صــدفة الحــب

ما بها هذه الأحلام تتلاشى كما تتلاشى الغيوم في السماء بعد المطر✨

{🚫ممنوع الإقتباص أو إعادةنشر القصة أوجزء من أحداثها 🚫⁉}

•رعد لي غير سمع الهضرة ديالنا حل الباب و خرج بلا ميجاوبها ، أما صونيا سيدات الباب و نكات عليه و بدات كتبكي بلا متشعر كتحس بأنه أي خطوة كتبغي ديرها الماضي ديالها كيحبسها معرفاتش واش بصح الماضي ولا هي لي داخلي الماضي يتحكم فيها سمعات خالتها كتعيط.
صونيا(مسجات دموعها بزربة):هانا جاية.
•مشات صونيا جيهت الصالة فين كانو گالسين حتى كتصدم  كتلقا خالتها طاحت ، مشات متجري كتهز فيها .
صونيا(بخوف): مالها شنو طرا ليها .
سعدية: معرفتش أبنتي كانت كتحاول تنوض ولا منعرف شنو تا طاحت .
•هزاتها صونيا و هطاتها في سداري .
صونيا:مالك أخالتي شنو طرا ليك .
سمية:كنت بغيت غير نشوف واش نقدر نوصل ولا لا واخة غير شوية .
صونيا: أنت عارفا أخالتي إلى مدرتيش العملية متقدريش تنوضي .
سمية : بغيت نمشي البيتي .
•حطوها في الكروسة ديالها و داوها السرير ديالها فين نكات و قالت ليهم خرجوا و خليوني بوحدي خرجوا و  و هوما كلهم اسف على الحالة ديالها .
" تسريع الأحداث ''
• في صباح فاقت صونيا و لبسات الحوايج ديالها يلة خرجات كتلقى السيارة ديال رعد في الانتظار دارت راسها ماشافتوش و كلمات طريقها بلا متلفت ليه حتى سمعاتو كيطوط عليها ولكن مضارتش هبط كيجري عندها شدها من المعصم ديالها .
صونيا (نترات منو): طلق مني شبغيتي .
رعد (و هو حاط عينيه في عينيها): بغيتك أنت .
صونيا(وهي متجاهلة الهضرة ديالو): الخدمة غنوصل ليها في الوقت علاش جاي ليا حتى لهنايا .
رعد:منبغيش الموضفين المهيمن لي عند يتعدبو  باش يوصلو الشركة .
صونيا(ضحكات بجنب):مالي أنا شكيت عليك قلت ليك كنتعدب باش نوصل ومن الفوق نفضل نركب في طوبيس و زحام ولا نركب مع...
•قبل متكامل الخضرة ديالها هزها في كتفو و هي كضرب ليه في ضهرو باش يهبطها ، حطها في الكرسي القدامي و دار ليها صمطة و تقابلو عويناتهم .
رعد ( و هو غارق في تفاصيل عينيها): قلت ليك بقايا تسمعي الهضرة.@
صونيا(حنات راسها بملامح ممفهوماش ): آخر مرة تجي عندي لهنايا نقدر نجي بوحدي.
رعد : يكون خير .
•ركب ليها صمطة و مشا البلاصة د شيفور و توجهوا الشركة بجوج غير دخلو كلشي ولا كيدوي كيفاش صونيا كانت مقدمة الإستقالة ديالها و اليوم جاية و في نفس الوقت لي جرا فيه رعد و راكبة معاه من الفوق كلشي كيدوي و كيتمتم .
رعد(بتخنزيرتو المعهودة موجه هضرتو الصونيا): قهوتي كيف ديما.
صونيا :واخة موسيو .
•مشات صونيا و هي غادة في طريق و كتعيب فيه صيبات ليه ديك القهوة و حطاتها ليه في البيرو و هي متجاهلة انها تشوف ليه في عينيه ، هزها و داقها .
رعد(بعينين باردين ما فيهم تا تعبير):باردة بدليها.
صونيا: ولكن را  باقي طالع منها دخان كيفاش بردات .
رعد: بلا زيادة في الهضرة.
صونيا(استغفرات الله في نفسها و مشات ) : واخة موسيو .
