وانت اللذي حطيت بالجوف رمحين رمح العيون ورمح وردي شفاتك

البارت التاسع

عبدالله بغضب: اذن الفجر ياثامر اذن ساعه على مايدخلوني مايعرفون اني عبدالله!!
ثامر بتوتر: ماعليه سهالات اصبر
عادل المحقق: متأكد؟
هز راسه بنعم هشام مد يده: ادلتك ياطيب!
ابتسم بسخريه: شغلو السفاتي وعلى بيته قبل يولعون فيه
طالعو في بعض ضحك عادل: شقاعد تقول تعرف عن مين تتبلى
هز راسه بنعم وهو طفشان: اعرف عبدالله السلوقي تاجر ممنو*عات وله سوابق وقضايا تكتمو عليها جيت عندكم ياصحابي عشان نقبض عليه فهمتووو؟
هزو راسهم بنعم تقدم عادل ورفع سبابته: شوف والله إذا طلع مافي شي والله اعلقك
طالع فوق وتحت: وين تعلقني بس
ماتو ضحك وابتسم: دوووم يلا سريع برقد
تقدم وبيده الكلبشات هتف بصوت مرعب وجهوري: عبدالله آل غمران مد يدك
وقف على طوله عقد حاجبه تقدم هاشم وطالع في عينه: تعترض على القانون!
ابتسم بتوتر: لاحشى بس وش السالفه!
تقدم عادل بحركه سريعه وكتفه وهو يصارخ: انااا بريييئ
هشام بسخريه: احد قال انك مذنب ياشايب
ضحك عادل: واضح بيكون سهل
عبدالله: ثااامررر
ابتسم ثامر ورفع يده: القانون فوق كل شي ياعبدالله
بصق في وجهه: عمك أنا ياكلب تناديني عبدالله حاف عقب الخير الي عطيتك
مسح وجهه بكمه وهتف بغضب: مال حرام تسميه خير !!
هشام: بسسس
طالع في عادل وفهمه سحب ثامر معهم للتحقيق
طلعو الشرطه لبيت عبدالله كسرو الباب مسلحين من كل جهه ماخذين الحطيه ومحاوطين أنحاء المنزل صرخت العامله وتدقمو يمسكونها وهي تصارع على عدم الركوب ادخلوها رغماً عنها وهي تبكي وتنوح ادخلو جميع العاملات للسياره متجهين للتحقيق فتحو الأبواب وهم يرفسونها ب الأرجل مصوبين الاسلحه على أنحاء المكان تقدم ياخذ المفتاح رفع راسه على دولاب مفتوح ابتسم وتقدم يفتحه زميله هتف: ريان انتبههه!
ابتسم: تعالو تعااالووو
اخرجو الممنو*عات في كيس
اطلقو صافره وتجمعو حول المكان اخذو جميع البصمات اطلعو على الكميرات هلمو للرجوع بقي قله منهم متنكرين عمال عشان يراقبون البيت
صحت سلطانه وهي تدندن وتطبخ ابتسمت دانه وهي تنزل ركض بعد ماتجهزت لدوامها: صبحها ب الخير
فتحت ذراعها بحب: هلا والله صباحك نور وسرور اجلسي اجلسي
جلست وحطت لها من الاكل: ايواه عندك علوم
سحبت الكرسي وجلست أمامها: توقعي من اتصل علي ب الليل
عقدت حاجبها وهي تاكل: مين !
سلطانه: هديل
شهقت: نعم! نعمم وش تبي ذي العقربه
سلطانه بغضب: تبي اخرب بين ليث وملاك
رصت على اسنانها: وش تبي ذي بفهم الولد مايبيك عوووع خلاص تزوج شاف حياته اعتقييه
هزت راسها: الله يهديها بس
قامت دانه: لاوصيك على كوتي بروح دوامي
اشرت على عيونها: استودعتك الله بنتي
ارسلت لها قبله ومشت
تقدم ريان وهمس لهشام ابتسم من طلع ريان والتفت على عبدالله: منت ناوي تعترف صح؟
حط رجل على رجل وابتسم: الله الله قصو راسي ولا اعترف
عادل بسخريه: لا قوي ماشاءالله!
