وانت اللذي حطيت بالجوف رمحين رمح العيون ورمح وردي شفاتك

البارت السادس

دخل عبدالله: سلامات سلامات
ليث ابتسم: الله يسلمك
عبدالله طالع في ملاك بغضب: تكلمي وش الي حصل لان مستحيل اغفر لك
نزلت راسها: اسفه ليث اسفه
طالع فيها وفي نبرتها الناعمه غلغل أنامله في شعره: عوافي بس أسبابك ياسيده
رفعت عينها: كان في رجال يطالع فيني اول ماطلعت كنت افطر أنا وليزا و فتح الشباك وصفر لي عشان اجي وكان نفس الشخص الي ضربني نفسه خفت مره حسبت انه هو ترجلت و صار الي صار
شهقت ونزلت دموعها: والله ماكان قصدي والله جدو ليث اسفه
عض ليث شفته بقهر: لعنههه
تقدم عبدالله وحضنها رصت على حضنه: ليش كذا ليش لو اني مو بنتك ماكان صار كذا دايم يجوني ناس يتعرضون لي بسببك ليه انت وش سويت علمني ليه أنا جاهله دانه تعرف كل شي عنك إلا أنا ليييهه!!!
تنهد: لاتقولين كلام تندمين عليه اجلسي واهدي كلامك نسيته ومغفور ارتاحي يابنتي
سكتت وتراجعت للخلف رمت نفسها على الكنب وغمضت عينها
ليث طالع فيه وهمس: مني لك ياعبدالله بنتك باخذها اليوم قبل بكره
عبدالله هز راسه: هي لك بكلمها اليوم
طلعو من المستشفى عبدالله: لاترجع بيتكم امك بتخاف
هز راسه بنعم وهو غلبه النوم
دانه: مستحيل كل هذا صار ياربي وهو عندكم في البيت
ملاك: متخيله وربي خايفه احسه بيكرهني
دانه: ماعليك ياقلبي ان شاءالله خير
فزت من دخل عبدالله: مانمتي
هزت راسها بلاء: زين نومي الحين وخلي عنك دانه
قفلت جوالها ونامت وهي تجهل وش مخبي بكره
الصباح
ساره بتوتر: مايرد يامياس مايرد!
مياس: ليث وتعرفينه يغط ويرجع
جلست: ياربي سلم بس
اتصلت مياس على بحر : هلا
مياس: شلونك
بحر: حمدلله تمام وانتي
مياس: بخير اقولك وين ليث
تثاوب بحر: عند عبدالله من امس
عقدت حاجبها: وش يسوي عنده
بحر: إذا رجع اسأليه سلام
قفل وقام يتجهز لشغله
مياس: يقول انه عند عبدالله من امس
برزت عينها: لايكون بيسويها!
مياس: وش يسوي
رقت بسرعه: ولا شي ولا شي
نزلت وهي تتثاوب ولابسه بجامه قصيره تنحنح عبدالله وفهمت ان ليث فيه رقت بسرعه وغيرت لبست فستان ابيض قصير نزلت ركض وشعرها منسدل قبلت راس ابيها: صباح النور والسرور على احلا جدو ب العالم كلههه
ابتسم: صباحك نور
قالت بحماس: عندي لك شي يطيرك فرح
عبدالله: قبلها في ادمي قدامك صبحي عليه
رفعت راسها تطالع ليث وكان ياكل ابتسمت: صباح الخير يا العصفور الجريح
رفع راسه وضحك بخفه: عصفور!
عبدالله : امسحها في وجهي ايه وش موضوعك
ملاك: في عمل تطوعي في المانيا ابغى اروح
عض شفته وهو مايقدر لانه بيغادر السعودية ولا يقدر يتركها في ديار الغرب: انسي برا انسي بعدين وين يطيرني فرح!
