في ليله دامسة الضلمه تتهامس للأذان السامعين اصوات ضرب الامواج وهيجانها مرتمي على ضهره في اليخت يطالع النجوم يهوجس رفع راسه يطالع الي تقدم له ابتسم يطالعه بحر: شفيك وش تهوجس فيه
جلس بجمبه رفع نفسه وتنهد يطالع القمر: ماني مستوعب يابحر بعد ذي السنين برجع للملكه
طالع فيه بحر بتمعن: وش تهاب منه علمني
نزل راسه يطالع يديه البارده تنهد واخذ نفس عميق: كل شي حولي يذكرني فيها سنيني مراهقتي طفولتي نجد بكبرها تذكرني فيها كيف بنسى طيفها كيف بنسى ظحكها وروحها السنين ماتاخذ من عمري وبس إلا تأخذ من قلبي وتدعسه أنا هلكت بعد موتها يابحر هلكت انتضرها تنزف لي ب الأبيض زفوها لي ب الدم صرخ بصوت عالي وهو يرجف: بالددددممم مستوووعببب!!!!
مسكه مع كتوفه يهزه: اسمع ولد اسمع بترجع وتلعب كوره نفس قبل وبتصير لاعب قد الدنيا بتفرح وتنسى كل شي القاتل خذ جزاه نجد راحت بس انت باقي حي تهقى لو تشوفك كذا موقف حياتك بترضى! عيش ياخوك عيش عشان امك وأخوك الصغير يرحم امك عشر سنين عاشوها بدون رجال حولهم بس تتصل ب الأعياد ارحم نفسك واهلك تكفى!!
مسك راسه من حاشه صداع شديد: وش عرفك اني العب كوره
ابتسم بحر بخفه: أطالعك كل ليله وكل صبح والله لعيب
ضحك ليث: تصدق في بالي من زمان اللعب مابضيع الفرصه خلاص
بحر ابتسم: تم اول مانرجع اسجلك
ليث بتفكير: تصدق مافي بالي نادي معين
ضحك بحر بسخريه: تمزححح!!
ضحك ليث بغباء: ورب المصحف
بحر مسك بطنه وهو يضحك: بالله انت وين عايش!
ليث بنرفزه: فليتها عاد شفيها ماعرف طيب
ضربه مع ضهره بقوه وكح بصدمه يطالع فيه ليث: سلامات!؟
بحر وهو كاتم ضحكته: ابد اعلمك تتمرجل ولا تزعل على اي شي
انقض عليه ليث بغضب وهو يطرحه بمزاح يتضاربون وضحكهم يسمعه الي ب آخر البحر
في المملكه في قصر شاهق ونبيل يملئه الخدم والعشم الكل نائم في هذا الوقت صحت تطق الباب بخفيف على باب صاحبتها
فتحت الباب وعضت شفتها تطالع الاجهزه حولها والغرفه مكتومه تنرفزت وركضت تفتح الشباك همست: وجع حتى مستكثرين عليها هواء ربي
سعلت بقوه ولفت بجسدها بخوف نزلت على رجولها تطالع صاحبتها: ملاك!!
رجف كل جسدها وصرخت: عمييي
نزلت من الدرج على عجله وجها اصفر فتحت الباب بقوه دون ماتطرق فز من نومه وكان رجل نبيل وشايب بس قوي وتغلبه الحنكه والدهاء فز يطالع الي دخلت عليه صرخت: عمي ملاك ملااااك!!
