معليش على القطاعه لكن الايام اللي فاتت كانت تعبانه بالزكمه ولا قدرت اكمل لكم لكن ان شاء الله الحين بنبتدي وبحاول قد ما اقدر انزل لكم كل يومين او ثلاثه اذا قدرت
تفاعلوا 🌷
الـبـارت الـخـامـس و الـثـلاثـون
بتال
كان جالس في المقلط ويناظر جواله ، جاء حمد وجلس عنده و هو يبي يتكلم لكن يتردد لأنه متعود يقول لأصيل كل شيء بداخله لكن بتال انسان غريب عليه
حمد شخص اذا حس بأي شيء داخله لازم يقوله اي شعور يحسه او اي نغزه يقولها لأصيل لكن اللي قدامه شبيه اصيل ومو اصيل وممكن ما يستر عليه ويفضحه بكل مكان هذا تفكيره
لاحظ بتال سهوته ونطق: شفيك ؟
ناظره حمد وصد يناظر الارضيه ونطق: بقولك شي
اعتدل بتال ونزل الجوال: قول
رفع حمد انظاره ومسح شنبه ينطق: بتقول لأحد ؟
استغرب بتال ونطق: لا
حمد: شرايك بالحب ؟
بتال ضحك بهدوء: حلو اذا كان مع الشخص الصح
حمد: بس ما اعرف اذا هي بعد تحبني نفس ما احبها
بتال: كلمتها ؟
هز حمد رأسه بـ لا ونطق بتال: كيف حبيتها ؟
حمد: شفتها بالغلط وخذت عقلي وقلبي
ابتسم بتال وهو كأنه عرفها ونطق: قول لها يابنت الناس انا احبك وابيك على سنة الله ورسوله ولا انت ما تبي تتزوج؟
حمد: الا ابي لكن اخاف ترفض
هز بتال رأسه: لالا مافيه شيء اسمه اخاف ترفض ، تقدم لها واخطبها من ابوها وشوف رأيه
سكت حمد وهو يناظر الارض ويفكر بكلام بتال وضحك بتال بشويش: سوتها مناهل وخذت عقل ولد عبدالله؟
رفع حمد رأسه بسرعه: هاه؟
انفجر بتال يضحك بأعلى صوت ونطق حمد: اصص
نطق بتال: والله انك خروف بس متى شفتها ؟
حمد ابتسم: وقت زواجك لما انا دخلت المطبخ وشفتها
ابتسم بتال: خفيف الله يصلحك
صد حمد ينسدح وينطق: صحني اذا وصل اصيل
ابتسم بتال وهو يناظر جواله ويرسل لأصيل وينه
ـــــــــــــــــــــــــــــــ
اصيل
وصلوا بيتهم ونزلوا وجلست تولين فالصاله بتعب وجاء اصيل يجلس جمبها ويشوف عيونها الذبلانه
اقتَرب يطبع قبلته على خدها وينطق: نامي واضح انك تعبانه
ناظرته تولين وفتح اصيل يديه وهو عارف ايش هالنظره وايش تعني
ابتسمت تولين وارتمت بحضنه واصيل يمسح على رأسه ويطبطب عليها وتولين مغمضه عيونها وماهي الا ثواني الا وغطت تولين بنوم عمييق
قام اصيل يشيلها وتوجه للغرفه وحطها على السرير وهو يلحفها ويبوس جبينها
وخر ودخل يتروش وينسدح جمبها ويحط المنبه على اذان المغرب بحكم انهم الحين الساعه 3 بعد صلاة العصر ، اغمض عيونها ونام بعمق منتظرين يومهم يبدأ بعد صوت هالمنبه
ـــــــــــــــــــــــــــــــ
صقر
كان جالس فالصالة ويشرب شاهي ويقلب قنوات التلفزيون بطفش و وليد جالس عنده ويناظر معه ويشرب شاهي بعد
جات ام صقر وجلست معهم ونطق صقر: شاهي ؟
ام صقر: لا مابي ، دقيت على اصيل ؟
صقر: اي قبل 10 دقايق وهو يقول انهم وصلوا وتعبانين بينامون
ام صقر: ينامون الحين؟ مو زين النوم بعد العصر
صقر: اي بس هم تعبانين لازم يرتاحون
سكتت ام صقر وهي تناظر وليد اللي يشرب البيالة ونطقت بضحك: حلو الشاهي؟
ابتسم وليد: الو ( حلو )
ضحك صقر: بيصير يشبهني كل يوم يشرب شاهي
ام صقر: يازينه بس
التفت صقر وهو ينزل الريموت: افاا؟ وانا؟
ضحكت ام صقر: تغار؟
صقر: معليش يمه لازم تقولين لي نفسه
ام صقر: المهم اسمع خلك من هالكلام ترا ام جميلة دقت علي وتقول انهم الليله عندهم عشاء وتبيني اجي
تنهّد صقر: حتى زوجها قالي وقال لعمي محمد نجي
ام صقر: بتروح؟
صقر: والله مدري
ام صقر: صقر انسى كل شيء انت الحين مرتبط بفجر وجميلة صارت ماضي وشيء راح
صقر: بشوف بشوف
ام صقر: مافي بشوف قرر بسرعه ترا مابقى شيء عالمغرب
صقر: عمي محمد بيروح صح ؟
ام صقر: اكيد اصلا عمك محمد صديق مقرب لعبدالرحمن اكيد بيروح
صقر: زين زين
ام صقر: يعني بتروح؟
صقر: ايه
ام صقر: زين صب شاهي
ضحك صقر: من ععيوني
اخذ البيالة وصب لأمه
أنت تقرأ
شفته ولا كنت داري بيوم اني بعشقه حبيته وانا قلبي عن الحب تايب
De Todoتحكي عن بطلنا اللي يطرده ابوه من البيت بسبب كلام زوجة ابوه عنه ويرجع في يوم من الايام ويصير محامي لأخوه ولا احد يعرفه..
