الأسمــر(غربيب الروح)

البارت الثامن عشر

مَن وَعيت وانه ضايعَ
مَاكو عِنوان اعتِنيله
ولاكو واحد دَكلي صَدره
وكلي ذب حَملك واشيله
بَيه حزن الناس كِلهه
وعَيني بالدَمعِه بخيله
وهَمي ما سَولفته لأحد
خاف يحسبني اشتكيله!

الأسمــر (غربيب الروح)
بقلمي
         ريـــــــــبــال

لاتنسون التصويت والتعليقات بين الفقرات

قراءه ممتعه♥.

_______________________________________

ٕ

ٕ
نبأ::  اختفه أسمـر ومحد يعرف عنه شي بس اني اتصل ومرات يجاوب مرات لا قررت ادزله رساله احجي بيها كلشي بلكي يرد عليه لو يرجع

شنو هاي؟ انت هيج تسوي بيه؟ ليش حبيبي منو يسوه تحرك گلبك عليه اني مو اختك وبنتك وينك حبيبي ارجع كافي تمام لاترجع بس جاوبني وروح البيتك لاتسوي هيج لاتخسر نفسك

اريدك ترجع سالم اني اتحملك بكل حالاتك انت مابيك شي اني مخبله وانت صاحي أسمـر شيل هاي من راسك شنو اني غلط شنو اني مخبل مابيك شي مابيك شي والله مابيك شي انت اصحه مني والله من اشوف رجفتك وهيج تحجي عله نفسك والله تطلع روحي

وين أسمـر؟ وين الي يوكف ويكول وين تلكون مني ابو كلب الحنين اني اروح فدوه الضحكتك ارجع مثل قبل والله اشتاقيت السوالفك ومن تضحك وتكلي، بابا نبأ شلونج لو من تكلي كومي سوي چاي لا اشك حلكج وتضحك وتشبكني وتبوس، راسي وتكلي اشاقه وياج بابا حبيبتي عزيزه روحـــي انتِ واني اضل ادلع عليك

والله افتقدتك انت مو بس اخوي لا انت ابوي وصديقي انت سندي ليش هيج تسوي يروحي ليش تضلم نفسك عيش حياتك هاي عندك اصدقائك يحبونك واني احبك واخوانك وامي هاي كلها مو بعينك ارجع الخاطرنه والله انت مابيك شي والله صاحي والله اني مخبله بس باوع الحياتك من غير جهة وشوف انت شكد ضالم

سديت الجهاز وصفنت

عمي يشتغل بس هاي الفتره ابد مو على بعضه خايفين بشكل فضيع ومحد يعرف ليش اجه عمي الثاني هو وعائلته وانجمعو بس كلهم خايفين

- ابو باقر محد يطلع من الي ورطتونه بي انت وابنك شنسوي هسه فهمني شنسوي

برهان:- محد يكدر يخلصنه غيره

- منو

برهان:- أسمـر هو يعرف كلشي ماينخاف عليه الوحيد الي يخلصنه

- وصخام وين نلكا هسه صار سنه ماشايفينه

ملك:- هاي تردون يساعدكم وتكولون صخام حطو الله بين عيونكم هسه وانت اذا مو كدها ليش تورط نفسك وتورطنا وياك تاخذ كلام ابنك؟ ثق بالله لو باقر ابني احركه

نبأ:- رجاءً اخوي البي مكفي لحد يورطه

برهان:- ماعدنه غيره