فز قلبه وتوقف كل جسمه عن الحراك داهمته حراره شديده مايدري كيف بس فز ركض وهو يبعد البطانيه عنه دخل ولا صغيرته تتقلب في السرير بألم وتون اسودت الدنيا في وجهه ركض يغسل يده بسرعه وقرب يتفحصها صرخ وهو يطالع في بنته كيف تتقلب وتضرب نفسها بقوه: امسكيييهااا معيييي
فزت من اوهامها وتخيلاتها الموحشه انها تفقد صاحبة عمرها مسكتها وربطت يدها ب السرير وهي تشاهق بكي دفها وطلعها وهي تون برا وتدعي
لبس نضارته وكان اصعب شي عليه انه يسوي العمليه في بيته لان مافي وقت ومن حسن حضه ان كل شي موجود في الغرفه احتياط عطاها مهدء وتنهد يطالع فيها كيف كانت وكيف صارت كانت مدللله وفي وجهها حياة كانت تملي البيت بضحكها والحين الدنيا قست عليها ولا رحمتها انصابت بمرض خطير كان خايف ومتوتر كان يحتاج زوجته حوله تهديه وتعاونه نزلت دمعته بعد ماعطاها مخدر كامل وفتح المشرط وهو يمرره على جلدها الصغير جلدها الناعم الرقيق باشر ب العمليه استغرقت يوم كامل
الصباح
ساره بحماس نزلت تشيك على شغل العاملات ابتسمت وهي تطالع البيت مرتب ونضيف والعاملات متوزعين الشغل فيما بينهم صفقت ولفو كلهم واجتمعو حولها حطت رجل على رجل وتلعب بمسباحها: الليله ولدي بينور المملكه ابي من بكره تجهزون ابي حفل لا صار ولا استوى
صرخت تنده: كوثر
طلعت من المطبخ ركض: نعم عمتي
ساره ابتسمت: ارسليلي المصممين ورتبي لي ثيم مناسب وعاد الباقي خليه عليك تعرفين وش احب مايحتاج ابي شغل عليه كلام
ابتسمت كوثر: ابشري
طالعت ساعتها وفزت تفتح الباب تستقبل آخر العناقيد آخر عناقيد آل عارض
فتحت ذراعها تستقبله بحب وتبوس كل انش في وجهه: كيف دوامك يابطل
اويس بفرح وحب: مره مره يجنن كل شي سويته وخذت شهاده امتياز شوفي
طلعها بحماس وانهمرت الدموع من عينها سحبته بقوه لحضنها ودارت فيه: جعلي اشوفك في اعلى المناصب
قول امين
ابتسم وبادلها الحضن: آمين بس مامي جوعان
ضحكت ونزلته: يخسى الجوع تسبح وانزل
هز راسه بنعم وركض يبدل
نزل من الطياره والهواء يداعب خصلات شعره الداكنه نزل نضارته وقت أقبلت سياره سوداء بحر: امك وتحب التباهي
ابتسم بخفه: اخ منك ياسارونه
ركبو ليث: تغدا معنا اليوم
بحر: تم
انتهت العميله بخير وسلام تنهد وهو يطالع فيها انتضم النبض والعلامات الحيويه كويسه ابتسم ونزل يسجد طقت الباب بخوف: عمي عمي شصار
ابتسم يفتح الباب مسح على راسها وهي تمسح طرف انفها ركضت للسرير: ملاك!
لفت تطالع فيه ابتسم وشهقت تحط يدها على فمها بصدمه :سويتها!! سويييت العمليه الي قعدت سنين بنتك طريحه فيها العمليه الي حلفت محد يسويها غيرك العمليه الي كنت خايف تفقد بنتك فيها انت سويتها بنفسك !!
ضحك: استاحشت الدنيا بدونها كاني عايش في غربه من تصحى بعود لاملاكي وشغلي بعود وبتعود الحياه معي نزلت دمعته ونزل راسه: والله الدنيا بدونها ماتسوى لا فلوس ولا عماير قدام طيفها وضلها حولي
ربتت على يده وابتسمت ودموعها تنزل: ملاك ابوي يلا اصحي ننتظرك تدرين كم لك وانتي طريحه اخذت تعد ب اصابعها لا لي نفس ولا لي روح سنيتن الدنيا مالها طعم ولا نور غابت الدنيا ومحى نور القمر من طحتي طحنا معك
فزت من حست بيد ملاك ترص على يدها صرخت: عميي
فز: بسم الله
نزل عينه وشهق: ملاك!! تسمعين ملاااك!!
دانه : إذا تسمعين اضغطي على يدي
ضغطت وشهقت دانه بفرح نزل ركض ينادي الدكتور والفرح في وجهه
كوثر: مييين!
بحر طالع في ليث : سهم الليل
ابتسم بخفه: ماراح تنسى ذا اللقب
بحر بهمس وهو يطالع بعيون ليث: ولابنسى ياولد النجم
ضحك بخفه فتحت الباب وتعدلو فب وقفتهم طالعت فيهم بدهشه: نعم مين انتم!
نزل نضارته يطالع فيها من فوق لتحت: من انتي عفواً في بيتي وتسألين من أنا! عجيب
ضحك بسخريه
احمر وجها خجل ونزلت راسها: عفوا سيد ليث تفضل
انزاحت من امام الباب وتقدم يطالع البيت يستنشق ريحة العود الفخمه وصوت القرآن والبخور الي بعج ب المكان بحر ابتسم: الله وحشتني ذي الأجواء
تنهد: حيييل يابحر حيل
نزلت ساره وهي معصبه: كوثر للحين ماوص..
انقطع صوتها وانحبست انفاسها تطالع فيه بتمعن اسمراره وطوله الشاهق وعرض أكتافه وجسمه المليان عضل عوارضه وشنبه كل شي فيه تغير لو شافته ما عرفته بس شبهه في ابوه ميزته على طول شهقت وركضت تحضنه وتبكي تمسك وجهه وتبكي: ليييث!!
