الأسمــر(غربيب الروح)

البارت الواحد والعشرون

وهاي عادات السنابل
من يحل وكت الحصاد
براحة للمنجل تمد ارگابها ..

الأسمــر (غربيب الروح)
بقلمي
         ريـــــــــبــال

لاتنسون التصويت والتعليقات بين الفقرات

قراءه ممتعه♥.

________________________________________

ٕ

ٕ
تقربت سنا خلت بيده الفيديو وهو بس صافن وكع بالكاع ويعيد بي بدون اي حركه

علــي:- لا أسمـر لا ولج شسويتيييي

صافن بالفيديو ونزلن دموعه علــي صار كباله يريد يحجي ويا وهو فاصل

أسمـر:- هههههه علــي اني السبب اني من وراي

علــي:- لا مو انت حادث صار رادو يكسرونك وكسروك لاتضعف

أسمـر:- هه يروح أبوج ونضر عينه بويه منار هدمتي حيلي بوووويه

بقه بس يباوع ويحجي وياها، ضل يضرب عله وجهة بثنين اديه حيل ويصيح

أسمـر:- ولكككك انيييييي بسببي اني السبب علــيييي انييييييي

علــي:- انچبببب مو انت مو انت

تقرب عليه حضنه حيل حته مايضرب نفسه

أسمـر:- انت مو متدين

علــي:- اي شهل سؤال

أسمـر:- رب العالمين مو كال
(وٌبًشُر آلَقُآتٌلَ بًآلَقُتٌلَ وٌلَوٌ بًعٌدٍ حًيَنِ)

علــي:- صح

أسمـر:- الزم سيوفي واكتلني

علــي:- شنو؟ تخبلت اكتلك شنو

أسمـر:- اني السبب موت بنتي اني كاتلها كوم كتلني انت مو متدين

علــي:- لا مو انت هذا حادث يله كوم لا تضعف الخاطر بنتك كوم

بدون مايحجي صعد بدل ونزل وكف كبال علــي

أسمـر:- امشي

علــي:- وين نولي

أسمـر:- للنجف

علــي:- شنسوي

أسمـر:- اشوفها مشتاقلها كوم علــي

طلعو والطريق كله صافن ماحجه حرف وصل يم كبرها يله حجه وكعد يحجي وياها

أسمـر:- ولج بويه اني سبب موتج

بقه كاعد ويحجي وياها كلشي ويشكيلها مثل الطفل الي يشتكي الأمه بقه بايت يم كبرها وثاني يوم رجعو الصبح،

نبأ:- هلا بيكم يله تعالو تريكو

أسمـر:- هذا ابو بطن يكيف

علــي:- مامرجيه منك

أسمـر:- دكعد اكعد

كعدو يتريكون وأسمـر يباوع عله باقر

أسمـر:- مره وحده بس مره فكر يعقلك ماتسخر شي جرب جرب وشوف