طاوله وكرسي كبير وطويل نفس الكنب تطل على البحر ابتسمت: صدق شخصية ليث!
طاحت عينها على البوكس ابتسمت وفتحته بخفيف برزت عينها بدهشه همست وهي تطلعه : واااوووو
تقدمت للمرايه تحطه على جسدها ضحكت بخفه: يجنن!
دخلت دانه: احم احم
ضحكت ساره: مانسيتك ترا حطيت لك واحد هذا هو
اشرت على الكنب ابتسمت دانه بحب وقبلتها: وه ياجعل السارات يكثروون
ساره: عاد تجهزي عندنا
اشرت على عيونها: وين اتجهز اي غرفه
ساره: غرفتي ياقلبي الدور الثالث على اليسار
رقت وحطت البوكس حقها تصوره كان اول بوكس واول تصميم يوصلها من ساره كانت طايره فرح
ابتسم ليث وتقدم بسرعه من شاف السياره السوداء تنفتح أبوابها تقدم اويس يفتح لها الباب ابتسمت: يعنني جنتل مان
ضحك بخفه وداعب شعره: توك ماعرفتيني
نزلت وتقدمو الحراس يفتحون الباب تبسم ثغره بشده من شاف ليث فاتح ذراعه بحب رمى شنطته وركض لحضنه: ليييثث!!
ضحك ليث بقوه ورص على حضنه ودار فيه: يلعن بليسك صرت طويل
ضحك اويس وباس وجهه وخده: يعلم الله ان الشوق وصل حده يمين الله ميت لذي اللحضه
مسح ليث دموع اويس بكفه وباس جبينه: والله ماهب كثري يابعد الدنيا كلي فخر فيك من راسي لساسي رحت ورفعت روسنا ياولد حاكم من اليوم ورايح انت يميني في كل مجلس يشهد الله ماحد كثري سعيد
ابتسم اويس وطار فرحه اخيرا اثبت نفسه لاخوه الي يعده ابوه واكثر من اخو وبس كان حلمه يكون نفس ليث وافضل عشان كذا سخر نفسه للدراسه مراهقته قضاها في الكتب والسعي والحين لقى مبتغاه بيدخل بين الرجال ويكون يمين الشخص الي يشوفه كبير وعزيز مقام من بين كل الرجال اخوه ليث بن حاكم
رفع راسه وطالع فيها تبتسم وتمسح دموعها وتضحك تقدم ليث بحنيه وهو عرف قصتها من امه: يالله حي اختي غرور
هتفت بخجل: الله يحيك
داعب شعرها: ترا والله مااعض شفيك
عضت شفتها بتوتر: ماعرفك
اويس ضحك بخفه: ليث حرام عليك خوفتها
رفع حاجبه: وش سويت!
اويس: شايف شكلك انت تقل رئيس عصابه
ضحك بخفه: والله شوفي وجهي يخرع أنا داري بس ترا قلبي حنون يعني خليك سيده لاتصيرين نفسه تمونين عشان ماعلقك انتي وياه في ذا النخل
ضحكت بقوه وهي ماقدرت تكتم ضحكتها: ان شاءالله
ابتسم وحاوط بذراعه كتفها وكتف اويس ومشى فيهم مع الباب الثاني عشان مايشوفون التجهيزات ضحكت: يدك ثقيله!
ليث بعناد ثقل يده اكثر هتفت: هييي
اويس: ياخبيث لاتعورها!
ليث: عموما ياخواني مبروك التخرج رفعتو راسنا عاد الله الله في الجامعه هاه لاوصيكم
اويس: ابشرر
فتحت كوثر وزغرطت بصوت عالي: يالله حييي الخريجين يالله حي الي رفعو راسنا ياهلااا
ضحكو وتقدم اويس يقبل راسها: هلا فييك كوكو علومك
ضحكت: كوكو حرام عليك ياراجل!
