صــدفة الحــب

ركز في هدفك جيدا كما لو أنه سيقودك إما للهلاك أو النجاة 🧠✍️🏻

{ممنوع الإقتباص أو إعادةنشر القصة أوجزء من أحداثها 🚫⁉}

[دق، دق،دق] تسمع دقان ديال الباب تحبسو الانفاس ديالهم يجوج و الخلعة شداتهم من صبعهم صغير .
صونيا :هاهو جا باش يقتلني ها هو جا عفاك أخالتي متحليش الباب .
سمية [ بخوف و تلعتم]: شكون .
•تسمع صوت من جيهة المعاكسة الباب .
سمية[بتلعثم] : ش.. ش.كون .
****:سلام عليكم لالا حنا شركة مختصة بالعطور و الكريمات و درنا واحد الحملة لترويج المنتوج ديالنا.
سمية[ تنفست بارتياح]: لالا أختي مبغينا والو شكرا.
****: يمكن ليك تحلي الباب و تشوفي المنتوجات ديالنا و ديك ساعة حكمي.
• حلات سمية الباب باش تنهي الموضوع و تفهم البنت أنه را بصح مخاصها والو و جاتها ناقصا أنه تهضر معاها من وراء الباب حتى تحبسو الأنفاس ديالها باش شافت سعيد واقف مع ديك البنت، دفع سعيد بالجسد ديالو الدار ليكون ذخل وسطها.
****[و هي موجهة الهضرة السعيد]: خلاصي عفاك.
سعيد : سيري تالعشية و غنعطيك.
****: شتي أسعيد ديما كدير معايا هاذ البلانات.
سعيد : قلت ليك سيري.
****: تفووو لهوما نمشي بحلاتي بناقص من بريكولاتك خاوين بحال عقلك.
• سمية حاولات تسد الباب و دفعو باش سخرج ولكن مقدراتش بحكم هو عندو بنية لي كبيرة بدا كيدور راسو في دار حتى حبط راسو و شاف صونيا لي مخبيا ورا سمية تحنى و شير ليها بيدو باش تجي و لكن هي رفضات رفض قاطع و حتى سمية كانت رافضة هادشي سعدية كتشوف و ساكتة مقادرا دير والو و شنو غدير و هي مرا كبيرة مبقا ليها لا صحة لا جهد.
سعيد [موجه هضرتو السمية]:متوحشتينيش زعما ها مدوزناش القليل.
سمية : أش غادي نتوحش واحد شماتة مكيسواش بحالو بحال خوه.
• يلة بغا يهز يدو و هو يتفكر أنها دايرا ليه إلتزام بعدم التعرض و إلى مشا تا قاصها غيمشي فيها و لي واقع هنا أنه سعيد كان باغي يتزوج بسمية و لكن هي مبغاتش حيت هي عارفا ديك العائلة كيدايرا و فاش مبغاتش تعدا عليها و كان ضرب19سنين ديال الحبس و غير خرج هو ذخل خوه 19 سنين دازت في رمشة عين تا حد معرفها كي دازت لي كبر را كبر و لي مات را مات و لي تولد را تولد.
سمية : مالك تراجعتي ها ولا خفتي ترجع فين كنتي[بإشمئزاز] الخنز و الوسخ شو حالتك كي دايرا كي الكلب موسخ [بالغوات]يلة خرج عليا دابا خرج.
سعيد [ابتاسم بجنب ]: غنمشي ولكن غنرجع غير حضيو جنابكم و صافي متعرفو منين نخرج ليكم [طلق قهقهة دالة على أنه تايق في راسو و خرج ساد الباب موراه]
• رجعات سمية سدات الباب بالساقطة و تكات على الباب و بقات كطيح بشوية بشوية تا وصلات الأرض عنقات وجها بين ركابيها و بدات كتبكي مشات عندها صونيا.