تكتفت: مو انت قلت ابي افخر فيك
عبدالله: لاتحملين نفسك فوق طاقتها احلمي بس لاتروحين بعيد
قالت بغضب: وليه ماروح بعيد وش ناقصني هذا انت تعطي دانه قضايا تروح كلها ذبح وقتل وتروح مناطق مختلفه ولا قلت شي بس وقت شي يخصني تقول لا ولاء!
اخذ نفس ومسك يدها: اسمعي هذا شي متفقين عليه زمان صح ولا!
هزت راسها بنعم: زين خلاص خلينا كذا حلوين ماقلت لك لاتحلمين بس أوعدك اخلص شغلي ونروح تتطوعين وين ماتبين
ملاك: ايش هو شغلك
عبدالله: افطري اول وبتكلم معك انتي وليث زين
ابتسمت: اوكي
كان يسمع حديثهم وكيف تعامله معها طويل بال وحيل ابتسم من علاقتهم اللطيفه وكمل اكل
دانه: متأخر وش عندك
بحر: مهتمه لذي الدرجه
دانه بمزاح: تقدر تقول هوس
ابتسم: اعشق المهووسين حييل
دانه: اممم حلو
خذت الاوراق: شغلنا اليوم مع بعض يعني الله يعين
بحر: حلو اصبح على وجه يروقني
دانه: وانا يسد نفسي
ضحك بحر: خلي عنك الثقل والله اني مزيون
ضحكت بقوه: ياحليلك اقول خلص الي بيدك
ليما: فارس جا عمر؟
فارس وهو يقلب في جواله: بيرجع بكره اضن
شهقت بفرح: احلففف
فارس: والله كلمني
نقزت تحضنه بفرح: ماصدق والله!!
فارس: كل ذا شوق لحبيب القلب!
احمرت خجل: فااارسسس
ضحك بقوه وحضنها: امزح معككك
حطت الشاهي وصبت لهم عبدالله: اجلسي
طالعت فيه بعد ماجلست وهتف: تعرفين أنا ماشي اليوم
هزت راسها بنعم واكمل: الشهر بياخذ شهرين وثلاث وبطول حيل لاول مره ببعد عنك كذا بس اعرفي لانه في مصلحه لي ولشغلي وتعرفين اي شي اسويه عشان شغلي مقدر اتركك عند سلطانه بما ان اعدائي كثرو مقدر أخاطر في أحبابك لأجلك وذا مايرضيك
توترت من كلامه المليان ب الغموض عضت شفتها وطالعت في ليث كان يطالع فيها وفي نضراتها ابتسم وارتشف من الشاهي بكل برود هتفت: ويعني؟
ابتسم ومسك يدها: يعني انك الحين كبرتي توضفتي وصرتي حرمة بيت وفي شخص خطبك وباغي قربك يابنتي
ابتسمت بدهشه: نعم! كيف مو أنا قلتلك لساتني صغيره والزواج يتعب نفسيتي مجرد فكرة ان ذكر يتحكم فيني تزعجني ولا إذا كان شخص ماعرفه هنا المصيبه ياجدو
رفع حاجبه من كلامها الي نرفزه مايعرف ليه بس غرورها وتكبرها بسسب دلعها الزايد ازعجه: الزواج سنة الحياة ياسيده ولا فيه عيب ولا غلط الزواج عمره ماكان قفص محكور ب العكس تفاهم وحب وموده
عبدالله: صحيح
اخذت تفكر ولفت على عبدالله: طيب مين هو نعرفه يعرفني تثق فيه! أنا خايفه مره مقدر اعيش مع احد غيرك
مسح على راسها: اثق فيه اكثر من نفسي واعده ولدي وروحي
ابتسمت بحب: صدق! احلف يعني راكان
عقد حاجبه وبرزت عروقه همس: راكان!
