وانت اللذي حطيت بالجوف رمحين رمح العيون ورمح وردي شفاتك

البارت الرابع

سكتت هديل وهي تطالع ملاك مشغوله في جوالها
خلصت وقامت هديل همست: يمه حلوه حيل
حصه: الله على ايام قبل كانت امها ماخذه قلوب الشيوخ ماخذ قلبها من الرجال غير عوض
هديل: امها اجنبيه؟
هزت راسها ب لاء: من الشمال اصل وفصل
داهمتها الغيره والخوف إذا شافها احد من رجال ال راضي وأعجب فيها راح تاخذ كل شي بما ان ساره تعشق المناضر والجمال هزت راسها تطرد افكارها وبدات المصففه تسوي شعرها مثل ماطلبت
دخلو يسوون أضافرهم ويصورون
عبدالله نزل وحط له من البخور والعود ليزا: عادت السيده؟
عبدالله: لا إذا رجعت سوي لها حمام دافي وشوربه خضار
ليزا: لكن هي لاتحبها!
عبدالله: سوي الي قلته ولا كثرت هذره
هزت راسها بنعم
هديل بحيره: البس الأصفر ولا الاحمر
حصه وهي تحط من الكحل: مو قلتي تبينه ثور
ضحكت بخفه: تم
دخلت تبدل وكان فستان يبين معالم جسمها يوصل نصف ساقها طلعت وهي تغرق نفسها ب العطر
في منزل آل ناجل
واقفه تطالع نفسها بخجل كان فستانها قصير فوق الركبه وضيق لونه وردي توب وعقد الماس يزين عنقها ابتسمت وهي تداعب شعرها القصير: اخ يادنو تهبلين بدات تحط من الميكب الي يبرز جمالها
في الغرفه المجاوره طلعت من الحمام تعدل على فستانها كان ابيض طويل توب وعليه كرستالات وله وشاح ازرق غامق طالعت نفسها وابتسمت برضى عن شكلها فتحت العلبه وكانت من ابوها فتحت الكرت وكان مكتوب: (الغالي يرخص لك يابنت عبدالله تتهني ويزهى عنقك ابوك الي يغليك .)
عضت شفتها بفرح طالعت في العقد وكان ثقيل ويبرز لمعانه شهقت من شافت حجمه كان عربض ومرصع ب الالماس شالته بخفه وحاوطت به عنقها حاولت تركبه لاكن ماقدرت نزلته وبدات تحط ميكبها
دخلت دانه بحماس ودارت: كيييف!
رفعت عينها وابتسمت بهيااام: وواهه دنووو يجنن كانك نونووو وربيي
دانه بغضب: نونو في عينك
برزت عينها تطالع بدهشه: لحضه لحضه! وش ناويه عليه
عقدت حاجبها: ايش؟ موحلو
دانه بدهشه حكت جبينها: ملكههه والله ملكه تمزحين ناويه على الكل انتي يمه صدق صدق بنت عبدالله
ابتسمت بخجل: دنو بس خلاص
تقدمت دانه وحطت يدها على خصر ملاك ورفعت جوالها تصور انحنت ملاك برأسها على كتف دانه: الله يديمنا
تنهدت دانه: امييين
دخلت سلطانه ب البخور وذكرت ربها قربت تحصنهم وتسمي عليهم بخرتهم ونزلو حطت الطرحه على كتفها وطلعت
واقف يتأمل شكله ب المرايه برضى تام لبس ساعته وحط من العود والعطر المفضل عنده لبس شماغه فتح الباب بيطلع وقف من شاف اويس ب الثوب والعقال: كيييف
عض شفته من حلاوته: شيخ ولد شييخ
نزلو وهم ماسكين يد بعض بحر بيده حلا ياكل لف: كان سكنتو بعد
ساره: شفت كيف شكلك حلو ب الثوب وه ولديبي
ابتسم بخجل وقربت تحصنهم ولفت على بحر: تعال انت بعد
ضحك ليث وطالع في امه كيف حلوه وجميله بشكل جذاب ناعمه وبسيطه لاكن فيها شي يجذب ذهبها الي يملي كل انش في جسدها طولها وخصرها المنحوت شعرها الطويل تقدم واحتضنها: تهبلين يايمه قمر
ابتسمت بخجل: صدق!
