وانت اللذي حطيت بالجوف رمحين رمح العيون ورمح وردي شفاتك

البارت الثاني عشر

هز راسه وانسدح على الكنب بتعب وقلبه مرتاح ومتطمن
بيت هاشم
جالس في بيته اهله تاركينه لانه ماوافق يكون ب الشركه مع ابوه اهله في دبي وهو عايش ب الخبر من سنييين بيته كبييير وقدام البحر البيت ابيض والأثاث خشب والكنب بيج  الصاله الخاصه الي اغلب وقته فيها كان كل أثاثها كلاسيكي بحت لوح قديمه عصريه وأشرطة عبد الحليم ومياده الحناوي وفيروز كل شي يفتح النفس ويروق الانسان ويهدي أعصابه في الشغل يكون رجل حاد الطباع وعصبي وغامض بس وقت يرجع البيت يفصخ مع بدلته أحزانه غموضه المشاكل والقضايا الي تجيه يتفرغ لنفسه وحياته يفتح أبواب السعاده والفرح لنفسه انسان بسيط مسالم وطيب لابس تيشرت ابيض وشورت اسود شعره رطب يقطر على الارض مع كل خطوه يخطوها نفث الدخان وابتسم تقدم وهو يطلع البن بروقان طحنه كويس وطلع الفلتر والميزان بلل الفلتر وضع البن صب المويه بشكل دائري وجلس يتأمل في لون القهوه الي ياخذه لعالم آخر هذا غير رائحتها الي استوطنت المكان كله تنهد بحب لحياته البسيطه صبها في كوبه المفضل تقدم للطاوله الخشب الي عليها القرامافون الي مايعرفها(نفس المحرك تحط فيه اسطوانه موسيقيه وتطلع صوت ابحثو عنها عشان تفهمون)
طلع اسطوانه لعبد الحليم وضعها ونزل الحديده وبدات تدور ويتهامس الى اذانه صوته الشجي ارتفع صوته في أنحاء المنزل الذي يملئه السكون ورائحة البن تبسم ثغره من صوته الي يجيب راسه ويفتح نفسه سنه قدام اخذ يغني وراه بخفيف من اخذ احد الكتب يقرأها:
وان لقاكم حبيبي سلمولي عليه
وان لقاكم حبيبي سلمولي عليه
طمنوني الاسمراني عامله ايه الغربه فيه
طمنوني الاسمراني عامله ايه الغربه فيه....
رجعت للبيت وهي مهلوكه تعب فتحت الباب بخفيف وابتسمت من سمعت صوت فيروز وامها الي تغني وتهز راسها جالسه امام التلفاز والغصه في حلقها تسمع الاغنيه وتدمع عليها لها ٦٠سنه وهي مانست مالقت شي يلامس مشاعرها الا كلمات وصوت فيروز:
كيفك قالو عم يقولو
صار عندك ولاد أنا والله
كنت مفكرتك برات البلاد 
كيفك قالو عم يقولو
صار عندك ولاد أنا والله
كنت مفكرتك برات البلاد 
شو بدي بالبلاد..
الله يخلي لولاد
رفعت راسها وهي تمسح دموعها تطالع في بنتها كيف مرخيه نفسها على الجدار وتطالع امها بحب: وهج!
تقدمت تبوس راس امها: جيت من دقيقتين وانتي لاهيه عني
ضحكت ريم: اسفه يابعد عيني
نزلت تجلس في حجرها وتبوس يدها: للحين مانسيتي؟
هزت راسها ب لاء ابتسمت وهج بحب بعدت عن حجر امها وجلست ملقيتها ضهرها نزلت حجابها وانسدل شعرها البني المايل للاشقر كان حرييير وناعم بشده طويل ومناسب لها هتفت بحماس: جدلي شعري وعلميني السالفه
ابتسمت ريم وطلعت المشط من الدرج : مع اني كل مره اقولها لك يابنتي ماتطفشين
هزت راسها ب لا: مستحييل انسى خبثهم مستحيل خاصه اسر اخخ بس لو الاقيههه والله اق...