ضحكو بخفه هتفت: اجلسو هنا تمام ؟
هزو راسهم بنعم
ركضت: عمتي العمال خربو الثيم الحقيي
ركبت حلقها وهي خلصت متجهزه انقلب وجها بغضب لابسه فستان بنفسجي غامق توب بارز عنقها وصدرها وعلى عنقها عقد الماس كبير وعلى أكتافها نفس الوشاح طوييل ب اللون البنفسجي الغامق شعرها رافعته بوني تيل وميكب خفيف بارز ملامحها
نزلت بغضب وهي عاقده حواجبها: اف ياكوثر قلتلك شيكي على كل شي ولدي على وصو...
تبخر غضبها انفكت عقدة حاجبها تهلل وجهها الفرح وامطر على قلبها الحب والشوق تقدم بقوه وحضنها بادلته الحضن وهي تزغرط قبل راسها ورجولها نزلت: لا يابوي تكرم تكرم!
وقف وابتسم وهو يمسح دموعها: ياعساها دموع فرح يالله
ساره: اي والله انها فرح فخوره فيك فخووره ياولدي رفعت راس امك رفعت راسها
مسح دموعها: ترا بيخرب مكياجك مالي دخل
ضحكت: فداك يابعدي
مسكت يده ومشت ب اتجاه غرور ابتسمت وقفت مدت يدها بحب: سلام
مدت يدها وهتفت: وعليكم السلام تو مانور بيت ال راضي وتبارك حي الله حرم اويس
كحت وطلعت عيون اويس كتم ليث ضحكته: يمه حرام عليك
ضحكت ساره: امزح معككك
غرور: حسيبي على العدو ياخاله
الكل ضحك وابتسم اويس
ساره: مبروك التخرج ياحلوين وش ذا الزين والملح والورود هذي
غرور بخجل: اويس جاب لي الورد
ساره غمزت ل اويس وتوتر: والله يعرف يختار
جلسو وهم يسولفون ويضحكون هتف اويس: إلا وين زوجة اخوي نتعرف عليها
ليث: بتنزل الحين
دخل بحر ورحب في اويس وسلم عليه: يوووه يومك اول ثانوي كنت أشيلك الحين انت تشيلني
الكل ضحك سلم على غرور: هذي الحلوه مين
طير اويس عيونه: لها اسم مو الحلوه اسمها غرور
بحر: الله غرور بعد!
ابتسمت: عجبك؟
بحر: حييل
اويس بخبث وقهر منه مايدري ليه بس يحس ان بحر يعانده ويقصد يمدح غرور عنده عشان يقهره: شلون خطيبتك عساها بخير
بحر وصل مبتغاه في محارش اويس: على حال غرور
رفع حاجبه بقهر وكتم ليث ضحكته وغرور مو فاهمه شي
وصلت من يومين صحى فارس واحتضنها وهي تتجهز: اخخ وش ذا الصباح الحلو
ابتسمت بحب: رايحه لبيت عمتي ساره وصلني
مسك وجها بكفوفه: اوصلك اجل ماوصلك !
راح يبدل ولبست فستان اخضر فاتح توب طويل فتحه لنصف الساق
ليما بزعل: له يومين واصل ولا اتصل!
حضنها: ماعليك منه سفيه قومي البسي بنطلع
هتفت بحماس: ويين!
قبص خدها: البحر يلا
قبلت خده وطارت للغرفه تلبس وتتجهز ضحك وقام معها
رفضت ان العاملات يسوون شعرها لان محد يعرف له إلا هي سوته ستريت وحطت ميكب خفيف وقلوس لبست فستان ازرق ستان طويل ضيق له قصه من عند الصدر بس مو كبيره حطت شعرها ورا أذنها واكتفت بعقد فراشه فضه لبست جزمه فلات ماتحب الكعب تعطرت ونزلت ب ابتسامه تسحر
ابتسم بحر من طالع فيها والتفت اويس من تقدمت تسلم على غرور: اهلا من هذي الحلوه
ساره: هذي بنتي غرور
ابتسمت: يالله حيها مبروك التخرج ياحلوه
ابتسمت بحب: يبارك فيك انتي ملاك؟
ضحكت بخفيف: ايه شرايك فيني
غرور: عسسل
الكل مستغرب ليه كذبت انها ملاك مدت يدها تسلم على اويس هتفت بغنج: وانت اويس اخو حبيبي صح
هز راسه بنعم وهو حايمه كبده: مبروك الف مبروك يااويس وغرور رفعتو راسنا
جلس: الله يبارك فيك
تقدمت بغنج وجلست جمب بحر ومسكت يده: كيفك
بحر قام يجاريها رفع يدها وباسها: بخير من شفتك
طلعت عيون غرور وهتف اويس بغضب وهو يطالع ليث: ماتستحي انت ! تشوفها مع ذا السلوقي تغنج وساكت!؟
هتف وهو يبي ينرفزه اكثر: ايه شفيها عادي
قام بغضب: يمين الله ياليث ان ماتعدلت انت وهي قسم بالله لاشوتها برا البيت
تقدم ودف بحر بقوه: وخررر عنها!!