هز راسه بنعم وباس راسها بحر: لازم نزوجك
ضحكت وضربته: استح على وجهك
ليث: امش لالعن ثواك
اويس: اش انت وياه الرجال ينتضرون
توجهو للمجلس يوجبون
استقبلت ضيوفها بحب هديل: كيفك خالتو
ابتسمت: حمدلله بخير بس كم مره قلتلك القصير ماهب زين للبنت
عضت شفتها بفشله: عاجبني
ساره حست انها أحرجتها: ماعليه يابنتي بكل حالاتك حلوه
ابتسمت برضى ومشت ساره وهي ترتشف قهوتها وتسمع سوالف الحريم احد الجالسين اسمها عهود: إلا اقول ساره بنت عبدالله وينها
ابتسمت ساره: جايه جايه
حصه: الله يكافينا الشر
أختهم الثانيه مياس والمقربه لساره الروح ب الروح عزباء ماتزوجت تشتغل محاميه هتفت: مامن شر ياحصه كل خير
نزعت عباتها وتقدمت دانه قبلها هتفت: سلام عليكم
الكل وعليكم السلام وقفت ساره: حياك تفضلي
سكتت من لمحت القادمه بكل شموخ ووقار وعلى محياها ابتسامه جذابه هتفت بنعومه: ساروونه
ضحكت ساره واشرت لها بمعنى اسكتي تقدمت وحضنتها امام الجميع بادلتها الحضن وهمست: ماقلتلك مو بين الناس
ملاك بزعل: وحشتيني شسوي
غمزت ساره: بس طالعه قمر لايق عليك مره
ملاك: من اختيارك اكيد بيطلع حلو
هديل بغيض: اموت واعرف وش يسولفون عنه!
جلست دانه بهمس: ماقطعتي علاقتك معها!
ملاك: في الشغل احنا أعداء بس برا علاقتنا اصحاب واكثر مانسيت انها صاحبة امي الروح ب الروح هي الي عاونتها في حياتها
دانه: بس والله حلوه
ضحكت: حييل
فز جميع من في المجلس من لمحو طيفه قال بشموخ: سلام عليكم
الكل: وعليكم السلام
الكل قام يسلم ويبارك على سلامة بنته ابتسم وبادلهم الحديث جلس وعينه على ليث تقدم يسلم عليه: شفتك ماجيت قلت اجي
ليث: حياك حمدلله على السلامه
عبدالله: الله يسلمك
بحر: علومك ياشايبنا
ضحك عبدالله وهو تعود على طبع بحر: على ماتحب
تقدم اويس: أنا اويس بن حاكم ال راضي
ابتسم وبانت صفة اسنانه: ونعم وست انعام في الشيخ اويس تعال وانا بوك تسمح لي ياليث
ليث: فكني منه شوي
اويس طالع فيه بغضب ضحك ليث: تبي تجلس معه ولا معي
عبدالله: خبيث!
اويس: تعال ياعمي ماعليك منه خبل
بحر ضحك وهمس: وراك خليته معه
ضحك بخبث: اوهمه اني معطيه الثقه واني اعزه عشان اخذ مبتغاي
بحر: الله يستر منك
مسكه عبدالله بين الرجال وبدا يعرفهم عليه وياخذ ويعطي مع الرجال اويس حس بغرابة وتوتر بس مسك يده عبدالله وابتسم: خلك رجال وانا ابوك
ابتسم اويس: ابشر
طلع بحر يكلم وبيده الدخان طلعت دانه ب اتجاه المسبح تتكلم بغضب: كيف يعني الأسهم مرتفعه كيف تضيع فرصه مثل هذي ياقاسم مستحيييل
رفع راسه من سمع صوتها العالي فز قلبه بشده وخفق طالع فيها بتمعن ولأول مره يتأمل احد لوقت طويل نزل جواله يتأمل شعرها القصير وغضبها تقدم وابتسم من نزلت جوالها: الله ياخذك قاسم والزق..
