صــدفة الحــب

فماذا عن قلب أصبح كطائر عنقاك اردت إحياءه بحرقه لكنك أخطأت في طريقة الإنجاز 💔🥀

{🚫ممنوع الإقتباص أو إعادةنشر القصة أوجزء من أحداثها 🚫⁉}

صهيب و رعد : واحد ، جوج ،ثلاتة .
الخادمة ( جات الخادمة كتجري و تعيط على العمة ): لالا سيهام لالا سيهام لالا سيهام.
سيهام ( العمة ): نعام أ رقية مالك كتغوتي .
الخادمة: سي زوهير في الباب .
سيهام : ها ولدي جا ( مشات كتجري جرية تقيلة بحكم أنه هي مرا كبيرة في العمر ، رمقاتو حدا الباب طالع في الدروج ، مشات كتعنق فيه و تبوس و تقول مبست و علاش لا و وليدها مشافتوش 7 سنين )فين تعطلتي عليا أوليدي فين حتا من نمرتك مبقيتي تجاوب فيها .
زوهير: را غي مع الخدمة الواليدة حقا نوريك شنو جبت معايا .

سيهام: خلي تا ندخلو و وريها ليا .
زوهير :لا خاص نوريها ليك هنا (ضار جيهت الباب و عيط بلغة أجنبية ) جويلا دخلي .
•دخلات واحد البنت شقراء لي باينة ماشي مغربية دايرا بحال هدوك عارضات الأزياء جات و وقفات حدا زوهير بينما هو حاوط كتافها بيديه .
سيهام(شافت في ولدها بإستغراب): شكون هاذي زوهير .
زوهير: هادي جويلا أماما مراتي و راه أسلمت و جينا باش نديرو العرس هانيا .
سيهام (شافت فيه بغضب) : و انت عاد تفكرتينا تا درتي في طاجين ما يتحرق متفكرتي را عندك عائلة متفكرتي عندك حباب و من الفوق جايبها قاورية معارفا لآصلها لمفصلها ( و ضارت مشات و خلاتو بلامتخلي ليه الفرصة باش يدوي )
جويلا(بلغة أجنبية) :مال ماماك واش مبغاتنيش .
زوهير( بنفس اللغة) : لا را غي تقلقات حيت مقلتش ليها قبل أنني تزوجت .
جويلا : كي بان ليا أنه خاصني نمشي نجلس في الشقة بينما قاديتي الأمور ديالك .
زوهير :لا أتبقاي معايا هنا حتى تولفك الوليدة .
جويلا : واخة