ماتو ضحك وقامت غرور: مافي شي يضحك قسم بالله عيب عليكم!
زاد ضحكهم هتفت ساره وهي موقادره: اخخ والله وطلعت رجال وانا امك
عقد حاجبه هتف ليث: يالوح ذي دانه خطيبة السلوقي
ضحكت غرور: امااانهه!!
خذ الوساده ورماها عليهم بمزاح: الله ياخذكم قسم بالله بغيت اموت انفضخ قلبي
دانه: سوري اويس بس تعرف من عاشر قوماً صار منهم
اشرت على بحر لانه ابو المقالب والشماته ضحك اويس: ايه ماعليه دام المقالب منك راضي بس هو يعقب
رفع بحر حاجبه: اقول استح بس
ضحك: تعادل
ليث: خلاص يامبزره بلا محارش
ساره: وين ملاك تأخرت لايكون ماعجبها؟
دانه: مدري عنها بس لعلمك ان اول مادخلت الغرفه كانت تسوي لها قهوه ومروقه يعني احسبي نص ساعه ساعه تنزل
ساره: حشى عروس
الكل ضحك
مد يده يمسكها بحنيه رفعها ونزلها على القارب كان صغير ومرتب ابتسمت بحب: الله ياعمر !
حاوط خصرها وهمس: نجدد زواجنا؟
طالعت فيه وابتسمت: اوعدني زواج مديد
باس خدها: مديد وطول العمر كله بعد
لفت وقربت تحاوط كفوفها وجهه قرب وداعب انفه في انفها: انسي فارس وسوالفه خلينا نعيش ذي اللحضه
هزت راسها بنعم ابتسم وتقدم وهو يسحب يدها بخفيف غطى عيونها وضحكت: وش تسوي
تقدم وهي أمامه تمشي بخفيف وتضحك: لااطيح
هتف: تطيحين وانا وراك!
بعد يدينه وشهقت بخفه: الله! عموريي
ضحك من الدلع الغريب
وقفت تتأمل وتطالع كيف كل شي حلو ورايق بالونات حمراء و ورود كاسات شفافه وعقد فخم ومرتب تقدمت تلمسه: كبير مره!!
ابتسم: يزهاك
لفت تطالعه بحب: ماتدري وش كثر احبك واحب مفاجأتك كلك على بعضك ماخذ قلبي وعقلي اخ منك ياعمر
ابتسم بخفه ونزل على رجوله عقدت حاجبها وطلع من جيبه بوكس صغير فتحه وحطت يدها على فمها بدهشه دمعت عينها وابتسم: تقبلين؟
ضحكت وهزت راسها نزلت يدها وقبلها مره ومرتين طلع الخاتم ولبسها طالعت فيه بدهشه كان صغير وحلو يلمع بشكل جذاب وناعم باس يدها وقف حضنها بقوه ودار فيها: ياعسى أيامنا كلها فرح وحب لاتضيقين ابد لانهي اخوك والي معه خليك معي نعيش ونزعل مع بعض احد ثاني يزعلك اذبحه والله اذبحه
مسكت وجهه بكفوفها: يعني الي سويته عشاني زعلت؟
عمر والحزن بعيونه: يعني تتوقعين اشوفك ضايقه ولا تعطيني وجه وقبلك تفكرين بتكتف واطالع فيك؟
عضت شفتها من حلاوته كيف شخص نفسه دخل حياتها ياكبر حظها فيه قربت وهمست: ياحظي فيك حمدلله اني خذتك حمدلله على القدر الي جمعنا ياحلا صدف عمري
ابتسم ورص على حضنها: احبك ياليما احببك
ابتسمت: امووت فيك
رفعت راسها وقبلته بخفه على ثغره طالع فيها بدهشه توترت وضحكت بغباء: ناكل؟
سحبها: أنا الي باكلك!
