وانت اللذي حطيت بالجوف رمحين رمح العيون ورمح وردي شفاتك

البارت الحادي عشر

ابتسمت: ليت اقدر بس ممنوع بتاتاً
جلس وتنهد: يالله اهم شي سلامتها
في المستشفى في السعوديه
روز: معقول كان عطتني خبر اقل شي
بحر: اعذريها واجهت مشاكل كبيره ابوها توفى لازم تروح مع زوجها تغير جو
روز بتوتر وملاك أساسيه في طاقمها ماتبي تخسرها: متى ترجع
بحر بتفكير: على ضني اقل من شهر
سكرت: تمام على خير
تنهد وطلع من مكتبه متجه للسياره عقد حاجبه من طالع كفره منسم زفر ورجف الكفر بقوه: لعنهه وقتك يعنييي!!
غلغل أنامله في شعره وطلع زقارته نفث الدخان من طلع جواله واتصل على هاشم : سم
بحر : سم الله عدوك تقدر تجي تأخذني
ضحك هاشم: على اي أساس
بحر بنرفزه: على أساس اني زوجتك وش رأيك انت تعال لاطاك
ضحك بخفه: جايك  وينك فيه بس
بحر: كفري منسم عند الشركه البوابه الخامسه
سكر وقف عادل طالع فيه: وين؟
هاشم: ابد ولد البحر يبيني
ضحك عادل: والله انه واحشني
ابتسم هاشم وطلع
ليما ضحكت: اخخخ وجهه وهو معصب
دانه ماتت ضحك وهي تبكي: وجهه وبس شوفي كيف مسوي حلو يلعب بشعره ويعض شفته
طالعت فيها ليما بشك: لحضه لحضه انتي واضح مركزه مره لايكون ذبتي؟
دانه بتوتر طالعت قدام: هاه لا يخسي ذا النسونجييي
طبعاً كل الي صار من تخطيط ليما قبلها بكم ساعه
نزلت لها ركض: شفيك
علمتها السالفه وعصبت ليما وقامت تشتم فيه: بس بتقعدين كذا وتبكين قومي معي
مسحت دموعها بعشوائيه: وين؟
سحبتها للبوابه الخامسه: بس بس رجولي ياليييما
ضحكت من شافت سيارته طلعت مفتاحها: تعالي
دانه شهقت: مستحيييل
غمزت ليما: ذا ولا شي فقط تهديد
ضحكت دانه من عجبتها الفكره سحبت المفتاح: أنا بسويها فيه
صفقت ليما: تربيييتييي
نرجع للوقت الحاضر
دانه بخوف: امشي امشي لايلمحنا
نزلت دانه نفسها وغطت وجها بالطرحه ولينا لبست نضاره دعست بانزين وفحطت بخفيف شهقت دانه: مجنووونهه
بحر طالع فيها: وجع!
نزل هاشم وهو يضحك: افااا من مغربلك
بحر: يارجال ملعون ثوا الي سواها والله ماخليه
هاشم طالع السياره من كل جهه عقد حاجبه بحر: وش تسوي!
هاشم طلع بطاقته: ماني محقق عبث للمعلومه
ضحك بحر بخفه: ياشينك لاصرت نرجسي
رفع حاجبه: يحق لي
نزل عينه على حكه في السياره جهة باب المعاون مكتوب فيها:نسونجي درجة اولى
ضحك بقوه وطالع في بحر: وش مشكلتك انت وش مسوي
عقد حاجبه: ماسويت شي!
هاشم اشر له بيده يجي جهة المعاون: تعال شف وش مكتوب
شهق بخفيف: العن خيره حاكها بعد!!
صفقه مع راسه: قصدك العن خيرها
طالع فيه بحر: شلون!
