وانت اللذي حطيت بالجوف رمحين رمح العيون ورمح وردي شفاتك

البارت العاشر

طيارتك جاهزه مابي أودعك لانك بترجع واثق بعد كل شي بيكون نفس ماكان
تنهد: بحر تعال معي
ابتسم بحر: مقدر مين بيمسك الشركه والشغل مين بيجلس عند امك واهلك روح ياخوي موفق تأكد كل شي بيدي واديره لا تفكر في شي غير عافية زوجتك
ليث: لادقيت عليك رد بزعجك مالي غيرك أفضفض له
بحر: افااا والي يقولك اسمعلك كل يوم وإزعاجك راحه كلي اذان صاغيه لك ومالي غيرك في ذا الدنيا ابد
ليث: الله يديمنا يابحري
بحر ابتسم: امييين
لف بعد مانزل جواله كانت تهوجس وتضحك مع نفسها بخفيف عض شفته ورص على الدركسون
همس: حسبي الله عليكم حسبي الله!
المغرب الكل يتجهز ومستعد نزلت وهي لابسه اسود وصوت المضاعد يرن ب الاذان رفعت راسها مياس: الله الله ماشاءالله
ابتسمت وهي طالعه: تسلمين
نزلت وهي لابسه فستان ازرق مشجر ب الابيض قصير ابتسمت من شافت عمر يعدل على شماغ فارس: لا مزيون ولدي
ابتسم فارس: صدق والله؟
هز راسه بنعم رفعت جوالها تصورهم لف فارس: شف شف تأخذنا محتوى
ضحك عمر: يالبيه الزوجه الحلوه يشيخ فداها
فارس: طايح على وجهك انت!
ليما: يلا تأخرنا انت وياه
عمر وهو طالع:نشوف لا تزوجت اقص يدي لاشفت وجهك
ابتسمت هديل بخجل بعد ماحطت آخر لمساتها: افف اهبل!!
دخلت حصه وهي تسمي عليها
عمر: صح فروسي الدبله؟
فارس: ياحبيبي مجهزها
ليما بدهشه: كييف!
فارس: هي اختارتها
ليما: تحاكيها!!
فارس بتوتر: لا بس لمن قررت خذت رقمها وسألتها
ليما: طيب وريني
فارس: وش اوريك!
صفقت راسه: يافاهي الدبله
طلعها من جيبه وخذتها فتحت البوكس الصغير وشهقت: حلووووه مره بس كانها اوفر كم سعرها؟
سحبها : الغالي يرخص لها
ضحك عمر: ماندري من الي طايح على وجهه
ضحكت ليما بقوه: الله يهنيهم
وصلت ساره ونزلت عباتها عطتها العامله تقدمت حصه تسلم وترحب فيها جلست وتقدمت ليما: سلام
فزت حصه: يا هلا ومسهلا حياك تفضلي
جلست ويأخذهم الحديث والضحك
دخل فارس وتقدم عمها عماد: حياكم حياكم
جلسو وهمس عمر: يارجال يروع طالع وجهه
نغزه فارس: أصص
تقدم يصب لهم القهوه وبصوت جهوري: اقدمو حياكم اقدعو
فارس بحب:الله يقدعك ويسلمك
عقد حاجبه: ابك وش تهرج انت
كتم عمر ضحكته وهمس: الله ياخذك يافارس والتبن
فارس بتوتر: وشو!
عماد بنرفزه: تقعدون طول الجلسه مهامس كأنكم حريم؟ والله ياحيف على الرجال
عمر بدهشه: سلامات! تسب الحريم في مجلسك وكانهم ولا شي ترا الي جايبتك مره وثاني شي لا تهامسنا وش عليك
عماد بغضب : تعلمني المراجل تكلم زين ولا مع الباب انت والي معك
هتف عمر: ايه اعلم...