انحبس كلامها من طالعت فيه يتقدم ب اتجاها وعلى ثغره ابتسامه توترت وحطت عينها في عينه: نعم !
وقف امامها: بيت ابوك؟
دانه بعدم فهم: هاه
بحر: سؤال وجاوبي عليه بيت ابوك؟
دانه: ل. لاء!
تكتف: طالعه بدون غطى وتتمشين كانه بيت ابوك وين عايشين
دانه بغضب: وانت مين عشان تكلمني كذا
بحر طالع فيها من فوق لتحت: غبيه جد
عطاها ضهره وتقدمت وقفت في وجهه والغضب يكسوها: نعم نعم!! من الغبيه ليه وش سويت ان شاءالله
طالع في ساعته وزفر: انتي دانه صح
توترت:كيف عرفت!
ابتسم: الي دخلت اجتماعي وقلبته فوق تحت يوم خمسه يونيو عشان منافسه هزيله ربحت فيها
ضحكت بسخريه: وانت بحر آل هاشم
بحر: وصلتي خييير
تقدمت اكثر بحيث وجها قريب لوجهه عقد حاجبه من حركتها همست: تذكر اسمي زين لاتنسى
عطته ضهرها ومشت بانتصار ضحك بخفه: مجنونه !
طلع عبدالله وابتسم من أقبلت عليه حضنها بقوه وطالع في عنقها: مايخيب اختياري ابد بس لحضه لبسك غيرتيه
دارت: كيييف من تصميم ساره
عقد حاجبه: ساره مين
ملاك: ساره ام اويس
عبدالله: ماقلتلك لاتحتكين معها!
ملاك بتوتر: بس جدو احبها نفس سلطانه
حس بزعلها: تعرفين بينا منافسه مابي تغدر فيك
هزت راسها ب لاء: انت وهي أنا مالي دخل في مواضيعكم أنا الدكتوره ملاك فقط
قبل راسها: ولا تزعل دكتورتنا
ابتسمت: توديني؟
عبدالله: الحين
هزت راسها بنعم: بكره بداوم متخييل
تهلهل وجهه الفرح: اسألك بالله!!
ملاك: والله جدو والله حلمي بيتحقق
حضنها بقوه : البسي عباتك وتعالي برا
تقدم ليث: على وين
عبدالله: بودي بنتي
ليث باهتمام مزيف: عسى ماشر
عبدالله بفرح: ابد وانا ابوك بكره بتباشر بداومها في المستشفى
ابتسم: ماشاءالله مبروك
عبدالله: الله يبارك في عمرك
طلعت ورفعت للأغاني وهي ترقص بجنون وتغني: انسى الي راح على طول على طول
ماتسبش زعلك مره يطول
افرح شويه واضحك شويه
كذا خلي روحك عاليه وهاي
ويا قلبي غني كمان وكمان
ابتسم عبدالله وقام يصفق ويصفر
وصلت البيت ونزلت ملابسها مسحت الميكب واخذت شاور ونامت دخلت سلطانه: نمتي؟
ماردت عليها وهي دخلت في نوم عميق اثر اليوم المتعب
قبلت راسها وطلعت
مسحت الميكب ودخلت ليزا هتفت: ليلو تعالي ساعديني عجزت افصخه
تقدمت تسحب السحاب مسكته لايطيح وطلعت ليزا نزلت لبسها وحطت حبوبها على الطاوله ليزا: خذيها
هزت راسها بنعم
ودخلت الحمام كانت المويه دافيه جداً غلغلت أناملها في شعرها تغرق في افكارها ابتسمت من تذكرت ان يومها بيبدأ بكره طلعت من الحمام بروبها جلست على السرير طرق الباب وهتفت: تفضل
ليزا: اخبرني السيد ان احضر لك الشوربه
ابتسمت: شكرا
شربتها وهي تتغصبها عشان صحتها فقط حطتها على الارض وغلبها النوم
طلعت هديل وقفت رجولها من لمحته ركضت بخفيف: ليث!
