صــدفة الحــب

حتى لو كنت أنا أنت أو أنت أنا فكنت سأحبك أنا في كل الأحوال☺️

{🚫ممنوع الإقتباص أو إعادةنشر القصة أوجزء من أحداثها 🚫⁉}

•مشات جابت القهوة و عطاتها الرعد و غير  ضارت باش تمشي البلاصتها حتى وقفنا صوت ديال رعد .
رعد : بغيت نسولك .
•صونيا لي شداتها تقفقيفة و يحساب ليها بلي صهيب برگگ بيها العندو .
صونيا(بخوف) : نعام سول أموسيو .
رعد: شنو الإسم ديال الأب ديالك و الأم ديالك .
صونيا : علاش واش أتحتاجوهم في الخدمة .
رعد : هادي إجراءات كان يديرها الوليد و كان وصاني باش نسولك.
صونيا : ماما سميتها سميحة الغزواني  و الأب  عمر الإدريسي ( نطقات ديك الكلمة ديال الأب بكل امتغاض).
رعد ( لي بانو ليه الأسماء مألوفين ولكن معقلش فين سمعهم ): صافي يمكن ليك تمشي الخدمة ديالك .
صونيا: واخة أموسيو .
• مشات صونيا كتخدم في شي وراق كانو عندها في الوراق حتى سهات في الفراغ بداو كيرطعو ليها شي ذكريات مع ماماها و القصاوة لي عاشوها نزلات من عينها دمعة مساحتها دعيت و طاولات تنسي رأسها واخة را متقدرش تنسا غير كتكدب على رأسها .
رعد: صونيا نوضي جيبي ليا واحد دوسي من عند الموظفة هناء .
صونيا : واخة موسيو .
• داز داك نهار بيخير وصل الوقت كل واحد كشا الدارو و وصل رعد الدار أول حاجة دارها مشا عند باه .
•دق عليه في المكتب ديالو .
[دق،دق،دق]
موسى( و هو شاد واحد الكتاب و يكتب فيه شي حاجة ديال الخدمة): دخل .
رعد (كل الباب و ذخل و باس الباه راسو  جلس في الكرسي المقابل ليه): را عرفت شنو الإسم ديال الأب ديالها و الأم ديالها كيما خبرتسني نسولها  .
موسى (سد الكتاب و بدأ كيسمع ليه بكل تركيز) : و باش جوباتك.
رعد: ماماها سميحة الغزواني و باباها عمر الإدريسي.
موسى : أربي شهاد الصدفة .
رعد : شنو واقع الوليد .
موسى : واش عقلتي على سميحة لي كانت خدامة عندنا كانت عندها واحد البنيتة كتجيبها معاها بالإمارة كنتو كتلعبو انت وياها .
رعد ( و هو بحالا ولا كيستوعب اش طاري): اه هذيك الخدامة لي كان عندها معانا شي 13 عام لي  ماتت العام الفائت الله يرحمها .
موسى : اه هذيك المرأة أوليدي  ااه على صدفة مسكينة كانت مكرفصة كانت ديما كتجي تعاود الماماك على داكشي لي كتعيشو و المشكلة أنه البنت ماشي بنتها  بنت ختها و ختها مفراسهاش بلي هذيك را بنتها مهم قصة طويلة بزاااف هادشي كانت كتعاودو ليا غير مامك .
رعد : يعني سكرتيرة هي البنت لي كنت كنقلب عليها .
موسى : كيفاش .
• رعد بلا ميجاوب باه هز سوارت و تيليفونو دوز الخط الصونيا .
رعد: جاوبي دغيا /جاوبي .
•صونيا لي كانت كالسا كتاكل في زريعة و شادة الحديث مع خالتها و جدتها حتى كتسمع تيليفونو ديالها كيصوني ساست حوايجها من ديك زريعة و ناضت تشوف شكون تا كيبان ليها رعد لي كيعيط مشات الغرفة ديالها و دوزات الخط.
صونيا : ألو سي رعد ياكما كاين باس.
رعد : سيفطي ليا العنوان ديالك .
صونيا :علاش أسي رعد.
رعد (بعصبية ) : سيفطي و باراكا من الأسئلة ، ولا عرفتي شنو أنا عارف كي اندير نلقاك ( قطع عليها بلا ميخليها تجاوب و دوز الإتصال العند أحد الموظفات ) ألو إيناس دابة عطيني لادغيس ديال صونيا .
إيناس: واخة موسيو .
•قطع الخط و سيفطات ليه لادغيس و ديك ساعة تبع الموقع تا وصل الباب صونا خرجات عندو جداتها.
سعدية : شكون أنت أوليدي.
رعد : المدير ديال صونيا واش تقدري تكلميها ليا .
سعدية : واخة أوليدي ،صونيا أبنتي صونيا أجي شوفي  را المدير ديالك كي سول عليك.
صونيا( جات صونيا و هي ملوية عليها واحد الكاب ): نعام أسي رعد شنو واقع.
