وانت اللذي حطيت بالجوف رمحين رمح العيون ورمح وردي شفاتك

البارت السادس عشر

السعاده من سمع ذا الصوت وكان الدنيا بكبرها ابتسمت له
تقدم اويس لها وهو يرقص قدامها: يلا معييي
هزت راسها ب لا وهي تضحك دفتها دانه: رووحييي
طالعت في ليث وهز راسه ب لا طيرت عيونها اويس ضحك: ماعليك منه امشي
ابتسمت وتقدمت ترقص معه وهو ماسك يدها يدور فيها خذت شماغه وقامت ترقص فيه بيدها وتضحك هديل بطنازه: هذا مفعول ال***
ضحكت حصه:شكلها ماخذه كم جرعه تنشطها عوذه
ليث تقدم وسحبها بغضب رص على عضدها: ارجعي
ملاك: لييث!
هتف بغضب: وش قلت؟
اويس: ياخي ننبسط و..
قاطعه من عطاه نضره سكت وسحبها من بينهم: اجلسي عند دانه زي الشطار تسمعين
حررت يدها من قبضته: ماني بزر عندك
ليث: بزرين بعد لا تجادلين تراها واصله معي روحي
بعدت عنه بغضب وجلست عند دانه: بس يخرب علي وناستي
دانه: تستاهلين
ملاك : وجع دانه!!
ضحكت: امزح
ساره اشرت على غرور وفهم اويس سحبها من يدها وقام يرقص معها ضحكت وبادلته الرقص وقامو يستهبلون خرب شماغه وحالته حاله عقاله ب الارض وطاقيته وغرور وشاحها ب الارض وقبعتها دخلت مياس وضحكت: عاااشووو الخريجيننن
ابتسم اويس وحضنها: أهليين
ضحكت: هلا هلا مبرووك
اويس: يبارك فيك
تقدمت تسلم على غرور بحب وتبارك لها وقف الكل وسلمت عليهم مدت ملاك يدها وطنشتها تقدمت تسلم على هديل: هلا والله كيفك وحشتيني
ابتسمت هديل بمكر: اكثر ياروحي
ملاك بخجل: عادي يمكن ماشافتني
دانه بغضب: ماعليك منها
تنهدت ورفعت عينها لفوق تكتم حزنها
تجمعو على الطاوله يقطعون الكيك والجلسه ماليها الضحك والوناسه اذن العشاء وقامو يصلون والخدم طلعو ينضفون باقي الحفله غرور: خاله
ساره: عيوني قوليلي ساره أنا توني صغيره
ابتسمت وهي تتثاوب: وين غرفة ملاك
ساره: الدور الرابع اول غرفه بابها كبير
دخلت اللفت وهي سانده نفسها ونصها نوم وصلت ولا اويس يكلم: مدري والله بس ودي تحضر مره بخاطري 
ليث: ان شاءالله
ابتسم: ياخي احبك
ليث : اموت فيك المهم انتبه لملاك رح شفها زعلانه ولا شي
اويس: ابشر
سكر ومشت بغضب: من يكلم!!
التفت بسرعه ولف وجهه من سمع صوت ضربه على الارض قويه تعثرت وطاحت كتم ضحكته وكح بقوه وهو يضحك: حشى فيل طايح
طالعت فيه بغضب: وشتبي انت بسم الله جني في كل مكان طالع
ابتسم: بيتي
غرور بطنازه: وبيتي أنا بعد
تكتف: وش جايبك عندي؟
قامت ونفضت لبسها: رايحه لملاكي وش ابي فيك
تقدم ودفها طق الباب غرور: انقلع وش تبي !
