الأسمــر(غربيب الروح)

البارت الثاني

ريبال 🦋.:
مزدحمه النوارس
شيب يدفع شيب
كلهه تريد گلبي
وگلبي يرفضها

الأسمـر (غربيب الروح)
بقلمي
          ريـــــــبــال

لاتنسون التصويت والتعليقات بين الفقرات
قراءه ممتعـه♥. 

__________

ٕ
ماعرف شصار بعدين ولاحسيت بالوقت الي مر، بس اسمع صوت اختي تحجي واحس بكل حرف تحجي

نبأ:- اكعد حبيبي يمه ياروحي عمت عيني والله تعبت أسمـر اكعد اني خايفه وين اروح اخوي الي نايم صار يومين لو ابوي الي مااعرف عنه شي اكعد حبيبي ولا مره احتاجيتك وماالكاك وهسه محتاجتك وانت نايم اكعد اوكف عله حيلك شوف شسوو بينه بعده ابوي مارايح واستغلو غيابه واذونه اكعد حبيبي كوم ياسندي، ترجع اختك والدمعه بعيونها ولامره اجيتك ورديتني ولامره رفضتلي طلب اكعد ولك ذلونه بهل يومين

ضغطت عله نفسي وكوه فتحت عيوني وطلع صوتي بهمس

أسمـر:- يخسه الي يذلج واني اشتم الهوى

فتحت عيونها بصدمه وبچت حيل حضت وجهي بين اديها وتصيح

نبأ:- عرفتك متردني ادري بيك سبع انت اخوي مو صغير ولاطفل حبيبي انت ياروحي

كامت من يمي تصيح

نبأ:- مااامااا تعالي شوفي كعد والله كعد

فاتت امي تباوعلي والكسره مبينه بعيونها

ثُرى:- الحمدلله على السلامة شمحتاج اسويلك اكل جوعان

تحجي وياي ومدنكه راسهة ماتخلي عينهة بعيني

أسمـر:- ارفعي راسج ماما وحقج اكسرهم واسوي الي مامسوي يهودي لاتنزلين راسج

انفتح الباب وفاتت مره عمي تضحك

صبا:- ههههه شتكدر شتسوي ولك

فتحت عيوني مصدوم من ضحكتهة ومن عمي الي واكف بصفها ويضحك نفس الضحكه  ، لتفتت عله نبأ مصدوم مامصدك الي جاي اشوفه

أسمـر:- شبيهم هذول؟؟

نبأ:- ذلونه ويشمتون بينه وبس يذبون كلام سم

أسمـر:- صدك؟؟؟؟

دنكت راسها بدون ماترد التفتت عليهم ورجعت اباوع عليها وعله الدمعه الي تلالي بعيونها

أسمـر:- ليش ماكتلتيها وطيحتي حضها شنو ناقص عندج ايد رجل كومي اكتليها وتعالي يله

ثُرى:- لا فدوه اروحلكم بدون مشاكل والله اخاف عليكم كافي فدوه لخاطري

تحجي وتبوس بشعري واني عيني مركزه عله عمي لو بيدي اذبحه، لزمت ايدي بين اديها وتحجي وياي عله كيف همس وصوتها كله خوف

ثُرى:- باوعلي حبيبي بس اسمعني يولون فدوه الخاطري لاتسوون مشاكل اذا تحبني وتعزني غلس جنك ماسمعت خليهم وحدهم يحجون حبيبي شو باوعلي ركز وياي أسمـر يولون