طلع الخيزرانه وضربه مح رجوله فز بألم وتقدم عادل ينزل رجله: قدام اسيادك تضبط عمرك تسمع! صرخ بصوت عالي: تسسسمعععع؟
ملتزم الصمت وساكت يطالع فيه ضحك عادل وهتف: ضعيف شخصيه شف وين كنت وين صرت مستقبلك على ألمحك! تنطبق عليك مقولة رجل والقبر بس صدقني القبر ارحم من انك تكون بين يديني بس لا بخليك تتعذب قبل تموت
ابتسم: عساكم على القوه قضيتو؟
طالع هشام في عادل وتقدم غطى عيون عبدالله وهو يحاول يحرر نفسه حط باذنه سماعه ومشغل صراخ عشان يشتت تفكيره ويلعب ب اعصابه
هشام بهدوء: تفضل ثامر
حك جبينه بتوتر: من وين ابداء
عادل بنرفزه: قصة حياتك خابرها علمني من الحين
شبك يديه وصرخ عبدالله من فهم حركتهم جلس يصارخ ويحاول يحرر نفسه هشام بغضب: سدو حلقه لا ابلعه كنادري
حاول يبعد ويحرك راسه يمين يسار بس بائت ب الفشل كان يهز راسه بشكل جنوني مايقدر يصارخ مايقدر يتكلم بس في ازعاج في مخه وأصوات تضرب طبلته توتره لدرجة العرق يتصبب من جبينه لاخمض قدميه
بدأ يسرد ثامر: اقولكم كم مره تسترنا عليه قضية قتل بدون عمد وقضية اسلحه غير مرخصه تهريب عاملات بلاوي واجد يارجال سكتو عنها لانه هددهم ولأنه عبدالله كل شي يطوله
هشام بهدوء:والممنو*عات؟
بلع ريقه: ماعرف عنها والله كل الي اعرفه عن عاملتهم
عادل عقد حاجبه: اي وحده
ثامر بتوتر: ل. ليزا
هشام بدأ يكتب: كمل
ثامر: تعطي البنت ممنو*عات كل ليله وفي الصبح جرعتين
قاطعه عادل: البنت تعرف؟
هز راسه ب لا: المسكينه كانت تعبانه وقالت ذا علاج من الدكتور يريحك صدقت البنت وادمنت
هشام بغضب: ليه ماتكلمت!!
نزلت دموعه: عبدالله يهددني
عادل: يهددك ب ايش!
ثامو وهو يبكي: في ولدي وزوجتي يذبحهم بس الحين معي القانون ماخاف من شي
هشام: كمل
ثامر: انحاشت بسياره مرسيدس لوحتها*** الساعه الصدق ناسي من البلاوي بس اضن وحده ثنتين
عادل: تعرف وين راحت
ثامر: لا ماعرف
هشام بصوت عالي: أبعدوهم عن وجهي
شالوهم للسجن وعبدالله مربط ضحك ثامر بقوه: هاه يالدب الداشر وين قوتك يارخمه!!
عبدالله بكلام غير مفهوم يحاول يسبه ضحك ثامر: اممم قول عمي ثااامر
رجفه عبدالله وتأوه بالم تراجع من شاف العسكري دخل:عبدالله قوم
ضحك ثامر: احلا منفرده وكشخه هااا
العسكري طالع فيه وسكت
دخلت بكوب قهوه وهي مبتسمه:سلام
ثنيان ابتسم: ياهلا
حكت راسها: اش شسمه بحر وينه دورت عليه مالقيته!
ثنيان وهو يشرب من القهوه: شوفي يامتأخر يانه سحبها نومه
ضحكت: تمام
ثنيان: القهوه من نصيبه؟
طالعت فيه: طبعاً مو لك بعطيها عمي عبدالله!
ابتسم: عمك هاج بعد كلهم ماهب فيه
دانه بتوتر: شسالفه لايكون فيه شي!
رفع كتوفه: يالله اطلعي مشغول
صفقت ب الباب: نفسيه!
فز من نومه وتعوذ من ابليس طالع فيها نايمه وتنهد رفع جواله من جاه اتصال: هلا بحر
ابتسم وهو خارج: ابشرك الدب الداشر راح ملح
ابتسم: اسألك بالله
ضحك: ويمن الله حتى ماعرفني يعني العب على راحتي
تنهد: تعال الفندق
ضحك بحر: قلنا مهووس وماتعيش بدوني بس ماتدخلني بحياتك الخاصه
ليث بجديه: بحر تعال
فز قلبه: شفيك!