قاطعتها ريم: بس بس ياوهج الله يستر عليهم وحسبي الله على الي كان السبب سالفه وانتهت يكفي يابنتي حرام تدعين
لفت وجها ب اتجاه امها وقبصت خدها: اخ من طيبة قلبك الحلوه ياميماا
ضحكت ريما وبدات تجدل شعرها وتحكي السالفه
لمن كان عمر ريما١٨سنه كانت تحب شخص اسمه آسر اكبر منها بسنتين دايم يتلاقون في البقاله في الشارع كثرت صدفهم شدته هذي البنت وابتسم من أقبلت حفظ ملامحها شعرها البني الاشقر عينها البنيه بشرتها الفاتحه شفتيها الحمراء عنقها الطويل كل شي فيها جذبه دخلت بخجل: محمد ابغى ..
قاطعها آسر بمزاح: محمد تبي ثنين شاهي لبتن و واحد حب
طالعت فيه بخجل وتوترت منه همست : خلاص مابي شي
طلعت وهي تسرع بخطواتها عقد حاجبه وتقدم خلفها: شفيك ليه ماخذتي؟
لفت عليه: مابي اخذ غصب !
آسر: لا مو غصب لايكون ضايقتك
ريما بتوتر: لاء بس وش تبي مني كل مره الاقيك مو زين لو احد شافنا
ضحك بخفه: ماسويت لك شي يابنت الحلال بس حفظت طلبك من كثر ماتقولينه وثانياً يمكن ربي كاتب لنا الصدف الحلوه هذي
ابتسمت بخجل: دام صدف حلوه روح جيب طلبي وعلى حسابك وتعال انتضرك
تبسم ثغره بفرح انها بادرت: تمام
دخل واخذ الطلب مشى بسرعه يدورها عقد حاجبها مالقها ركضت للبيت وهي تضحك بشده فتحت الباب وهي ميته ضحك فزت بخوف من صرخت امها: رييماااا!!
ريما بخوف: س. سمي
قامت وسحبت أذنها: وينك فيه هاه وييين!!
ريما وهي تبكي: توني راجعه من المدرسه والله
دفتها: على غرفتك يلا
دخلت وهي تبكي
بعد فتره كثرت مصادفاتهم وتطور الموضوع واصبحو يكتبون لبعض مكاتيب غزل وحب وغرام كانت مع كل رساله تضع قبله على اسفل الورقه وهو دايم يخبي مكاتيبها في درجه ويحتفظ فيها نطقت وهج وامها تداعب خصلات شعرها: ميما وش كنتو تكتبون
ابتسمت ريما بخجل: مايصلح
وهج ضحكت بقوه: يمه منك ميييما وش كنتي تكتبين هاااه
غمزت لها بخبث غطت ريما وجها بخجل: بس بسس ياوهج قومي عني يلا
وهج بورطه: لالا خلاص امزح امزح كملي
ارتمت على رجول امها وتنهدت: بعد فتره انقطع عني ماصار يرسل ولا اشوفه زعلت حيل توقعت غيبته يوم يومين صارت أسابيع وسنين ماعشت يوم سعيده وقت فراقه أيه أنا عاطفيه وقت الحب اطيح ولا اقوم يابنتي لاتصيرين نفسي ياوهج المهم يامي جا خبر في الديره ان آسر رجع تشققت فرح طرت وناسه نسيت غيبته وش سوت فيني كاني مسحوره لبست احسن الملابس تكشخت وطلعت بدون لاحد يدري وكأن قلبي يدل طريقه كانه يقولي تعالي شوفي الحقيقه بس عقلي كان يقول لا ارجعي البيت سمعت لقلبي وليتني ماطعته دخلت البقاله واشوف رجال طويل تقدمت حرمه جميله جدا ابتسمت وهي تطالعه/ آسر ابغا هذا
ابتسم اسر: خذي الي تبين
شهقت بخفه وهمست: اء اء.ا. اسررر!!
التفت عليها بقوه من سمع الصوت الي يعرفه برزت عينه وعلى ملامحه الدهشه تأمل ملامحها الجميله اخ ياعيونها الي تجيب. راسه سكنو يطالعون بعض وبنضرات عتاب وشوق هتفت وهي تتقدم له وعيونها تدمع وتبكي: كيفك وين وين كنت!؟
اسر: اس....
