شفته ولا كنت داري بيوم اني بعشقه حبيته وانا قلبي عن الحب تايب

البارت الثامن

الـبـارت الـثـامـن

النفود
كانوا مجتمعين حول النار ويسولفون ويضحكون واصيل يشوي ومشعل يسوي الخبز
منصور: ياشباب مافيه فعاليات؟ 
مشاري: صرصور تراك اشغلتنا ! شوي وبعدين سو فعاليات ماتفهم؟
منصور: يارجال طفششششش انا لو ادري ماجيت اصلا، بتال تلعب معي؟
بتال اللي وجه باقي احمر من الحساسيه نطق: ايش نلعب
منصور: اي شي نركض نتهاوش اي شي
بتال: فيه لعبه خطييييره
ابتسم منصور: وشهي؟
بتال: تسكت إلين بكرا
منصور: تستهبل على راسي انت؟
بتال: ياخي انا ماعندي شي اسويه اتركني تراني مبتلش بحااالي !
وقف منصور: انتوا ماتستاهلوني ترا
انفجروا يضحكون عليه وهو رايح للنفود ويشوف الرمال مع القمر

ـــــــــــــــــــــــــــــــ

[ تعريف عن بيّان واهلها ]
ابو بيّان متوفي

ام بيّان: انسانه هاديه مره وكل همها عيالها ولا لها شغل بأحد

بيّان: دكتوره نفسيه وتحب مهنتها كثييير وجميله وانيقه
عمرها 25

تميم: اخو بيّان الصغير مسجون من 3 سنوات بـَقضية قتال وهو مايذكر شي لانه وقتها كان سكران
عمره 17

ـــــــــــــــــــــــــــــــ

بيت ام بيّان
كانت ام بيّان جالسه فالصاله وتقلب قنوات التلفزيون بملل
طلعت بيّان من المطبخ ومعها معكرونة بشاميل جلست وحطت لأمها فـَصحنها واعطتها
اخذته ام بيّان بأبتسامة ونطقت: كيف شغلك؟
ابتسمت بيّان: تمام مررره مرتاحه فيه
ام بيّان: عسى دوم ، ماشفتي محامي لأخوك؟
هزت راسها بـَالنفي: لا يمه للحين
ام بيّان: بيّان استعجلي مابقى على الجلسه الا كم شهر !
بيّان: ابشري يمه انا وصديقتي وجد قاعدين نشوف في شركات المحامه افضل محامي بس مالقينا احد
ام بيّان: ومنصور؟
ضحكت بيّان بأستهزاء: منصور؟ يمه هذا ترك المحاماه الجبان اصلا انا مدري كيف ابوي الله يرحمه اختاره يكون محامي لـَتميم !
تنهّدت ام بيّان: يابنتي حنا نتكلم في الحاضر ، اللي راح راح الله يرحم ابوك ويفك عوق اخوك ويسامح منصور
بيّان: الله ياخذ منصور، هو سبب موت ابوي هو !
ام بيّان: لا ماهو السبب ابوك مات من الله منصور ماله دخل !
بيّان: الا الا منصور السبب هو اللي قال لأبوي اني ضيعت الدليل والمحكمه حكمة على تميم بسجن إلين السن القانوني
الخواف خاف من اهل المقتول وخباء الدليل
ام بيّان: بس يابيّان بس ! يكفي التعب اللي فيني يكفي!
سكتت بيّان وهمست: أسفه
كملوا اكل بهدوء بدون اي كلمه

ـــــــــــــــــــــــــــــــ

جلس منصور وهو يقلب الرمال بيده ويفكر بحالته، لا وظيفه ولا فلوس ولا شي
قاطعه صوت جواله ورد وهو يشوف اسم اخته: هلا؟
اريام: شلونك منصور؟
منصور: بخير وشلونك وشلون امي؟
ابتسمت اريام: كلنا تمام، منصور عادي اطلب منك طلب؟
ابتسم: آمري؟
اريام: صديقتي انخطبت وابي اجيب لها هديه
يعني اذا معك فلوس؟
ابتسم بضيق ونطق: ابشري بحولها على حسابك
اريام: تمام يعطيك العافيه
سكر وهو متضايق مامعه الا 50 ريال وش تجيب هذي؟
حولها لها وتنهّد بضيق يمكن ماتكفي او يمكن هي تبي اكثر وهو ماعنده شي
ابوه متوفي وهو اللي متولي على امه واخته وقاعد عاطل بدون وضيفه وكل يوم يجيه عرض شركات المحامه بس يرفض
لكن وش يفيده الرفض؟ اهله يبون من يصرف عليهم
اريام في ثاني ثانوي صغيره وطلباتها كثير
وامه تسكت ولا تطلب منه شي الا نااادر
وهالشي مضايقه مره