•مشات تاني و حطاتها ليه و غي داقها و هو يعبس وجهو .
رعد:مال هاد القهوة  محروقة بدلها دغيا بدليها .
صونيا (هزاتها و شربات منها و حطاتها):  ممحروقاش كاع  ولكن لبغيتي نبدلها نبدلها .
رعد(شاف بلي الكاس ديالها بقا فيه العكر ديالها ): لا خلي هاد الكاس و جيبي وحد اخر .
صونيا: واخة موسيو .
•رعد شرب ديك القهوة دفعة وحدة و هز داك الكاس و حطو في واحد المجر و سد عليه بساروت جات صونيا مبقاتش الكاس و صافي قالت ماشي سوقها و حطاتو القهوة و الحمد الله هاد المرة معلقش عليها ، دوزات داك النهار كلو و هو يدي فيها و يجيب باغي يعيبها بأي طريقة .
{وصلات 6 بدات صونيا كتجمع في صاكها }
رعد: غير بقايا مزال عندنا الخدمة ليوم غنخدمو على واحد  دوكيمو حيت غدا عندنا إجتماع مهم .
صونيا: ولكن هادا هو الحد الأقصى ديال الخدمة ديالي .
رعد : باش كتكون الخدمة ضروري ما نبقا كتر من الأحسن تعلمي ضار ديالكم .
صونيا: ولكن ...
رعد (مقاطعها): ملي تسالي جيبي شي دوسيات من عند إيناس باش نخدم عليهم (ضار كيشوف فيها) و بلا متزايدي معايا في الهضرة .
صونيا :واخة موسيو(مشات هزات تيليفونو و دوزات الخط العند جدتها) ألو مامي .
السعدية :نعام بنيتي .
صونيا: را اليوم منقدرش نجي بكري مزال عندي الخدمة صافي .
سعدية : وخة أبنيتي و هانا كل مرة أنبقا نعيط ليك باش نطمن عليك غا هي متعطليش بزاف واخة .
صونيا: واخة مامي يلة بسلامة .
السعدية :بسلامة مامي .
•قطعات الخط و مشات نيشان العند الموظفة إيناس لي لقاتهاتا هي كتجمع باش تمشي .
صونيا: إيناس واخة تعطيني دوك دوسيات .
إيناس :هادي أختي را عندكم الخدمة بزاااف ليوم را غدا غيجي واحد الشخص معروف بزاف و عندو شلا شركات و خاص شركة تبان في أحسن حلة باش يديرو معانا شراكة .
صونيا: الهاد درجة هاد الضيف مهم .
إيناس : و كتر كاع مهم نخليكم دابا أنا غنمشيو و الله يعاونك أختي .
صونيا : يعاونك ربي أختي إيناس .
•مشات صونيا حطات دوك دوسيات فوق البيرو ، جر رعد واحد الكرسي و شير ليها باش تجلس .
صونيا: أنمشي نجلس في البيرو ديالي و إلى حتاجيتي شي حجا عيط ليا .
رعد : زيدي تجلسي وبلا زيادة في الهضرة  تخدمي واش  يحساب ليك السكرتيرة كتجيب غير القهوة .
•زفرات بضيق و مشات جلسات و  هي تبعد الكرسي ديالها أما هو جرو و قاليها ها شنو غتخدمي .
صونيا: ولكن أنا مكنفهمش هادشي .
رعد :قربي لهنا تفهمك.
•فهمها و ملقا معاها تا مشكيل حيت عقلها خفيف بزاف ، من بعد ولات كتخدم كلشي هو هذاك على حقوق و طريقة و بلا حتى غلط  و جدارتها لي كل مرة كطمن عليها .
'' تسريع الأحداث ''
{ 10:30 ديال ليل }
•صونيا لي دارها نعاس فوق البيرو بقوة العياء حيد رعد من على و جهها شعر و بقا ساهي في الملامح ديالها حتى  سمعها كتهضر في نعاسها  .
صونيا (و هي ناعسا): مضربش ماما بعد مني بعد مني  (حتى كتفيق و هي كتغوت )اااااا بعد مني .
رعد (عنقها العندو ): مكائن والو متخافيش أنا معاك أنا معاك هنا تا حجا مغتقيسك .