هاشم: اركب وأعلمك اسألتك واجد صاير غبي مره وانا اخوك
بعد يومين
صحت ولفت تطالع حولها بخفيف حست ان الصداع خف همست: وهج وهج
فزت وهج من نومها: سمي
طالعت فيها بحب: اسفه صحيتك
وهج: لاعادي ياقلبي وقتي كله لك
ملاك بخجل: اطلب منك طلب؟
وهج بخوف انها تجيب طاري الحبوب شبكت يدها بتوتر: اطلبي
عضت شفتها بفرح: ابي فرشاة واللوان ولوحة رسم كبيييره
ابتسمت وهج بحب وتقدمت تداعب خصلات شعرها السوداء: بس؟
هزت راسها بنعم
اشرت على عينها: من هذي قبل هذي
ملاك بطفش: ابي بابا وحشني
وهج: أنا ماكفي؟
هزت راسها ب لا: بابا غير احبه اكثر
وهج: وليه؟
ملاك بحب: ماعرف بس مايهاوشني نفس بابا عبدالله يتحملني يعني اكثر
وهج وهي تبي توصل لها خبر وفاة ابوها: بابا عبدالله وينه
رفعت كتوفها بعدم معرفه سكتت وهج وطلعت
فز من مكانه: صحت؟
ابتسمت: ايه تبي اللوان ولوحه
ليث: تبشر ان بغت جبت لها مرسم
ابتسمت بحب: تقول انها مشتاقه لك
تنهد: للحين تشوفني ابوها؟
هزت راسها بنعم
هتفت: سألت عن عبدلله
هز راسه: اكيد بتسأل المهم لاتقولين لها اي شي أنا بقولها بطريقتي
وهج: تمام
حك راسه بورطه: وين القى الاغراض
ضحكت: كم تدفع
ليث: ياشين اللعانه
ضحكت: امزح معاك برسلك اللوكيشن
هز راسه بنعم ومشى
بحر: غريبه اللولو ماجات!
ثنيان: خلك منها عرفت من حاك سيارتك؟
بحر بتفكير: الي عرفناه انها بنت وان ماخاب ضني انها امل
ضحك ثنيان: امل مستحيل ذي ماتهش ذبان
ابتسم بحر: اتفق معك بس يمكن في معاون هاشم قال
طالع فيه ثنيان: فكني من المحقق حقك تكفى
بحر غمز: تغار؟
ثنيان بتمثيل قام يقلد امل وبصوت ناعم مصطنع: ايه حبيبي اغار انت ماتفهم حبي لك ماتفهم بس صدقني مشاعري ماتوصفها كلمه ولا كلمتين يابحر احبك حبيبييي
قرب ودفه بحر وهو يضحك: الله ياخذك يامخيس
ثنيان: اتذكر اول ماعرفتها ساعدتها ومدري وش لقفك خذت رقمها ونشبت لك
بحر: والله اني دلخ
ثنيان: توك تدري
رمى عليه القلم: اصه!
دانه: بيتك يجنن هادئ ومرتب وحنون
ليما بحب: ياقلبي انتي
دانه بخوف: تهقين يعرف انه أنا
ليما: اكيد لانك غبيه غايبه طول اليومين وساكته كانك تقولين أنا المذنبه
دانه بغضب: اصلاً يستاهل النسونجي اف حقييير
ليما بحماس: عمر ماراح يرجع للبيت اليوم تعالي نفتح حسابه تويتر ونشوف
دانه: مستحييل ماني مهووسه
دفتها بمزاح من كتفها: لانكذب على بعض يادنو
قاطعتها: خلاص اسكتي بس عشانك اصريتي
ضحكت ليما بحماس ودخلو حسابه
اخذ يتمشى بين الأرفف الخاصه ب الرسم اخذ لوحه كبيره واللوان حجمها كبير ومنوعه وفرش اشكال واللوان كان يختار بحب وعنايه يعرف حبها للون الابيض كانت الفرش بيضا شده قالب على شكل قلب وردي خاص ب الالوان ابتسم واخذه حاسب وطلع وعلى طريقه دخل محل ورد واخذ له بوكيه فيه ورود ملونه اصفر وردي احمر ابيض دخل بحماس وفتح الباب وهج: ماشاءالله تمون؟
ليث: طلبتك بدخل أشوفها
هزت راسها ب لا ليث بغضب: وقسم بالله لادخل طرق ياوهج