نزلت دمعته وبلع ريقه: ضايقه فيني الوسيعه ياخوك طلبتك تعال
قام ركض: جايك جايك
رمى جواله وغطى وجهه بيده
دانه: افف افف رد
رفع جواله: سمي
بلعت ريقها: سلام عليكم
ابتسم: وعليكم السلام ياهلا كيف حلقك
تلعب بشعرها: يسلم عليك بس علمني قبلها ليه ماترد
ابتسم: تعرفين جدول مزحوم نسوان يتكافخون علي
ضحكت بقوه: عشتاووو طيب يابو النسوان ودوامك؟
بحر: اعترفي انك مشتاقه
دانه بخجل: ياشيينككك رد بدون لف ودوران
ضحك بقوه: لا ياقلبي لازم الف وادور عشان اطلع الي في قلبك المهم ياروحي مشغول الحين عند ليث
عقدت حاجبها: وش يوديك مع زوجته
حك جبينه بتوتر: يبيني بشغله مهمه وبمشي
دانه: تمام انتبه لنفسك
سكر وهو مبسوووط كانه اخذ جرعه منشطه رفع الاغاني وهو يدندن ويهز راسه
حصه: هذي الساعه المباركه والله باذن الله
ابتسمت هديل: متى بيجون
حصه ضحكت: المغرب اجهزي
ضحكت بخجل وهزت راسها
تمتمت وهي تتقلب بخفيف تطالع يمين يسار همست: بابا
رفع راسه وهو مهدود حيل كان متوقع بتقوم وكل شي طبيعي يحس نفسه يحلم قام على طوله وجلس على طرف السرير: هلا
مسكت يده: بابا جوعانه ماكلت شي بطني تعورني
هتف بهدة حيل: قومي معي نغسل ونفرش اسنانا
مد يده ومسكتها مشى معها وهو يشفق على حالها وده يعطيها من عافيته مايدري ليش بس ملاك كانت حوله من وهي صغيره مايفرق بينها وبين نجد الا قلبه هو الي  اختار نزلت راسها وتأوهت رفعت راسها بسرعه وعضت شفتها مسكت راسها وناحت: يعوورنييي!
حط بيده مويه وبلل وجها بلطف طالع فيها وهي ترمش الف مره ابتسم: شفيك!
هتفت بغضب وسحبت الفوطه: ماتعرف ياربي منك
مسحت وجها بفوضويه وابتسمت: كذاا
داعب شعرها: الي يعجبك
فرشت أسنانها وهو ساندها عشان لاتدوخ لان الجرعه الي خذتها كبييره أتعبتها مره واضح على وجها الشاحب  وكيف محد لا حظ دانه صاحبتها مانتبهت كيييف! الف سؤال في راسه فز من نغزت كتفه: يلا باكل
مسك يدها وجلسها على الكنب جلست تطالع الورده: الله من حقته!
عض شفته يكتم غصته: حلوه؟
هزت راسها بنعم: مرهه مره يابابا أنا مره احبهم مرهه
مسح وجهه وتنهد: يالله ياكريم يالله
اخذت تشمهم: من جابها؟
ليث بهدوء: أنا جبتهم
ابتسمت بحماس: لييي!
هز راسه بنعم وهو يبتسم حط التوست بصحن من سمع الجرس: لاتطلعين صاحبي في الصاله طيب؟ كلي واجلسي
هزت راسها بنعم: لا تتأخر اخاف
مشى وهو يحس بثقل في رجوله دخل بحر وعلى وجهه الصدمه: ليث! شفيك وش فيه وجهك
دمعت عينه وشهق شهقه قويه طلع فيها حرته وكبته سرع خطواته وشد على حضن بحر بقوه: احضني يابحر تكفى تكفى قلي حلم تكفى يابحر لاتفكني لاتتركني طلبتك
بحر بدهشه: ليث ابوي شفيك ! بسم الله عليك الرحمن
شد بحر على حضنه وكان يبكي بصمت جلس دقيقه وهو حاضنه وبحر يطبطب على ضهره مسكه وجلسه هتف بحنيه: شفيك يابعد كل مخلوق عرفته وش في خاطرك وش مزعل عيونك السود يابعد جداني كلهم
رفع راسه يطالع السقف: قسيت عليها حيل حيل مو شوي طلعت زعلان منها وزعلانه مني رجعت رجعت
شهق بقوه وتنفس بسرعه: رجعت ولاها يابحر بدون عقل تحسبني ابوها ابوووهااا!!
