وانت اللذي حطيت بالجوف رمحين رمح العيون ورمح وردي شفاتك

البارت الثاني

عليك دكتوره الحين علميها كل شي تمام؟
هزت راسها بنعم وهي مو فاهمه شي
اذن المغرب ودخل اويس وكالعاده يوسخ البلاط صرخت ساره: اويييس
فز برعب: سمي
لف يطالع الطفل الصغير شعره الأشقر بياضه وعيونه السود الوساع رموشه الكثيفه وحواجبه كذلك ابتسم بورطه: اوه شكلي مضيع معليش
ضحكت ساره: ياخبل هذا ليث
شهق وضحك ليث وهو يشيله ويحضنه بقوه بادله الحضن وهو يضحك بصدمه: اخيييرا ً جيت والله مشتاق لك حيييل
ضحك ليث: إلا كيف لعبك عساك بيضت الوجه
ابتسم: افا عليك وانا اخو ليث
تقدم وطالع في ذاك الرجل المبتسم عيونه عسليه وشعره اسود ملامحه حاده وجذابه عوارضه خفيفه وشارب كثيف ابتسم يطالع ومد يده يصافحه شهق بخوف من سحبه بحر لحضنه: يوووه الورع كبر اذكره آخر مره كنت اغير له حفاضته أنا وليث
ضربه بصدره بغضب: كل تبن يارجال بعدين ابعد كتمتني
ضحك بحر: نفس الطينه انت واخوك
ساره ضحكت: لا حرام اويس احن من ليث
ليث بدهشه: يمه
ضحكت بقوه وهي تبي تحارشه
انصدمت وقت عرفت بسالفه الحادث وعرفت انها طريحه لمدة سنتين نزلت دموعها تبكي اقتربت منها الدكتوره: البكي بيفيد؟
طالعت فيها ببراءه ودموعها تنهمر: راحت سنتين من عمري مادرست فيها طب وحققت حلمي
مسكتها تطالع فيها مسحت دموعها بحنيه: ياما دنيا خذت منا اعز مانملك انتي خذت منك سنتين ورجعتك. بس غيرك مارجع الدنيا وربي عطوك فرصه تعيشين اغتنميها بفرحها بحزنها بكل شي بصدر رحب تذكري انك كنتي طريحه بس الحين لك جنحان طيري فيها وين تبين ارجعي كملي حلمك وشغلك لايوفقك شي ابوك معك صاحبتك معك انتضروك تصحين ولا فقدو الأمل مو حرام تخيبين ضنونهم
بدات تستوعب وكان كلامها مثل المويه البارده صحتها وكانه كف صحاها من غفوتها ابتسمت وكانها خذت القوه رصت على يدها: اقدر اقوم؟
ابتسمت الدكتوره: تبين تقومين قومي
طالعت فيها ضحكت: ماراح اساعدك يلا قومي
دخلت دانه وهي سمعت كل الحديث ابتسمت وهي تعرف ان نقطة دانه كلمة( اتحداك): يلا ميمي اتحداك تقومين وتمشين
طالعت فيها وضحكت: هه لاتتحدين
تمسكت ب السرير ورفعت نفسها كانت تحس بصداع شديد تمسكت قبل تدوخ تقدمت دانه تساعده وقفتها الدكتوره همست: لا!
طالعت دانه فيها ضحكت وهي تتمرن توقف على أطراف اصابها صرخت بقوه: اقدر اقدددررررر
نزلت دموع دانه ومسحتها بسرعه ركضت تحضنها وهي تصارخ: بنتييي رجعتتت
انسحبت الدكتوره تبلغ عبدالله ركض وهو يطالع فيها تمشي وتضحك حضنها بقوه يخفي دموعه مايبيها تضيق
ملاك بحماس: دنو اجلسي عندي بليز نتابع موفي ونضحك
هزت دانه راسها بنعم وهي تدمع ركضت تفتح الباب تبكي وتشاهق كانت تحتاج صحبتها اشتاقت لحسها وروحها الحلوه صوتها كل شي فيها كانت تحتاجه عشان تكمل وتوقف اخذت وقتها تحزن وتبكي دخلت ولاها تقلب في الجوال ضحكت وانسدحت جمبها: نسيتي كيف تستعمليه صح
ضحكت بورطه: تبين الصدق اي والله نسيت
كتمت ضحكتها وبدات تشرح لها من الالف إلى الياء والضحك ياخذهم يمين يسار لين داهمهم النوم نامو وهم باحضان بعض مبتسمين
الصباح في قصر آل عارض
صحى بدري ونزل ولا البيت مليان تراجع بخطواته من شاف الحريم ظحكت ساره من لمحته: تعال تعال عماتك وبناتهم مامن غريب
ابتسم مجامله وتقدم رفعو البنات الحجاب على روسهم رفع عينه على ذيك البنت الي تبتسم بشكل جنوني وجها احمر همست: حمدلله على السلامه نورت نجد
نغزتها امها: بنت!