رفع راسه يطالع فيها: هلا
عضت شفتها: سمعت انك صرت حليف مع عبدلله
طالع فيها من فوق لتحت: امور رجال وش عليك!
تقدمت: لا بس غريب انتم أعداءً من زمان فجأه كذا! عجيب امركم
ابتسم بخفه: ومن انتي اعلمك عن اخباري توكلي يابنت عمي توكلي
هديل: بفهم شفيك علي انت هاه
تقدم وتراجعت بتوتر من نضراته نزل لطولها: جربي تطلعين قدامي بدون غطا وكانك تمونين جربي بس تتكلمين معي والحين اطلعي قبل يجي احد يفهم غلط
هزت راسها بنعم وطلعت بخوف
طلع للشركه تقدم بحر يحضنه: تو مانورت الشركه
بادله الحضن: بنورك
ثنيان: عندنا اجتماع وعبدالله ماهب موجود
بحر بسخريه: قل غيرها مستحيل عبدالله يتأخر ثانيه وحده بس
دخل السكرتير: أستاذ عبدالله يقول امسكو الاجتماع عنده ضرف
ليث بدهشه: لاطلع صدق الشايب مو تأخر بس لا سحب على الاجتماع الاول بينا
ضحك الكل بقوه بحر: امش امش نشوف سالفة ذا الاجتماع
في غرفتها معليه الاغاني وترتب شكلها لبست الابكوت وهي تعض شفتها والفرحه مش سايعتها دمعت عيونها وهمست في نفسها(ليتك ياماما فيه تشوفين بنتك وين وصلت وتفخرين فيها) مسحت دمعتها وبدات تحط ميكبها الخفيف رفعت شعرها لفوق ولبست نضارتها وطلعت طقت الباب ابتسم عبدالله: تعالي
دخلت وهي على أطراف أصابعها تمشي بخجل وهو منزل عينه قربت لعنده وقبلت راسه: جدو مشغول؟
هز راسه ب لاء حز بخاطرها ليه يتجاهلها بعدت عنه ودارت: طيب شوف بنتك
رفع راسه وضحك قام وقبل وجنتها: والي يقولك اني تركت اجتماعي وأشغالي وبوديك بنفسي واشوف اول شغل لك
شهقت بفرح: احلففف قول والله لاتكذب علي
مسكت وجهه وهي تضحك: جدووو
ابتسم: يلا يلا لانتأخر
خذت شنطتها وطلعت وراه ركض
دخلت الشركه بكل شموخ اول اجتماع مع عبدالله آل غمران كانت مستعده لكل شي ومجهزه نفسا للهزيمه او الربح جلست ولمحت الي أمامها مشغول ويتكلم برزانه وهدوء رفع راسه من حس ب احد يطالعه ابتسم: عرفينا عنك
بلعت ريقها تهدي توترها من هيبته ونضراته الي مليئه ب السخريه: دانه عادل آل ناجل
ابتسم ليث: والنعم ابدي بمناقشتك نشوف
قامت بكل شموخ عكس مشاعرها الي تواجها خوف وتوتر تخاف تغلط والكل يستهين فيها بما انه البنت الوحده فتحت الاب وبدات تشرح انتهت من الشرح والكل مذهول من الفكره طالعت فيهم: وبس كذا يصير بدل تحالف شركتين يصير ثلاثه ونترك المنافسه مع الباقي وانتم تعرفون اكثر مني مين هم قوتنا احنا الثلاثه راح تمحي جميع الشركات ومستحيل نخسر نبي ناخذ كل شي تسمعون ضربت على الطاوله بقوه: كل شيييي!!!
