صــدفة الحــب

كانت فترة من الحياة و مرت لكن مالي أزال أستحضرها في ذاكرتي😕💔

{ممنوع الإقتباص أو إعادةنشر القصة أوجزء من أحداثها 🚫⁉}

•هو لي ملي طلع راسو و شافها كيفاش مازلت و كيفاش كتحيد شعرها لي عينيها بلا ميحس نطق .
رعد (نطق و عينيه مفيكسيين على صونيا ):جيتي زوينة بزاف .
صونيا ( دارت رأسها مسمعاتش ): نعام .
رعد (فاق على راسو) : يلا را تعطلنا .
•طنشات صونيا الموضوع هزات صاكها و تبعاتو ركلات في طوموبيل وصلو الشركة الأنضار كاملة عليهم خاصة هاذي الفترة لي ولاو كيمونو بزاااف مع بعضهم دخلو الإجتماع من ورا ما وصلو بساعة جاو الضيوف المهمين دخلو و جلسو و رعد لي مترأس طاولة الإجتماع و كيدوي ليهم على الشركة و المتقدمات لي دايرة و تفاصيل عملهم .
رعد ( و هو مركز في كل كلمة كيقولها و كينطقها بكل تقة ): و هنا أسي الشرقاوي كنشوف الكم الهائل من الطلبات لي تراكمت يعني ماشي أنا بوحدتي لي غنحقق أرباح من هذا الشراكة تا أنت غنحقق الكثير معانا .
سي شرقاوي ( و هو مبتاسم): و هنا نقدرو نقولو مرحبا بالشراكة ديالنا .
•وقع على العقد شافت صونيا في رعد بارتياح و هو كذلك و هما غافلين على نظرات ديال بنت سي شرقاوي جنى لي جابها معاه و هي كتحرق بالحسد و الغيرة ، للملاحظة سي شرقاوي صاحب بات رعد ولكن واخة هكك عندو الخدمة في جيه الصحبة في جيه يعني عندو نيشان نيشان نرجعو العند جنى لي كتبغي رعد ولا نقدرو نقولو باغا تملكو و صافي أي حاجة خاص تكون ديالها لي شافتها را ديالها و لي ما شافتها عندها نص فيها صاراحا منكدبوش جنى بنت زوينة حروف محلين و حسم منحوت و لكن الحاجة الخايبة هي أنها حقوودة و مفشة الواحد درجة لي بزاااف ميقات فيهم و ناضت سلم سي شرقاوي على رعد و رحبو بالشراكة ديالهم و تفضلو الخارج و قبل متخرج نطق سي شرقاوي .
سي شرقاوي ( و هو موجه هضرتو الرعد ): بما أنه أنوليو شركة فرا بنتي جنى هي لي غتولى المكان ديالي هنايا يعني وجدو ليها شي بيرو حيت بنتي جنى كتكوت على الخدمة و ديما غتلقاها هنايا .
رعد : اه علاش لا مرحبا بيك أسي شرقاوي .
سي شرقاوي: و سلم على باك و قوليه را غندوز عندو هاد سيمانة شحال مجتمعنا أنا وياه .
رعد : مُبلغ .

•مشا سي شرقاوي هو و بنتو و رجع كل موضف المكان الخاص بيه ،ضار رعد بعفوية حتى بانت ليه صونيا لي واقفا و كتشوف برضا جيهت الباب لي خرج منو سي شرقاوي ضارت تا هي كتشوف جيهت رعد لي لقانون كيشوف فيها حنان عينيها و رجعات شعرها ورا ودنيها و ضارت غادة المكتب ديالها و هي مغافلينش عليها دوك نضرات ديال رعد ، أه هي باغاه و كتموت عليه ولكن هي كتقول بلي كل واحد و العالم ديالو كل واحد و فين عايش و مصادر حياتو كيداير هوما مختالفين على بعضياتهم بزاف و لكن كيبقا القدر هو المسيطر على كل قصة حب سواء كان خاب ولا زوين الدور ديانا حنا كبشر هو أننا نرضاو بيه ، تحل المكتب و ذخل رعد لي بانت ليه صونيا ساهيا مشا في إتجهها و وقف .
رعد( و هو كيشوف فيها ) : ليوما خدمتي خدمة واعرة و كيبانليا غنجازيك بشي عشاء أنا وياك أش بأن ليك .
صونيا (ضارت كتشوف ليه عينيه ): لا خاصني نمشي الدار منقدرش نخرج معاك و زيدون حنا حدنا الخدمة فقط .

•رعد محاوبهاش و مشا البيرو ديالو أما صونيا لي حسات براسها بلي قصحت معاه الهضرة ولكن شغادير خاصها دير كتر من هكا باش تبعدو عليها ، تحنات على دوك لي ضوسي و معاوداتش هزت راسها في رعد .
•ندوزو المكان آخر عند جنى و سي شرقاوي في سيارة .
جنى : أففف أبابا أنا فرحانة بزاف حيت غنخدم مع رعد واو شي حاجة زوينة بزاااف .
سي شرقاوي ( و هو باقي كيشوف في حاج ديال سيارة ) :ديري عقلك و تقلي أبنتي .
•جنى طنشات باباها و هزات تليفون كتصور .
•نرجعو القبل جوج سيمانات بضبط في دار سي شرقاوي فين هبطات الخادمة كتجري عند سي شرقاوي لي كان شاد جورنان و كيشرب في القهوة .
الخادمة ( و هي كتجري و باين الخوف على وجهها ): سيدي سيدي لالا جنى شربات دوا ديال الإكتئاب كامل .
سي شرقاوي ( ناض بخوف طلع عند بنتو كيطبطب على وجهها ): جنى بنتي جنى فيقي و غندير داكشي لي بغيتي أبنتي فيقي .
•بالمناسبة جنى يتيمة الأم حيت ماتت باش كانت تتولد فيها  و هادشي لي كيخلي سي شرقاوي كيدير أي حاجة على قبل بنتو كيدير راسو الأم و الأب ليها و هادشي لي كيخليه كيقولش لا البنتو حيت تقدر دير أي حاجة في راسها .
{و هنا نقدرو نقولو اننا سلينا هاد الجزء نتمنا يكون نال الإعجاب ديالكم الكبيدات نشاء الله عن قريب نلوح ليكم الجزء  الثاني عشرلي غيوقعو فيه يزاف ديال الأحداث شنو في نضركم غيطرا و شنو هما الأحداث لي غيوقعو هادشي كامل غنعرفوه في الجزء لي مورا هذا إنشاء الله 🦋🍃}
~|في أمان الله و حفظه تشاو تشاو🤗🌹|~
✍️ بقلم:kakitawa 🌺