صونيا [ و هي كتلوم في راسها]: سمحي ليا أخالتي سمحي ليا و اللهما قصدت نآديك والله و اللهما قصدت نجيبو الهنا.
سمية [جراتها عندها و عنقاتها]: أنت مدرتي والو أبنتي أصلا هاذ النهار كان غيجي غيجي.
•سعدية تاجهات العند سمية و صونيا و بدات تعنق فيهم و تبكي كلهم تجمعو حدا الباب و بداو كيبكيو و يشهقو كلهم معارفين شنو غيوقع ليهم من هنا القدام.
{في العشية مع ديك 4:30}
•كل واحد شاد قنت و كيخمم كل واحد و فين سارح بيه تفكيرو نطقات سمية.
سمية [ تنهدات]: أش عند الميت ميدير قدام غسالو الحل الوحيد لي غندير هي غندسكلاري بيه[ناضت كتقلب على تيليفونها فين لايحاه.
سعية [ ناضت تابعاها]: أينتي را غيشدوه نهار ولا يوماين و غيطلقوه و خاصة أنه مقاصكش و معليك تا شي علامة من الأحسن بلاش ولا هاد شي غيزيد غير يتعقد.
سمية: و شنو غندير ها نخليه تا يدير فينا شي حجا نخليه تا يصفيها الشي واحد فينا و شكون عرف بلي أنه ميقدرش يدير نفس الحاجة لي دار شحال هادي ها شكون ضمن لينا هادشي.
سعدية : بنتي را معندو ميدير مادام هو عارف أش غيطرا ليه و نخليوها على ربي أبني و دوزي تجلسي.
سمية : ماما أنت عارفا مزيان مناش دزت و الخد الآن مزال مبريتش في نفسيتي و مزال كنخلص حاجة مدرتهاش بيدي واش مبنتش ليك كيفاش مزال معدبة و غير كنصبر في راسي ها.
سعدية [جراتها و عنقاتها العندها]: صافي أبنتي صافي سكتي راكس كتحرقي ليا قلبي كتر ماهو محروقا عليك مقديتي ديري دارك كيف البنات مقدتي تفرحي براسك.
• بقات سعدية معنقة سمية و هي كتشهق بينما صونيا غير حاضيا من بعيد و هي لي يلة قالت صافي حياتنا تقادات و كلشي ولا مزال غير مكتحس بالمشاكيل كينزلو عليهم فجأة بحال صاعقة.
نسرعو الأحدات بعد مرور أسبوع سمية غا حاضيا راسها و ولات فينما تبغي تمشي الخدمة تهز معاها واحد رشاشة فيها السودانية و البزار باش لتعرض ليها تحرق ليه عينيه و تهرب و دارت تا واحد التطبيق ديال التعقب عندها و عند صونيا.
{ يوم الإثنين بضبط 8:30 ديال صباح خرجات}
•خرجات سمية كيف العادة كتسنا شي طاكسي يوصلها الخدمة و بالفعل و قف طاكسي و ركبات بلا متشوف سائق حيت زربانة .
سمية : الحي ***** وزين **** عفاك
مول الطاكسي : واخة ألالا.
•سمية استغربات حيت مخافيش عليها داك الصوت طلات على مول طاكسي تا تصدمات باش لقات سعيد هو لي سايق طاكسي بدات كتحل في الباب باش تهرب ولكن كان ساد الباب ديجا بدات كتغوت.
سمية : هبطني هبطني بحالي الكلب هبطني [بدات كتخبط في جاج و تغوت]
سعيد [ضحك ضحكة مجهدة]: غير غوتي و خبطي تا تعياي را أصلا مغتلقاي لي يعتقك را تا خد مكيسمعك مور الجاج.
• بدات سمية كتقلب في ساكها على داك الرشاش محسات غير بسعيد ضار و جر ليها صاك .
سعيد : باغا تعيطي على البوليس ههههه مالك زعما بحالا باقا معرفتيش راسك معامن .
