الأسمــر(غربيب الروح)

البارت العاشـر

آنة جرِيتك نَفس گوة إِعلة ريتِي
وهسة حِيرة منين ما أَهَدك أَموت

الأسمـر (غربيب الروح)
بقلمي
         ريـــــــــــبــال

لاتنسون التصويت والتعليقات بين الفقرات

قراءه ممتعـه♥.

________________________________________

ٕ

ٕ
أسمـر::   طلعت اتمشه وادخن بين الدايخ والتعبان مريت من يم مزرعه سمعت صوت خيل ماعرف ليش ضليت واكف واباوع عله رجال چبير يلعب بيهم وفرس بيضه شعرها طويل كلش حلوه يمه صافن وفززني صوت عالي

- دلهممم

ابتسمت واني اباوع عبالي بنته طلع الفرس اسمها دلهم، اجته تركض وتصهل وهو يضحك وهيه تفتر عليه، بقيت منتبه ومركز وياهم وكعدت بمكاني عله طابوكه وهو يوكلهم ويلعبهم، واني كاعد اتصل جهازي 

أسمـر:- ها علاوي

علــي:- شلون صرت

أسمـر:- هه المهم عايش

علــي:- وين انت

أسمـر:- طالع

علــي:- اي وين

أسمـر:-  مقابيل المزرعه مال ابو حسن

علــي:-  ههههههه شعندك هناك ولك هذا ميقبل

أسمـر:-  شمسوي قابل مختصبهن جاي اباوع

علــي:- ههههههههههه تحب الخيل

أسمـر:- هواي

علــي:- ديله تعال يمعود منتظرك كتلني الجوع

أسمـر:- مااجي اكل الف عافيه

علــي:-  خوش الله وياك 

أسمـر:-  شنو

علــي:-  استودعتك الله

أسمـر:-  هه عفيه

سديت الخط بقيت صافن والرجال راح واني بقيت عله كعدتي وادخن الافكار متروح من بالي والتفكير اخذ حيلي صارت الساعه بـ6 يله رحت للبيت

ومشت الايام وصارت هاي المزرعه جزء من يومي بمرور الايام ضليت العب دلهم من بعيد مرات الرجال يعوفهم وهيه تجي يمي واني العبها من وره الشبك

مرت شهرين تقريباً اني اجي اسهر بباب المزرعه وافكر افوت بس ابو حسن كلها تعرفه مستحيل احد يفوت او يوصل المزرعه وخاصه الخيول ميقبل، هو مو خبيث ماكو اطيب من كلبه بس يخاف عليهم من العيون لدرجه ميقبل حته احد يصورهم

بقيت ايام وايام واني اسهر يم دلهم ومن التعب اجي احجيلها هواي من بعيد واضحك عله نفسي هه

- هه تخبلت أسمـر تشكي الفرس وهو بعيد حته مايسمعك شجاي تسوي بروحك وين ضعت وين وصلت ليش هيج اني نقطه من بحر ضاعت بنص صحراء