عبدالله ضحك: صاحيه انتي مالقيتي الا راكان
ضحكت بقوه: شسوي كل يوم انسى عجزت استوعب
طالع فيها وده يقوم ويقلب عليهم البيت كيف جاي يخطب بنته ويتكلمون عن رجال ثاني وكانهم يهمشون غيرته وانه بياخذ بنته وكانه ولا شي بينهم رص على يده وطالع فيها بسخريه: لا راكان ولا غيره الي بيأخذك الليث بن حاكم
حطت رجل على رجل وطالعت فيه: امم يقولون انك تملك يخت
ابتسم وهو مشغول يقرأ: ايه عجبك؟
ابتسمت: ايه حيل
رفع راسه: وين شفتيه!
حطت شعرها ورا أذنها وفز قلبه من حركتها الي تجيب اجله بلع ريقه وهتفت: عندي حسابك انستا ستورياتك خايسه جد وعضلاتك تجيب الهم والتان مو لايق عليك
كتم ضحته وطالع فيها وهي تسب كل شي: الي عجبني بس اليخت اخخ مره حلوو تكفى باخذه أنا وملاك
نزل اوراقه: عندي شرط
عقدت حاجبها: الي هو
هتف: أنا وليث معكم يعني لازم معكم رجال والبحر غدار اخاف عليك
ابتسمت وطالعت فيه: لاتخاف البحر مو بكثر غدري
ضحك: يعني اخاف منك؟
دانه قربت وهمست: إلا موت خوف
ابتسم وبنفس همسها: تبين اليخت لازم اكون معك
طالعت فيه: بشرط لنا مكان ولكم مكان
بحر: الي تبين
صرخت بحماس: يسسسس
ضحك وهز راسه سحبت الاوراق بحماس: شرايك نطلع ونأخذ جوله فيه تكفى تكفى!!
بحر بدهشه: الحين!
سحبته من يده: ايه تكفى لو سمحت حرام عليك مره متحمسسسهه
قام معها: واذا عرف عبدالله
غمزت وفتحت الباب: ماعليك عندك الواسطه دنو
ضحك ومشى معها فتح لها الباب وابتسمت بحب
رن جوالها وفزت: هلا
وصلها صوت غايب شهور صوت فيه حنيه وشوق: هلا ورحب مطر وسحب هلا بالي له الخافق يهلي هلا بنور عتمتي شلونك يابعد عيني
عضت شفتها وداهمتها الدموع: عمر!  وحشتنيي
ابتسم: ليه البكي يابعد عيني هاه
وقفت وهي تبتسم: ليه تأخرت تعرف انك توحشني لو تغيب عن عيني ثواني كيف شهور ياعمر!
غلغل أنامله في شعره: شرايك تقومين وتفتحين الباب يطفي شوقي وارتمي بين احضانك
عقدت حاجبها: كيف !
ابتسم: افتحي الباب جايب لك هديه
قفل وركضت تفتح الباب بحماس نزلت عينها على بوكس وردي فيه شريطه بيضا ضحكت ونزلت تقرا الكرت: ( لفي يمين)
عقدت حاجبها ولفت تطالع شهقت من تقدم رجال متلثم طويل القامه مو باين من وجهه غير عيونه حط كفه على فمها ورصها على الجدار حاوط خصرها وبكت تحاول تصرخ بس يده كانت اقوى منها ترجلت وسحبت اللثمه من وجهه بانت ابتسامته الي تزين ثغره ضحك بورطه: انكشفت!
شهقت وخر كفه عن فمها ضحكت بقوه ونقزت تحضنه رفعها وحاوطت فخوذها خصره ماسكها من خصرها بيدينه الثنتين طالع فيها وهو عاض شفته: اخخخ اشتقت ياليمتي اشتقتت
ابتسمت ودموعها تنزل: خوفتني ياغبي !