•طلق عليها واحد رشاش لي خلاها تفقد الوعي ، و بعد فترة لي قصيرك وصلو الواحد الخلاء و فيه واحد العشة لي صغيرة هبطها و ذخلها حطها في واحد المضربة و البيت لي كان موسخ كلو عامر غير بالقراعي ديال الشراب و سراق زيت في كل جيهة خرج سعيد و سد عليها الباب باش يرد الطاكسي المولاه ، حلات سمية عينيها بتقالة .
سمية [ شادا في راسها و كدور عينيها في المكان]: فين أنا [هي لي تفكرات شي حاجة  ناضت كتخبط في الباب و تغوت] حل عليا حل الكلب حل عيا[عيات متخبط و تغوت والو مكاين جواب حاولات تشوف شي مخرج ولا شي حاجة تفرقع بيها الباب والو ملقاتش بدات كدعي الله غير باش صونيا ضرب طلة على التعقب لي دايرا و تعرفها فين كاينا]
•رجع سعيد و حل الباب و ذخل .
سعيد :كيحسابليك صافي قطعتي الواد و نشفو رجليك ها غير ندوز أنا 19 العام في الحبس و أنت تعيشي حياتك ها إوا الالا هادشي هو لي معمرو غيكون أنت ديالي و غتبقاي ديالي واش فهمتيها.
سمية : أنا مديال حد أنا ديال راسي و غنبقا ديال راسي و ميمتي و بنت أختي فقط.
سعيد : إوا بقاي مقصحة راسك را معمرك مبقيتي غتخرجي من هنا إلا في حالة وحدة و خي لكني ميتة.
سمية : نفضل نموت على نقبل بواحد لي بحالك مفقلبو لرحمة لشفقة.
• مجاوبهاش سعيد و إكتافا غير باش يخرج و يخبط عليها الباب حاولات سمية باش تعلق فيه و تخرج ولكن ذفعها في الأرض.
[ في العشية و بضبط 6:30]
•الأمور متوترة في الدار لخقاش سمية مولفة كتخرج من الخدمة مع 4:45و لتعطلات تتوصل مع 5:30 الدار عياو ميعيطو والو مكيشدش ريزو شوية صونيا تفكرات أنه خالتها دارت تعقب في تيليفوناتهم بدات كتقلب تا لقاتها في واحد القنت لي معروف أنه غير خلا ضارت صونيا عند جداتها.
صونيا [بهلع ]: الميمة سمية خطفها سعيد.
سعدية [بخوف]: أش كتقولي أنت باش عرفتيها.
صونيا [كتوريها البلاصة لي لقاتها في تيليفون]:هانتي شوفي هي فين و هي معندهاش كاع باش دوز تما و أصلا ماشي طريقها هاذي.
سعدية : عيطي على البوليس دابا و متعطيش على سمية ليمشي يعييق بينا لاخر يلة أبنتي سربي.
صونيا [ و هي كلها كتقفقف دوزات الإتصال للرقم 19]: ألو عفاكم عتقو را خالتي مخطوفة [ و هي كتبكي ] عفاكم عتقوها.
البوليسي: غير بشوية أبنتي و قولي لينا أش طاري.
•عتودات ليه صونيا أش كاين بتفاصيل .
صونيا : صافي شكرا بزاف.
البوليسي :مكاين لاش تشكريني هذا واجب.
• تقطع الإتصال و بقاو كيتسناو شي خبار .
{عند سمية و هي مزال تتغوت و تتقلب شي بلاصة تخرج منها }
سعيد :غا بقاي تغوتي تما را تخد مغيسمعك را غا الخلا.
سمية : الحمار الكلب الله ينعل النهار لي شفتيني فيه.