قاطعه فارس: عمر! ماعليه ياعمي امسحها في وجهي
طالعه عمر بدهشه وسكت
عماد: ايه وش تشتغل
بدأ فارس يتكلم معه ويعلمه عنه
ابتسم عماد: ماشاءالله الله يوفقك ياولدي والعمر مجرد رقم
فارس: صحيح
ارسل بحر رساله: ليث ياروحي المستشفى اسمها**** والدكتوره سعوديه اسمها وهج
اول ماتوصل روح للمستشفى يشوفون حالتها بيفورون لها مسكن خاص واكل وكل شي بتكون انت معها بعد تطمن
نزل على اراضي برلين استنشق رائحة الهوى ونزل عينه عليها مسك يدها: يلا ننزل
دفعت يده: ابي دواي
تنهد وهو كره ذا السيره: تعالي تأخرنا
دفته بقوه: ابييي دواااييي بموت مقدر مقدرررر بس حبه وحده بس تكفى
مسح على وجهه ومسك يدها: تكفين خلاص والله تعبت
صرخت: دواي ايييه خلاااااص مخنوقه
مسكت وجهه بترجي وهي ترجف وتبكي وشفتها متقشره وجها شاحب لونه: بابا حرام عليك حرااام عليييك!
بدات تنوح وتضربه وتشد شعرها نزلت على الارض تتقلب وتشاهق: ابيييي دواااااييييييي ابيييييهههههههههه
رفع راسه لفوق وتنهد مايعرف وش يسوي كانت تتقلب وتحاول تخنق نفسها فز قلبه ونزلها بسرعه بدون اي وعي منه ضربها من خلف راسها فقدت الوعي ومسك يدها يشوف نبضها تنهد من شاف انها فقدت الوعي مالقى غير ذا الحل عشان تهجد نزل من الطائره وحرك للمستشفى وصل واستقبلته دكتوره المانيه تكلمت بلهجتها:اي حاله؟
ليث وهو حاملها بحضنه: ادمان
الدكتوره: ممنوعات؟
هز راسه بنعم هتفت: اي نوع
ليث:******
الدكتوره: الأمر بخير النوع مو خطير تعال معي الغرفه عطني التفاصيل
تقدم وحطها على السرير جلس على الكرسي وهي تكتب كل كلام يقوله: وش الاعراض؟
ليث: هلاوس عصبيه ماتاكل زين بس بعض الايام تجوع مره تنام كثير تصحى مفزوعه تحاول تأذي نفسها
طالعت فيه: ترجع تصحصح؟
هز راسه ب لا: بس ترجع عادي تسولف بس تحسبني ابوها تكلمني كانه هو تطول الصدق بعدين ترجع هلاوسها القويه وتصير تبي الحبوب
زفرت: لا الأمر مطمئن إذا ترجع تتكلم وعادي مافي صراخ قوي مافي نوبات وتشنجات الأعراض طبيعيه بداية ادمان تقريباً الأمر سهل وماراح نطول فيه
ليث: كم بياخذ وقت؟
ابتسمت: اقل من شهر دام مع الدكتوره وهج صدقني اقل بكثير
تهلل وجهه الفرح ونزل يسجد: ربي لك الحمد يالله حمدلله حمدلله
ابتسمت: تفضل معي غرفة المريضه ارتاحو من بكره تباشر العلاج
هز رأسه بنعم تقدم يحملها نزلها على السرير ولحفها كان السرير كبيير والغرفه وسيعه دريشه كبيره والأثاث ابيض وناعم تقدم يرتمي بجانبها غمض عينه بتعب ودخل في نومه عميقه
طق الباب وفز قلب فارس عماد: عمر من غير مطرود
ضحك عليه فارس وهمس: الايام بينا
طلع عمر ودخلت حصه: تعالي ياهديل
دخلت وراها ليما كانت منزله راسها بخجل رجف قلبه من تقدمت ب اتجاهه طالع فيها بتمعن رفع وجها مسك يدها وجلسها تمت الخطبه ليما بحماس: يلااا لبسهااا
ابتسم ومدت يدها الي ترجف رفع يدها وقبلها همس: ترا ماعض
ضحكت بخفه لامست أناملها برودة الخاتم ابتسمت بحب وطالعت فيه كان يجنن وفخم بشكل لايوصف مد يده ولبسته الكل صرخ ليما بحماس: مبروووك
هديل بخجل: يبارك فيك
حصه: يلا ديلو
عقد حاجبه: وين؟
حصه: نخليك تشتاق لين الملكه ولا في مكالمات ولا غيييره
هديل ضحكت: أنا مع امي
فارس بتحدي: حلوييين اجل الملكه بعد اسبوعين
طلعت عيون هديل: أسبوعيين!