اويس دفها بكتفه: وخريي
فزت من طرق الباب وهي تاكل تشوكلت وترتب الورد حقها قامت تعدل شعرها فتحت الباب وابتسمت: وش جايبكم؟
اشرت عليه بغضب: أنا جايه قبله والملقوف لحقني
اويس: ندخل؟
تنحت عن الباب: تعالو
ابتسمو واستنشقو ريحة الغرفه: الله وش حاطه
ملاك: عطري الخاص
اويس: يجنن
جلست على طرف السرير: ليث بيجي اليوم؟
ملاك: ماعرف والله ياقلبي مشغول في الشركه
اويس: بيجي آخر الليل
ابتسمت: بنتضره حبايبي قومو بدلو خستو في ثيابكم قومو تسبحو وتعالو
ضحكو بفشله: نسينا
ضحكت: عوافي يلا بسرعه عشان نجهز لنا شي نسهر فيه
قامو بحماس
هديل: اف اففف تغث
فارس: وش عليك منها
جلست في حجره: شلون وش علي منها اقولك ماهي من مواخيذنا
زفر: بفهم ليش ولا مره تكلمنا عن نفسنا بس ب الناس وش سوو وش فعلو فكينا ياشيخه
دفها عن حضنه وهي تطالع بدهشه لين غادر الغرفه ضربت الارض: هين يافارس!!
ابتسمت وهي بحضنه ويطالعون القمر: بسألك
تنهدت: اسأل
هتف وهو يداعب شعرها: وش اول بيبي نسميه
ابتسمت بحب: لو بنت احب روز ولا نور
عمر: أنا بسمي الولد ابيه سعود ولا غيث
ابتسمت الله: غيث و روز يجننن
ضحك: اخخ أتخيلهم صغار كذا نتف اشوتهم
بادلته الضحك: واربط شعرهم قرنين الله عمر حمستنييي
ابتسم بخبث: نقدر نجيب عشره بس امهم راسها يابس
حمر وجها خجل: قصدك ابوهم مستغل لكل لحضه ماعليك الخير جاي
ضحك: متى آخر مره!؟
قامت بخجل وهي تهف على نفسها: عمرر! وش ذا السوالف
سحبها لحضنه وهو يضحك: خلاص هدي بس بطقطق عليك
ضربته مع كتفه بضحك: اورييك
دخلت البيت فتحت باب الصاله تسمع ضحك امها العالي ابتسمت: ياعسى دووم
قلب وجه سلطانه وتوترت نزلت عينها وشهقت: كوتييي!!
سلطانه بتوتر: والله هي ماتت هي
نزلت على رجولها بصدمه: ذ.  ذبحتيهااا!!
سلطانه بغضب: ايييه ذبحتها ماتستاهل ماتستاهل تعيش مع وحده مدمنه الموت ارحم لها
نزلت ملاك بعباتها اويس: على وين
ملاك: بروح بيت دانه
طالع في ساعته: الحين؟
ملاك: ايه عادي سألت ليث وافق
ابتسم: انتبهي لنفسك
هزت راسها بنعم وطلعت
طالع في غرور: حطي فلم اي شي
خذت الريموت تدور
شهقت دانه: لا لا حراام عليك كيف كيف بشرح لملاك كيف!!
ابتسمت: هي جايه الحين على فكره بتشوف في عينها افضل لها
دانه وقفت: انتي بوعيييك!!
سلطانه بغضب: لاترفعيين صوتك أنا أمك!! ولا كلمه اصصص
سكتت وهي تتراجع وماسكه راسها تطالع كوتي الغرقانه بدمها رن الجرس وركضت سلطانه تفتح وراها دانه بترجي: لااالااا
فتحت الباب وابتسمت: اهلين سلطانتي
ابتسمت: هلا فيك حياك
دانه تطالع وعلى ملامحها الصدمه ماتعرف كيف تتصرف تطالع مافي يدها شي
ملاك بفرح: وين بنتي وينها وحشتني مرههه
ضحكت بمكر: تعالي شوفيها
سحبتها من يدها بقوه تأوهت بالم وعقدت حاجبها ليه تسحبها كذا! اشرت على الارض: شوفي
برزت عينها وانربط لسانها شهقت وحطت يدها على فمها تراجعت للخلف واصدمت في الجدار: لاااا لاااااااا
تقدمت سلطانه وسحبت شعرها بقوه وملاك تبكي: شعريي لييه ليه تسوين كذااا
دخلت مياس وهي تضحك: اجل بسبتك يالافعى الخضراء ليث يهاوش عمته قدام بحر والكل!!