قاطعه صوت طفولي: بابا بابا ماما تقول تعال اختار معها الخضار عشان غداء اليوم
انصفق وجها رصت على أسنانها بقهر تقدمت وضربه مع صدره: ليييه لييه!!!
حاوط بكفه شفتها يسكتها سحبها معه برا البقاله ارتطم جسدها ب الجدار وهو محاوطها: ولا كلمه اص الي بينا انتهى وانا اسف شفت حياتي خلاص
ضربته مع صدره بقوه غمض عينه يكتم غضبه: اكرهك اكرهكككك
سكت وبعدت عنه من طلعت زوجته: اسر؟
ابتسم بوهقه: سمي
زوجته بشك: من هذي؟
حك راسه وتقدم يحاوط بيده أكتافها: ماعليك من تكون تعالي اشوف وش اخذتو
شهقت ريما وهي تغطي عيونها وتبكي فزت وهج: ميما! خلاص تكفين لاتعورين قلبي وش تقول فيروز قامت تلحن بصوتها وتصفق بخفيف وتهز راسها وتطالع في امها:
تمرق علي امرق ماتمرق
ماتمرق مش فارقة معاي
مش فارقه معااااي
دخلت معها ريما وهي تغني وتضحك:
تعشق علي اعشق ماتعشق
مابتعشق مش فارقه معاي
مش فارقه معاااي
صفقت وهج بقوه: ايييوا كذا طززز ياميما طز
ضحكت ريما: اخخ حمدلله على كل حال يلا يابنتي نوم تأخرتي شوفي كم الساعه
قامت وقبلت راس امها ويدها: وانتي بعد لا تطولين ب السهر
هزت راسها بنعم وصعدو غرفهم
الصباح
دخل بحر مكتبه وهو منفس هتف وهو يرتمي على الكنب رفع عينه وطالع الي يحوس ب الملفات: ثنيان اطلع تكفى
التفت هاشم: افا تطردني وانا ولد هميم!
تبسم ثغر بحر بشده وقام يحضنه: هلا بجيب قلبي هلااا
بادله الحضن وهو يضحك: هاه نطلع ولا؟
بحر سحبه: وين تطلع مكانك ذا اجلس اجلس
هاشم طالع فيه وهو يصب القهوه: شبلاك تهوجس!
بحر: والله مابي اهرج ياهاشم
اخذ الفنجال من يده: اعتبرني ليث وقل الي في خاطرك
بحر بضيق: اخ ياليث اخ واحشني الكلب حييل
هاشم: والله مو كثري يوم انه موجود كنت مشغول يوم راح فجأه صرت فاضي
ضحك بحر: لازم لازم نطلع البحر اليوم دام انك فاضي
هاشم: بشرط!
بحر: والله البلشه
هاشم قام: تبي ولا بكفيك؟
بحر بتسرع:قول قول
هاشم قرب: تقولي وش مكدر خاطرك في ذمتك ماتكذب علي يابحر
ابتسم بحر واشر على عينه  ابتسم هاشم وهتف: يلا سلام وترا خذت ملف فاضي احتاجه
بحر: فداك
فتحت باب الغرفه ولاها تغني ومروقه على صوت انغام صفقت الباب بقوه بيدها فزت وطاحت الفرشه من يدها: بسم الله!!
سلطانه بغضب: وييين الشغل هاههه وينه ولا تحسبين عبدالله غايب يعني تسرحين وتمرحين
دانه بخوف: يمه بس ماخذه اجاره
سلطانه: وليه ان شاءالله
ابتسمت: كذا نقاهه وبعد طالعه مع صاحبتي للبحر
هزت راسها بقل حيله وطلعت
صحت ليما تدورها مالقتها دخلت محادثاتهم ولاها راسله: طلعت بدري خلي مزيونك يجي لايموت
عقدت حاجبها ونزلت طالعت فيه متكي ومروق يطالع التلفزيون: عمر!