مسك بحر راسه صابه صداع شديد: لحضه لحضه الحين البنت الي الي مع الشغاله مدري المربيه الملعونه هي ملاككك!!
طالع فيه ليث بتمعن: وش تقصد شسالفه!
حكى له بحر السالفه من البدايه ل النهايه ضرب بيده الطاوله بقوه مره ورمتين وثلاث مسك يده بحر: بسسس بس ياليث تذبحني كذا والله
نزل راسه: شسوي تكفى علمني
بحر: عبدالله خله علي اهتم في بنته وحطها في عيونك
ضحك ليث بسخريه: وهي بدون عقل وهي ماتعرفني!
تنهد: بجهز لكم رحله اليوم ل المانيا روح عالجها دام انه في البدايه يعني كويس علاجها بيكون اسرع
ابتسم بفرح: احلف يعني مهب مطوله !
بحر طالع فيه: يابوي الامر سهالات توها ب البدايه توها تدخل حالة الادمان والهلاوس شي جديد على عقلها طبيعي بتضرب فيوزاتها بس لا بغت لا تعطيها لهيها باي شي لو تموت لو تبكي لو تقطع نفسها لا تاخذ لو نص حبه كل شي بجهزه لك لاتوصي
ابتسم وزفر براحه: حمدلله يارب حمدلله
ارتمى في حضن بحر كانه طفل: والله من بعدك مدري وش اسوي بس لايدري احد دانه امي ولا اي مخلوق قول راحو سفرة تعارف اي شي
اشر على خشمه وبعد ليث شرب مويه وابتسم نزل يسجد وهو يدمع فرح: يالله يارب لك الحمد والشكر حمدلله
بحر طالع فيه بعد ماجلس: آخر مره شفتك بذا الضعف يوم وفاة نجد
تنهد ليث: مابي اخسر احد وهي خاصه مابي اخسرها اذكرها يابحر من وهي صغيره شيطانه وبثره ماتعودت هاديه وتسمع الكلام ودي اصحيها واصرخ في وجهها عاندي هاوشيني راضي
رص على كف ليث: تدري او بقولك إذا تعافك زوجتك
عقد حاجبه: وشو!
ضحك بحر: سلامتك بقوم اجهز رحلتكم المغرب ترا
هز راسه بنعم وتقدم يودعه قبل يطلع ركضت: بابا
لف بحر من الصوت الناعم الي اول مره يسمعه في حياته بلم يطالع فيها همس: لعبه ذي؟
ليث بحده: بحررر!
توتر بحر وصد: معليش سلام
مسكها من عضدها ورص على اسنانه: ماقلت لاتطلعين
طالعت في عيونه: بس كنت بقول شكرا على الاكل
زفر: ب العافيه تعالي نرتب أغراضنا
جلست على السرير تطالعه: ليش
ابتسم: بنسافر
تهلل وجهها الفرح: وييين
ليث طالع وجها كيف فرحانه لاشعوري انبسط معها: توقعي
مدت بوزها: امممم ماعرف
ضحك بخفه: المانيا
عقدت حاجبها: اوكي
طالع فيها وهي تحك جسمها وتحك عينها توتر وزفر نطقت بزعل: بابا عطشانه
جاب لها مويه شربتها كلها وحطت الكاس طالعت شنطتها وتقدمت تدور فيها: وينه؟
ليث بتجاهل: تعالي نجهز
حاشها صداع قوي: قلت وينه
ليث بتعب: بنمشي المغرب
صرخت: قلتلك وييين الدواااا
طالع فيها وعيونه حمراء: رميته ب الزباله دوا مااافييي تسمعين
دفته بقوه: ليه ليييه حرام عليك
تنهد ومسك يدها بطولة بال: نامي نامي
عضت يدها بقوه وهي تبكي خاف وسحب يدها: لا لا تعورين نفسك!!