طالعت فيه وابتسمت: روح روح لاتموت
تقدم وهي أمامه فتحت له الباب ودخل استنشق ريحة الغرفه وكان عطرها مالي الغرفه سمع همسها وهي تقرا قرآن بخشوع وتدبر وسكينه كان صوتها راحه نفسيه وقف عند الباب يسمعها وهو سانده نفسه على الجدار سورة الفتح : إِنَّا فَتَحْنَا لَكَ فَتْحًا مُبِينًا ﴿1﴾ لِيَغْفِرَ لَكَ اللَّهُ مَا تَقَدَّمَ مِنْ ذَنْبِكَ وَمَا تَأَخَّرَ وَيُتِمَّ نِعْمَتَهُ عَلَيْكَ وَيَهْدِيَكَ صِرَاطًا مُسْتَقِيمًا ﴿2﴾ وَيَنْصُرَكَ اللَّهُ نَصْرًا عَزِيزًا ﴿3﴾ هُوَ الَّذِي أَنْزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَانًا مَعَ إِيمَانِهِمْ ۗ وَلِلَّهِ جُنُودُ السَّمَاوَاتِ وَالْأَرْضِ ۚ وَكَانَ اللَّهُ عَلِيمًا حَكِيمًا ﴿4﴾ لِيُدْخِلَ الْمُؤْمِنِينَ وَالْمُؤْمِنَاتِ جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا وَيُكَفِّرَ عَنْهُمْ سَيِّئَاتِهِمْ ۚ وَكَانَ ذَٰلِكَ عِنْدَ اللَّهِ فَوْزًا عَظِيمًا. سكرته وهي تدمع نزلت راسها تفكر بدات تستوعب الي حولها اخذت تتسائل: وش اسوي هنا وليه شصار
قطع افكارها صوت خطوات مقبله رفعت راسها متوقعه انها وهج تبسم ثغرها بشده بعدت البطانيه بتقوم تقدم بسرعه ومسكها: وين؟
ابتسمت بقوه وطالعت فيه بحب: اشتقت لك مرهه مووت
ابتسم ومسح على راسها: حتى أنا اشتقت لك
طالعت في يده: وش هذا
جلس على طرف السرير: شوفي وش جبت لك
برزت عينها بدهشه من شافت الورد اخذت تشمه بحب وهو يطالع في فرحتها همس: تهت وين الورد ب الضبط! حطت الورد على جنب واخذت تطالع الالوان واللوحه شهقت بخفه من شافت القلب: الله يجنن مره كيييوت!
ابتسم: عجبك
هزت راسها بنعم وتقدمت تحضنه بقوه بلع ريقه بدهشه وطالع فيها بعدم استيعاب ضحكت بخفه: مره مبسوووطه
ابتسم من بعدت شتت نضره وغلغل أنامله في شعره يشتت افكاره كانت لاهيه ب الاغراض حطتهم على جنب ولفت عليه: بابا
ليث بحنيه: لبيه
طالعت في وفي عينها الف سؤال: انت ليش هنا وش صار
كان منتضر ذي اللحضه لحضه تعرف كل شي وخلاص ينتهي عوقه طفش وهو كاتم عنها الحقيقه مسك يدها بحنيه وطالع بعينها: تعرفين انك قويه صح واني معك
هزت راسها بنعم ابتسم وعض شفته مايعرف كيف يبدا في الموضوع تنهد: تعرفين وش كانت تعطيك ليزا
اخذت تفكر: ليزا!  اوووه ليزا المربيه حقتي وجدو ودانه شهقت وينهم ليش ماجوني!؟؟؟
بلع ريقه بقهر على حالها: هم في الخبر انتي الحين في المانيا تتعالجين
عقدت حاجبها: من ايش اتعالج!؟
حاوط وجهها بكفوفه وطالع فيها بحنيه برزت عينها بصدمه وحاشها صداع قوي  تعرف ذي النضرات زين تعرفها من وهي صغيره نضرات السهم صوبتها من اول ماوعت على الدنيا العيون الي ملكت قلبها غمضت عينها بقوه ورمشت الف مره طالع فيها بخوف: ملاك
نزلت دموعها وشهقت غطت فمها بيدها وهي تبتسم بخفه: ل. لييث!!
طالع فيها بصدمه مو مستوعب: هاه! وش وش قلتي!
سكتت وهي تبتسم بحب: انت انت ليييث!