•يلة ناض باغي يوقف باش يحل عليها و يسكتها ولا يربطها ولا يشوف شنو يدير باش تسكت  حيت ضراتو في راسو ، حتى تسمع صوت ديال البوليس جايين هو علق معقلش كاع على هذيك لي حابسها الداخل ولكن معندو فسن يهرب حيت أصلا شايفوه تبعوه واحد جوج و جابوه كيتمرغ في الأرض.
سعيد[و هو كيتنتر منهم]:طلقو مني طلقو مني أنا والو.
•فركعو الباب ديال داك البيت و جبدو سمية و هي كلها كترعد و حالتها حالة و لقات بلي ماماها و بنت ختها حاو باش يطمنو عليها حيت تاصلو بسهم و قالو ليهم را لقيناها مشات سمية كتجزي عند ماماها عنقاتها باش تحس شوية بالأمان مشات صونيا تا هي بدات كتهدن فيها و تعنق فيها بعد مدة داوها البوليس باش تعطي الأقوال ديالها و بهاذا سعيد عاود ذخل الحبس بتهمة الإختطاف و ترهيب و هو أصلا عندو إلتزام باش عمرو يتعرض ليها و بهذا كيكون خلف بالإلتزام و تحكم عليه ب 10سنين ديال الحبس و هكا كيكونو تفكو من داك الخمار باش يرتاحو غا شوية ديك اليلة كاملين نعسو عند سعدية معنقينها و دايرين سمية وسطهم و سمية لي دوزات ديك الفترك صعسبة بزاف كانت مكتقدش تخرج ولا حتى تنعس كانت الى تسمعات ليها غير شي حاجة تقرقبات كتثفز و تولي ترعذ ختى من الخدمة مبقاتش كتمشي ليها وكون مكانتش عندها شهادة طبيك كون جراو عليها .
صونيا [ بحصرة]: خالتي أش بان ليك نخرجو أنا وياك نضورو و نضحكو و نفوحو  شبان ليك.
سمية : لالا غا خلينا في دار أصلا ما فيا لي يخرج .
صونيا: شوفي حالتك كي ولات وليتي صفرة شوفي و عينيك تحتهم كلو ولا زرق.
سمية [ يدات كتشوف في حالتها و في يديها]: لالا عادي.
صونيا: كنتي ديما مهليا في راسك و نهار ميدوزش الى مدرتيش شي ماسك شوفي كي هملتي راسك.
سمية : صاراحا بصح ولكن را ماشي الخاطري والله.
صونيا : يلة نوضي دابا لبسي حوايجك نخرجك و بلا متقولي ليا مفياش.
• يلة سمية بغات تنطق و هي تنوض صونيا تبدل حوايجها و خلاتها تتفكر و في لخر إستسلمات الأمر الواقع و مشات تتقلب على حوايجها ما تلبس ، خرجو  و ضحكو و نشطو شوية و هي تحبس سمية و حبسات دنيا كاملة تخلات سعيد واقف في طرف تاني ديال شانطي و شاد شي موس و كيقول شي كلمات كاع ممفهومين طاحت سمية في الأرض و بغات تتغوت و تتمرغ في الأرض و صونيا تتهدن فيها و كتبكي و سمية كتشير على الفراغ و كتقول را هو جاي كيجري ضورات راسها لقاتو دا الخيال موراها ناس كاملين تجعو عليهم سمية تنترات من صونيا هاربة من داك الخيال  و صونيا تابعاها باش تشدها حتى جات واحد الطومابيل بواحد سرعة  ....

{و هنا نقدرو نقولو أنه وصلنا النهاية الجزء نتمنا يكون نال الإعجاب ديالكم الكبيدات نشاء الله عن قريب نلوح ليكم الجزء الخامس لي غيوقعو فيه يزاف ديال الأحداث تا هو شنو في نضركم غيطرا و شنو هما الأحداث لي غيوقعو هادشي كامل غنعرفوه في الجزء جاي إنشاء الله 🦋🍃}
~|في أمان الله و حفظه تشاو تشاو🤗🌹|~
✍️بقلم:kakitawa