ضحكت بورطه: عمررر حرام كل ذي التجهيزات و.. قاطعها من
ضحك بخفه وقام يدغدغها وهي ميته ضحك: عمررر خلاااص!!
لابسه فستان بيج عليه ورود صغيره ورق شجر مطرز على الفستان من كل جهه قصير وله فتحه من عند الضهر قصه من عند الضهر على شكلv ضيق وماسك ومن تحت طايح وله نفشه خفيفه شعرها منسدل ومغطي نص ضهرها مسويته فير وغرتها لافتها لبست كعب طويل ورشت من عطرها ونزلت بكل غنج وكعبها يضرب ب الارض رفع الكل راسه من صوت الكعب ابتسمت بحب: أهليين ب الحلوين الي تخرجو!
وقفو وابتسمو طالع فيها اويس وبلع ريقه مرتين كيف كذا حلوه! إلا حلوه وبس ياساتر ياليث من وين لك!
غرور همست: ماشاءالله!
مدت يدها غرور بتوتر وهي متوقعه انها بتسحب عليها فاجأتها من سحبتها وحضنتها بقوه: مبرووك ياقمر الف مبروك
ابتسمت غرور وبادلتها الحضن: يبارك فيك يارب
بعدت وطالعت فيها: ياناسو الي كبرو وبيصيرون جامعه ابوسهم
غرور بخقه: تكفين بوسي
ابتسمت وباستها بخفيف
ضحك ليث بخفه بحر همس: وين عيونك؟
طالع فيه: على زوجتي وش تبي انت!
بحر: خفييف
ليث بهمس: ماندري من الخفيف من قعدت مافكيت يدها
سكت بحر بفشله
طالعت في اويس: يمامي صرت كبير
ضحك: شرايك يعني؟
ملاك: كلكم كبرتو يعني كويس احد يسليني في هذا البيت غير ذا الشايب المزعج
ضحك اويس بقوه: اوووباااا
ليث طالع فيها وتوترت: اويس أنا في وجهك
ابتسم: والله مايقربك بس باركي لي اول
الكل مات ضحك ملاك: مبرووك بس هيلب!
قام ليث: وخر
اويس وهو يدفعه بخفيف وملاك وراه: تمزح حرام عليك ياخي تخرعها
رفع حاجبه والتفتت من انفتح الباب دخلت هديل وراها حصه: سلام عليكم
الكل وعليكم السلام
فكت عباتها هديل وبلعت ريقها من شافت ليث هزت راسها تطرد افكارها تقدمت حصه تسلم وتبارك لاويس وتقبل وجهه كم مره: الف مبروك رفعت راس ال راضي كلهم
ابتسم مجامله: يبارك فيك يارب
تقدمت تسلم على دانه قام يمسح وجهه بكمه بقرف وبحر يطالع فيه ويضحك هو وليث طالعت في غرور: من هذي؟
ساره ابتسمت: هذي بنتي
حصه بدهشه: لاعاد؟
ساره: بنت صديقتي
حصه: وش جابها؟
حصه تعرف ب السالفه من ساره بس تبي تطنز
ملاك بغضب: مو اي شي ينسأل عنه ست حصه
طالعت فيها من فوق لتحت: شف من يتكلم الله يادنيا
تقدمت وهي تأشر عليها من فوق لتحت: ذي من دخلها هاه مين
ضحكت هديل: يمه خليها تكفين مدمنه وناقصة عقل يالله لاتبلانا
اسود وجها عرق كل جسمها تحس نفسها من بينهم صغيره قام يرجف جسمها ورجلها تتصافق دموعها نزلت ومسحتها بسرعه ابتسمت: بروح اجيب القهوه
سحبها ليث من يدها قبل تمشي وحطها جمبه ورص على خصرها قدامهم وهو مشتط من الغضب راص على يده وأسنانه هتف:ذي الي تشوفونها زوجتي وام عيالي ملاك تسواكم كلكم صغيركم وكبيركم مارضى عليها كلمه والله كلمه ثانيه يمين الله ماتطبون ذا البيت!