ضحك بقوه ونزلت دموعه: ياااههه ياحلووه ياحلوووه ياحلو اسمي من منطوقك
قبص خدودها وعض شفته: بنجن بنجننن
ضحكت وهي مو مستوعبه: شسالفه مو فاهمه مو فاهمه
قرب لوجها: قبل كل شي أنا اسف
ابتسمت: وانا اسفه تعديت حدودي
ليث: تذكرين؟
ملاك: يعني شوي بس اذكر يوم جا بحر بيتنا ويوم سافرنا ويوم كنا بنروح يخت وايش بعد اييي ورحت الحمام اكلت حبوب كثيره ليث ماعرف كيف بس بس حسيت ابي اكل اكثر ماعرف وش صار لي ماعرف
بدات ترجف وتبكي تقدم بكل شجاعه وهو موقادر يصدق انها استوعبت في ست ايام مو قادر صح ان ماخذت الحبوب إلا من قريب يعني مادخلت الادمان الادمان بس كان خايف عليها خاف يخسرها يحب يشوفها قويه وترادده مايحب ضعفها مع انه يحبه لانها تكون بحاجته في ذا الوقت شعوره متناقض وحيل سحبها بقوه لحضنه ورص عليها بكت في حضنه وهي ترص عليه اكثر بلع ريقه يحاول يسيطر على نفسه وده يمسكها يقبلها يهديها يريحها شتت أفكاره وانتظرها لين هدأت غلغل أنامله في شعرها وهي بس تطالع في وجهه وهو يشتت نضره عنها مايبي يطيح مايبي يغلبه الريح ويهزه
ضحكت دانه بقووه وبدات تقلد صوته وهي تقرا تغريدته: ياي قالو وين دنياك قلت بعيونها قالو تحبها قلت ماشوف دنياي بدونها .
ضحكت ليما: حرام عليك والله يجي منه
عقدت حاجبها: يجي منه طل في وجهه النسونجي اففف
فزت من رن جوالها ليما: ردي
هزت راسها ب لا: مابي
سحبت الجوال وردت حطته ب اذن دانه وطلعت عيونها بدهشه كانت تشرب وقامت تكح وصلها صوته: بسم الله على قلبك وروحك سلامات
طيرت عيونها وهي تكح بخفيف تنحنحت: هلا
بحر: شلونك عساك طيبه
دانه بطفش: بخير وش عندك
بحر ابتسم: زعلانه ليه! قلتلك إذا رجع ليث نروح سوا
دانه: مابيك بروح مع ليث وملاك
بحر: افاااء!
دانه: بحر مشغوله بعدين اكلمك
بحر: لحضه لحضه فيك شي انتي تتهربين مني ولا اشوفك عندك شي فيك بلا علمني!
دانه بغضب: مهب شغلك
قفلت في وجهه ليما: غبيييه!
دانه: انتيي اصصص يانكبه
اخذت الوساده ورمتها عليها وقامو يتضاربون
دفتها دانه: وخري عني وراي دوام وين غرفتي
ليما : في الشارع نامي ماعندي لك مكان
دانه: بروح اختار لي اجل
ليما: روحي
عقد حاجبه بدهشه: شفيها ذي!
همس :تبينها عناد يعني والله ماطرد وراك
دخلت غرفتها وارتمت على السرير بهدوء ارسلت: (عمر حبيبي دنو في البيت روح فلة فارس احبك)
غلبها النوم وطاح الجوال من يدها
عند دانه دخلت اول غرفه ونامت على طول
رفعت راسها بترجي: ليث علمني وش صار
طالع في عينها وماقدر يرمش تأمل مره مرتين ماشبع بدون وعي منه نزل انامله على عينها وبدا يمررها على جفنها برقه بلعت ريقها من حركته كان يحس نفسه مو بوعيه رفع أنامله ومررها على حاجبها همس: مستعده تسمعين؟
طالعت فيه وهي مو فاهمه شي : لاتخوفني
بعد يده عن وجها وتنهد اخذ نفس خفيف وهتف: الحبوب تعرفين ايش هي
ملاك: لاء بس قالت انه من الدكتوره
ليث: متى عطتك
ملاك: من قريب
طالع فيها وخايف عليها خايف من ردة فعلها كيف بتتقبل نفسها كيف بتتقبل الحقيقه ملاك بتوتر: ليث شفيك!
رفع راسه وتشجع تطق: الحبوب الي تأخذينها ******
ضحكت بعدم تصديق: لامستحيل تمزح
هز راسه بقهر: ليت امزح ياملاك ليت تبعت حيل وانا اشوفك كذا حالتك وجعت قلبي ياملاك
نزلت دموعها هتفت بنبره ناعمه باكيه: ليييث!!
تمسكت في تيشيرته: ك. كيييف لييه وش سويت ليه كذا كنت كويسه معها تعرف عني كل شي كل شي ليييث!!