شال يدها وكانت تحاول ترجعها حط يده في فمها وقامت تعضها بقوه كتم ألمه وكان يبتسم في وجهها ينتضرها تخلص نزلت دموعها: بااااباااا
زفر:نعم
كان لعابها يسيل جاب منديل ومسحها بسرعه صرخت: ابيييي دوااااييييييييي
تكتف ماله حيله ولا بيده شي سكت يطالعها كيف تتألم وتضرب اي شي قدامها غمض عينه وقام يدعي ويستغفر
ساره: متى مشى
بحر بتوتر: من امس
مياس: اوخس ولا يعلمنا الرومانسي
ضحكت ساره: الله يهنيهم
الكل : آميين
فتحت جوالها وبحر يكلم ثنيان شهقت وبلع ريقه عرف ان الموضوع وصلها مياس: شفيك؟
بحر: بعدين اكلمك
ساره بدهشه: عبدالله! بيقصونه
مياس شهقت: لااا مستحيل لاحول ولاقوة إلا بالله لييييه!! اشاعه اكييد
ساره بخوف: لالا صدق شوفيي
بدات تقرا التهم وكل مالها تصدع اكثر مياس بخوف: طول حياتنا عايشين مع قاتل ! مع قاااتتل وبنته مع ولدك متخيله
ساره بخوف: يمه ولدي
بحر : ملاك مالها ذنب بفعال ابوها
مياس بغضب: كلهم من نفس الدم
ساره بخوف : اذكري الله وادحري بليس يامياس
سكتت وهو لو زودتها طردتها ساره:  بحر عطني جوالك كلمه الحين
هز راسه بنعم
رفع جواله: هلا
ساره بخوف: ليييث
بلع ريقه وقام للصاله ابتسم: هلا وغلا
ساره بخوف: شلونك وش صار فيك شي صار لك شي
ضحك: جاك الخبر شكله توه يوصلك لا معليك ولدك طيب وبخير مرتاحين حمدلله
ساره: وش قالت عن ابوها؟
حك جبينه: اكيد تضايقت وبكت بس يعني الله يعين
مسحت دموعها: ياروحي عنها عطني اكلمها
مياس شهقت: سااااره لا حشى مهب صاحيه
بحر بنرفزه: مهب شغلك!
مياس: والله لولا عشرتك انت وليث ولا كان مع الباب
ساره: ميااااسسس
فزت بخوف وسكتت
ليث: سلام زوجتي تبيني
ابتسمت: الله يسعدكم
قفل وطالع فيها كيف منسدحه وتطالع السقف بفهاوه انسدح بجمبها لفت تطالعه: بابا
ليث: نعم
ابتسمت واشرت: تشوف القمر
هز راس بنعم وهو يجاريها يدري انها تهلوس: اشوفه
ضحكت: حلو صح
ابتسم: حييل
ارتاح انها نست موضوع الحبوب كل شوي ينعس ويفز كل مانادته ملاك: بابا
ليث بتعب:همم
ملاك: ابغا البحر
لف يطالع وجها بفرح: تحبين البحر؟
هزت راسها بنعم وبحماس: أحبه امووت فيه موت مووووت
ضحك من لطافتها: تدرين وش اسم صاحبي
ملاك: وش
ليث: اسمه بحر
وسعت عينها: صدق! يعني هو بحر
كتم ضحكته: ايه هو بحر عميييق لازم تلبسين لستك إذا بتسلمين عليه
عقدت حاجبها:ليه؟
عض شفته يكتم ضحكته: عشان ماتغرقين
تثاوبت: لا أنا أعرف اسبح
حنت برأسها على كتفه وغمضت عينها ابتسم ولف وجهه يستنشق ريحة شعرها تنهد: يارب انك تشفيها يارب
تقدم يشوفها جالسه لحالها جلس جمبها: سلام
لفت تطالع:هلا
ابتسم من خشونة صوتها: بالغه كم مره؟
طالعت فيه: نعم! تنكت يعني؟
حك راسه: يعني تقدرين تقولين
داليا: احمد ربك لعبك شفع لك ولا وش بيفكك مني
تكى على الكرسي : ليه وش بتسوين
طالعت فيه: عمايل ماتخطر على ابليس
ضحك: اعوذ بالله
ضحكت بقوه وتنح يتأمل ضحكتها صرخ هيثم: ورررع فارس تعااال
قام وحك راسه بتوتر: بتجين بكره؟
ابتسمت: إذا تبي اجي مافي مشكله
ابتسم: ماقول لا تعالي
قامت: تم
خلص وقت تمارينهم وصل البيت وطلع فوق يبدل نزل لبيت ليما فز عمر من رن الجرس: النشبه وصل
ضحكت: حرام عليك
فارس: اوووه حي الله النسيب
ابتسم عمر: تعال تعال
تقدم فارس يبوس راس ليما نزل عينه على القدر: الله الله وش طبخت اليوم؟
دفته: اطلع تحوس علي طابخه برياني
عض شفته: الله!! والله في وقته
جلس على الكنب وابتسم: بتجون صح
ليما: وشو؟
فارس ابتسم: خطبتي
عمر بدهشه: تستهبل توك داخل العشرين!
