الأسمــر(غربيب الروح)

البارت الرابع

چا والنَاس ، والوهَواس
واثار البچي ونُوحَه !
ترى التعَبان مِن روحَه
ما أظن تُبرد جروحه .

ٕ
الأسمـر (غربيب الروح)
بقلمـي
        ريــــــــبـال

لاتنسون التصويت والتعليقات بين الفقرات
قراءه ممتعه ♥.

_______________________________________

ٕ

ٕ

ٕ

ٕ
نبأ:: طلع أسمـر وكسرتي صارت كسرتين، آخر شي سمعته من اخوي لاضمين عليه ولاتعوفين صلاتج، رحت اتوضيت والتعب ماخذ كل حيلي كعدت عله السجاده ادعي واشكي للي ماعندي غيره

- يارب ماعندي غيرك ربي ارحم بحالنه

ماكدرت احجي اكثر ودموعي ينزلن، خليت ايدي عله كلبي وصرت اردد بهدوء

- ربي إني اسألك إن تريح قلبي وفكري وإن تصرف عني شتات العقل والتفكير ربي إن في قلبي أموراً لايعرفها سواك فحققها إلي يا ارحم الراحمين كن معي في اصعب ظروفي وارني عجائب قدرتك في اصعب الأيام يارب

نمت من التعب وماادري شلون مشت حياتي بعد بين دوام وشغل، عمامي بطلو ميحجون مو كلش بس خففو لان يخافون من أسمـر، مشت عليه اخت المسودن المخبل والشيطان من يكولون هيج روحـــي تروح عمت عيني خويه ليش هيج الدنيا ضلمتك ليش هيج تعبت شنو ذنبك

عمتي استلمت اخواني بمكان الصياح والضرب صارت تقره بروسهم وتكرهم بـ أسمـر ودكللهم هذا اخوكم مل وعافكم هو مرتاح ومتونس وانتو هنا باقين وحدكم واخواني صدكو وبدو حته مايسألون عله أسمـر، وهو هم اختفه كلش مرات يتصل يسأل شلونج شلون دراستج ويسده

ملتمين بالصاله واتصل جهاز ماما باوعت عليهة ابتسمت وفتحت خط اجانه صوت أسمـر فزت روحـي ويا

أسمـر:- السلام عليكم يابه شلونهم روحـــي من الدنيا

تميم:- شترييد

انكطع صوت أسمـر شويه ورجع مبين الصدمه بصوته

أسمـر:- هـااا 

تميم:- شتريد

أسمـر:- شبيك حبيبي ليش معصب

تميم:- رجاءً رجاءً عوفنه بحالنه ابتعد مانريدك هيه كوه

بقيت صافنه والغصه بصدري مااكدر انطق عمتي تباوع مبتسمه وأسمـر صوته اختفه بس صوت نفسه عرفته يدخن شويه وجاوب

أسمـر:- هه خير إن شاءلله تدلل حبيبي 

نبأ:- مالك علاقه بي طفل

كمت اخذت الحهاز وكفخت تميم وصعدت الغرفتي احجي ويا بس شلون اقنعه

نبأ:- أسمـر حبيبي مالك علاقه لاضوج من كلامه والله طفل تزعل من تميم شنو