الأسمــر(غربيب الروح)

البارت الخامس

الگاك وأفرح بِيك
وأفرَشلك گصايب سَود
وأشبگك شَبكة الچيلات للمِصيود

الأسمــر (غربيب الروح)
بقلمي
        ريــــــــبـال

لاتنسون التصويت والتعليقات بين الفقرات
قراءه ممتعه♥.

______________________________________
ٕ

ٕ

ٕ
نبأ:- مساعد بيت قمر من الحرامي

أسمـر:- قمر منو دخل اساعد نفسي نوب اساعد الناس

نبأ:- تره عرفتك من سلاحك والقصيده

أسمـر:-  ياقصيده بويه مامساعد احد

نبأ:- علي حكه بالحرب يتباها

ماكدر يسكت ابتسم وهز راسه

أسمـر:- كافي اسكتي

نبأ:- هالله شوف كشفتك

أسمـر:-  الي يسمعج مكتشفه الذره امشي ولي لا ادفرج

نبأ:- رايحين عيني رايحين

التفتت اريد اروح صاح وراي

أسمـر:-  صيحي سنا

لزمت كلبي بيدي لان عرفت يريد يسحب منها كلام

نبأ:-  شتريد منها

أسمـر:- اخطفها غير اختي شسوي بيها

نبأ:- عله كيفك عمي هسه اصيحها

صحتلها فاتت يمه واني بقيت واكفه اتسنط عليهم مااريد يحسون بيه واريد اعرف شيريد منها بقه يشاقه وياها ويسولف أمنت شويه توني اسحب نفس ودك جهازي وكع كلبي وسمعت ضحكه أسمـر وصاح

أسمـر:-  تعاي يابه تعاي

فتت يمه متفشله وهو وهاي يضحكون عليه

أسمـر:-  عبالج ماادري بيج موجوده

نبأ:- منين تدري

سنا:- صار ساعه نضحك عليج

نبأ:- يااا لاتجذبون دريتو من دك الجهاز

أسمـر:-  لا والله سنا روحـــي اوكفي بمكانها

راحت وكفت واني صافنه عليهم أشري عله المرايه وكال باوعي التفتت واشوفها طالعه بالمرايه فتحت عيوني بصدمه

نبأ:-  عزااااا

من الفشله عفتهم وطلعت اركض واسمع صوته يصيح وراي 

أسمـر:-  خبال خبااال عله كيفج لاتوكعين

صعدت فوك واتصلت عله قمر رأسن جاوبت صحت بوجها

قمر:-  حقيره بعد ولااحجي وياج

نبأ:- وعليكم السلام بس شبيج ليش متحجين