ابتسم نزل راسه على كتفها يستنشق عطرها عصرها بحضنه ودار فيها ضحكت بدهشه وسط دموعها: ليييث يامجنون نزلنيي!!
ضحك بقوه: الحين أنا أشيلك مو انتي دوري أدللك واعيشك أميره
ابتسمت وهي تدمع وتمسك وجهه وهي على أطراف أصابعها بسبب طوله: اوعدني ماترجع
هز راسه بموافقه: ولا لي رجعه مكاني هنا بينك وبين أويس التفت : الا وينه ذا النزغه
ضحكت: برا يلعب كوره
ابتسم وحط يده على كتفها وهو محاوطها: ايواه اخبار امي علومها
بحر بدهشه اشر بيده قدامهم: لو سمحتو يعني فيه انسان هنا
لفت وجها وضحكت بقوه: بحررر!!
بحر: صباح الخير
مدت يدها تصافحه وابتسمت: الود ودي آخذك ب الأحضان بس تعرف
ابتسم وهو عاذرها: ابد وصلت
كملو جلستهم بحب وسوالف وضحك
وصل الدكتور وهو ينزل رجلها ويرفعها يمرن كل جسدها ابتسم براحه ونزل سماعته: لا البنت كويسه مرهه
دانه: طيب وش بيصير
لفو بدهشه من الصوت الي قادم صوت ناعم صوت غائب له سنين صوت يردك طفل رضيع صوت ناعم خافت حنون ولطيف نطقت اول حرف:ج. جد. جدو
فزو كلهم وضحكت دانه: سمعتوو!!
تهلل وجهه الفرح ومسك وجها وهو يجهش بكي في حضنها مثل الرضيع يصرخ والطعون في قلبه رجع به الزمن وقت الحادثه
كانو في طريق عام وصوت الاغاني يردح ترقص وتضحك وهو يطالع فيها بهيام يطالع بحب في بنته وفخر فيها ابتسمت: جدو تتوقع العمليه تمر بسلام ؟
خفض صوت الاغاني: ليه تشكين في قدرات ابوك
ضحكت: اخسيي وانا بنت عبدالله آل غمران
ابتسم وقبل راسها: ياجعل عمري مديد أشوفك فيه عروس
نزلت راسها: بس جدو مقدر أنا تعبانه
مسك يدها: والي يقولك امرك محلول بعد الله علاجك عندي
ابتسمت بحب ورضى رن جواله واخذ يرد طاح من يده ونزل ياخذه فز على صراخ ملاك: جدددووووووووووووو
تهشمت السياره وفقد الوعي ماكان يذكر إلا صرختها فز من إغمائه يدور عليها غطى عينه من نور الإسعاف والشرطه صرخ زي المجنون: ملااااك
ركض يشوفهم يحملونها والدم كاسيها طاح على رجوله يضرب الارض بندم بسبب غفله منه راحت بنته
سحبته دانه وفز من صوتها: عمي تتعبها كذا والله
ابعد وهو يمسح دموعه تقدم الدكتور يتفحصها ضرب وجها: ملاك تسمعين ملاك
فتح عينه وحط الفلاش على عينها يطالع فيها: ملااك
حاشها صداع من صوته الي تشوفه مزعج فتحت عينها بخفيف والكل يترقب فتحت وطالعت يمين فز عبدالله: حي ذا الوجه وذا العين حي الله بنتي الغاليه حي الله نبض نجد وروحها
دانه ضحكت: هلووو
ابتسمت لاشعوري ونطقت: مين انتم!
طالعو بعض بصدمه وهي تكتم ضحكتها عبدالله همس: سلطان!
اقترب الدكتور سلطان وطالع فيها غمزت له وابتسم
دانه: بنت تدرين وش صار لك؟
ملاك هزت راسها ب لاء وهي مو مستوعبه تحسب نفسها نامت وصحت
عبدالله: تعرفيني
ضحكت بخفه: الشايب المتعافي
الكل ضحك بقوه دانه: اخ منككك
حضنتها وهي تبكي ملاك: دنو شفيك!
هزت راسها برفض وهي تضحك: سلامتك بتدخل عليك دكتوره الحين علميها كل شي تمام؟
هزت راسها بنعم وهي مو فاهمه شي
أنت تقرأ
وانت اللذي حطيت بالجوف رمحين رمح العيون ورمح وردي شفاتك
Romanceتعالو نبحر في اعماق المحيط نبحر للمالا نهايه لااقصد المحيط ذاته بل الابحار في اعماق محيط الحب والموده الصدق والعطف الغضب والجفا يتحول حال بني ادم حينما يعشق من قلب صوارمه هنا حكايتنا فلنبحر سويا دون مقدمات دون تفاصيل بل نكتشف ونحن نقراء سطر سطر .