ضحك وقبل خدها: اسف
هزت راسها بمعنى لاء: تصدق احلا فجعه كثر منها
ضحك بخفه وأنفاسه تضرب وجهها وقلبه يدق بقوه نزل عينه على عنقها المغري عنقها القتال الي يهزمه وهزم قوته قرب وتقدم يقبل بكل حنيه وحب عضت شفتها من حست بحرارة قبلاته غلغلت أناملها في شعره وهو مكمل حربه في عنقها رفع راسه وهو يحس بشعور المسكر يحس انه فقد الوعي أمامها نزلت راسها لوجهه وداعب انفه في انفها سحب وجهها وقبل ثغرها بقوه يطفي شوقه والشهور الي خذتهم من بعض نزلها وحاوطها في الجدار وهو مكمل قبلاتها في كل انش في وجهها
ملاك بدهشه: لييث!
عبدالله: فيه احسن من ليث؟
ملاك: بس كيف و ..
هتف بغضب: لاتطرينها على لسانك قراري وقلته مالك إلا توافقين حياتي مالك خص فيها
عبدالله بدهشه:ليث! انتم بتكونون فوق سقف واحد شلون ماتبيها تتدخل  فيك
دعك جبينه: اعذروني بس تعرفين موضوع حساس
ضحكت بسخريه: دام انه حساس وللحين  في بالك كيف تدخل في حياتك وحده نفسي
حط رجل على رجل وهو يعرف نقطة ضعفها التحدي يبيها توافق بأي طريقه عشان خطته في غدر عبدالله : تقدرين تنسيني طوايفها اعرفك لابغيتي شي جبتيه من اقصاه
ابتسمت بتحدي: والي يقولكم اني موافقه
ابتسم عبدالله: تم على بركة الله المغرب موعدنا تعال انت وأمك وبكره الملكه
شهقت: بكرهه!!!
عبدالله قام: ايه بسافر بكره ابي اتطمن عليك
قامت وراه: جدو! ترميني وتروح؟
ابتسم وحاوط كفوفها: صدقيني ليث مثلي واحن و أنا مربيه بيدي ماتثقين فيني؟
ابتسمت: اثق كيف ماثق
قام ليث وهو مبتسم: أشوفك المغرب يازوجتي
احمر وجها خجل وحمرت أذنها رجف قلبها وعضت شفتها ضحك عبدالله بقوه من طلع ليث: شفيك لذي الدرجه أحرجك
غطت وجها بيدها وركضت فوق: جدووو!!
سكرت الباب وهي تعبت تكتم فرحها وقت طرى ابوها ان ليث يبيها كان ودها تصرخ موافقه موااافقه بس كبريائها مايسمح نطت على السرير وحضنت الوساده واخذت تتقلب وهي تصرخ دخلت ليزا وهي تضحك وملاك متجاهله دخولها وكان فرحها مغيب عليها كل شي : ملاك!
فزت وهي ترتب شعرها: بسم الله ليزا؟
ضحكت ليزا: اول مره اقولك ملاك صح بس انتي طلبتي مالي دخل
ملاك: ايه وبس تتكلمين فصحى مع ابوي معي لا
ليزا ضحكت وجلست على طرف السرير اخذت تلعب بخصل شعر ملاك وتوترت ملاك صغرت عيونها وهمست: أذونك حمراء وجهك نفس الطماطم
شتت نضرها: هاه لا مافي شي بس يمكن حراره
ضحكت بخفه: الحراره اثرها ولد راضي؟
لفت وجها وهي تضحك: عرفتييي!!
هزت راسها بنعم وهي تضحك: مبروك مقدما
نقزت تحضنها: يبارك فيييك مره مره مبسوطه ياليلي ماتعرفين قد ايش احب ليث من وهو نونو احبه اخخخ ربي يحبني 
ابتسمت ليزا: وصلك طرد من سارتك
ابتسمت ونزلت تستلمه وهي كلها فرح
كوثر ركضت طرقت الباب وصلها صوت ساره : تفضل  كوثر: وصل ليث
حطت جوالها ونزلت ركض: ليييث!
