الأسمــر(غربيب الروح)

البارت الثامن والعشرون

اكض رگبة حمامة و اذبح السجين
بس كوّن الوكت ساعات يصفالي

الأسمــر (غربيب الروح)
بقلمي
         ريـــــــــبــال

لاتنسون التصويت والتعليقات بين الفقرات

قراءه ممتعه♥.

_________________________________________

ٕ

ٕ
ريس:- اكو شخص اسمه عمر سوه ويانه دكه اريد اخطف بنته

أسمـر:- ومن شوكت اني اخطف

ريس:- مو انت اني وحسن انت بس ارسم الخطه اذا ماسلبت شرف بنته كبال عينه اني مو الريسسس

أسمـر:- خير إن شاءلله

طلعت افكر شسوي اني هم عندي خوات وعرض مااكدر اخليهم يسوون بكيفهم واني اعرف الكلام چذب لان همه انكس خلق الله، فكرت وقررت واتصلت عليه

ريس:- ها أسمـر

أسمـر:- ريس انطيني العنوان خل اراقب البنيه حته اعرف شلون ارسم الخطه

ريس:- راح ادزه رساله

أسمـر:- تمام

سديت الاتصال ورجعت للبيت صرات بوجهي نبأ

نبأ:- هلا بـ أسمـري

أسمـر:- هلا بيج يابه

نبأ:- شنو براسك

أسمـر:- لا تركزين هواي

نبأ:- من دخن وتسحب نفس طويل اكو شي براسك جاي تفكر بي اعرفك اكثر من نفسي

أسمـر:- اي صح واني جيتج

نبأ:- هلا وميه هلا بيك

أسمـر:- نبأ خلي نفسج بمكاني

نبأ:-اي

أسمـر:- اذا خلوج بحيره تخطفين بنيه وتسلمينهة بيدج الناس تسلب شرفها وانت مو بيدج مجبوره شنو تسوين

نبأ:- زين ليش اخطفهة

أسمـر:- حته يسلبون شرفها كبال عين ابوها ويكتلونهم سوه

نبأ:- تكدر تخلصهة

أسمـر:- بحاله وحده

نبأ:- انت تخطفها

أسمـر:- بالضبط ولازم اخذها بيتي لان ماعليه عين

نبأ:- شلون راح تخلص من تخطفها

أسمـر:- يومين واني اتفق ويا ابوها

نبأ:- خويه اعراض العالم امانه بركبتك حته لو ماتعرفها ةذة شفت غلط وضلم لازم توكف بوجه الغلط لو كلف هذا الشي حياتك الامام الحسين (؏) ضحه بكلشي وهو يواجه الضلم وحده بكربلاء

أسمـر:- احطها بعيوني

نبأ:- ماتسوي شي غلط للبنيه

أسمـر:- نبأ اني عقلي براسي واعرف كما تدين تدان واني عندي خواتي اغله من روحي عليه شلون العب بعرض العالم من كل عقلج بويه