دانه دفعت امها عن ملاك: وخروو عنها
دفتها مياس بقوه وسقطت على الارض بالم عضت شفتها من صقع ضهرها بطرف الطاوله ملاك تطالع بدهشه وعيونها دموع قامت: وخرييي عنها
ركلتها سلطانه مع بطنها وكحت بقوه ركعت بالم وجها احمر سحبتها من شعرها وجرتها لين عند راس كوتي نشبت وجها عند راسها عيونها في عين كوتي الميته عضت شفتها وهي تبكي تطالع في بنتها وروحها الي عاشت معها في طفولتها كل ذكرياتها الحلوه معها هديه من امها قبل تموت كل شي كان يذكرها بذكريات سعيده كوتي مو بس حيوان ياكل ويشرب كانت وفيه تحس بضيق راعيها تغير مود ملاك بدلعها ولعبها تقضي وقت فراغها معها والحين قدام عينها بلا روح صرخت: حرااام عليييكم حسبي الله حسبي الله الله ياخذ حقي منكم الله...
قاطعتها سلطانه وهي تفرك وجها في دم كوتي: هذا قدرك هذا قدركككك
صرخت بالم صرخت تطلب النجده صرخت بضيق مكبوت صرخت بصدمه بخيبه بانكسار حاولت تقاوم بس سلطانه اقوى منها دانه تطالع وهي تصارخ وتبكي: لاااالاااا لاااااا خليها خليييها لا تجينها اتركيها في حالها فيها الي يكفيها ملاك ملاك صحصحي أنا معك معك ملااا...
قاطعتها مياس وهي تسد فمها وتبقسها من خشمها شهقت من نزفت دم داخت من منضر الدم
ضحكت مياس وتقدمت: باقي ماشفتي شي باااقييي
بكت بترجي وجها كله دم وفمها دم: خلاص خلاص تعبت والله تعبت اتركوني اتركوني ماسويت لكم شي
ضحكت مياس وضغطت برجلها على بطن ملاك بقوه استفرغت الي في بطنها وشهقت من رفعت سلطانه كوتي وحطتها في وجها: تدرين كيف ماتت
مسكينه كانت جوعانه لها اسبوع رحت حطيت لها سم شفتها وهي تتقلب بالم وهي تصارع الموت حرااام!!
طلعت مياس الجوال وكانت سلطانه توطى عليها وثبتت سلطانه راس ملاك برزت عينها ودموعها تنزل تسمع نباحها وهي تتقلب وتلهث عضت شفتها لين طلع دم وقفت بصدمه وهم ماسكينها لفت تطالع يمين يسار بدهشه تحس نفسها مو بوعيها فزت من جاها كف قوي من سلطانه: والله ان وصل لاحد الي صار والله لاذبحك وانهي ليث بكبره
دفعت سلطانه بكل قوتها وهي تشاهق بهستيريه حاولت تقوم وزلقت ب الدم سقطت وهي تبكي: كوووتييييي
تقدمت وهي تسحب نفسها حملتها بين يدها وهي تبكي وتشاهق اخذت تلمس وجها ب أناملها: حبيبتي أنا اسفه ياماما اسفه تركتك صرخت: اسسسفهههه اسفهههه
نزلت راسها تقبلها وجها دم كله رجف جسدها واحتر جسمها حست بدوخه شديده قامت على رجولها وطاحت مياس بسخريه: على وين؟
ملاك بصوت خافت وهي تشاهق وتعض شفتها والصدمه على وجها الاصفر بهت لونها وجسمها يرجف وعيونها طالعه: ب. بروح ع. عند ل. لييث بياخذ حقي منكم بياخذه
قامت دانه تضرب الباب بقوه: افتحوووو افتحوووو
نزلت مياس تخنقها وملاك تصارع وتتقلب ترفس برجولها تحاول تاخذ نفس سلطانه من استوعبت: بسسس بس يامياس بتموووتت بتموووت!!