رفع راسه وقبلها:الله حيها صباح النور
جلست: صباحك سرور وش عندك جاي
عمر: خويتك طلعت وقلت اجي بيتي فيها شي
اكتفت: لا ابد بس علمني وش قلت لها
عمر بوهقه: هاه ماقلت شي
مدت بوزها واجحضت عينها: قووول
قرب وقلد حركتها بطنازه: اممم قلت لها ابي زوجتي مشتاق لها اطلعي من غير مطرود
شهقت وهي تضحك: لااا تمزححح!
ابتسم: كبرك امزح معك أنا؟
ضربته: غبيي انت! لا جد مو صاحي
سحبها لحضنه: اليوم بنطلع أنا وياك
هتفت وهي غايصه بحضنه: وين
عمر: كذا تمشيه نروق وننبسط ولا ماودك
ابتسمت: اكييد ودي إلًا صح وين فروسي
عمر: فروسك امس كلمني وقال انه ماشي عندهم معسكر
ليما: الله يوفقه
عمر: اميين
عادل: هاشم بفهم شي واحد
هاشم وهو يقلب ب الاوراق: قول
عادل: ياخي ليش مايعلنون موت عبدالله
غلغل انامله في شعره من نزل شماغه: لازم نلاقي ليزا قبلها لازم عشان ماتأذي احد اكثر من كذا
عادل: تهقى وينها
رفع راسه بعدم معرفه وهو يقلب في الاوراق حقتها وتعقبات مساعدينه
صحت وابتسمت وهي تشوفه نايم اخذت الشرشف وغطته رجعت واخذت القرآن تقرا
دخلت وهج تكمل اجرائاتها الدكتور: متأكده من قرارك تبين تكونين دكتوره خاصه؟
هزت راسها بنعم: ايه ماراح أتراجع قراري نفسه
الدكتور: طيب قربت تتعافى بعدين وين تروحين
ابتسمت: جاني قبول في مستشفى الخبر**** وافقت
ابتسم بفرح: حمدلله ماشاءلله ماعلمتينا من بدري!
وهج: قلت يبقى سر  لين تضبط الامور
الدكتور: موفقه يارب
طلعت وهي مبسوطه حييل فتحت الباب وابتسمت وهي تسمع صوت ملاك سكرت القرآن: صدق الله العضيم
فتح عينه بخفيف طالع البطانيه الي عليه ابتسم: صباح الخير
طالعت فيه بحب: صباح النور
قام وبعد عنه البطانيه نزل راسه على رجولها وغمض عينه سحب يدها وحطها على شعره: اقري مره ثانيه والعبي بشعري احسني محتاج تقرين علي
ابتسمت بخجل: تمام
طلعت وهج بخفيف بحيث مايحسون ضحكت بخفه دخلت مكتبها تبلغ امها ريم: مبرووك ياحبيبتي اخخ واخيراً برجع للسعوديه اخيييراً
وهج: ثاني أسبابي انك طفشتي من برلين
ريما: اي والله تذبح ذبح
أخذتهم السوالف والضحك
خلصت قاريه ونزلت دمعته من حس ب الخشوع والراحه ابتسمت: نمت؟
مسح عينه بعشوائيه ونطق: لا بروح أنادي وهج عشان تدريبك
هزت راسها بنعم
دانه: ياخاينه وطلعتنا
ليما تطالع في عمر وهو يصور طبقه: احم تعرفي الهازبند وكذا
ضحكت دانه: وعوه الهازبند حتى ماتنطقها زين
ضحكت ليما: اقول عطيتك وجه باي
شهقت من سكرت في وجها: هيين!! اف
خذت شنطتها وطلعت
ساره: وحشني ليث مره
مياس: ياخوفي ساحرته
قامت بغضب وهي ماتبي تتجادل معها دخلت الغرفه واتصلت على اويس
كان جالس ياكل تقدمت فتاة سعوديه اسمها غرور كانت طويله ونحيفه شعرها  لحد كتفها خدودها حمراء من الشمس عينها عسليه ورموشها كثيفه ابتسمت: عادي اجلس معك؟
زحف لها: ايه عادي
طالعت فيه بطفش: عادي تفزع لي
اويس: لا والف لا آخر مره فزعت لك تصفقت من ذا اليهود
ضحكت بخفه: شسوي ياخي مافي إلا أنت سعودي في صفي  والسعودي خوي السعودي صح ولا
اويس: مايفيد ذا الكلام انسي اي احد يعترض لك عندك المدير
تأففت: بس لازم اشوفه يتألم
ضحك: بيتألم في جهنم الكافر
ضحكت بقوه: اويييس
بادلها الضحك وفز من رن جواله : هلا بقلبي
عقدت حاجبها
ساره بحب: هلا ورحب اخ وحشتني مرهه
اويس بضيق: والله ان فيك البكيه تكفين ابلعيها والله ابكي معك
ضحكت بخفه وداخلها غصه: مالي احد في البيت تعبت من الوحشه متى ترجع
اويس بكذب: برجع بعد إسبوعين ماعليه هانت
ساره: وييين هانت اسبوعين اسبوعين
همست: من تكلم!