عماد: تم
فارس: على خير
حصه بدهشه: عماااد!!
عماد: بس كلمة الرجال وحده ياحصه أسبوعين أسبوعين
هديل بترجي: آخر مره احارشك بس تكفى أسبوعين قلييله
هز راسه ب لا: مافي لاتحاولين
ليما: يلا فروسي نروح خليها تشتاق
هديل ابتسمت: والله يلا شوف اخوان وتجمعو وش يفكني
الكل مات ضحك غمز لها فارس وطلع خفق قلبها بشده وطلعت للغرفه عماد: شفيها؟
حصه: خبله
التفت عمر: ليما كل شي علميني عنه
فارس بتسرع: ياوييلللككك
ضحكت: ولدنا قرر الملكه بعد اسبوعين
عمر بدهشه ضحك: افاااا وين ياجبل مايهزك ريح
فارس: اسكت بس اسكت
ليما: عمر حرام عليك لا تحارشه
عمر ضحك: يستاهل البزر
دانه: ماترد كم مره اتصلت!
بحر: صح نسيت اقولك اليوم رحلتهم يقولون فترة تعارف وكذا
دانه بخوف: طيب ليش ماترد
بحر بتوتر وكذب: كلمني ليث وقال انهم مره مبسوطين تاركين جوالاتهم وكل شي وراهم متفضين لنفسهم
ضحكت بحب: الله دوم السعاده يارب
ابتسم من مشت عليها الكذبه: امييين عقبالنا
توترت وابتسمت: احم بنام تبي شي
بحر: ابي سلامتك
سكرت وهي كلها خجل
حصه: الف مبروك ياديلو
هديل بخجل: الله يبارك في عمرك يارب
حصه: يازين جيتك يا ساره
ابتسمت وهي تلبس عباتها:واجبي ديلو بنتي
طلعت بعد ماودعوها
قبل كم يوم شافت هديل فارس صدفه وهو يلعب كانت نفسيتها تعبانه من بعد زواج ليث من ملاك
انتهت المباراه نفسيتها تغيرت شوي وهي دخلت مع جو المباراه واصبحت تتحمس طلعت لسيارتها وقابلته ابتسمت بحب: سلام
التفت فارس طالع فيها بتمعن وابتسم من جمالها وحلاوتها: هلا والله وعليكم السلام
تقدمت بخجل: عادي اصور معك؟
هز راسه بنعم وتقدمت بجانبه اخذت الصوره وابتسمت: شكرا مره
فارس: العفو كيف لعبي اليوم عجبك؟
ابتسمت: مرهه حلو مره تصدق اول مره احضر مباراه صراحه مره مره حماس
فارس: اتمنى كل يوم اشوفك الصدق دامها اول مره لك صدقيني بتدمنين
ابتسمت: ان شاءالله
لوح بيده لها وركب السياره واصبحو من بعدها يتلاقون في كل مره اخذو ارقام بعض ويسولفون ب الساعات وكل مره تحضر تدريباته وتشجعه
عند داليا
قرت خبر خطبته وزعلت حيل همست وهي تلحف نفسها: حظي دايم كذا اي شي ابيه يروح مني اخ ياقلبي تحب أشياء ماهي لك تعبت خلاص
صحت من صوت جوالها فركت عينها ورفعت الجوال بصوت يمليه النوم: هلاا
ضحك بخفه: اوه صحيناك
دانه: خلصني وش تبي وبعد انت وصاحبك سحبتو علي ولا فيه يخت
ابتسم: افا زعلانه!