حصه بتأفف: اوووه بس تضل..
قاطعها وهو يتقدم بخطوات متسارعه صرخ في وجها والكل فز: حصهههه!! اضبطي عمرك دام النفس طيبه
تقدمت ساره وهي تشوف بعيونه الغضب: بس ليث بس حصه اسكتي وتعوذي من ابليس
سكتت حصه بدهشه تطالع فيه هديل بخوف: الخريجين جايين من سفر مايحتاج تتكهرب الأجواء نحتفل فيهم! يلا
اويس سحب ملاك من يدها من شافها ترجف بقوه مشت معه وهي تبكي بصمت دخلها المطبخ وهتف بغضب: كوثر اطلعي
هزت راسها بنعم وطلعت
اخذ كاس وشربها: اهدي!
شريت وهي تبكي طالع فيها: ادري بكل شي علمني ليث لاتستحين وتخجلين انتي قويه واحنا معك مانتركك
عضت شفتها: اويس مابي مابي ذا الشعور يعورني مرهه
طالع فيها بحنيه: ياشيخ ذي العيون الحلوه حرام يبكونها قسم بالله مافيهم قلب!
ابتسمت وهتفت: في ثلج جيب لي
فتح الفريزر وطلع لها: خذي
حطتها في يدها وهي تاخذ نفس تهدي نفسها ابتسم: دكتوره بعد
ضحكت وهتف بجديه: وش دراك
رفع حاجبه: صدق والله دكتوره!
هزت راسها بنعم
دخلت دانه وغمزت لها: تعالي
قامت من فهمت عليها اويس: حلوين انسحب علي
بعد ماراحت ملاك مع اويس
ليث تكتف: كلمه من وراي ولا قدامي والله نجوم السماء اقرب لك في عيش حياتك
سكتت وهي ماتبي تزيد الطين بله ولو زادت وش بيفكها من ليث
غرور مو عارفه اي شي ابتسمت دانه وهمست: مشاكل عائليه تعودي
ضحكت وهزت راسها بنعم
ابتسمت ساره: يلا
سحب بحر ليث من عند حصه وطلع فيه الحوش يكلمه ويهديه
طلعو كلهم تاركين غرور في الصاله واويس في المطبخ
ابتسم بحر: أنا بشغل
ساره: بحر شغل شي سنع ياويلك
بحر: افا عليك
مسك الدي جي وشغل:
اشوف فيك الطموح وعزي وسلاحي
ولي عزة فوق نجم سهيل تكتبها
طلع اويس من سمع صوت الاغاني العالي عقد حاجبه وهو يشوف غرور لاهيه ب الجوال: شسالفه وين الباقي
رفعت كتوفها: مدري راحو للحوش
تقدم: تعالي في صوت برا
مشت معه انفتح الباب وصرخ الكل وقامو يصفرون ضحكت غرور وتقدمت ترقص وتحرك قبعتها يمين يسار تلوح فيها بيدها تقدمت معها ساره ترقص سحبت معهم اويس وقام يضحك: ذي لكم أنا رجال
الكل ضحك ليث: عشاني تكفى
نزل شماغه بحماس وقام يهز كتوفه ماتت ضحك ملاك لف من سمع ضحكتها وابتسم حس ب السعاده من سمع ذا الصوت وكان الدنيا بكبرها ابتسمت له
أنت تقرأ
وانت اللذي حطيت بالجوف رمحين رمح العيون ورمح وردي شفاتك
Romanceتعالو نبحر في اعماق المحيط نبحر للمالا نهايه لااقصد المحيط ذاته بل الابحار في اعماق محيط الحب والموده الصدق والعطف الغضب والجفا يتحول حال بني ادم حينما يعشق من قلب صوارمه هنا حكايتنا فلنبحر سويا دون مقدمات دون تفاصيل بل نكتشف ونحن نقراء سطر سطر .