صونيا ( لي بحالا كانت محتاجة داك الحضن و هي كتبكي ): بغيت ماما توحشتها بزاف ( و هي غير مكتزيد في الوتيرة ديال بكاها ) .
رعد ( و هو كيزيد يضمها ليه ) : الله يرحمها إنشاء الله  نلقاوها في الجنة  را بحال هكا غير كتعدبيها ( حيدها من الحضن ديالو و بدأ كيمسح ليها في دموعها) منبغيش نشوفك تاني كتبكي صافي .
صونيا (لي عاقت براسها): خخ..خاصني نمشي دابا تعطلت .
رعد:بلاتي أنوصلك .
صونيا (خرجات من الباب ) :بلا متعدب راسك أنمشي بوحدي .
•خرجات صونيا كتزب الباب ديال الشركة متقلب على كاكسي تا كتسمع شي خطوات تابعينها من لور ، بدات هاربا و هذوك الخطوات غا مكيزربز جيهتها تا گراطاها واحد من يدها .
****: يا غتحطي داكشي لي عندك يا غنخصر ختي .
صونيا ( بخوف ):هود لي بغيتي غير متآدينش أ خويا عفاك .
****: هااا و أنا هاد ساعة بغيتك أنت .
صونيا: عفاك أخوييا ...
•قبل متكمل هضرتها  حسان بلي شي حد جرو من عليها ضارت كنشوف تا كتيبات ليها رعد متكي عليه كيعطيه في العصا أما هي فشلو عليها ركابيها و طاحت في الأرض سخفانة ، شافها رعد طلق من هذاك لي غير شافو ناض و هو يعلق مشا متاحه ليها كيجري هزها و بدأ كيضرب ليها في وجهها باش تفيق و والو ، بغا يعيط الحداتها ولكن هو عارف أنه مكتبغسش تخلعهم عليها هزها و حطها في طوموبيل .
"بعد فترة "
•حلات صونيا عينيها بتقالة و هي معارفاش راسها فين بدات كضور راسها و هي معارفاش الغرفة لي هي فيها خرجات من الغرفة و هبطات من دروج تا كيبان ليها رعد في الكوزينة .
صونيا: علاش مديتينيش الدارنا و علاش أنا هنايا و أنا فين  .
رعد : مديتكش الداركم حيت عارف بيلي إلى ديتك غير غيتخلعو عليك .
صونيا : اه بصح ولكن واش طمنتيهم عليا .
رعد : اه را قلت ليهم بلي خاص تقاد تا شي ديكور و را متقدرش تجي تالصباح و را جداتك قالت لي بلي ماشي موشكيل ملي غير معاك و را قلت ليها أنا ولد شكون ورا عقلات عليا و قالت لي بغات تمشي تشو دف ماما .
صونيا : اه واخة , أنمشي دابة  نيت باش يلة نبدل حوايجي .
رعد : معندناش الوقت و الحوائج راهم في البلاكار را ديال  بنت عمي لي كانت ساكنة هنايا و راهم مزيانين  و فيهم لي باقي جديد و را بحال ستيل ديالك.
صونيا: دغيا غنرجع من دار .
رعد: معندناش الوقت أجي فطري و سيري بدلي .
صونيا : واخة موسيو .
•جلسو كيفطرو بهدوء تام حتى ناضت صونيا تبدل حوايجها ، سلات و نزلات لبسات واحد الإونصوبل في الكحل.

•هو لي ملي طلع راسو و شافها كيفاش مازلت و كيفاش كتحيد شعرها لي عينيها بلا ميحس نطق ......

{و هنا نقدرو نقولو اننا سلينا هاد الجزء نتمنا يكون نال الإعجاب ديالكم الكبيدات نشاء الله عن قريب نلوح ليكم الجزء  الحادي عشر لي غيوقعو فيه يزاف ديال الأحداث شنو في نضركم غيطرا و شنو هما الأحداث لي غيوقعو هادشي كامل غنعرفوه في الجزء لي مورا هذا إنشاء الله 🦋🍃}
~|في أمان الله و حفظه تشاو تشاو🤗🌹|~
✍️ بقلم:kakitawa 🌺