عقد حواجبه ورص على اسنانه من نطقت باسم معشوقته من غيرها نجد سكنت قلبه من غيرها الي فتحت عينه على الدنيا وعانته طالعت فيه كيف ساكن حتى بعد ماسلم ماجلس فز من حس بيد امه تحاوط كفه ابتسمت بحنيه: تعال يامي اجلس
جلس وهو باله مع نجد ذكرياته وكل شي حصه بحماس: إلا شلون ميلان
ابتسم من طاري ميلان وبانت اسنانه: اوف والله عليها كلام لازم تزورونها
هديل بفرح: صدق والله اجل خذنا معك
ابتسمت جيلان وهمست: خفيفه !
صد بعينه عنها وهو كاره وجودها وتقربها منه الي يشوفه مقرف: روحي مع أهلك أنا باخذ امي واخوي
ساره بدهشه ضحكت وطالعت هديل: يمزح معك يمزح!
زفرت هديل وابتسمت طالع فيها بغضب: لا ماكنت أمزح أنا صادق
ساره: ليث!
رن جواله وقام عضت شفتها بقهر وقامت تصب قهوه وتسمع سوالفهم
بحر: وينك
ليث وهو يده على جبينه يشتت أفكاره: ب البيت ليه
بحر: تعال معي اويس قريب للملعب الي عند المسجد
ليث: شسالفه؟
ابتسم بحر وهو يطالع حماس اويس: تعال وشوف
ركب سيارته وحرك
ساره: تعالو الليله بنحتفل ب ليث
جيلان بحماس: صدق والله الله وناسه زمان عن الجمعات
حصه: تم حددتي من تعزمين؟
ساره بضحكه: ايه حددت بس في ناس غايبين لهم سنين ودي فيهم
عقدت حصه حاجبها: من؟
ساره ابتسمت: آل غمران
هديل بغضب: نعم! وليه وش يجيبهم
ساره طالعت في انفعالها: وليه ماعزمهم وهم اليد الي شالتنا بعد الإفلاس لولا الله ثم هم ماشفت ذا الخير
حصه: بس يا ساره كم له غايب كم له ماطلع ولا شفناه خسرنا صفقات ونزلت الأسهم بسبته
ساره وهي ترتشف من كوبها: معه عذره وانا مانسى خير احد علي ابد وثانياً محد يملي علي وش اسوي
هزت حصه راسها بنعم وقامت تطلع وساره سعيده جداً بعودة الجندي البطل عبدالله وهي صدق اشتاقت للمنافسه معه وفي بالها شي بتسويه يعني بتسويه
نزل للملعب اقبل اويس يركض وهو لابس تيشرت الهلال: تعرف وش هذا النادي؟
ليث: لا
ابتسم اويس: حلمي تصير لاعب في الهلال تردني؟
ابتسم اويس ونزل يقبل راسه: اخسي واعقب بس علمني عن ذا النادي ماعرف
ابتسم اويس يعدد له البطولات وأسماء اللعيبه اندهش ليث من المعلومات ومن النادي العضيم ابتسم والتفت على بحر: تم يابحر اخترت الهلال اخترت زعيم القاره اخترت الموج الأزرق بسجل فيه والله يكتب الي فيه الخير
ابتسم بحر: مسجلك من قبل وقبلوك من بكره العصر رح تدرب
ليث بدهشه: كيف
بحر: اعرفك ماترد اويس رتبت للموضوع من بدري وهذا هو تم
نقز في حضن ليث: احبك حييل والله يعني بشوفك في التلفزيون خلاص ماصدق والله ماصدق
ضحك ليث: ان شاءالله
تثاوب وضحك ليث: جاك النوم؟