الكل صفق من وقع ليث على الموافقه: تم عجبتني الفكره ومني اعتبري ان عبدالله موافق
ابتسمت وزفرت ضحكت بقوه: يعطيكم العافيه
بحر طالع فيها وابتسم همس: منتي هينه والله
طلعو ثنيان: من كان يتوقع ال راضي وآل ناجل مع بعض
ليث وهو ياخذ الاوراق يشيك عليها: كل شي جائز بما ان أنا وعبدالله صرنا اب وولده
بحر جلس: الله يستر من الجاي
ثنيان: صدقوني أنا متفائل
دخلت بتوتر المساعده تقدمت من لمحت عبدالله عرفت ان بنته الموضفه الجديده ابتسمت: حياك تفضلي
تقدمت تطالع الغرفه كبيييره حيل مكتب وسيع وكبير اوراق وملفات ضخمه تعتليها صورة الملك عبدالله والملك فهد بن عبدالعزيز آل سعود طالعت السجاد الابيض والكنب الابيض على ذوقها تماما والورود تملي المكان بلكونه كبيره تطل على بحيره صغيره قاطع تئملها..
المساعده جيلان: عجبك؟
رفعت عينه ونزلت نضارتها: حيييل يجنن مره ماتوقعت يطلع نفس ماطلبت يعطيكم العافيه
جيلان: ولو واجبنا تعالي اوريك غرفة العمليات
مسك يدها عبدالله: يارب أنا اول مريض
ضربت كتفه بخوف: جدووو!!
ضحك بقوه وقبص خدها: امزح معك
ميلت راسها على كتفه وتنهدت: بعيد الشر ان شاءالله
انفتح الباب وبلعت ريقها من برودة الغرفه وسيعه حيييل ومضلمه نور خفيف فوق ابيض سرير نفر واحد عليه بساط ازرق ومن خلفه شباك كبييير يطل على الممر الخارجي أدوات جراحه وأدوات كثيره مخصصه للجراحه وما إلى ذلك عضت شفتها وتقدمت تاخذ القلفز جيلان ابتسمت: واضح عليك متحمسه
تنهدت: حيييل
عبدلله تقدم وقبل راسها: مرتاحه؟
هزت راسها بنعم قبلت راسه: ماقصرت روح شغلك
اخذ مفتاحه وطلع
جيلان بحماس: تعالي نفطر مافطرت مره جوعانه منها نتعرف على بعض
ملاك: تم تعالي
طلعو يتمشون في المستشفى وجيلان تشرح لها كل شي
طالع ساعته وقام طلع من مكتبه وقابله عبدالله ابتسم: تو ماتباركت الشركه
ليث: الله يسلمك ايه ماقلتلك ضمينا معنا آل ناجل
عبدالله هز راسه: وصلني الخبر والحين انت طالع للتمرين صحيح
ليث: الله الله توصي؟
ربت على كتفه: موفق
دانه تطالع جوالها: اف منكك ردي!!
طلعت برا وتشوف بحر جالس ب الكوفي معه قهوته ويسولف مع الموضفه داليا ابتسمت وجلست معهم: سلام
عقدت داليا حاجبها من جرئتها: هلا وعليكم السلام
بحر : مبروك بنشوفك كل يوم هنا
حطت رجل على رجل واشرت لنادل بيدها تقدم: ابغا ثنين عصفر واحد عصير ليمون ومهدء اعصاب
كتم ضحكته من نغزاتها الواضحه له طالع فيها: من الي أعصابه تالفه على ذا العصريه!
دانه: الله اعلم يعرفون نفسهم
النادل تنحنح ابتسمت: ابغى باشن فروت
هز راسه بنعم داليا ابتسمت وطالعت بحر: اتمنى احضر مباراة ل ليث
بحر: ابشري مباراته الاولى اليوم تقدرين تحضرين
ضحكت بقوه في نفسها وهمست: نعم ليث لاعب كووووره لا مستحيل اخخ بنهاار ابي احضر لازم لااازم
داليا لفت تطالع فيها: قلتي شي!