اويس: مب شغلك
سحبت منه الجوال وسط دهشته من حركتها: هلا
ساره: مين!؟
غرور: أنا غرور صاحبت اويس انتي مين
ساره ضحكت: أنا أمه
غرور شهقت: يكذب على امههه بعد!!
اويس تقدم وسحب الجوال بس باغتته واخذته منه: خاله خاله ترا بيرجع بعد...
سد فمها يحاول ياخذ الجوال وهي تضحك وتسحبه ساره: شفيكم!!
وقفت على الكرسي وهو يحاول ياخذه منها وقف على أطراف أصابعه بس مافي فايده حطت الجوال عند أذنها: بيرجع بعد...
قاطعها من سحبها من خصرها باتجاهه تعرقلت رجله وطاحت فوقه تاوه بالم وضحكت: احسسن
رفعت راسها من عند صدره: اخخ راسي
تلاقت أعينهم وبلع ريقه يشتت نضره: قومي!
قامت بخجل وهي تنفض لبسها اخذ الجوال بغضب: ليتك تتركين حركات المبزره
تفشلت من نفسها وسكتت همست: يع افشللل وربي استاهل
ساره: وش فيكم
اويس: خبله ماعليك منها المهم عندي كلاس تبين شي
ساره: سلامتك حبيبي
دخل الفصل بهدوء كالعاده جلس في مكانه  دخل المعلم وردو التحيه وهم واقفين اشر لهم يجلسون وبدا الدرس تتمشى بين الاسياب وتطالع باقي الفصول ماتبي تدخل لانها متفشله من حركتها فزت من صوت صاحبتها: بنت وش تسوين
غرور بتوتر: هاه اتمشى
لينا: والحصه!؟
تقدمت غرور وهي تصرف: الله قصيتي بوي مره ثانيه مره مره يجنن عليك
لينا ضحكت بخفه: لاتصرفين لي يومين قاصته توك تلاحضين وبعد ياسيدي عليكم ألبرت يعني بتلقمين
شهقت وحطت يدها على فمها: لااا ألبرت!! مستحيييل والله بموت
لينا: روحي بسرعه إذا اعتذرتي بيدخلك سريع
ركضت بكل قوتها رقت الدرج وركعت عند الباب وهي تلهث فتحت الباب بخفيف والكل التفت ضحكت بغباء: هاي
طالع فيها ألبرت ونزل القلم: نعم!