رعد ( جرها من يدها  و خارجها) : عندنا الخدمة ضروري خاص نساليو ليوم( يلة تم غادي و هو يتلفت العند جدات صونيا ) خالتي أنساليو الخدمة و ترجعها ليك الدار.
سعدية : ولكن أولدي ....
رعد(قاطعها ) : متخافيش أخالتي محدها معايا أتبقا في أمان.
صونيا: فين غادي بيا .
• رعد جرها بلا مينطق و دخلها الطوموبيل و سد عليها مجاوبها حتى وصلت البحر ، نزل و نزلها  وقفها مقابل معاها  ، و عنقها بدون مقدمات .
رعد : أنت حقيقية ولا كنحلم .
صونيا ( نترات منو) : واش أنت مصطي ولا شنو شكدير .
رعد( شدها من كتافها و حط عينيه في عينيها): واش معقلتيش عليا أنا رعد رعد أصونيا الوعد لي درنا أننا عمرنا نتفارقو باش كنا صغار عقلتي على باش كانت ماماك مساعدة عندنا و كنتي كتجي معاها.
صونيا ( لي عقلات و استرجعات سينتا):رعد أنت رعد فين مشيتي كنت و خليتني بوحدي ها عيت منتسنا فيك ( و بدات كضرب فيه ) .
رعد : كان خاصني ضاروري نمشي كون ممشيتش مكنتش أنيقا قدامك واقف كون را داز على الموت ديالي 9سنين دابة .
صونيا(بعيون دامعة ) : كيفاش .
رعد : كنت مريض بسرطان الدم و كان خاصني ضاروري نسافر البرا باش نداوا دوزت تما عاملين ديال العلاج و كان خاصني نبقا تما حتى يتأكدو أن المرض مشا  و مغيعاودش يرجع .
صونيا: علاش مقلتي ليا والو ياك كنا متافقين أننا مغنخبيو والو على بعضياتنا .
رعد(جرها العند عنقها ) : مغديش يطر كيف قبل كنواعدك .
• صونيا لي عاد مزادت في الوتيرة ديال البكا  ديالها .
صونيا:بغيت نمشي بحالي.
رعد : واخة انوصلك الداركم .
•ركبو في طوموبيل و توجهوا الدار ديال صونيا حبس قدام الباب .
رعد : و أخيرا لقيتك .
•هبطات صونيا و دخلات الدار قبل متجاوبو و هو لي تنهد و دينارا طوموبيل و زاد ،تلقات ليها سعدية في الباب .
سعدية : ساليتو الخدمة أبنيتي .
صونيا: ساليت أمامي ساليت .
•دخلات صونيا نيشان البيت ديالها و سداتو داوها أفكار و جابوها أفكار و في لخر إستسلمت لنوم أما هو لي غادي جاي في البيت ديالو و كل مرة كيبتاسم بلا ميحس.
{أصبحنا و أصبح الملك لله }
• مشا رعد و هو مبتاسم الخدمة و أول مرة الموضفين كيشوفوه هناك كلشي مستغرب من هاد تحول لي جرا ليه كان غادي عادي حتى عيطات له إيناس .
إيناس :سي رعد عندي ليك واحد الحاجة .
رعد :باستغراب تا اجيبها ليا صونيا البيرو .
إيناس : را عليها الهضرة إموسيو .
رعد ( باستغراب ): عطيني نشوف.
•شدها في يدو و لقاها الإستقالة ديال صونيا قطعها و حطها و مشا البيرو ديالو بدأ كيخبط و يشتت كلشي هز عاوتاني كونطاك ديالو و  تاجه الدار ديال صونيا ملي وصل نزل و صونا حلات ليه صونيا و غي ر شافتو و هي تبغي تسد الباب حتى حبسها و دفع الباب و دخل .
رعد : بغيت غير ندوي معاك أصونيا .
سعدية (اي جات كطل): أشكون أصونيا (حتى لمحات رعد)هذا انت  أوليدي زيد دخل .
صونيا: لا را ...
رعد(مقاطعها) :ترحب بيك أخالتي الجنة هانا أندخل نحيد غير صباطي .
سعدية: مرحبا بيك أوليدي دخل زيد تفضل.
•دخل رعد سلم على سمية و جلس دخلات صونيا و سعدية الكوزينة كيوجدو في أتاي حلات صونيا سعدية كتوجد أتاي حيت قالت ليها غير تجلس هي غتوجد كلشي  مشات جلسات و هي مكتشوفش جيهت رعد لي عينيه محيدوش عليها .
سمية : واش كاين شي موشكيل ولا شنو.
رعد: أنسة صونيا حطات الإستقالة ديالها بلا أي سبب و جيت باش نعرف علاش مع أنه مطرا حتى مشكيل لي يخلي تستاقيل.
سمية: واش ستاقلتي من الخدمة.
صونيا: ااه مابقيتش مرتاحة و ستاقلت.
رعد : شنو لي مغيخليكش مرتاحة معانا .
صونيا(سهات في عينيه لثواني بحالا باغا توصل لسه علاش هي مبقاتش بغات ديك الخدمة ): غير أنا مابقيتش بغيت نكون تما و صافي.
