الأسمــر(غربيب الروح)

البارت الخامس عشر

حني اديك
اليوم كلش موش زين
يوجعني المدري شنهي ومدري وين

الأسمـر(غربيب الروح)
بقلمي
         ريـــــــــــبــال

لاتنسون التصويت والتعليقات بين الفقرات

قراءه ممتعه♥.

________________________________________

ٕ

ٕ
نبأ::  كعدت الصبح مخنوكه واحس اليوم مشؤوم وتفكيري كله بـ أسمـر

ثُرى:- مادري شبيه اليوم مخنوكه وكلبي ناغزني

سنا:- واني هم ماما احس راح يصير شي

ثُرى:- كومي صلي والله يدفع البلاء نبأ خابرتي اخوج

نبأ:- اي ماما كال عندي شغل

ثُرى:- إن شاءلله خير كومن لاتضلن كاعدات وتنحبن

سنا:- شنسوي

ثُرى:- ادرسي

سنا:- مالي خلك صدك مخنوكه

ثُرى:- طبعاً غير صار بيها كتاب كومي لااهفـچ

سنا:- مامااا

ثُرى:- تحركيييي

سنا:- خوش

طلعت من يمنه تنكت بروحها ودردم فريت ايدي وكعدت

ثُرى:- وانتِ

نبأ:- ها شكو

ثُرى:- شوكت ناويه ترجعين الدراستج

نبأ:- مادري ماما الله كريم

ثُرى:- والنعم بالله شريد اني بس اشوفكم مرتاحين

نبأ:- مرتاحين طول ما انتِ ويانه

ثُرى:- اي قشمري

نبأ:- ياا والله صدك

ثُرى:- يمه شوفيلي اخوج

نبأ:- والله كال عندي شغل

ثُرى:- ميخالف دكي عليه بلكي يجاوبج

اخذت الجهاز واتصلت عليه اكثر من مره وماكو

نبأ:- ميرد

ثُرى:- بحفظ الرحمن

أسمـر:: هل مره موجود قبل لاتروح للمدرسه مانمت وبقيت انتظرها مادري ليش شويه وطلعت تصيح

منار:- صباح الخير حبيبيييي

أسمـر:- صباح الخير ياخيري من الدنيا

تقربت عليه تبوس بي وواحد حاضن الثاني تكول هذا اخر لقاء بينهم وهو يبوس ركبتها وعيونها وشعرها بلهفه ويحجي

أسمـر:- بويه بويه بنيتي احبج بويه احببببج

منار:- اموت عليك بابا حبيبييييي

كعد يضحك وياها وهو توه راجع من الشغل ومبين تعبان

- كوم نام ارتاح