دانه: وش رايك انت
بحر: ابشري باللي يرضيك اول مايرجع ليث بآخذك معنا
ابتسمت: تمام
بحر: ياحلوه متى ناويه ترجعين كوبي
دانه ضحكت: خلاص صار حقي
بحر: لا حبيبتي الا ذا الكوب حقي لحالي معليش
دانه: ليش عطيتني طيب
بحر: ماهقيتك سروقه
ضحكت بخفه: لا صدقني سارقه ماهره وأكبر مثال سرقت قلبك في اول يوم شفتني فيه يابحر
تبسم ثغره وضحك بخفه: سرقتي قلبي وبس انتي سرقتيني كلي حتى نفسي ماعرفها
احمر وجها خجل من استوعبت وش قالت توترت: اء ماما تناديني
عرف انها استوعبت وش قالت واضح عليها التوتر حطها براسه يبي يوترها اكثر: ايه شدعوه عطيني اكلمها ماتدرين بعد كم يوم طاب في صالتكم
ماتدري وش تقول انربط لسانها حمر وجها وبعدت الجوال تتنفس بحر: وينك؟
حطت الجوال عند أذنها: بحررر!! خلاص يلا نام سهرتني بكرا دوام
سكرت وهي تضحك بشده همست: مجنووون
طالع في الجوال بعد ماسكرت وضحك بخفيف: اخخ اموت فيك وفي خجلك
حط راسه ونام
الصباح صحت ساره رن جوالها وخذته تهلل وجهها الفرح: يا هلا ومسهلا هلا بآخر عناقيد آل راضي هلا بروحي وعيني
ابتسم اويس: اشتقت لكم مرههه مره ليث مايرد علي وينه
ساره: مسافر مع زوجته
تنهد بزعل: بدينا سحبه من الحين
ضحكت ساره: ولا تزعل مرده لك اصلاً المهم حبيبي متى راجع
اويس بفرح: هانت مابقى شي واخلص
دمعت عينها: يالله ياكريم أشوفك في اعلى المناصب قول امين
ابتسم: امييين يارب
المعلم: اويس هيا الى الدرس!
اويس بتسرع: يلا سلام احبك احبببك
ضحكت وسكرت تقدمت مياس: شدعوه مايقول بكلم خالتي!
قامت تفطر: والله امه اولى
طالعت فيها من فوق لتحت: ماش ياساره تغيرتي
ضحكت بخفه: ماندري من الي تغير
تقدمت مياس تاكل والجلسه كلها صمت وساره معها الايباد ترتب تصاميم ومياس مشغوله ب الجوال
نزلت دانه ركض بكوب القهوه: سلطانتي وصليني
نزلت نضارتها: اعوذ بالله شفيك انتي مطيوره اهجدي يالله صباح خير
ابتسمت وسحبتها من يدها: عباتك يلا يلااا
سلطانه بغضب: قمت خلاص فكي يدي
لبست عباتها وطلعو حطت شغلت البلوتوث ورفعت له وهي تطالع امها ابتسمت بحب وقبلتها بقوه مع وجنتها : هذي اهداء لك يا افضل ماما في العالم
ابتسمت سلطانه وارسلت لها قبله وهي تسوق: ابهريني
رفعت له آخر شي وهي تغني مع انغام بصوت عالي وسلطانه تهز راسها وتضحك على هبال بنتها:تقول حسن القمر جنبي اشرت على امها وكملت يضيع وما بينا فرق كبير وخذ الورد من خدي بقى بغيييير
تقول الليل على شعر على شعري بقى بينام ضحكت سلطانه ودخلت مع الاغنيه وهي ترفع صوتها تغني: كلام ماسمعتهوش عمرييي ولا في دنيا ولا
في احلام وصوتي بتسمعه غنوه عيوني بسحرها
قاتلاك وانا حلوووه أنا حلوههه اشرت على دانه عشااان وييياااككك
صفقت دانه: الله!! احبببكك سلطانه قلبييي
خذهم الضحك والابتسامات نزلت دانه سلطانه: حصني نفسك وأنتبهي لحالك تمام
هزت راسها بنعم: لاتمريني برجع مع السواق
لبست نضارتها وحركت بعد ماسكرت دانه الباب
صحت وهي تحس بصداع شديد فزت تتلفت يمين يسار انفتح الباب وطالعت بتمعن ابتسمت وهج: سلام عليكم
بادلتها الابتسامه: وعليكم السلام
تقدمت وهج ومسكت يدها: شسمك ياقمر
ملاك بخجل: م. ملاك
طالعت فيها وهج بتمعن وهي تذكر ربها الف مره ماتحملت حلاوتها وقبصت خدها بخفيف: تعرفين انك مره حلوه مرههه
شتت نضرها: وين بابا؟
وهج بحب: راح شوي وبيجي
ملاك: ماراح يتأخر؟
هزت راسها ب لاء هتفت: تبين تعرفين اسمي؟
ملاك بخفوت: ايه
وهج: اسمي وهج
طالعت فيها ملاك بدهشه: اسمك مره حلو مرهه احبه
عضت وهج شفتها: والله انتي الحلوه
تقدمت واخذت مغذي كبير طلعت الابره وحطت من المحلول الخاص كانت تطالع في فراغ وراسها يعورها بشده غمضت عينها فزت من حست بيد تلامس كفها هتفت: بسم الله عليك بس بحط لك مغذي خفييف مايعور تمام؟
عضت شفتها: يعورني!
