صــدفة الحــب

كل حَدَثٍ يَحْدُثُ في حيَاتكَ سَوَاءَ كَانَ جَيدا أو سيءا فكليهما درس لك 😚

{⚠️ممنوع الإقتباص أو إعادةنشر القصة أوجزء من أحداثها ⚠️⁉}

• يلة سمية بغات تنطق و هي تنوض صونيا تبدل حوايجها و خلاتها تتفكر و في لخر إستسلمات الأمر الواقع و مشات تتقلب على حوايجها ما تلبس ، خرجو و ضحكو و نشطو شوية و هي تحبس سمية و حبسات دنيا كاملة تخلات سعيد واقف في طرف تاني ديال شانطي و شاد شي موس و كيقول شي كلمات كاع ممفهومين طاحت سمية في الأرض و بغات تتغوت و تتمرغ في الأرض و صونيا تتهدن فيها و كتبكي و سمية كتشير على الفراغ و كتقول را هو جاي كيجري ضورات راسها لقاتو دا الخيال موراها ناس كاملين تجعو عليهم سمية تنترات من صونيا هاربة من داك الخيال و صونيا تابعاها باش تشدها حتى جات واحد الطومابيل بواحد سرعة إلا أن تسمع واحد الفران مجهد و غوتة ديال صونيا ملي شافت خالتها طاحت في الأرض.
صونيا :خالتييييييييييي.
•هبط مول الطوموبيل شاد في راسو مشا كيشوف في المرا لي طايحا مشات صونيا كتجري نوضات خالتها واحد شوية و تكاتها على ركابيها و بقات كضرب ليها في وجهها بشوية باش تفيق ولكن والو صونسا كتبكي و نوح دنيا كلها عمرات بناس.
صونيا [ و هي كتغوت ]: عيطو الإسعاف واش انتوما باغين غير تفوجو و من بعد تقولو البراكا في راسك و تمشيو حست ماشي انتوما لي غضرو عيطو عفاكم الإسعاف.
• أما مول الطوموبيل لي باقا شاداه الصدمة معرف ميدير مشا عند صونيا .
****:أختي را إلى بقينا هنا غدي يفوت الفوت و مغنلقاو منعتقو يلة نركبوها في طوموبيل ديالي و نديها بزربة السبيطار.
صونيا : اه اه بصح عندك صح عفاك هزها معايا.
• هزوها و مشاو نيشان الكلينيك هازها داك الولد و كيدور بيها صونيا غادا كتجري و كتقلب على شي طبيب تخبطات مع شي واحد ولكن مداتهاش فيه و زادت تلفت داك الشخص في صونسا و زفر زفرة غضب و إشمئزاز.
**** : أهيا أختي واش مكتشوفيش ولا شنو.
•صونيا لي مداتهاش فيه حيت أصلا مكتسمع والو دنيا عندها كلها ساقلا ودنيها مسدودين إستعاذ داك الشخص بالله و مشا ، أما هي لي لقات واخد الفرملية ومشات عندندها كتجري.
صونيا [و هي كتبكي ] : أختي عفاك عتقيني را خالتي غتموت.
الفرملية : شنو واقع ليها و فيناهي.
صونيا : را ضرباتها طومابيل عفاك عتقيها تبعيني را خليتها مزال في الباب.
• تبعاتها الفرميلة التما و حطو سمية في البياص و داوها المستعجلات كان راسها كيسيل بالدم و مغيبةصونيا مقدراتش تعيط على جداتها و مبغاتش تخلعها .
[ بعد ساعة ]
• خرجات الطبيبة من الغرفة ذيال المستعجلات وقفات صونيا و مول الطوموبيل مشاو عندها.
صونيا: عفاك أدكتورة قولي ليا شنو ظاري الخالتي و كي بقات.
الطبيبة : صاراحا يمكن كاينا شي حجا ولكن حتى نتأكدو منقدر نقول ليكم والو دابا غسر دعيو معاها و الله يجيب الشفاء . [ مشات و خلات صونيا حايرا معارفا مدير كتلوم راسها حيت هي لي خرحات خالتها من دار و كون مخرجاتهاش مكان غيوقع والو من هادشي ، سعدية تا هي لي عيات بتعياظ ولكن صونسا مقدراتش تجاوب أش غتقوليها خرجنا فرحانين تا صدقنا فس صبيطار]
