الأسمــر(غربيب الروح)

البارت الرابع عشر

واعيش بحسرتك هايـم
اشب نوبه بعذاب الروح
نوبه بلومة اللايم

الأسمــر (غربيب الروح)
بقلمي
ريــــــــــبــال

لاتنسون التصويت والتعليقات بين الفقرات

قراءه ممتعه♥.

_______________________________________

ٕ

ٕ

ٕ

منار: باااابااا

أسمـر:- ها بابا ها

جيتت عليه حضنتني حيل وجابت قراصه خلتهة بشعري

أسمـر:- ولج شنو هاي

منار:- عود انت صديقتي

أسمـر:- هههههههههه بويه اني صديقتج وابوج وامج واخوج وحبيبج وكلشي تردين اصيرلج يانور عيوني انتِ

منار:- هههههه حبك حبك اوكف

أسمـر:- وين

منار:- اطبخلك

أسمـر:- شطبخين

منار:- اصبغ بيك

راحت شويه ورجعت بيدها بس خبزه وماي

أسمـر:- ههههه بويه بويه بنيتي المعدله خوش طابخه

منار:- اكل

أسمـر:- صار الله شكد طيب عاشت ايدج بويه بعد لحد يطبخ

منار:- عافيه عااافيه

أسمـر:- انتِ العافيه

منار:- بابا

أسمـر:- روحه ونضر عينه انتِ

منار:- مو كلت آخذج

أسمـر:- شوكت

منار:- من اجيت كلت اخذج

أسمـر:- وين آخذج

منار:- للحصان

أسمـر:- كولي منار واخذج

منار:- عب عب بابا

أسمـر:- بكيفج اني رايح

أسمـر:- مناغ

أسمـر:- هه اروح فدوه يله بويه امشي

اخذتهة للمزرعه وكبل رحنه عله همام ودلهم وهيه تلعب بيهم وميته ضحك

منار:- حلووو بابا حلو

أسمـر:- منو بويه

منار:- هذا ابيض

أسمـر:- اي بويه

تقربت عله دلهم خليت راسي عله راسها واحجي وياها بهدوء

أسمـر:- دلهمي خليت همام بعيوني وانتبهت عليه وهاي بنتي خليها بعيونج لاتأذينها واذا متت احميها

منار:- هههههههههههههههههه

أسمـر:- شبيج بويه

منار:- انت مو كلت حيوانات تفتهم عله بعضها