وهج وهي تدور عرق وتمسح ب المسحه الطبيه: عدي من واحد الييين ثلاثه
غمضت ملاك وعدت وهي راصه على يدها بقوه بخوف: واحد اثنين ثلا..
ضحكت وهج: خلصنا
فتحت عينها بدهشه: هاه كيف!
طالعت في المغذي تستوعب انه مافي الم ودخل صدق ضحكت بخفه: ماتعور
وهج: قلتلك
دخلت الدكتوره الالمانيه: هذا الاكل وفي حبوب بعدها تاكلها
وهج: جيبي ثنين من حبوب****
الدكتوره عقدت حاجبها: بس كانه بدري عليه لسا البنت في البدايه
وهج: صدقيني أنا اعرف اكثر منكم البنت طبيعيه بس هلاوس خفيفه والله إذا عطيتها الدواء الحين ماتاخذ اسبوع إلا وهي مستوعبه كل شي
ابتسمت الدكتوره: اثق ولا هي غريبه عليك كم مره جات حاله نفسها خلصتيها في كم اسبوع
بعد نص ساعه من المغذي اخذت ترجع وتسعل بشده ركضت وهج وصرخت: اسرع اسرعععع الغرفه الثانيه ياشباب
تقدمو الأطباء وشالوها للغرفه كانت كبييره ومليانه أجهزه وفيها أدوات تدريب وسير للمشي والرياضه حطوها على السرير وهي فاقده الوعي بدات شغلها بحرفه لين هدآت حللو استفراغها وطلع سبعين ب الميه من**** ارتاحت وابتسمت: كل شي يمشي مثل مانبي بكره نفس المغذي من بعدها نبدا تمارين
هزو راسهم بنعم وهم واقفين يطالعون عملياتها الحيويه طلعت نزلت كمامتها والقلفز ارتشفت من الماء واخذت تقرا من القرآن
دخلت دانه بروقان طالعت بين الفاصل الي بينها وبين بحر تقدمت بصدمه وهي تطالعه يضحك مع وحده ومروق بحر: صدقيني مالي في الحب
ضحكت بغنج وضربت كتفه: بحرر! علينا والتويتر حقك والمدح والغزل لمين هاه
ابتسم: مايحتاج اقول اكيد اني احب ومكتفي بعد
عقدت حاجبها وعورها قلبها: طيب وكلامنا ورسايلنا
بحر بطفش: زملاء لا اكثر
تراجعت خطواتها وهي تبكي ركضت ب اتجاه الباب تطلع وهي تجهش بكي طلعت دانه والصدمه على ملامحها تشجعت وتقدمت لها: شصار شسالفه
امل ببكي: أوهمني بحبه آخر شي قال زملاء فقط اخ ياقلبي اخ يادانه طلع يحب وغزله الي ف التويتر مو لي لغيري
دانه بغضب وعدم فهم: تحبون بعض؟
امل ببكي: ايه دايم نتكلم بس فتره قطع عني
حست بمغص وشعور مؤلم معقوله انه انلعب عليها بعد!