ابتسم وحضنها بادلته الحضن وهي تعاتبه: ماتقول امي خايفه علي ارفع جوالي اطمنها!
مسك يدها وجلسها: ابد بنت عبدالله ناويه تذبحني
شهقت: تذبحك!!
ضحك وهز راسه رفع تيشيرته يوريها الجرح شهقت ونزلت دموعها: ليييه!!
اخذت تتأمل الجرح ودموعها تنزل مسح دمعتها وحضنها: بسيطه يابعد روحي ماتوجع
هتفت بغضب: ليه تسوي كذا ليييه! وش سويت لها شصار شسالفه ياليث علمنيي
علمها كل السالفه وضحكت: مجنونه هذي البنت بس والله كويس تعرف تدافع عن نفسها
ليث بدهشه: ولا همك ولدك الي كان بيروح في خبر كان
ضحكت: لا ملاك ماتأذي جرحها مثل العسل
هز راسه: ماش ساحرتك بدل لاتدقين عليها تهاوشينها
ساره: ماعليك بهاوشها
ليث: بعدي عليك فيها
اخذت ترتشف من قهوتها ونزل جواله من ارسل له عبدالله يبلغ امه
نزلت دانه والهواء يداعب خصلات شعرها: واااووو يجنن
مد يده  مسكتها ورفعها ضحكت وضربت صدره: مستغل!
ابتسم وهو يعدل شعره: ماعندي مشكله اغرقك محد داري عنك
همست وهي ناويه تجيب راسه: البحر يحبني مايرميني
فهم قصدها ومثل عدم الفهم: عجيب!
وصلو لليخت وضحكت بقوه: كبيييير
ابتسم وكملت تتمشى وهو يشرح لها الاماكن رفعت نفسها فوق الحديده ومدت كفوفها وهي تستنشق الهواء العذب تقدم بخوف وصار وراها عشان لاطاحت يمسكها: انزلي يامجنونه
هزت راسها ب لاء سحبها وشهقت تأوهت من كانت بتطيح مسكها من خصرها عقدت حاجبها: غبي انت! لاجد غبي كيف تسحبني كذااا
بحر بحده: قلتلك انزلي يعني انزلي منب فاضي تطيحين وابتلش فيك
بعدت كفوفه الي على خصرها ومشت لحقها ودخلت اول غرفه ضحك: هي لاتفتحينها
دانه: ليييه لايكون مخبي بنات
سكت وهو يكتم ضحكته غمزت: اعترف سرك في بير
حاول يباغتها: تعالي أوريك جهتكم انتي وملاك
قبل يسحبها فتحت الباب ودخلت بسرعه توتر وضحك بخفيف: حسبي الله يادانه!
ضحكت بقوه من منضر الغرفه كانت حوسه والملابس مرميه في كل مكان
لفت واشرت بيدها عليه ب الطول: الحين هذا الانسان المرتب والنضيف يطلع منه ذا الشي
حك راسه بخجل: والله شوفي
ضربت راسه: معليش بس إذا جيت ولاها نضيفه
هتف بخبث: ودك تنامين فيها؟
احمر وجها خجل وشتت نضرها قالت بصوت متحجرش: ل. لاء. ب. بس يعني تكون نضيفه إذا صورنا ولا شي
ابتسم وهو عرف بخجلها: تأخر الوقت بيجي المغرب نرجع؟
هزت راسها بنعم
طالع فيها عمر بهيام وهي تسوي القهوه: تعالي ماشبعت منك
ليما وهي تبعد شعرها عن وجها: كل الي سويته وماشبعت !
ضحك بخفه وجلست جمبه حط راسه وتوسد صدرها غلغلت أناملها في شعره: تعبان؟
تثاوب: فيني نوم
ابتسمت: تعال انومك
هز راسه بلاء: خلينا كذا اذا نومتيني رحتي لأخوك وسحبتي علي
شهقت بخفه: فارس بيوصل الحين
رفع راسه: وطيب!؟
قامت ونزلت الكوب: والي سويته فيني
سحبها بخبث: وش سويت ناسي
دفته وهي تضحك: بعد عني عمررر!