دانه بتوتر: لا بس اقول غريبه ليث لاعب كوره
داليا بسخريه: هو ولد ولا يعيبه شي بس العيب بنت وتحب كوره هنا العيب بعينه
دانه بغضب: نعم حبيبتي! من متى الرجال مايعيبه شي الرجال بكبره عيب من راسه لساسه ياعبدة الذكور حبيبتي بأي حقبه عايشه الحين البنات يلعبون كوره وملاكمه وصلو للعالميه وانتي تطاردين ورا ليث ياحيف بس
برزت عينه بدهشه من كلامها وغضبها كتم ضحكته من وجه داليا المصفوق داليا بفشله قامت: المهم بحر ضبطني
هز راسه بنعم دانه: ايه بس هجي يالعنز وانت بعد
بحر اشر على نفسه: أنا؟
دانه: لا امي ايه انت ابي دعوه وبحضر
بحر بخبث: على اي أساس تحضرين !
قلدت نبرت صوته وحطت يدها على خدها: على أساس اني المدرب وش رأيك انت ياسيد
ظحك بخفه: تمام بعطيك عطيني لوكيشن بيتكم امرك
دانه بدهشه: نعم تمون بالحبيب توكل بس التكت توصلني ولا علمت عمي عبدالله
ضحك: لا دام فيها عبدالله ابشري توصلك
خذت مشروبها ومشت همس: عجيبه!
جيلان: الله مستحمسه اشوف كوتي جد حياتك حلوه مره
دانه ابتسمت: حمدلله الله لايغير علي
تقدمت البروفيسوره: ملاك ال غمران
رفعت راسها وبلعت ريقها حرمه كبيره وطويله أكتافها عريضه وشعرها احمر قصير بشرتها برونزيه وعينها زرقاء ملاك: ايه نعم
ابتسمت البروفيسروره: زمان عنك اذكر ايام التدريب كنتي شاطره بحق زمان ودي أضمك مع طاقمي وش قلتي
طالعت في جيلان بتوتر طبعاً للي مايعرف ملاك كانت تحضر في هذا المستشفى عده من التطبيقات وتشارك وتتطوع كثير يعرفونها ويعرفون شغلها المتقن وشغفها جيلان كانت زميلتها ويعرفون شغل بعض بس مايحتكون كثير في بعض بس وقت الشغل
ملاك: جيلان معي؟
ضحكت: تبينها معك جبناها
ابتسمت جيلان بفرح طالعت ملاك في فرحتها: اجل تم
البروفيسوره روز: تعالي مكتبي
دخلت وكان المكتب دبل وسع حقها كبير وعصري تصميمه كان كلاسيكي وهادئ طلعت ورقه: وقعو عليها
وقعو وهم يبتسمون بفرح روز: مبروك عليكم انضمامكم
قالو مع بعض: يبارك فيك
روز: ولاكن شغلكم بيكون الين الساعه ثلاث الفجر
ملاك بحماس: عادي مايهم
جيلان: نخليه شفتات طيب نقدر؟
روز: لا لازم تكونون مع بعض شفتات تكون على حسب الي تبي تاخذ الأخطر ولا الخفيف طبعاً ذا بينكم
جيلان تنهدت: تمام الله يكتب الي فيه الخير
ملاك: بكره نباشر ؟
هزت راسها بنعم: تقدرون تطلعون
اخذت جيلان عباتها وهي تبتسم أقبلت وحضنت ملاك طالعت فيها بدهشه: شفيك؟
جيلان سحبت شعر ملاك وتأوهت بالم: اه عورتيني
جيلان ضحكت: مجنووونه احبك احبك مستحيل ماكنت أتوقع في يوم بكون في طاقم روز تدرين من يجي ؟رواد أعمال  وكبار شخصيات
ملاك ضحكت: هذا الي هامك أنا همني شغلي صراحه
قبلتها وطلعت