مسكت راسها وهي تجهش بكي اكثر واكثر مو مصدقه مستحيل الي صار كيف وليه استوعبت كل شي وقت كانت تعطيها وتروح وقت كانت تلح عليها تاكلهم وكانت تقول لاحد يدري وكانت تلعب عليها ب الحكي عض شفته: ابكي طلعي الي بقلبك كله
كورت يدها واخذت تضرب صدره بقوه: ليييه ليه حياتي كذا سنتين من عمري راحت راااحت يبون ياخدون عمري كله ليييه وش سويت وش سويت عمره محد اهتم فيني جدو بس يهتم في شكلي منصبي مو مهم أنا مين وش اعيييش طول عمري مع الخدامه كاني مشرده اخخخ ياقهري اخخخ
عضت شفتها وهي تبكي وتضربه اكثر بدون وعي بدات تقول كلام نصه يفهمه ونصه لا: حرام عليكم حرااام عليكم أنا امانه عزيزه ونوح حرام عليكم ياويلكم من ربي ياويلكم اههه قلبي يعورني لييث يعورنييي
نزلت دمعته ومسحها بسرعه بلع ريقه يكتم غصته مسك وجها: طالعي فيني طالعي خذي نفس خذيي
كانت كاتمه نفسها وتضرب ليث بصدره مسك يدها ورص عليها بقوه صرخ من تغير لون وجها: تنفسييي
حضنها بقوه سقطت على السرير وهو فوقها حاضنها وهي تبكي والحال عنده ايضاً كانت دموعه تنهمر بدون اي صوت فقط ماء حار يحرق خده بعد كم دقيقه هدأت وكان نفسها يصعد وينزل بعد عنها غمض عينه يستوعب الي صار رفعت نفسها وجلست طالعت فيه وهي تبكي: روح ليث روح اتركني وعيش أنا بتعبك معي انت مو ناقص فقدت حب حياتك قدام عينك ضحكت بسخريه على نفسها: وشوفت عينك هذا أنا
طالع فيها بغضب من كلامها بعد ماعلقته فيه تقول روح ! هتف: ملاااك!! ماسمح لك ماسمحح لك اترك الدنيا ولا اتركك اخذ من عمري واعطيك عشان اشوف فرحتك وابتسامتك
شهقت وهي تأشر على نفسها: بس مامني رجى ياليث
حاوط وجها بكفوفه الدافئه تلاقت اعينهم وداعب ب أنامله خدها طولو وهم يتبادلون النضرات: وأنك رجاي العذب لو كل الدروب عثور انتي هلاكي الي راضي ب الموت فيه راضي اموت مره مرتين وثلاث لاجل عينك الحلوه ملاك لاتفقدين الأمل تكفين شوفيني طالعي وجهي ليثك تعبان ياهلاكي مافقدت الأمل انتضرتك كنت حولك آخر شي تقولين روح اروح واخليك!؟ اروووح
نزل راسه بضيق: انسي انسي اني اروح
عضت شفتها: ليه تسوي كذا في نفسك لييييش!!
سكت ماكان عنده رد نزلت راسها ودموعها تنزل: أنا. أنا شلوني كيف حالتي اقدر أتعالج اقدر ارجع!؟ في امل تكفى لاتكذب لاتعيشوني في وهم قولولي كل شي بصدق مابي اعيش في كذبه مااابييي
دخلت وهج وهي تبكي كانه شاهده على كل لحضه من اول مادخل ليث وعطاها الورد تقدمت وهج وحضنتها بقوه: تحسبين نفسك ايش هاه! أنا أعرفك علمني ليث عنك كثير ياهلاكه
ضحكت ملاك بخفه وابتسم من سمع ضحكتها حس وكانه مويه بارده انكبت عليه وكانه ضميان وربي ارسل له غيث
طالعت في وجها: تدرين جيتيني اول يوم عقلك بعيييد تهلوسين ماتفهمين اي شي حولك عايشه بعالم اخر طالعي نفسك الحين طالعي توك بداية العلاج وتقدمتي بخطوه كبيره لأننا حولك ومعك
ملاك بضيق: طيب بتعافى علميني !
وهج ابتسمت واشرت ب أصابعها: اسبوعين ب الكثير ولاك في الخبر بعافيتك
شهقت وحضنت وهج بقوه: ماعرف اتكلم ماعرف وش اقول بس ممتنه لك مرههه
بادلتها الحضن: كل شي تمام ارتاحي وتطمني مرهه
ابتسمت براحه وطالعت فيهم من غلبها النوم: لاتروحون نامو عندي
تقدم ليث ومسك يدها: نامي يلا
ابتسمت وغمضت عينها معلنه استسلامها بعد يوم متعب ومهلك
وهج ابتسمت: بكره بنبدأ تمارين وجودك معها يفرق كثير ياليث
هز راسه وانسدح على الكنب بتعب وقلبه مرتاح ومتطمن