حكت راسها: اسفه بس كنت تعبانه وتأخرت
تقدم بغضب: هذي مو اول مره تتأخرين مو اول مره
تراجعت بخوف طلع المسطره: مدي يدك
غرور بغضب نطقت بلهجتها: تخسييي وتعقب بالشايب العايب
عقد حاجبه بعدم فهم ضحك اويس بخفه صرخ: مدي يدككك
هزت راسها ب لا: تبين درجات؟ ولا سقوط اختاري
ماكان عندها حل الا أنا تمد يدها وتنضرب غمضت عينها من ضربها بقوه مره مرتين ثلاث اربع الخامسه حمرت يدها عضت شفتها تكتم بكائها طالع فيها اويس ورحمها قام: أستاذ الحصه بتخلص
وقف البرت: اوه اويس اعتذر اعرف انك شغوف ب الدراسه وانتي احمدي ربك أنقذك
نزلت راسها وهي تبكي جلست ويدها حمراااء بدأ يشرح وهي سانده راسها على الدريشه تفكر تنهد وهو يطالعها كيف تبكي ومو مركزه طلع دفتره وبدت يكتب لها الشروحات ويلخص لها انتهت الحصه ونزلت راسها على الطاوله هتف: كانك مو متعوده تنضربين
هتفت ببكاء: بس اويس تعور مره انت ماتحس
سند ضهره: طيب يلا امشي اوصلك
هتفت: مابي بجلس عند لينا
اويس: لينا بتروح مع راكان
رفعت راسها: راكان! اف اكرهه كيف تحبه
اويس: والله خويي مزيون حرام عليك
طيرت عيونها وضحك بخفه قام: يلا مشينا
مشت وراه وركبت بهدوء ربطت حزام الأمان
لبست لنقز وبلوزه قصيره لونهم وردي رفعت شعرها ودخلت وهج ابتسمت وليث يعدل سرعة السير  رفع راسه يطالعها ابتسم من شكلها الحلو وهج: إذا خلصتي عندي لك خبر حلو
ابتسمت: الله احب الأخبار الحلوه
مسك يدها وتوترت سحبها بخفيف: تعالي
طالعت في وهج بعدم فيهم ضحكت وهج ورفعت يدها باستسلام: مالي دخل أنا هو مدربك
هتفت: تعرف؟
ليث: تمزحين كل ذا العضل وتقولين تعرف
وهج: يمه منك يابو عضل
رفع حاجبه: ليش تشكين
وهج: ورينا اشوف
ماتدري ليش بس حست بغيض وهي تشوفهم يمزحون مع بعض ويسولفون كشرت وهو لاهي يعدل لها ليث: يلا امشي بهدوء بحسب لك عشرين دقيقه
سكتت وبدات تمشي ب السير وهي تسمع سواليفهم ليث: ممكن اعرف وش الخبر
طيرت ملاك عيونها وهمست وهي تتطنز على كلامه: ممكن اعرف وش الخبر نننن
وهج همست له وقالت له الخبر ابتسم بقوه: احلفييي
ضحكت: والله متخييل!
ضحك: يوه بقابلك كل يوم
وهج بغرور: يحصل لك تطالع في وجهي
رصّت على يدها بغضب من همسهم وكلامهم وكيف كل يوم بيشوفون بعض وش قالت له وايش همست الف سؤال في عقلها بدأ جسمها يعرق تقدم ليث من لاحظ عرقها زاد السرعه شوي وبدات تمشي كملت دقيقه وهتف: بس خلاص وقفي
ضغط على الزر وهي تلهث على خفيف ابتسمت وهج: لا والله بنتك لياقتها عاليه
ابتسم: تربيتي
ملاك بزعل: ماني بنت احد أنا
ضحكت وهج: بنتي أنا
ملاك: لا مو بنتك أنا بنت عزيزه ونوح
ضحك ليث: بزر انتي؟
طيرت عيونها وجاب لها الكوره الكبيره تمرن جسمها عليه طالعت فيه:وش اسوي فيها اشوتها؟
ماتو ضحك كلهم وهج: ملااكك!!
طالعت فيهم بعدم فهم: وشو؟
ليث وهو ميت ضحك: بالله ذي تنشات ؟
ملاك بغضب من حركتهم طول الوقت مطنشينها ويسولفون ويضحكون مع بعض تقدمت بخبث: تبي اوريك كيف تنشات
ركلتها بكل قوتها وصفقت في صدره ضحك بصدمه وهج ماتت ضحك: تستاهللل
ليث: وش مسويلك بفهم
ملاك ببراءه: انت سألت تنشات ولا ورديت عليك
وهج: معها حق والله
ليث: اقول تعالي مرني جسمك لا شوتك انتي وياها
مسك لها الكوره وبدات تمرن جسمها وهج: لا والله تعرف
ليث ابتسم وهو يطالعها كيف تتمرن بكل حرفه وجمال تأمل جسمها الفاتن خصرها المنحوت فخذها المليان كل شي فيها يجذب بلع ريقه وقام تنحنح: عندي كم شغله مرنيها
قامت وهج وملاك مطنشه أسلوبه الغريب الي بسرعه يتبدل