حطت الملعقه وتقدمت: فارس؟ تستهبل صح
ضحك:شفيكم شدعوه هدو الصدق كلمتهم ودي تجون نخطب
طالعت في ملامحه وكان جدي ابتسمت وجلست جمبه: حبيبي لاتخوفني ليش اقدمت انك تخطب في وقت صغير ها!
طالع فيها بزعل: انتي لاهيه مع زوجك ماعندي ام ولا عندي احد في البيت هدوء طفشت ابي احد يزعجني يسولف معي يونسني
مسكت وجهه: طيب تعال عيش معنا قلتلك
هز راس ب لا: خليني على راحتي قولي انك موافقه وتعالي معي
مسكت يده: مين البنت؟
ابتسم بحب: هديل آل راضي
ضحكت: أووه والله والنعم بس اكبر منك هي
ابتسم: اكبر بسنتين بس يعني نصلح لبعض ولا عمر
غمز له عمر: انت اقدم وانا معك
طالعت فيهه وهي تجحض بيعينها: اخخ منكم !
فارس بحماس لف وجهه: موافقه؟
طالعت فيه وقبصت خذه: اكيييد موافقه الله يوفقك يارب
حضنها بقوه: امييين
قامت تجهز الاكل وعمر يسولف مع فارس كان منزل لطيف متفاهم حنون اخخخ ليت كل المنازل تسودها سعادة هذا المنزل
رفعت جوالها: الله يتمم لهم على خير يارب
حصه: ابيكم اول الحاضرين
ابتسمت: ابشري ان شاءالله
مياس وهو ترتشف قهوتها: ماشاءالله مين تعيس الحظ
ساره بعدم رضى: صح انه هديل مهب كويسه بس نصيبها جاها وهي بنت اخت زوجي مارضى يامياس
تأففت: اييه سلكي لعمرك بس
ساره بغضب: وانتي بس حياتك قهوه وحش في العالم متى راجعه لشغلك ان شاءالله!
مياس بروقان: خذت اقاله مالي خلق صراحه بتفرغ للسفرات والفله ناقصه شغل وهم
شهقت ساره: صاحيه انتيي! شهادتك اهم ودراستك الفلوس والعز عمرها ماتدوم اكبر مثال عبدالله في يوم وليله خسر كل شي!
قامت متجاهله كلام اختها: صحيني قبل المغرب عشان أتجهز
هزت راسها بقل حيله واخذت تشيك على احدث صيحات الموضه هذا العام
دانه: مستحييل هديلوه نفسها
ضحكت سلطانه: بتنجلط ملاك لو عرفت
ضحكت دانه: وحشتني الوصخه تصدقين بكلمها اعلمها
سلطانه: تلاقين ليث خبرها اكيد
قامت بحماس: ولو اسمع صوتها
فز من السرير بعد راسها عن كتفه واخذ الجوال تنهد من شاف اسم الؤلؤ قفله ورجع انسدح لف بقوه وطالع الساعه كانت خمس الا شوي
مسك راسه وهزها: ملاك قومي
فتحت عينها بقوه ولفت يمين يسار: هاه!
ليث: قومي يلا بنروح
هزت راسها بنعم قومها ولبسها عباتها وهي تلتزم الصمت شال الشناط وطلع رد على جواله بحر: طيارتك جاهزه مابي أودعك لانك بترجع واثق بعد كل شي بيكون نفس ماكان
تنهد: بحر تعال معي