عشان حبيتك بجد و....

قاطعها صقر وهو يضغط علي كفها اكثر، تأؤهت ندي بشدة ثم نظرت الي صقر وجدته ينظر لها نظرة خذلان.

صقر بخذل وصراخ: بتحبيني... هه.وهو اللي بيحب حد بيحب يأذيه.... لو الحب بالطريقة دي مكنش حد سلم قلبه وهو واثق في اللي بيحبه... بس انتي.

ندي صراخ: اي ياصقر... انت محبتنيش ولا حتي سلمت قلبك ولا وثقت فيا.... متعملش نفسك ضحية... مفيش ضحية هنا غيري انا واختي بس.

صقر بصراخ وسخرية: ضحية.... انتي شايفة نفسك ضحية... وانا موثقتش فيكي... ثم ارخي ملامحة لخذلان.... انا وثقت فيكي لدرجة اني كنت هخطبك لما نرجع انا حبيتك... فاهمة يعني اي صقر وقع وبسببك وقع واتخذل انا كنت فاكرك غير اي حد كنت قربت اصدق انك بتحبيني... لكن انتي ضحكتي عليا يا ندي... ضحكتي عليا... ثم اكمل بجمود... بس وحياتك عندي لو حد حصله حاجة مش هرحمك وادوس علي قلبي بمية جزمة وهرميكي في السجن رامية الكلاب وابقي وريني ابوكي هيطلعك ازي.

ندي بسخرية وهي تبكي بشدة علي حياتها : ابويا... ابويا اللي خطف امي عشان يستغلني انا واختي في عمليته القذرة ابويا اللي سفرني برة مع شحنات ومكنش خايف علي بنته كان موديها مع شوية كلاب لولا اني بعرف ادافع عن نفسي كنت زماني بقيت لحمة رخيصة ليهم... فين ابويا ياصقر ها... تقدر تقولي فين ابويا... انا بكره نفسي لاني عارفة اني منه عارف يعني اي تبقي بتقرف من نفسك.. عارف يعني اي تبقي عايش وانت من غير روح.... وايوة انا فعلا كنت مزروعة وسطكم عشان اعرف تحركاتكم.... بس مسألتش نفسك انا ليه مثلا مستغلتش مالك منا ظهرت لمالك قبليك.... عارف ليه يا صقر عشان انا للاسف حبيتك يا صقر حبيتك من لما بدأت اخد معلوماتك واراقبك لدرجة اني رقبتك بنفسي مخلتش حد يراقبك غيري ياصقر ولما حسيت انك لازم تعرف بوجودي ظهرتلك بس مش بصفتي ندي لا بصفتي چيزيل.