هتفت بغضب:حسبي الله عليه عطيني حسابه تويتر
مسحت دموعها: وش بتسوين؟
رصت على اسنانها من داهمتها افكار سلبيه: عطيني اتفاهم معه
عطتها امل: تكفين قولي له عن حبي تكفين
هزت راسها بنعم وقلبها يتقطع قطعه قطعه نزلت دمعتها همست: معقول طحت في فخك حتى أنا! فتحت باب المكتب ورمت جوالها على الكنب جلست وانحنت وهي تمسك شعرها ترجعه للخلف ودموعها تنزل مسحتها: يخسي يخسي ابكي عشانه
قفلت جوالها وسحبت ملفها تكمله في البيت وهي تحس نفسها مو قادره تشيلها قلبها يعورها امالها تحطمت معقول كل شي كذبه معقول كل ذا اللطف والمعامله ماكنت خاصه فيها هي بل كان يشاركها مع اي امرأه طلعت ركض وشهقت: ليييه!
غرقت عيونها بالدموع ماعرفت من تروح له وتشكي له ملاك مسافره ولا تبي تزعجها طلعت جوالها وهي ترجف اتصلت على ليما وصلها صوتها: ل. ليييما
فزت بخوف: دانه شفيك!
عضت شفتها وهي متكيه على الجدار: تعالي تعالي خذيني من الشركه الحين تكفين ليما تكفييين
قامت بسرعه خذت عباتها وقلبها يضرب: دانه معي اسمعي اهدي واجلسي في اول بوابه بجيك تمام
دانه بخفوت: تمام
مسكت راسها ونزلته ودموعها تنهمر
ركبت سيارتها وعلى عجل
حصه: بكره بيوصل فستانك
هديل بخجل: الله يتتم علينا
عماد: اميين والله انه رجال اجودي وعليه راتب ماشاءالله
حصه: هذا الي هامك
عضت هديل شفتها بخوف: يمه خلاص
حصه: وش خلاص خليه يتعلم يطالع اخلاق الناس واصلاً انت لو اي احد بيشوفوك لا اخلاق ولا وجه ولا مال تسد النفس
صفقت بيدها وكشت عليه عماد بغضب: محترمك لانك حرم اخوي ولا لي تعامل معك ثاني
تأففت وقامت: هديل امي امشي فوق
مشت ورا امها: شفيك عليه؟
حصه: مهب شغلك امشي نشوف وش نجيب ونجهز
هزت راسها بحماس ودخلو الموقع يطالعون ويختارون
بعد كم يوم
فتح الباب بهدوء وعقد حاجبه من شاف انها مو موجوده خفق قلبه بشده تقدم وهتف: ملاك؟
اخذ يتلفت وخرج يدور في الغرف شافته وهج وابتسمت: ليث؟
لف يطالع فيها: وهج ! وينها
وقفت واشرت على اول غرفه: بنتك هنا بس ماتقدر تدخل عليها إلا بعد اربع ايام
عقد حاجبه وتكتف: وليه ان شاءالله!
هتفت: اربع ايام تروح فيها الهلاوس بقدرة ربنا اكيد
ضحك بخفه وعلى وجهه ملامح الدهشه: كيييف!
ابتسمت: شيكنا عليها امس ماجابت طاري الحبوب ابد ذا شي كويس وبدينا ب العلاج مفعوله قوي ولكن له فايده قويه اربع ايام هلاوس باي باااييي
ضحك بقوه ومسك وجهه يغطي عيونه من نزلت دمعته همس: ربي لك الحمد يالله حمدالله
طالع فيها: والله مانسى فضلك طول عمري
ابتسمت: واجبي
ليث: اقدر أشوفها بس ادخل اتطمن
وهج: قصدك تكحل عينك بشوفة خضراء العين؟
ضحك بخفه: كلهم
ابتسمت: ليت اقدر بس ممنوع بتاتاً
جلس وتنهد: يالله اهم شي سلامتها