رعد :واش مفراسكش بلي خاصك تخلصي 20مليون لمكملتيش عام خاصتا و حنا دايرين عقد .
صونيا: كيفاش .
رعد : كيفما سمعتي را كلشي مكتوب في العقد لي سنيتي .
صونيا: اوا را هادشي سميتو نصب و الإحتيال.
سمية: اي شركة أبنتي كتخدم هما فرا عادي .
صونيا:واش هادشي كيعني انني خاصني نرجع نخدم .
رعد : اه ولا تتخلصي 20مليون .
صونيا : ولكن أنا مبغيتش نخدم صافي مابقيتش مرتاحة ولا مبغيتش غنخلص و انا معنديش باش نخلص .
رعد(بكل ثقة في نفس و عجرفة): اوا شوفي لي كيسلكك.
صونيا : افففف أربي عام واحد أقسم بالله منزيد عليه و غنخرج من هاد الخدمة .
رعد : اوا نخليكم دابة صونيا تقدري توصلني الباب.
سعدية ( و هي جاية و هازة صينية): أفين غادي هاد أناس أمن مصايباه أنا .
رعد : را داكشي لي جيت قضيتو أخالتي تالمرة آخرة .
سعدية (و هي مصرة): و الأهالي تگلس بالله على أنا هاد أتاي لمن موجداه ، شوف بلا متزياد معايا في الخضرة كاس شرب كاسك و سير ديك ساعة .
رعد( بابتسامة): مسكون غا خاطرك أ خالتي سعدية ( مشا رجع فين كان جالس و بقا حاضي التحركات و شوفات ديال صونيا)
صونيا(في نفسها): أربي كي ندير نبعدو عليا أه عارفا راسي كنت كنبغيه باش كنت صغيرة و تا دابا كنحس بشي حجا ولكن أربي سهمو ماشي من سهمي بعدو عليا ز خليه مرتاح في حياتو و اصلا را غير أيعرف الماضي ديالي غيهرب مني من الأحسن بلا ميعرف و يبعد.
سعدية(و هي كتشير يدها حيهت صونيا) : وا بنتي صونيا تي فين سهيتي هادي كاسك تاع أتاي.
صونيا(فاقت من سهوتها): هامدنا أمامي معاك مسهيت موالون (سداتو الكاس من عندها و رشقات منو جغمة و حطاتو)
سعدية(صارت جيهت رعد): هاك أوليدي حط ليك شوية الحلوة را ديال الدار .
رعد(هز وحدة من طبسيل): شكرا على ضيافة.
سعدية: هذا واجب أوليدي إكرام الضيف من صفات الرسول صلى الله عليه و سلم .
كلهم : عليه الصلاة و السلام .
رعد( ناض من بلاصتو ): اوا هنا تسالي الضيافة أخواتي خاص نمشي شكرا حيت ضايفتوني و الله يخلف (ضار جيهت صونيا لي ساهيا)صونيا تقدري توصلني معايا الباب .
صونيا: هلا واخة ( ناضت صونيا و هي باقة غارقا في أفكارها مكتحس غير بيه ضورها العندو و تقابل معاها بالعينين).
رعد( و هو غارق في عينيها): صونيا علاش واخة عرفتي شنو كاين مبغيتيناش نرجعو كيف كنا.
صونيا(في نفسها و هي بحالا كتحاول تعصر معاه غير بعينيها): منقدرش أراد منقدرش الماضي ديالي مكيسمكش ليا .
رعد( وهو كيتسنا الجواب) : جاوبيني أ صونيا .
صونيا( بعدت على عينيه): حيت مبقيت كنحس من جيهتك بوالو .
رعد :كتكدبي.
صونيا : علاش أنكدب.
رعد : شوفي ليا في عينيا و قوليها .
صونيا(هزات عينيها فيه و عينيها لي غرغرو واحد شوية): مبقيت كنحس من جيهتك بوالو رتاحيتي دابا.
•رعد لي غير سمع الخضرة ديالنا حل الباب و خرج بلا ميجاوبها ، أما صونيا سيدات الباب و نكات عليه و بدات كتبكي بلا متشعر كتحس بأنه أي خطوة كتبغي ديرها الماضي ديالها كيحبسها معرفاتش واش بصح الماضي ولا هي لي داخلي الماضي يتحكم فيها سمعات جداتها كتعيط.
صونيا(مسجات دموعها بزربة):هانا جاية.
•مشات صونيا جيهت الصالة فين كانو گالسين حتى كتصدم ....

{و هنا نقدرو نقولو اننا سلينا هاد الجزء نتمنا يكون نال الإعجاب ديالكم الكبيدات نشاء الله عن قريب نلوح ليكم الجزء  العاشر لي غيوقعو فيه يزاف ديال الأحداث شنو في نضركم غيطرا و شنو هما الأحداث لي غيوقعو هادشي كامل غنعرفوه في الجزء لي مورا هذا إنشاء الله 🦋🍃}
~|في أمان الله و حفظه تشاو تشاو🤗🌹|~
✍️ بقلم:kakitawa 🌺