عيونها طالعه وجها ازرق وشفايفها بنفسجيه تركتها وطلعت ركض وراها سلطانه أغمضت عينها الخضراء أغمضت اخضر العينين معلنه استسلامها لحزنها استسلامها من الحياة القاسيه من خذلانها وطعن اعز ناسها لم تعد للحياة طعم في عيناها تغيرت حياتها في ايام معدوده ماذا لو انها لم تستيقض ماذا لو كانت في عالم الأحلام عالم وردي غير عالم قساوة البشر
سحبت الفشار منه: بس بلعته كله
اويس وقف الفلم: اسمعي خلي عنك الفشار
حطت يدها على خدها: وشو
اويس بحماس: بلعب بكره في النادي تجين
ابتسمت : صدق الله اخيرا بشوف لعبك تم والله اول من يجي
مسك وجها وهزها بقوه: ياخي يلوموونييي
ضحكت ودفته: بس خضيت راسي
دخل ليث: ماشاءالله وين النوم
غرور: تعال طالع معنا زوجتك هاجه
عقد حاجبه: مارجعت؟
غرور: لا
طلع جواله واتصل على دانه ماردت اتصل ثانيه برضو مافي رد طلع اتصل على ملاك اكثر من مره وعلى سلطانه توتر واتصل على بحر وصله صوته: هلا
ليث: دانه وين
بحر: في بيت اهلها ليه؟
ليث: ماترد علي يارجال لاهي ولا ملاك
بحر بخوف: وانا لي ساعه اكلمها ماردت ولا قرت
حك جبينه: بروح اشوف شسالفه مستحيل تتأخر كذا ولا تعطيني خبر
بحر: مرني بجي معك
اويس: وين
فتح الباب متجاهل اويس ركب سيارته ودعس بانزين من داهمته افكار مخيفه وسلبيه هز راسه يشتت افكاره
نزلت على رجولها بقل حيله وهي تبكي: ملاك ميمي تكفين لاتخوفيني ردي علي ملاك ملاك حبيبتي عمري وروحي اختي وكلي قومي قومي تكفين وينك وينك وين خذوك انتي وين
هديل
واقفه تنتضره تاخر ماجاها تأففت ودخلت في البطانيه تنام متجاهلته
دخل بيت ليما يدورها مالقاها استلقى على الكنب بتعب من داهمه النوم
عادل: هاشم وينك كم لك ماخذ اجازه!
هاشم بضيق: امسك عني شغلي ولاعاد تدق علي
سكر في وجهه واخذ يولع زقارته يتأمل البحر بضيق شديد ويهز راسه مع صوت عبد الحليم حافظ:
صابر وعمري أيامه بتجري
..وناسي روحي..
اللوم رضيته واللي جنيته
..سهدي وجروحي ..
شوف بقينا فين شوف
شوف بقينا فين ياقلبي
وهي راحت فين
شوف بقينا فين ياقلبي
وهي راحت فين
نفث الدخان وهو يعيش في دوامة حزن واكتئاب شديد لم يعد لحياته طعم ولون فقط يعيش كوابيس مع قتله ومجرمين تحقيق واخبار ومعلومات تشيب الرأس اخذ يداعب شعره الذي غزا نصفه الشيب تنهد واخذ يردد البيت الي يقوله كل ماشتدت عليه الدنيا:
قد اصبح قلبي في وهج
ومدامع عيني كاللجج
ومعاني الشوق قد اتضحت
بلسان ضنى الجسم اللهج
فعسى الألطاف تحف بنا
ويلوح النور من السرج
ولعل الرحمه تدركنا 
من بعد الشدة بالفرج
قام وهو ينفض لبسه فرش سجادته واغلق الموسيقى لجأ لربه وبكى وهو يناجي رب العباد بان يبدل حاله للأفضل