• خرجو سمية من المستعجلات و كانت ياقا مغيبة ناضت عندها صونيا و شذات ليها في إيديها.
صونيا [ دموعها شلال ]: سمحي ليا أخالتي سمحي ليا و الله مكان قصدي يظرا هادشي [ طلعات راسها عند الفراملية لي جارين البياص ] فين غادين بيها دابا.
الفرملي: غادين بيها الغرفة الأشعة و عفاك ألالا متقدريش تمشي معانا كثر تقدري تسناي هنايا.
• صونيا دنيا ضارت بيها باش سمعات غيديرو ليها الأشعة و خاصة تفكرات ديك الضربة لي جاتها في راسها و خافت ليكونو ذوك شكوك لي في راسها بصح.
[بعد 45 دقيقة]
•جات واخد الفرملية و طليات من صونيا أنها تبعها البيرو ديال الطبيبة حيت بغاتها.
• [دق دق دق ] تسمع دقان في البيرو.
الطبيبة : تفضل [ دخلات صونيا طلعات فيها طبيبة عينيها و شيرت ليها باش تقلس] يمكن ليم تقلسي.
صونيا : قولي ليا أدكتورة واش خالتيغتموت شنو لقيتو عندها واش شي حجا خطيرة.
طبيبة: للأسف المريضة تعرضات الضرية خطيرة في رأس ديالها و هادشي أدى للإصابة بشلل في القدمين و صاقين و لبغات تشافا خاصهت ضروري عملية زائد ترويد لي غتخضع ليه ورا العملية.
صونيا : و بشحال غتقام هاد العملية كاملا و هاذشي كامل.
الطبيبة: مبقاتش في تكاليف ولكن نوع ديال بحال هاد العمليات مكتجراوش في المغرب حيت ممتوفرينش الأدوات الازمة و بهاذا خاصها ضاروري تسافر البرا أما تكاليف فَ را كيكوني ما بين 15 تال 20 مليون و هادشي محسبتش حتى تكاليف ديال السفر و الإقامة.
صونيا [بصوت خافت ]: 20 مليون يا ربي عاوني ياربي منين غنحيبها يا ربي.
الطبيبة : نقدرو نحطوها في لائحة الإنتضار لعلا و عسا يجي شي محسن و يقوم بتكالسف العملية.
صونيا : و شحال كياخد هادشي ديال الوقت.
الطبيبة: على حساب تا يكون شي محسن أما المريضة فراه خاصها تبقا عندنا تالغدا عاد سمكن ليها تخرح .
• ناضت صونيا من الكورسي و خرجات بلا متجاوب الطبيبة، شافت حياة خالتها ضاعت كتشوف أنه في رمشة عين كلشي تقلب رأس على عقب، مشات عيطات على سعدية و عاودات ليها كلشي , تصدمات شافت بناتها ضاعو وحدة تحت طراب و وحدة تشلات المصائب كيطيحو عليهم كي الشتاء، قررات سعدية تمشي عند بنتها السبيطار ذخلات شافت بنتها في شومبر بنيتها لي ولات حالتها مسكينا قالو ليهم في سبيطار بلي خاصها تبقا شي 3 يام عاد باش تخرج باش يزيدو يطمنو عليها كتر.
[بعد مرور ثلاث ايام لي دازت طويلة بين صونيا لي خاصها كل نهار تفيق بكري بش تبقا مع خالتها تالعشية و عاد تمشي حيت سعدية قررات هي لي تبقا تبات معاها , رجعو الدار غير هي بزاف ديال الحوايج لي تبدلو و لي هما انه سمية لي خرجات ماشية على رجليها و ضاحكة رجعات زحافة و مضيومة ]
صونيا[موجهة هضرتها الخالتها ]:خالتي واش محتاجة شي حجا .
سمية [مضورة راسها مقادرا تشوف في وجه تا حد]: لا ممحتاجة والو ولكن واش يمكن ليك تخرجي وتخليني بوحدي عفاك.
صونيا :ولكن......