فزت من انفتح الباب فارس: لييلييي!
شهقت بخفيف وارتمت في حضن عمر حاوطت عنقه وغطت وجها في صدره همست: خبيني!
ضحك بخفه: هلا والله بالشيخ
ابتسم فارس بفرح وتقدم: عمرر حي الله النسيييب
عقد حاجبه من شاف ليما متخبيه تقدم يسلم عليه وعمر جالس ويحضنه ليما: شفيها ذي؟
غمز عمر وهو يضحك: ابد مستحيه
ضربت صدره: عمررر
ضحك فارس: اهاااا وش سوا فيك عساه مهب كايد
ليما بغضب: فارس انقلع عن وجهييي
ضحك عمر: خلاص انقفطتي قومي
ضحك فارس وغطى عيونه: قومي خلاص غمضت
دفت فارس وركضت لغرفتها ضحك عمر: خربت لحضتنا ياهادم اللذات
جلس: ماش ماتستحون في بيتي بعد
حك عمر راسه: اسأل اختك وش سوت
اخذتهم السوالف والضحك
عمر: ماشاءالله ليث ماغيره لاعب
فارس: الله الله صدمه يمين الله ماتوقعت
عمر: الله يوفقه يارب
قام: امييين يارب بروح ارقد تبي شي
عمر: سلامتك
فارس: قول ليلي تصحيني قبل المغرب
هز راسه بنعم ودخل الغرفه
ابتسمت وهي تفتح الطرد شهقت من اللون الصيفي الجذاب اخذته ودارت فيه وهي تضحك: يجننن
فزت من جوالها اخدته: هالوووو
دانه ضحكت: اووه الحلو مروق
اخذت تحضن الفستان ورمت نفسها على السرير: حزر فزر ميننن خطب حلوووتككك
شهقت دانه: ايييش انخطبتييي!!
ضحكت بقوه: ايييي متخيييله
دانه: من مين وكيف وشلون انتو مين واحنا مييين
ضحكت دانه بقوه وهي تتقلب في السرير همست بخجل: لييث ليييثثث
اعتلتها الصدمه ولفت على بحر: ليييث!!!
عقد حاجبه: شفيه؟
دانه: إذا رجعت قوليلي ب الحرف تسمعين
هزت راسها بنعم وقفلت
بحر: شسالفه
صرخت: ميمييي خطبها ليييث
عض شفته بقهر وهو داري بينة ليث: ليه فرحانه
عقدت حاجبها: وليش مافرح يليقون على بعض مره
هتف بضيق: الله يهنيهم
دانه: شفيك مو فرحان!
ابتسم وطالع فيها: مبسوط بس متفاجئ
زفرت: خوفتني حسبت في شي تصدق حتى أنا متفاجأه
بحر: اوصلك عندها بيتهم قريب
هزت راسها بنعم ونزلت رجعت وعقد حاجبها: وش عندك؟
دانه: بكره بعد مايملكون نروووح بعدها بكم يوم مافي تراجع
اشر على خشمه ومشى
فتحت ليزا: السيده فوق
ركضت وفتحت الباب: ميميييي
نقزت تحضنها: مو مصدققققههه
جلسو وقامت تعلمها كل شي ب الحرف
دانه بخبث: يبيك في يومين واضح مستعجل الرجال
ملاك بخجل: دنوو هو عشان شغل جدو بس
حضنتها: تتهنون يارب
بادلتها الحضن وهتفت دانه: عموماً ترا بعد ملكتكم بنروح ليخت بحر
ملاك بحماس: اليخت الكبير الي وريتيني هو !!
هزت راسها بنعم: حمااااس اووف لازم نروح ونشتري تان وخرابيط
دانه: تممم