هز راسه بنعم مسك يده وحركو تقدم بحر يحط الزقاره بفمه رن جواله وأخذه يرد: هلا سارونه
ساره: هاه وش قال عن الموضوع
تنهد: ماقلت له يستحسن تقولين له انتي
تنهدت: اخ منك يابحر اخ يلا سلام
سكر ومشى لفلته
نزل وبحضنه اويس وصله غرفته ونزل يشرب مويه استوقفه صوت ساره: ليث ابوي تعال
تقدم وهو عاقد حاجبه: وش عندك صاحيه للحين
مسكت يده: عندي لك موضوع
هز راسه بنعم يسمعها
ساره: فكر بعقلك زين؟
تنهد وهو توقع الموضوع: زواج منيب انسي
ساره: تبيني انسى عندي لك حل اشتغل معي ب الشركه وصير رئيسها بعدها انسا طاري الزواج كلياً
اعتلى وجهه الدهشه ومسح على شاربه: تمزحين أنا خلاص توضفت بصير لاعب الشركه تركتها بعد موت ابوي وش ابي فيها وانتي خلاص اصلاً مسكتيها وأمورك ماشيه
ساره ضحكت بخفه: عبدالله رجع
اعتلى وجهه الدهشه وقال بصدمه: كيييف!!
هزت راسها بنعم
ليث بغضب: كيف بنته مو مريضه وش رجعه وش صار
ساره: بنته صحت وصحت دنياه بيرجع ويكسر كل شي بيهد ضلوعنا بيرجع ينافسنا ويذلنا لازم نحطه بيدنا ونأخذه لنا قبل تاخذه الذيابه
ابتسم بخفه: لعبتي خليها علي
ساره بفرح: بترجع!
ابتسم بحب: الله الله عبدالله صعب يمه بس أنا اعشق الصعب حييبل بخضعه واحطه بيدي وان ماقويته كسرته بنقطة ضعفه
ساره بعدم فهم: وش نقطة ضعف عبدالله؟
ابتسم بخفه: مستحيل ساره الداهيه ماتعرف ذي النقاط من غيرها يضعف قدامها ويرجع طفل حنون وطيب يكسر كبريائه وجبروته عشانها بنته يمه بنته
ضحكت بدهشه من ذكاء ولدها: فهمت عليك وانا أدعمك بكل شي
قام وباس راسها طالع لغرفته يستعد ليوم جديد ومعركه جديده ارسل لبحر موافقته ونام
سلطانه ام دانه طقت الباب دانه: تعالي ماما
ابتسمت بحنيه وجلست على طرف السرير حاوطت بيدها وجه دانه: وش مسهر نضر عيني
باست يد امها وارتمت في حضنها: شغل يمه شغل
سلطانه بغضب: عبدالله متعبك؟!
هزت راسها ب لاء: لا والله مايقصر معي يعاملني كاني ملاك وزود بعد بس آل عارض عازميني ولا ودي اروح واترك ملاك
سلطانه: مو البنت كويسه ! خلاص كلميها إذا تقدر
دانه بخوف: اخاف تجبر نفسها
وقفت بتطلع: كلميها أنا بنام مع اني متأكده بتوافق
رفعت جوالها تتصل عليها
طلعت من الشاور تجفف جسمها وتتعطر والغرفه ماليها صوت اميمه طالب وهي تقول:
انا مركب رفض يقبل نوايا الموج والأرياح
اموت بعز لكني أنا ماغير مرادي
أنا اكره ناس للحاجه تجيني بدمعة التمساح
ابتسمت ورددت بصوتها الشجي وراها وهي تتتمايل امام المرآه: وانا الي اكرم الصادق ولو هو ياخذ أعيادي، قاطعها صوت هاتفها ابتسمت تطالع المتصل كان مكتوب: حبة اللؤلؤ
رفعت جوالها ترد: اهلين